Vaivawm bawk, vaivawm bawk….ninawm mai mai. Bangladesh hneh lo chu a pawi a nih hi. Ka hna thulh thakin he thu hi ka ziah leh phah a. Hun leh tha a va uih awm leh pek ve aw. India final lut miau hek lo, zan khawtai rek ah kan in chhu ri leh tlauh tlauh a nih hi maw…A punctuation leh Mizo tawng ziah dan a lo dik loh pawhin lo chhiar liam puat mai teh un.
Bengal Keite an hrang e: Bangladesh hi Vaivawm khawvelah hian kum naupang te an ni a. Hneh bur, naupang tawngkam takin “aia up ate shock bur’ a ni ber a. Kum 1999 World Cup ah khan Pakistan an barakhaih tawh a, kei ni pawh in vaivam kan tuipui ve hnu fe kum 2000 khan ICC permanent member niin test khawvelah an lut a. India pawh hian an test hmasa ber an zuk khel pui ngat kha a ni a. A hnu lam hian ram dang hi an barakhaih mang lo. Tun kum hian Asia Cup an khawtualah an thleng a, Bengal Keite a hrang a, Sri Lanka sakei hrang, LTTE te tuk dawltu leh Vaivawm khawvel neitu India an phin phar dawt dawt mai a. An chak satliah mai a nilo a, an hnehsawh ta hle mai. Sri Lanka hi Asia Cup final an thlen loh vawi khatna a ni phah a, India hi champion lai an la ni zui a, an hneh lo te hi an theuneu lo teh a sin Bengal Keite te hian…
Team danglam leh mak tak chu : He tournament ah hian India hi an khel chhe lo. A tir ber an tum Sri Lanka an hneh a, ‘shock bur’ Bangladesh laka an tlawm chiang hle mai. Tlawmah mah chuan India mai nilovin khawvelah pawha tluk an awm chuang lo ang e tih tur, Sachin a century siam vawi 100 na match-ah ngei mai india an tlawm hi a pawi a ni. Khawvel in ni 268 lai kan lo nghak a ta cheng , mahse lawma kan au na thangkhawk pawh boruakah a tham ral hman lo ang tihah India chak loh lung chhiatna in min han nang zui a nih kha…
India vaivawm team te tak hi team mak tak a va ni em. Asia ram a cricket khel thiam pali rama a thiam lo ber an han hneh lo tlat mai hi. Bel chhunga sa an chhum hmin zo lova, ruai an theh lo mai nilovin a kuangbang pawh an ruh loh phah ta. Sri Lanka lakah Australia atangin zakthlak takin an haw tawh a, Bangladesh ah an sawp leh hrep a. Khawvel a game ropui an sawi kai zinga tel ve ziah tur, Indo-Pak Cricket match ah target sang lutuk an um pha leh lawi a. An umpha satliah mai a nilova an ‘sawpji’ ti ila kan sawi sual kher awm love. A mawng phah ber tur ngaih Bangladesh an hneh miau lova an pawnthuah an tum aia hma ah an tel leh ngei zawng a ngai ta a nih hi.
Team chhe Captain : Tun hnaia India chet that tak lohnaah hian Captain Dhoni a pawh sawisel a kai a. Misual lamah pawh han sawt deuh tawk an awm kha maw. India hian Captain a neih tawh zawng zawng Captain tha ber pawla ngaih Dhoni a hi team chhe Captain a ni ta ringawt mai a nih hi maw….Enge team chhe Captain chu a awm zia le ?…Team chhe Captain tih hi kan thian ho hian definition kan nei a. Kan thianpa pakhat hi hmanhmawhna nei miah lo, hlauhthawn avanga phut eih pawh nei lo. Buai ve cheng ngai miah lo, midang lam tak kan nei a. Hau hrep a, thinrim chuang lo tur, fak chiam a lawm em em lem lo tur ang hi a ni. Vawi khat pawh a ni ho hian Biak In ah kan zai dawn a. Mipui hmaah kan ding ngawi thuap tawh a, a reh vung vung a ni lah chuan muang chang hian guitar hrui chat hi a lo buaipui a ni awm a (ka lo hmu ve chiah ta lova). Han hamhaih leh buai phili vel hi a nei ve lo hrim hrim a.
