( Khawnge tun tum chu, mifel leh tumruh zawkte cho chhuah nan, ka nunkawng zawh tlem te kan tarlang te’ng. Khawngaih takin mahni infak tumnaah min ngaihsak lo hram ula; kan tawnhriat theuh i sawi liam liam ang u hmiang.)
Khawpui High Sikulah ka kal
Thingtlang mawngpingah pawh khaw daifema piang leh seilian ka ni. Kan chhungkua hian chhuan tur leh chapopui tur engmah kan nei law, kan nung ve tawk tawk a ni ber. Khuanu malsawmna zarah pawl sarih ka pass ve tak si ah chuan, High Sikul kal turin Lunglei khawpuiah, ka u nen inluaha kan khawsa dun ve naw naw a. Chhungte ngaiin lung a van leng thin tak.
Rs 200 man in kan luah
Kan in luah kha kan chhungkaw budget atan chuan a sang viau tho mai, mahse thingtlang naupang khawsak nan chuan a tawk ve viau tho. A lawilen lah a rem em em lo lehnghal; inneitu te bathlar ah luh ket ket a ngai a. Lei chhuat niin, a pawng leh khuar a awm thluah bawk. A luah man a tlawm na’ngin, pawisa faiin in luah man kan pe ngailo. In neitute huanah Ka pa a inhlawh thin a, a ni hnih hlawh kan ring mai thin.
Eirawngbawl nan mei chhem phal a ni lo, thingtlang naupang tan harsatna a intan nghal. Tin heti hi a ni a, chawlhkar khat kan luah hnu chuan, min luahpuitu te zanah an che tan. Zing kan han tho chu, an duhna berah kua lo hreuhin leivung an lo chhek vum thur a! A theih ang anga sazu kaw hreuh kan hnawh hnu ah, a lenglo lei vung chu kan paih mai thin.
Fur laia eirawngbawl ber kher kha
Inchhungah mei kan chhem thei lo, kah alh tur lah kan nei zo si lo. Pawnah meichhemna inte kan nei a. Khua a that chuan eirawngbawl a har lem lo. Chaw chhum, alu kan leh dal hang chum a ni mai a. Mahse, ruah sur hnuaia alu-kan vil kha a ninawm ve thin khawp mai.
Ka nin leh ber thin chu, tlai sikul bana buhthlei sa awm lo, vaibuh thlei chawp kha. Tin, Inrinnia inchung nula te buhthleipui a, buhfai bag khat buhhum ka thenfaipui thin pawh kha a nuam tehchiam ngai lo. Kawng leh mit a kham duh, mahse ka tih a tul si.
Rs. 5 ka dah e…
Ka pa hi thingtlang pa, nitin inhlawhna zawng thin, thawh thiam bik nei lem lo a ni. Ka pa’n inhlawhna tur a hmuh loh beidawn hnu a kan venga (thingtlang) a haw ni a, ‘Mampui Rs. 5 bak hnutchhiah tur che u ka nei lo, alu leh dal chu Nu Mambawihi dawrah lo ba mai r’u’ a tih thin kha; tun hnu a pawisa ka duh khawp loh lai hian ka hrechhuak fo thin. Mahse, sum leh pai harsa em em mah ila, Pathian zarah kan nghei ngai lo va, kut em ka dawh ngai bik lo.
Bialnu i nei em?
Engtinnge khatianga khawsak harsa chung khan, khawpui nula ka chhai ve ngam ang le. Intihtlangval tan hunlai a ni a, hmel duh ve deuh te chu ka nei ve ngei a lom. Tin, Pathian zarah mahni pawla lehkha thiam thei pawl nih kha chuan thian thenkhat (nula-tleirawl) kan ina min pan duh tawk an awm ve zauh thin. Kan dinhmun ka zahpui ni lem lo vin, kan inluah a chhiat em vang zawkin a theih chin chinah, min zawh duh leh mamawh chu sikul banah ka tihpui hram hram thin.
