Kum 1990 chawhnu her khan MST Night Bus-in Shillong kan thleng thla a, Guwahati Rel Station atangin Zanlai-ah kan rel a chhuak chauh dawn a, hun kan ngah hle mai. P.B lamah duh ang lei zawhah Pokseh lamah Pu B.Thanmawiate chhung tlawh tum chuan ka chhuk a. An quarter ka zuk thlen chuan Pu B.Thanmawia zai ri chu ralah ka hre thei a. Pu Rokunga hla “ Hraite, I chun ve kha” lung kuai takin a lo sa a. Kan High School kal laia kan vawn thin kha min ti hrechhuak zawk a!
1.Hrinhniang hraichawi te I lo piang a,
Mi zawng laiah I riang hluan e ;
Mim ang I pianna chun ngei kha,
Rih tlangpui zamual a liam ta e.
2. A mi hraiten chunnu tang an bel,
Hlim leh muangten zan mu an chhing;
Hraite khawnge I chun ve kha,
Mahte’n laikhuma I lo zal le?
3. Zuapa sira’n maw a bei hle hle,
Thangril laian a lo harh a,
Nu hnuntui ngai a lo tap e,
Zua luaithli tui ang a lo hnam e.
4. Mahriak chuan chawi tlei ka zuam nem maw,
Chung khuannun min chawipui ve se;
Damte’n zan mu lo chhing ve I,
Tawnmangah tal nghilh ka nuam ve e.
5. Chun lo hian I thla a leng em ni?
Chung khuanun a hual zel ang che;
Thil tha pawm la, kawng dik zawh la,
A siam lian ngei ang che rual khumin.
6. Rual duh leh tlang zawng ka sawm vel e,
Rairah riang tan ka rawn ngen e;
Khawngaih thilpek rawn hlan ve la,
Van khian malsawmin a chhang ang che.
Tape record lar hma, Radio lar lai vel hre pha chuan P.S.Chawngthu-an “Hei hi All India Radio, Guwahati Shillong ani, tunah B.Thanmawia a lo zai anga ‘Leng dang dar ang a chhai an ti che’ tih hla a lo sa leh dawn a ni” a han tih kha chuan tawng phal a ni tawh lo. A tawng tawng chu fawkin fawk a ni mai, pen nen a hlasak kha an lo ziak chhuak thin.
Chatuan ram min pan san takah chuan a chanchin tlem a zawng hi thang leh tharte tan han tarlan ve hi ka bat niin ka hria a, kim chang lo takin kan tarlang ve the ang. A hrechiang zawkte cho chhuahna ni pah se. Hranghlui rimawi leh zai lama sul lo sutu, lenglawng leh lengzem hlate fel taka then hrangtu anihna hi kan hriatrengna ni se.
Pu B.Thanmawia hi kum 1935 May ni 2 khan Khuanghlum khuaah a lo piang a, a pa chu Pu Awichhinga a ni a, a nu chu Zaiaii a ni. Pianpui mipa pakhat leh hmeichhia pathum a nei a, chungte chu :- B.Lalchhingi, B.Darchhungi, B.Darkhuma leh B.Lalthanpuii te an ni.
Kum 1966 khan Zothansangi d/o Z.Chana, Kulikawn nen Chanmari Presby Kohhranah an innei a, fa pali an nei a, hlim taka an awmlaiin kum 1977 khan a nupui hian a boral san ta mai a. [NB: ‘Hraite khawnge I chun ve kha’ tih hla hi a duhna chhan hi ka ngaihbel vang emaw ni (?) a fate tan a sa thin niin ka hria] Nakin hnuah chuan Darthanpuii, Ramhlun Veng nen innei in fa pahnih an nei leh a ni. A fate hi an upat dan indawtin Zoherliana, Zoramthangi, Lalrorela, Lalhmangaihzuali, Lalrimtuii leh Vanlalchami te an ni.
Zirna lamah chuan Khuanghlumah Primary School a kal a. Serkawnah Middle School a zir thung. Pawl sarih leh pawl riat hi Lunglei High Schoolah kalin pawl kua leh pawl sawm hi Mizo High School, Aizawlah a zir a ni. Tichuan, Shillong leh Guwahati-ah College kalin Shillong atangin B.A a zir chhuak a ni.