Ani pui hi team chhe deuhah hian Captain ni sela, an chak leh ‘e’ a ti ang a, an chak loh pawh in ‘e’ a ti mai thei ang a. Team chhe deuh chu an chak lo zing dawn sia, pawi han tih leh han buai cham cham te pawh awm miah lo hian a tih tur hi tha takin a ti ang a, Team Chhe deuh Captain ni se la tha ngawt ang tiin a hming lemah pawh “Team chhe Captain-a” kan ti ta reng a.Dhoni a pawh hi kan thian pa ang deuh hi a ni a. An in ang vek lo na in mi emotional lo tak, nui deuh sang mai thei, phur over lo, in hmuam un run lem lo, in pe zo tak Dhoni hi India in kan nei hi team chhe Captain dik tak chu a va ni em…. Hei kumin ringawt pawh hian final hi mi chet that leh that lohah a in nghah pui ta fo mai a. Kum tir lam khan Brisbane-ah Sri Lanka chak loh an nghak thlawn tawh a. Tunah Bangladesh a chak loh an nghak chhuak zolo leh tlat mai kan Team chhe Captain a ho hian… hui ha.
Eng dan nge an hmang tak le: Savun ham puar pet ah hian goal difference hian a inhneh tawk, point in ang hi an rel fel thin niin ka hria a. He dan hi Champion League-ah phei chuan a tangkai khawp a ni awm e. Goal difference in angah rau rau pawh hian ‘Away goal’ hi a hlu zawk in ka hria a. Tun tum Asia Cup ah hian India leh Bangladesh hian point in ang an hmu a, an chak zat a in ang chiah chiah a. An tehna pakhat Net run rate-ah hian India an tha zawk fe a, mahse Bangladesh hian India an lo hneh tawh avang hian India net run rate tha hian awmzia a awm ta lo.
Net run rate hi lal zawk phawt ta sela chumi a in ang a nih chuan a hneh tu zawk hi dah lal ta nise la chu ka hre thiam tur a ni a le. Mahse, Vaivawm a ni miaua Savun ham puar pet te dan zawng kan hmang ta l odawn chu a ni phawt a. Kum 1999 Cricket World Cup ah khan Australia leh South Africa in semi final an hneh tawk tum khan Australia khan net run rate 0.0015 in an sang zawk a final an lut a. Tun ah hian India hiannet run rate an nei tha zawk a, net run rate 0.355 lai in an sang zawk a sin mawle. A net run rate sang zawk an out tur dan hi eng dan nge tiin kei vaivawm tui in ti pawh hi ka phun ka phun a nih hi mawle…
Kum 40 chhung zalenna sual tute chu…: Kum 1972 khan Bangladesh hian Pakistan lakah zalenna sual in an lo in dang ve a. Mi tam tak thisen a luang a, harsa takin India in a mawngah dawm in a in bat liam ve ta hram a. Mahse, Cricket khawvelah chuan Pakistan lah hian an la zalen tak tak thei lo. Kum 1999 khan khawvel an rawn barakhaiih zuai bak chu an chak hlei thei lo. Tun tum pawh khan Pakistan lah hian zalenna an neih loh zia chu a lang reng a.
League match-ah an chak loh leh a nih kha. Tuna hian kum 40 zet Pakistan atang an in dan hnu hian Asia Cup-ah hian Cricket khawvelah Bangladesh hian Pakistan lakah hian zalenna a puang leh dawn a ni. Bangladesh hian an zalenna sualna ah hian an tih tur an la ti zo lova. India leh Sri Lanka pawh hian an lo dang zo lo reng a nih hi. Kum 40 liam ta khan an khawtualah silai leh ralthuam te nen zalenna an sual a, an chak a, tun ah hian an khawtualah bawk Vaivawm khawvelah bat leh ball hmangin zalenna hi an sual leh dawn a ni. Tun tum chu hman a zalenna an sual ang lo takin thisen a luang lovang, nunna chan an awm tawh lo ang a, mahse, thahrui leh thlan tui erawh a luang hnem dawn thung a ni. Kum 40 chuang zalenna zau zawk an sual hnu hian an tum ZALENNA chu hmu tak ang mawle….