Samari mi tha
Kan rethei, mahse ka pa hi Pathian ring bur mi a ni thung. Hnathawk miah lo va Pathian thu sawia a nilen chang a awm, mahse Pathianin kan nitin eikhawp chu min pe ve zel tho. Sikul kan luhna zirtirtu fel leh min duhsak em em tu te, kan admission fee min tumsaktu te kan tawng fo thin. Pawl sawm ka zir kum phei chuan, a thlawn vekin kum khat chhung hostel-ah min awm tir! Sawi sen a ni lo. Heng malsawmna ka tana chhiarsen loh, a mi te kaltlanga min pe tu Pathian hi ka tan a thatzia hi ka hril seng lo.
Nikhatah Rs 2, a changin Rs. 4
High Sikul ka zawhin, BHSS Serkawn ka kal a tul ta. Bus-a kal a ngaih changin bus fare Rs. 2 emaw, a changin Rs 4 ka pai thin. Ka thianpa nena kan inhriat hma chuan, chhun chawlhna ka neih loh avangin library-ah ka awm tluan mai thin. Mahse, Pathianin thian tha tak min pe a, man chawi miah lo vin kum khat leh a chanve dawn chu ka thianpa te inah thingpui ka in thin. Mi te han thatzia hi chu aw. Tin, a chang chuan bus-a kal ngai lo vin ka thianpa rualin Scooter-a ka haw chang a awm bawk thin. Chu’ng niah chuan busfare Rs 2 ka save thin.
Rawlthar thil ei duh lai a ni bawk nen, ril a tam thin teh a nia. Tlai banah Serkawn atanga kan veng ke ngata ka thlen hi chuan chawhmeh tui dang ka ngai lo, chaw leh dal a awm chuan ka puar khawp chu ka ei thei mai thin. Pum erawhin a tuar, pumpui ulcer ka nei ta thuai a. Chaw leh vitamin ei ringawt pawh hi pumpui hian a ngeih bik miah lo tih ka hriat phah!
Phur thuta chhunzawm atan…
Similar Posts:
- Hmeltha-i Kha
- Ka inpuanna!
- Nunkawng bumboh, nun tihlimtu ni si te! (chhunzawmna)
- Kan Sikul
- Ka Pa (Father’s Day pualin)
Nu leh pa te lo hlutzia tak hi aww…
: misual.commer te hian zirlai harsa zual lehkha thiam thei si tanpui ngai leh tanpui tlak han thawh khawm ila, mahni phal tawkin pui ta i la ?
March 21st, 2012 at 1:13 pm
Chhiar ila..
March 21st, 2012 at 1:22 pm
Pathian rin hi zawng a sual ngailo. A ropui e
March 21st, 2012 at 1:27 pm
ngainawm hle mai han phur thut leh la ka va ti em. a challenging khawp mai.
mite ngaihah eng ni pha ve lo mahse kei pawh matric leh chunglam zawng result hi ka ram riah lai thlawhlaia ka hriat a ni fai vek mai.
post (Y)
March 21st, 2012 at 1:30 pm
MBBS Doctor (Bachelor of Medicine, and Bachelor of Surgery) i nih ka ring ve ringawt a – hetiang harsatna chunga i zirchhuak chu i ngiahsanom hle mai, Pathian hian mi taima leh amah ringtute hi chu a thlahthlam ngailo reng ani 🙂
March 21st, 2012 at 1:38 pm
4. Master of veterinary medicine zawk ani e. Kan U hi a chhuanawm ania
March 21st, 2012 at 1:42 pm
Ngaihsanawm hle mai. (Y)
March 21st, 2012 at 2:00 pm
vakul … Ka lawm e. Nia, hlawhtlinna kawng hrang hrang a awm a, harsa (ve) tak chunga hlawhtlinna hi a hlu lehzual in ka hria.
@ redandgreen… I hnuaiah hian chhanna a awm e.
March 21st, 2012 at 2:08 pm
chhiat tui laiin a tawp thut a, fair lo..
“lo phur thut” leh vat2 la…
Very challenging dawn riau (Y)
March 21st, 2012 at 2:09 pm
A ngaihnawm hle mai…han ziah zawm leh hram rawh. Bible a kan hmuh ‘i nu leh pa chawimawi rawh’ tih chu i fulfill ta phawt. (Y) (Y)
March 21st, 2012 at 2:09 pm
chhiar tui laiin a tawp daih a, fair lo..