Kum 1960-ah Staff Artist, A.I.R Guwahati-ah zawmin 1966-ah Transmission Executive-ah a kaisang a, kum 1975-ah Programme Executive-ah a kai leh a, kum 1978-ah Asst. Station Director-ah a kaisang leh a, kum 1983 khan Station Director-ah a kaisang a ni. Kum 1995 khan Selection Grade-ah hlan kai a niin India ram hmun hrang hrang Shillong, Kohima, Aizawl, Bagalpur, New Delhi leh Guwahati-ah te a awm kual hnuin North East-a hotu ber nihna Dy Director General hna chelh a Guwahati-a a awm laiin ni 31.5.1996 khan pensionin a chhuahsan ta a ni.
Sawrkar hna a thawh hma atang tawhin zai leh rimawi lam a ngaina em em a ni. Radio Artist hmasa pawl anih mai bakah Mizote tana sul sutu hmasa a ni. Radio programme pawimawh tak tak ‘Kut hnathawktute tan’ tih te, ‘In damtlang em?’ tih te, ‘Keimahni’ tih leh ‘Tha dun’ tih te hi a duan chhuah a ni. Sawi tawh ang khan ‘Lengzem’ leh ‘Lenglawng’ hla tih phuahtu a ni bawk.
Kum 1975 vel atang khan zunthlum natna hi a nei tan a, mahse buaipui em em a ngai lo. A pension hnu khan a zunthlum hian a mit a khawih tan ta a, a kal lamah kai zelin nitin dialysis vawi 3 a enkawl hial a lo ngai ta a. Dialysis pawh hi 26 December atang khan chhunzawm theih a nit a lova, ni 28.12.2003 dar 8:30 PM khan chatuan ram min pan san ta a ni.
Similar Posts:
- Sipai lehkhathawn
- AIR Aizawl to go FM
- Listen to your radio
- Aizawl leh Shillong/Guwahati inkara Maxi Cab Service chungchanga Joint Statement
- Update on John Schlitt
March 16th, 2012 at 6:07 am
Thingpui in pah in chhiar ang
Morning vek ule
Report this comment
March 16th, 2012 at 6:38 am
A va lunglenthlak ve le aw! All India Radio, GAUHATI … a la nih lai a nih ber zawk thin kha.
Naupan tet atanga a thih thlenga ka pa nena inkawm tlat, inthlah ngai lo an ni. A hun hnuhnung lama a rilru hah a bun-ruahna leh amah lo hnemtu thin chu a thianpa hi a ni.
Doc LB Sailo-a Pawl “Kohhran Thianghlim”-ho kha tum khat chu kawtthlerah uar uchuak tak mai hian thawm an rawn nei hlut mai a. Khuang ri a rang, lamho lah an vir hut hut mai a. In-shock an uar hleihluak lai kha a ni a. “En ve teh ang,” kan ti a. Ka pa hovin kan thlir a.
Lam mup mup zingah chuan Pu B. Thanmawia hi kan zuk hmu ta hlauh mai! Ani pawhin lam pahin a rawn thlek chho … ka pa a han hmu chiah ta kha … a ban a phar uar lehzual ta sauh va … keini lah kan nui char char mai a.
Kum tam an zinga tel zui ta lo khan, an nu Darpuii-te nen khan Pawl-chhuak atangin an rawn chhuak leh ta a …an nu hmasa Nu Sangteii kha a boral hma lu’ em a ni ber e!
ZAIAWI STUDIO pawh hi Pu B. Thanmawia nu leh pa AWIchhinga leh ZAIaii te hming phel ve ve remkhawma Pu B. Thanmawia nau Pu B. Darkhuma fate siam zui a lo ni ta a ni.
He POST hi ka pa (mi kam tlem)ka chhiartir ve dawn lo. A chhiar vaih chuan ani thu sawi zen zen ngai lo pawhin a thianpa chanchin hi sawi belh tur a ngah ve dawn si.