Similar Posts:
- Vaivawm : Ka thinrimna leh tawh.
- Taliban zingah ‘ Israel hnam bo’ an awm em ni?
- Cricket WC Semi Final : India vs Pakistan
- Kan Champ!!!
- Cricket World Cup 2011 Quarter Final lineup
March 21st, 2012 at 10:20 am
Chhiar zua1 ang
Report this comment
March 21st, 2012 at 10:24 am
Tun tum chu an tan bung lo teh mial a, a va lawmawm ve aw…Admin lam khan a thupui a ‘zing’ tih khi ‘zin’ tiin min thlak sak vat teh un. a nih loh chuan an rawn chuk leh luai luia ang e plizzzzzz
Report this comment
March 21st, 2012 at 10:31 am
tan bun ngai lovin para tawi deuh hlekin lo siam mai thin ta la kan lawm tlang tur.
Report this comment
March 21st, 2012 at 10:33 am
chhingdailova a dang.
Report this comment
March 21st, 2012 at 10:39 am
Pi Aduh, para te te hi thu hlawm khat deuh kan dah ve mawle. A hrim hrim hian in edit hian kan ziak dik lo te hi lo edit ve ta ula chu kan haw miah lo ang che u mawle..Any away ka request min tih hlawhtling sak vangin ka lawm e.
Report this comment
March 21st, 2012 at 10:39 am
99 world cup a pakistan an hneh tum a ka ngei zia kha. Talent chu an nei, M.raffique a te kha classical slow bowler dik ani. Ashaffrul a mawlh hi, ram danga awmah ka it thin
Report this comment
March 21st, 2012 at 10:45 am
Chhinga Pakistan in a an ngah laia, hamaradesh in genuine fast bowler kan neilo hi BAWNGSA an ei ve loh vang ani angem. Fth trep..
Bawngsa hi a hrisel sia.
Akhtar,akram,Asif,gul,amir etc an tam ltk. Keini ve zaheer chiah..
Report this comment
March 21st, 2012 at 10:48 am
Hmmm ka hre chiah lo, Bangladesh bawngsa ei pawhin fast bowler tha an neih chuan loh hi maw……Bawngsa ei vang kher chu a ni dawn emaw ni le…J&K a tangin bowler lar kan la neih miah loh a nia….Mizoram bawngsa ei ho pawh hian vai ho kan hneh thei der loh hi. Bawngsa ber hi chu a nih ka va ring lo e.
Report this comment
March 21st, 2012 at 10:51 am
A ngaihnawm em em e. Sri Lanka khan Bangladesh kha hneh se, final kan lut chho daih ang a, tiin kan lo suangtuah ve em em a!
Report this comment
March 21st, 2012 at 11:43 am
Dhoni hi chu world cup pawh khan a che thalo angrenga ka sawisel deuh hman a, mahse final ah khan a rawn che tha ta em kha ania…
India hi chu hman atang khan run siam lamah Sachin ah hian an in nghat lutuka, Sachin a out chuan chak tep tawh a chakloh phah pawh an ngah, tun hnu hian batsman tha dang hi an rawn awm ta nual zawk a. Sachin a ko ah hian an innghat lutuka Century a siam pawha chak pui zawhloh pawh a ngah niin ka hria.
Report this comment
March 21st, 2012 at 12:12 pm
Kan pitch hi alawm. Tak2a, Pakistan chu naupangin plastic ball rit deuh an hmang nasa a, hei hian a pui tih lampang ka chhiar tawh. Plaster in anla char belh zui..
A dik aniang an awhawm emai.
Slow bowler chu kan ngah mah2. Sarandep singh te kha a tha mawle, Harbhajan a a awm a, a tan chance awmlo mai pawh a
Report this comment
March 21st, 2012 at 12:12 pm
shewag a an drop vei a, an chawh ka ti ania..asia ram 4 ah pawh final? pawh an thleng zo lo ania! tu mawh nge? Sachina leh Dhoni a! bang vang vang rawh se!