“lo phur thut” leh vat2 la…
Very challenging dawn riau (Y)
March 21st, 2012 at 2:11 pm
net chianglo…sorry
March 21st, 2012 at 2:11 pm
A lo ni maw! I lehkha zirna kawng chu a lo bumboh ve hle mai. I ngaihsanawm thar lehzual ta e. I tawn ang tawng khi mi tamtak chu an tlanchhe ngei ang. Tichung khian tun dinhmun i thleng thei a, a ropui hle mai. Mihring nunah hian harsatna kan tawh tam poh leh kan ‘tough’ in midangte hriatthiamna kan ngah an tih kha maw.
Rawn ziahzawm zel teh.
March 21st, 2012 at 2:15 pm
ka va han first lo chiangkuang ve..tak takin paws tupa lo phur thut leh rawh. lung i ti leng riau mai. kan nu te hun laia naia 10 an pai thin thu a sawi kha ka hechhuak ut ut mai
March 21st, 2012 at 2:16 pm
Kan sawi zawm leh lawks: chuan i nu leh pa te laka i mawhphurhna i hlen ta a..tunah chuan i employer laka i mawhphurna ( Eph 6:5) leh i nupui-to-be laka i mawhphurhna ( 1 Peter 3:7) i hlen leh ngei dawn nia aw!
March 21st, 2012 at 2:17 pm
Ngaihsanawm hle mai, i tumruhna avangin i hlawhtling chho zel tih chu hei a lang reng mai.
March 21st, 2012 at 2:19 pm
A kalkawng hi a pawimawh…mi ropui tak tak te pawh hian sawi nuam an tih chu an hlawhtlinna ai mahin, an kalkawng hi a ni. An sawichhuahin mi tan malsawmna a ni thin, min van fuih nasa ve le k’u Mahminga chu. Rawn phur hlut leh vat vat teh.
March 21st, 2012 at 2:20 pm
A ngaihnawm hle mai. Tunlai zirlai ho hian chiar teh u. Air ticket leh mobile cheng 8999 man thawh chuah har dan in hre thiam ang (unless if have a rich parents)
March 21st, 2012 at 2:21 pm
retheihna leh harsatna kar zawng zawnga pathian hre tlattu i nih avang hian mi vannei ber i ni, chung zawng zawng aia i hlawhtlin tak hnu thlenga Pathian hre tlattu i nih avang hian i vannei leh zual. mi pakhat chu i lo ni ngei e.. k’u
March 21st, 2012 at 2:21 pm
A ngaihnawm e,a hun a thu hian a lungrun thei viau a nia,bus awm hma a ke a college kal ngat ngat thin ho kha chuan bus a High skul kal chu hrehawm lo hle ah an ngai ang,mahse a hun a zir hian a hrehawm dan a awm zel tho thin!
March 21st, 2012 at 2:25 pm
(Y) Very Inspiring Post. Dr Mahminga chu i lo ngaihsanawm hle mai, ka ngaisang che. Tun anga Pathian hruainaa i kal zel chuan ‘Pathianin Sang takah a la dah ngei ang che’ tih ka ring tlat. ‘Pathian bel tlat mi hi Pathianin a hmuh-thelh ngai lo’ tih hi ka in-nghahna a ni ve a, i chungah pawh atakin a thleng a niin ka hria.
I post ka chhiar lai hian Pathian Fakna hla ka duh em em ka rilru-ah a lo awm a, ka’n ziak chhuak nghe nghe ang e:-
“Lalpa nghaktute chuanin, kan chakna siam tharin, Mu anga thla zara thlawkin kan leng ang. Sualna thli-te lo hrangin, buaina ten min chim mahse, Thlemna-ten Ei tur chu min pe tawh zawk ang”
Lalpa’n i nun kawng kaihruai che sela, Malsawm Che Rawhse! Amen! (L)
March 21st, 2012 at 2:27 pm
Thil hi chu a tih ve naw naw theih ve zel mai. Vawikhat chu ka schol pai cheng 10/- hi bus ah drugs addict pakhat hian min ruk sak daih mai a, ala keng lang vu vu zui a. Mahse lucnch ka nghei biklo canteen ah a ba in ka ei keuh. 😀
March 21st, 2012 at 2:27 pm
@20 Dear John I like your comment
March 21st, 2012 at 2:34 pm
In thu leh hla a ngaihnawm, ka like vek e… (Y)
Rethei leh harsa ve taka ka zirlaia, Pathian malsawmna ka dawn erawh sawisen a ni si lo. Nia, phur thut chuan ka la ziak ang chu….