Report this comment
March 16th, 2012 at 7:16 am
Good morning vek u. Tukin zing chu zing thawl ah lung a leng alawm le. Ruih ruih mai a…
Report this comment
March 16th, 2012 at 7:22 am
morning… Ruih mai a…
Report this comment
March 16th, 2012 at 7:45 am
A tho hma pawl chu ka nih ve tho hi a
Report this comment
March 16th, 2012 at 7:46 am
Ava bengvarthlak ve aw, hriatngai loh tha tha kan hriatbelh leh ta, “Hraite khawnge i chùn ve kha?” tih hla hi kan naupanlaiin Hnuchham puala Carol naah ka nu hovin nuhoin an sa thin a, ka rilru a khawih khawp mai.
Report this comment
March 16th, 2012 at 8:53 am
Report this comment
March 16th, 2012 at 9:49 am
A bengvarthlak e,kei, ka lo hre ngai pek hleinem.
Report this comment
March 16th, 2012 at 10:12 am
Very Information Technology….oh! Post BVT tak a ni e.
Report this comment
March 16th, 2012 at 10:34 am
Pu B-a kha kawng tam takah belhchian dawl zet mai a ni (mi tam takin Pu B-a kan ti mai thin). Mizo zingah radio broadcasting lama sulsutu pawimawh tak a ni. Mize zawi chi, thawm na vak lo kha a nia, hriat loh theih tak tur chu a ni.
(Mizoramah hian media dang a lo awm ve tak nual hnu hian radio-in hmun a chang ta meuh lo a, sap ramah te hi chuan an la dah pawimawh fu an ti. Hla/music ngaihthlakna bakah motor khalh thin tan chuan traffic information atan te hian a tangkai riau reng a ni awm e).
Report this comment
March 16th, 2012 at 12:11 pm
Kum 1990 chawhnu her..ka duh tawh tawh lutuk!
Ka lo hrengai miah lo he pa hi.
Report this comment
March 16th, 2012 at 12:49 pm
Ka lo hre ngai lo a ni e.
Good post.
Report this comment
March 16th, 2012 at 1:15 pm
He hla hi kan zir ve hman tlat mai.
Kan naupan tet zual lai chuan kan veng a Radio nei chhun kan ni a hla thlan dawn zan te chuan tleirawl leh naupang lian zual tawh te an rawn len a an ngaithla thap thin.
U R.Vanlalruati te rual te kha an lo leng thin hei hi all india radio shilong ghty a ni
Ghty Radio station hmun kha kum 1987 khan Ghty Mizo kohran sum tuak nan hnatlang in kan sam fai pu Singson director a nih lai in. tlaiah bawngsa leh a lu kan kan hmeh lungleng thlak ve tho mai a
Report this comment
March 16th, 2012 at 8:36 pm
Hei ka post a lo chhuak e lo
Ka la zo lo deuhva, youtube-ah a hla ka upload ang chu ka ti deuh va. A lo chhuak ringawt mai!!
Lenglawng leh Lengzem hi a awmzia misual jr. deuhten kan hriat loh takin Love Song hi Lengzem Hla tih a ni a, A dang zawng Gospel Song ni lo ho hi Lenglawng Hla tih a ni. Pu B-a leh Pu P.S.Chongthu te siam niin ka hria.
Report this comment
March 16th, 2012 at 8:37 pm
Ka post ka vil hman lova min hrethiam dawn nia.
Report this comment
March 16th, 2012 at 8:44 pm
Pu B-a hla hi mp3 format-in radio a mi tlem chu ka nei, a duh chuan in email min rawn hrilh ula, ka rawn thawn ang che u.
Report this comment
March 16th, 2012 at 10:56 pm
He hla leh Vankhama hla enge a tha i tih zawk, a chhan tih zawhna kha hslc zawhna kal ngei ngei thin kha a nia, ka lung a leng deuh roh!
Pu B Thanmawia sawi chuan PK Singson a tel ve zel thin. Lung an ti leng.
A hla MP3 format chu ka duh e thanpara@gmail.com
Report this comment
November 7th, 2012 at 12:42 am
Pu B.Thanmawia hi Pu B-a in tih hi ka pa a nia a .A chanchin ropui taka in lo ziah hi kan unau leh chhungkua in kan lawm tak zet a ni. In han hriat belh atan SPI zaithiam ka pa B.Thanmawia nau B.Darkhuma fanu a ni a.
Zai lam ah hiam kan chungkua hi kan tui hle a ni.
Report this comment