Report this comment
March 21st, 2012 at 12:17 pm
Shwwag tel loh vang mai ani lo. Indian player ho hi an hausa tawh lutuk a, pitch a an preformance aiin sponsorship sum an ngaihven zawk a, chuvanga Bengal seite hneh lo annih hi. A zahthlak haih haih asin.
Report this comment
March 21st, 2012 at 12:17 pm
Sanjay manrekar khan “here, you hit one big score and your selection for next 1 year is quarantee ” a tih kha pawm chin ka nei. Australia selection policy khu a tha.. Che thalo drop hmak2 hi
Report this comment
March 21st, 2012 at 12:18 pm
Ram 4 zawng maw khel a? Va ho si ve semifinal an lut sa vek mai em ni?
Report this comment
March 21st, 2012 at 12:21 pm
A ho zawnga ngaihtuah chuan Ram 10 vel bakin an khello..
Mahse, hmuhnawm ve riau. Test te kha ka en zo ve thin a, ka lo peih teh e,chhungten an ning thung. Ashes hi chu ka la en hram zel ka hman chuan..
Report this comment
March 21st, 2012 at 12:41 pm
A whole sale in kan chhang ang e aw. India in fast bowler tha kan nei thei miah lo hi chu a mangang thlak khawp mai a, MRF Pace foundation/Academy te kan ti ve a, tun thleng fast bowler tha kan nei lo hi chu a thinrim thlak khawp mai. Sehwag an drop hi chu a chhan ber niin ka hre lem lo a tha lo hi chu drop hmak hmak mahsea pawi lo, an that chhe deuh tlat thin a. Ram pali lek an khelh a semi final an lut vek na chung hian a ropuina hi a dai thei lo a ni e. India hi FIFA rankigah 158 na lawih a nia, Cricket ah chuan top Ten-ah kan awm veng reng mai mawle…..Ashes hi chu kei ka thliarkar rilru vang hi nge kan en tam lo khawp mai.
Report this comment
March 21st, 2012 at 1:20 pm
Dhoni tluk a awm hlei nem le tunah rih chuan. Kei, ka lo duh viau a sin. Kan bowler neihte hi an chaurau hrim hrim a. Hmanni-a Pakistan nena kan khelh tum pawh khan a hriat theih khawp mai. Over 10-na a zawh khan Power play pawh a la chhunzawm ngam lo a nih kha. Bowler 8 lai a hmang hial. Tin, a pitch kha ball TURN a harsa hrim hrim bawk niin a lang.
India hrim hrimah hian bowl aiin batting lam hi tu mai pawh hian kan lawm fal em em mai a. Hei hi kan harsatna bul pui ber niin a lang.
Nizan khan ka hman loh em avangin ka en hman lo va. Ka lo theihnghilh daih a. Zing lutukah ka thianpa, PC hmanga hnathawh tumin min lo kai tho a. Ka la mut duh avangin, “Please work without making noise, the LION is sleeping” kan ti zeuh a. Ani lah chuan zawi sep hian, “Ignatia, you know Bangladesh won the match” a rawn ti pek a. Ka nuih a za lo ngei mai. Mut chhunzawm chu sawi loh intihfai vat vat a lang nghal kawr mai mawle. Mi chetchhiatnaa in nghah ngai hi chu a ninawm ve deuh hlek e. Kumin a tan vawi 2-na maw…
Sehwag-a hi in lo va’n hmu thian awm em em. Thiam pawh ka lo ti vak hlei nem. A bat lek dan leh a ke chheh reng reng hian min LEM lo tlat. Vanneih changin run a siam leh tawk mai thin a, chutih lohah chuan innghahna chi vakah ka ngai lo. Tin, a duhawmna leh dang pakhat chu – PRESSURE hnuaiah a zam ve ngai lo. A khelh dan a pangngai reng thin.