Ka post chhan erawh in tawnhriat ka hre ve duh a. Mi thenkhat chu sum leh paia harsa lem lo in ni mai thei, mahse harsatna in tawk thei tho a. Tin, thenkhat erawh harsa lutuk taka zirchhuak pawh in awm ang. Chu’ng chanchin chu a ni ka hriat chak. funny™ chiahin a la sawi a nia… 😀
March 21st, 2012 at 2:37 pm
A ngaihnawmin a va inspiring em! Thiante kawr thar neih ruala neih ve loh vanga kan lo titau ve bur bur thin te kha ka zak chem chem!
March 21st, 2012 at 2:45 pm
A ngaihnawmin a khamawm loh hle mai. Mi hausa tak takte hian an fate thian atan hian nangmahni ang hi an duh riau a sin. Ka College kallai ka hrechhuak. Ka thianpa hi sum lamah an harsa ve si lo va, kan han lengchhuak a, ei leh in hi a ti deuh reng mai thin a, ka lo ren/ui sak deuh thin a, “Ka pawisa a nia, ka duh chu ka leiin ka ei ang chu, Lo buaipui duh suh” a ti mai thin a, min kep hneh thin hle. Tin, ka chah duh pakhat che u chu, In zirchhuah hnu leh hlawh te in lo neih hnuah hian, In ‘nupui to be’ te tan thawmhnaw tha leh changkang ve deuh te leiin inchei thin rawh u. Nupui neih hnuah kan hna avangin kan han inchei nalh thar leh a, Mi Nula kan ti ‘Daw-ha’ mai mai tawh a ni. Zawnglai nihlai ngei hian thawmhnaw tha(zahawm) leh changkang te hi leia lo inbel thin tur hi alo nia lawm maw le. 😉 Hmana ka sawi tawh ang khan, ka mi ngaihsan tak pakhat ini a, nangmah avang hian in pawl(Denomination) pawh hi ka en dan a dang tawh, ka tih tawh kha. (Y)
March 21st, 2012 at 2:55 pm
Pu PK, i tilawmawm thin e… Min tichaktu Isua ka nei hi vannei ka inti fo thin.
Tin, ka chah duh pakhat che u chu, In zirchhuah hnu leh hlawh te in lo neih hnuah hian, In ‘nupui to be’ te tan thawmhnaw tha leh changkang ve deuh te leiin inchei thin rawh u. Nupui neih hnuah kan hna avangin kan han inchei nalh thar leh a, Mi Nula kan ti ‘Daw-ha’ mai mai tawh a ni. Zawnglai nihlai ngei hian thawmhnaw tha(zahawm) leh changkang te hi leia lo inbel thin tur hi alo nia lawm maw le... (Y)
Han sawi zel teh u. Thu-intawm (sharing) tel tel hi a nuam a nia.
March 21st, 2012 at 3:00 pm
I ziak interesting khawp mai, min cho chhuak e…hehe…
Ṭhian hnai tak bulah lo chuan kei ka retheihna hi ka lan tir ngai meuh lova, nghawngkawl khat bat a inkawm ho, hniam bik, pawng bik awm lova ṭhian inkawm hi nuam ka tih avangin kei aia hausa emaw rethei emaw ka kawm pawhin an lungrualpui turin ka inthup mai thin.