Report this comment
March 21st, 2012 at 1:42 pm
Ignatia, i rawn sawi ngaihnawm dap dap e, Kan tih tawngkam i hmang hian min hneh khawp mai. India inkhel a, kan tih tawngkam hmang hi kan tam lo khawp a sin. Bangladesh chu Champion sela ka duhsak khawp mai… Nimin chu batting mawi tih vel kan sawi a, Atherton a kha bat mawi an tih thu thianten an sawi a, mawi loah chuan Dhonia bawk hi mawi chu a mawi lo ve tei tawi khawp mai. Mahse a vaw fuh thei zek a, a mawi leh mawi lo aiin run siam tam bawk hi a sin hlu ni.
Nimin a an chawlh lailawk lai khan khel chhunzawm thei tawh lo se ka lo ti khawp mai a, mahse, khua chin hi kan thu a ni miau si lova le…. Eng pawh nise India chu han chawl hah dam sela IPL ruaipui kan kil leh ang chu le…..
Report this comment
March 21st, 2012 at 1:52 pm
Keichu Sehwag hi tha ka ti asin, a unique in a unorthodox a, ama style a hmang thiam a, midang tan erawh a copy chiloh. Kevin Petersen nen hian an dangdai em asin.. Klusner pawh kha tiang deuh hi niin ka hria. Afridi erawh hi zawng batting ah a conc lo em a.. Sehwag hi chu Test ah pawh a stylengai thoin a siam tawk thei tlat
Report this comment
March 21st, 2012 at 1:55 pm
Kan pitch in a zirlo ve bawk ani fast bowler nei tur chuan. pitch in a zir vaklohna continent atanga fast bowler tha chu Mcgrath deuh chauh hi ani mai lo maw, ani lah kha an tha mai mai khawp lawi sia.
Report this comment
March 21st, 2012 at 2:02 pm
Chu India chu an tla ta tihna mi?? (Hre lo tak tak
)
Report this comment
March 21st, 2012 at 2:09 pm
A hrethiam tan chuan a ngaihnawm ngawt ang…
sheldon170 nen hian kan inang velin ka ring. HRIKET ber kher hi chu ka bo ve chiang khawp mai..
Report this comment
March 21st, 2012 at 2:32 pm
Tunlai khawvel game ah chuan talent nei leh player neitha apiang hi an chetha tawh kher lo…team work leh chaktumna rilru pu, fighting spirit nei tha apiang an chetha tawh nimai in ka hria…India hi chu ram pawnah, abikin a thlengtu ram an khelh hian an talbuai chawk.
Report this comment
March 21st, 2012 at 2:52 pm
Tunlai chu India an tluang lo khawp mai. Nizan pawh kha Sri Lanka kha an chak dawn amaw ka tia, mahse, an Ram ani bawk a Bangladesh ho batting a ‘solid’ ve tlat. Cricket world Class Team thar an rawn awm hi Cricket lover tan chuan a lawmawmin ka hria.
Report this comment
March 21st, 2012 at 3:06 pm
Vaivawm lawm vak lo in awm pawh in misual hi chu vaivawm lawm ho hian kan han in ti tu vengawt a. A hranpa a website tih vel neih a, blog siam vl ai hian misual lama vawm bei thawr mai hi a zia zawk deih….
Pitch hi chu ka complaint vak lo kei chu. kan thian te World Cup en pawh khan West Indies ho kha apa lian lian khan an rawn spin a, a te te an fast bowler an rawn ni a te an ti fiam a. Fast tur hi cuan tha a heh deuh a, an tlan peih tawk lo emaw te ka ti mai mai a. Fast chauh pawh nilo hian tun hnai chu India hian spin lam pawh kan ne itha lo ta khawp mai.
Report this comment
March 21st, 2012 at 3:26 pm
Pitch chu ani ve deuh alawm…
Munaf, sresant, balaji, ishant te pawh kha atir chuan 140km/h regular anni. Length leh line an uar ltk a, an speed in a compromise phah a.. An length leh line eng ual ani silo. Srinath leh zaheer lo kha chu world class kan neilo kati, ka hmuh phak chinah.