Ka thil tawn ve hi a variety khawp maia, chhungte dinhmuh leh khawsak in anglo tak tak kara teikual(chhehchhawl ang deuh) ka ni bawk a. Ka awmkual nasat avangin ka rilru pawh a nghet lova, ṭhian erawh ka ngah in an character leh dinhmun a variety hlawm hle in ka hria. Ka awm tirhna pakhat ah sum leh pai harsa em em, tlai chaw chhum tur leina pawh neih loh chang nei in ah ka awm reng tawh a, buh ṭhap, rawngbawl, etc. khawihtu ka ni ṭhin. Pakhat leh ah chuan sum leh pai harsatna nei lem lo in ah hna rum tak thawkin ka awm leh bawk a, hna rorum tak a ni, hmeichhe thawh chi loh, mipa chauh thawh chi a ni, ka sawi chuan rum in ti lutuk ang 😉 Ka hah hle a, zan dar 10 atanga tlaivara zing dar 9 thleng rit lak a thawh chi a ni. Sikul ah ka muthlu nasa thei hle ṭhin. Sum lam erawh chuti takin tlakchham a awm hran lo. Mahse in hauhna a tam thung a ni 🙂 Chutiang nun in anglo tak tak karah chuan ka lo seilian ve a hringnuna harsatna hi ka phak tawk chin ah hre ve nual awm ka niin ka hria…hehe
March 21st, 2012 at 3:32 pm
A ngaihnawmin i ngaihsanawm khawp mai. I zinkawng pawh a lo hautak a, i zirchhuah pawh turu lo thei a ni lo. I chanchin aṭang hian a chhiartu tam tak chuan tumruhna an neih ngei ka beisei.
Pakhat chiah ka’n sawi phawt teh ang! Sawi ṭeuh chu a zahthlak. Kum 2007 kum khan Higher Secondary School ka kal a, mi inah ka awm a. Zingah class ka kal a, chhunah ka inhlawh a. Mi in han tih lemah, tlangval senior mahnia awm, zungawlvei, drugs addict bulah ania ka awm. Chhungte awmna tur awm hek lo, vahvaih hrep hnua min khawngaihtute’n awmna tura min hmuhsak kha a ni miau bawk si a! Han sawi tam lem loh paw’n a hrehawm turzia chu a hriat theih maiin ka hria. A tawpah phei chuan a ruih laiin min hnawtchhuak ta nghe nghe a! (laklawh deuhvin titawp rih teh ang…)
March 21st, 2012 at 3:36 pm
Rs.350 man in ka luah a to ka tih deuh avanga Rs. 250 man Higher Sec. School ka kal chhung zawnga ka luah ve thu te, ka in chung ten tûra an hrâi avanga a tûk zinga ka in luah chhuata sazu thi chhar khawm ziah ngai thin te, Hnarthi chung chunga class thulh ka hreh em em te, ka uniform chu a hlui tawh bik em avanga kan Principal-in a fapa uniform min pek thu te, artui pumkhat chauh ringa ka nilen dante leh MBBS zir tura entrance exam-a Top 5 a ka lan dan zawng zawngte ka han ngaihtuah let leh hian a lo va thlarau e aw ka ti thin. MBBS entrance-ah pawh Pathian zarah titha viau mahila retheihna avanga College tha pawh thlang ve thei ka nih loh avanga thianten mawl min tihlai leh College thlan nia ka rilru hahzia te tak kha aw. Recess period-a thiante anga ka awm mai mai dawn apianga ka nu leh paten ni sensa hnuaia hahthi kula an hnathawk hmel ka mitthla apianga khawngaihna avanga mittui tla chunga zirlaibu kalna apianga ka lo ken thin lai te khan Pathian chuan min lova enkawl nasain nun kha a lova hlim tehlul em tiin ka ngaihtuah chhuak fo thin. Ka chanchin hi ka thianpain ziak turin min tifo mai a;mahse hetiang lam hi ka ngam loh zawng tak mai a ni si a, vawiin chu comment lamah ka rawn ti ta vak si a, min lo hethiam teh u.
March 21st, 2012 at 3:50 pm
Han in sawi ve leh zel ila..post tupa pawn aphal bawk a,kum 1 chu saidaiek ka ham pherh ve tawh. Lo tin 2 leh chanve hmun,thang hmun han vah zawh vek a,kum pui ling let a vawi 3 han thlawh chhuah meuh chu a lo hautak khawp mai…hreawm tih lam a lak loh hram ka tum a adventure zawngin ka ngaihtuah a hetiang lama han ti ti tur ka hriat phah a,a tha ta phian. 🙂
March 21st, 2012 at 3:53 pm
Asteric™ , TuaiSialA, CFL & Levi… In hringnun thawnthu a ngaihnawm hle mai, in la insum deuh mai pawh a… (Y)
Cho chhuah tur in awm ka hriat vang a nia he thu hi inthlahrung tak chunga ka post ni…Chuvangin insum lo hram teh u.
CFL, ka tluk lo hle mai che. Hlawhtling tlak i ni e.
March 21st, 2012 at 3:55 pm
comments chhiar chuan kan te chem chem mai alawm le. Thalai ho chhiar atan a itawm.
March 21st, 2012 at 4:12 pm
A ngaihnawm ka ti in ka ngaisang hle mai che Pu Mahming…
Lo hlawhtlinglo chi ziazang ilo nihloh tawp hi. A chunzawmna han ziak leh thuai teh (Y)
POST leh COMMENT te ka chhiar thla zel a, ka insit rum rum mai :-O
Ai a U te inni hlawm bawk a, ka lo va tluklo che u em! Sawi ve tur pawh ka van ruih mai…
March 21st, 2012 at 4:13 pm
Ka’n sawi leh teh ang, CFL-a’n min chochhuak leh tlats!
Middle School-a uniform nei lova t-shirt hlui deuh nena ka kala ka t-shirt hnung pawp min nuihtu nula hmelṭha pahnihte kha! Pakhat zawk chuan tunah bazar-ah secondhand vel a zuar a, pakhat zawk erawh a nuthlawi ta. High School-ah pawh uniform bawk hian min tibuai a. Mi ta hlui ka ring a, a mawng pawhin bel tam a kai e. Pheikhawk lah ka nei hek lo va, inkhawm nana an duh tawh loh a chhip pawp ka bun ve mai a, mawza takngial pawh a lang thei chin chiah hi a mawza-na lai a ni mai a! A.. Mi tuichawia ka inhlawh lai te, tlaivara leivung paiha ka inhlawh lai te, thla khat chhung Zokhawsang to Mualpui inkar electric hrui pawhnaa ka tel lai te, pawl 11-12 ka zirlaia zingkara class kala chhuna ka inhlawh leh college ka rah hnua zingkara inhlawha chhuna class ka kal leh si dan te, canteen-a ka chawlh chang pawha cheng 5 (cheng 2-in thingpui, cheng 3-in chhang) chauh ka neih ṭhin thu te, haw-na tur ka neih loh vanga Sikulpuikawn to Ramhlun North ka paidal dan te, ka damloh laia enkawltu nei lova ka awm lai te, ei tur nei lova chaw ka nghei zeuh zeuh lai te, chawhmeh tel lova chaw ka ei ngunzia te, college ka luh ṭan tirha admission fee tur ka neih loh vanga ka rilru hah leh buaizia te, retheih vang leh Paite ka nih avang ringawta mite min hmuhsitna zawng zawngte kha ka ngaihtuah chhuak leh vang vang mai!
March 21st, 2012 at 4:17 pm
5 & 7 (Y)
Chuanom takzet 🙂
March 21st, 2012 at 4:21 pm
Hei chu sei deuh deuhva comment-na huang a ni bik deuh riau va! 😛
March 21st, 2012 at 4:28 pm
ehe va ngaihnawm ve Tuaisiala comment na nen LIKE e (Y)
March 21st, 2012 at 4:33 pm
Ka cho chhuak fuh hlawm dawn e. Incho/in-challenge rau rau vah, hetaing hi a nuam ka ti … 🙂 Inthlahrung lo vin han sawi zel teh u… (Y)
TuaiSialA… Tluk loh rim i nam mang e. Hlawhtling turin i bei nasa a, malsawmna tam zawk i tawngbuak zel ka duhsak a che. Kal zel rawh.
Vanduai bik reng kan awm lo, LALPA remruatna ah.. tih hi hrehawm tawrh laiin pawm har mah se, Ama remruatna min hriatthiamtir hian, a nuam dangdai thin a lo ni.
Tin ka sawi tawh ang khian, retheih leh harsatna ngawr ngawr lo pawh, zirlai leh hnathawh kawnga lu ti hai map thei kan tawh te pawh sawi ang u hmiang.
March 21st, 2012 at 4:40 pm
A ngaihnawm dap dap hle mai. Rawn chhunzawm leh thuai thei phei la chu a lawmawm viau ang. Hringnun kalkawngah hian harsatna tawklo tak tak hi kan lo awmlo a nih hi maw? Thenkhatin an au chhuah pui a, thenkhat erawhin an thukru thung thin. Hetiang a midang cho chhuah nan leh entawn a tan i rawn tarlang hi i ngaihsan awm tak meuh meuh a ni.
Sum leh pai a ni emaw, chhungkaw lam a ni emaw, eng eng emaw hi chu kan tawk theuhin ka ring. Heng harsatna kan tawh te hi nangmah ang hian min ti chaktu, thahnem ngaihna min petu, tumruhna min petu a tan hian hmang theuh ila a tha ngawt ang.
I kal zelna tur kawngah i rin Lalpa chuan awmpui zel meuh che rawh se.
March 21st, 2012 at 4:56 pm
Kaihruaitu tha(zirna kawng ka tih deuhna bik) awm lem lova dingchhuak te hi ka ngaihsan dan a DOUBLE.
Dik tak chuan,chhungkaw dinhmun a that deuh hi chuan ‘opportunity’ pawh a tam deuh a tih theih ang.Mahse kaihruai tu em em awm lem lova mahn hma a thil awm apiang ‘opportunity’ atan a hmang thei te hi mi ngaihsan awm an ni.
Post tupa, hei hi thawnthu mai ni lova i thil tawn tak tak anih chuan ‘ka ngaisang khawp che’ tih i lo hre dawn nia (Y) (Y)
March 21st, 2012 at 5:05 pm
Ka van khawngauh che e..mahse Dr.Mahminga i ni tawh a..i hlawhtlinna ah ka lawmpui che..
March 21st, 2012 at 5:13 pm
@ Alejendro, Pluto & mate ainawn… Ka lawm e… (Y)
Mahni post e ti lo vin comment sek mai ang aw… 🙂
@ Pluto.. A ni asin. Ka nu (fam) khan BVSc &AH ka zirlai khan thenrual tha te’n ‘i fapa chuan enge a zir? an tih changin, ‘Mampuia zir hi ka sawi ve thiam lo, Ran Daktawr an ti‘ ti chiahin a chhang thin. Post graduate ka tih dawn phei hi chuan a bangbo khawp mai… Mahse, ka tana zantin a tawngtai erawh a thlawn lo tih ka chiang… (Y)
March 21st, 2012 at 5:49 pm
Comment te ka chhiar thla zel a, ka hnuk te a ulh deuh nual! ;-(
March 21st, 2012 at 5:53 pm
Ka chhiar tirh a ka rilru a rawn lut chu “I uikawm ve awm” tih a ni. 🙂 Amak khawp mai, mahni hman tawk te nei a, sei lian na na na chu mahni hmantawk bak hi kan ngaihtuah ngai vak lo a. Pawisa hmanna tur neisa a pawisa dawng thin tan chuan mi han pek mai tur leh ho lam deuha hman tur hi kan neilo tlat zel nia.
#25 Pkfanai comment hi a dik ka ti khawp mai, ka in hmuhchhuah tawhna pakhat a ni. Chhungkua din hnu chuan inren ngei ngei tur a nia. Tlangval lai, zawnglai nih lai hi chuan mahni security tibuai lo tawka pawk ve hi a tha, kan nun kan chen theih lai tak a ni
March 21st, 2012 at 6:07 pm
RosangaD… I ti dik chiah, hausa chhungkua atanga seilian ai chuan kan uikawm zawkin ka hria.
Mahse…, a tula hmanna tur (keimah aiin chhungkua ah) a tam bawk a, tun thleng hian saving neih tam a har ka ti khawp mai… 🙂 (thup tit tet lo te’ng.. 😀 )
March 21st, 2012 at 6:24 pm
Post a ṭha, comment pawh a ṭha hlawm khawp mai. Thil pakhat ka hriat chhuah chu, heng kan harsatna tawh aṭang hian Pathian kan hnaih phah em? Pathian kan hre zual em? tih hi a ni. Hnamdang pawhin heng harsatna kan hmachhawn ang hi(kan aia zual zawk te pawhin) anlo fight chhuak ve nawk hlawma, a ngaihnawmna ah leh an mahni fakna ah a ral mai ṭhin. Pathian hriat phahnan a hman loh phei chuan chapopuina a luh daih mai te pawh thil awm thei tak a ni. Ka ṭhiannu (China a missionary awm mek) in a sawi hi ka hre reng ṭhin “Keini chu kan hrehawm tawrh chhuah te hi midang ṭanpuinana hman aiin deuhsawhnan/tuar ve reng reng teh se tih nan kan hmang hlauh ṭhin” a ti a, ka ngaihtuahna a ti thui khawp mai. Chu chu Pathian hnaih phah nana hmang lova struggle te hian an nei awlsam bik turah te ka ngai deuh a.
Abraham Lincoln a harsatna paltlang dan leh Hitler-a harsatna paltlang dan hi sawi dawn ila a ngaihnawm dun khawp ang. Amaherawh chu min influence dan erawh a in anglo thei viau ang, Pathian hre chunga tuar leh hrelo chunga tuar chuan min inspire dan pawh a dang viau ang. Chuvangin a chhan hi a pawimawh hle in ka hre bawk.
Ka tawrh te kha Pathian hnaih nan hian ka hmang nasa khawp maia, ka lo tuar lovang tih uiawm khawp hialin Pathian ah tuina min pe nasa hle a ni. Chuvangin ka harsatna detail a ka sawi dawn chuan Pathian sawi tel loin ka sawi theih ka ring ṭhin lo. Tun hmaa inkhawm ngailo Kohhrana min promote dan zawng zawng te ka ngaihtuah phei chuan vawiin ni thleng hian ka mittui ala tla thei a ni. Bible chhiar ah te tuina min pe a, ka nun awmzia min hrilh a, vawiin ni thleng pawhin ka thu ziah duhzawng chu in hriat hi. Harsatna tawrh hrehawm ka tihna aiin Pathian lo telve na ka hriat hian ka mittui a ti tla fo zawk in ka hria.
March 21st, 2012 at 6:35 pm
Kei mi zuih ral tan chuan zak leh khur chunga ka chhiar a ngai si!
In va han pachangin, in va han chhel tak em! Mi hlawhtling hi chu in awhawm ngawt mai! Comment zawng zawng lah bengvarna hlir bengvarna hlir.
Thil-thiam neih ve hi ka chak ngawt mai! Tangkai ve tum pawhin kawng a ping chuai mai si!
Malsawmtu Pathian hi a tha MEK chuai thei lo a ni e.
GOOD POST!
March 21st, 2012 at 6:45 pm
Ka hnuk i ti ulh tlat! Chutih laiin sum leh pai lama harsatna nei lo, duh duh nei thei, lehkha thiamthei pangngai thatchhiat vanga zir tha peih lo te hi ka huatna i post hian a ti zual tlat mai.
Ragging in tuar ve hman em? Ragging tuar tluka hrehawm ka tih hi ka zirlai hun chhungah a awm kher lovang. Mahse mihring nun sawizawitu tha tak chu a lo ni tih hi han thlir kir chang hian a lang.
Zirna chungchangah hian article ka ziak nual tawh a, mahse mi chhiarah chuan ka ti lem lo! Post pawh ka tum chuang law..!! Ragging chuangchang pawh hi phek 5 chuang chu ka ziak, ka la dah mai mai bawk! Mahse ‘Khuangruahpui Sur…’ leh ‘Inneihna dar ri thangvel..’ erawh hostel-a kan seniorten min ruk sak a, a hnuah min kah nan tak an hmang leh a, ka la rawn phawrh ve mai thei a ni (H)
Khai le han chhunzawm zel teh. B’lore lamah khan BMA Kut-ah khan kan kal ve thin a nia, Mizo hmel(chhas) hmuh chakin!
March 21st, 2012 at 6:45 pm
🙂
March 21st, 2012 at 6:58 pm
Kha daih kha sin!! Eiru fa, zirlai nichung pawha engkim tha tak nei te ai chuan I pa hi ka ngaisang tel hle zawk ani. I story leh CFL,Tuaisiala etc.. A inspiring. Pathian lo ropui ber zel rawh se Amen.