Irfan leh ishant ka hmuh tirh a ka beisei san zia kha.. Mahse improvement awm thlawtlo.
Report this comment
March 21st, 2012 at 3:35 pm
Agarkar a te kha an vawm swing e ringawt mai thin kha a nia ropui l tak a ni. A line leh length hi pawimawh teh luh nen nian fast tawk loh chuan awmzia a nei tam vak lo niin a lang… India hian bowler tha mai ni lo hian fielder tha a mawmawh ve in ka hria
Report this comment
March 21st, 2012 at 5:18 pm
17 Hahaha..Kha khan Cricket game hniam zia a ti lang zual sauh thei angem le. Eng sports ah mah India Khawvel a top tena lang pha lo va, Criket a top ten a a awm veng veng khan…Cricket game-ah India chung chuanna nge, Games ho zingah Criket hi khawvel in a ngaisang lo tih a en tir le aw lolzzz..Inhnial theih viau ang.
Report this comment
March 21st, 2012 at 5:31 pm
A game hniam leh san hi eng ti zawng in nge kan teh ang le.South Asian region ah na na na hi chuan Vaivawm hi hlut zawk zia mai chu. Entirna pakhat kan pe ang che South Asia ram chuan Football leh Cricket hi bazaar ah zuar la, Vawksa rep leh Bekang ro zuar ang velin a in hlut hleih ang. Khawvel ram 150 leh tihna nihna ai chuan kan thiam ve ve em em na lo chhuan hi a tha zawk fe lo maw… Amah Pu Zoramthanga’n Kei nin tha ti lo mah ila, ram pum miss a thlan a nih chuan a sawi nep theih lo reng reng” a tih miau kha. A game a hi an ngaih hlut na ramah a hlu a ni mai a, an ngaih hlut lohna ah a hlu lo mai a nia. American football te hi a sin khawvel league sum hrawm na ber. Khawvel dangah an khel loh avangin a game hniam tih sak ngawt chi a nilo….
Report this comment
March 21st, 2012 at 7:16 pm
Cricket sawisel dan tur pawh hre eih lo ho hian an lo tawngpawng huat ve ta ngawt thin a, entirnan docte-a te ang hi…
Bowler lam hralh a tla deuh a ni maw.. Vawm nat lam a ni vak lem lo. Line leh length dik hi a pawimawh ber. CHutianga vawm thei lo chu kan neih vangin kan buai a ni. Tun hnaiah pawh hian Umesh Yadav-a fast bowler diktak darkar khata km 150 pawh vawm thleng thei kan nei a lawm. Mahse eng teh ual a ni lem lo.
Ti hian an thlifim ve zel mai ang ka ring. Zaheer-a pawh hi an an koh lo zeuh zeuh a a IMPROVE phah khawp mai. Irfan Pathan erawh a lo la COME-BACK thei lo a ni e.
Aaviskar Salvi pawh kha a zia mawle an ko lo mai mai a ni. Tin, JP Yadav pawh kha awmze nei takin a tha khauh khauh, allrouder a ni bawk a.
Report this comment
March 21st, 2012 at 7:41 pm
Hmmm tun tum chu ka tih loh dan deuhin kan sawi rawtui ve vak chu. Cricket en hi ka chanah ka dah a. Player te lo faksel leh a game chungchang sawi ve vak hi ka thiam lo. Mahse kan continue ang e..
Irfan a leh Kaif a thlak chhiat dan em em hi chu mak ka ti ve khawp mai a. Irfan a chu a lo let leh hlauh a, mahse a ni pawh hi chawl det a mamawh ve a nih hi. Tun hnaia kan buaina hi chu sum lam a tam ta deuh a, sum ina ei ral deuh niin ka hria. In refresh an ngai a nih hi, nge ni ang a Reload zawk ni.
docte-a te hi chu thlarau lam ah pawh beisei san vak loh a tha. Inkhawmpui awm sela, a Pathian thu ngaithla lo tawk hian Medical Duty ah an awm a (Doctor a ni em tur ah ngai ila) Camping ni sela a Speaker thusawi ngaithla tha mang lo hian Medical Duty a ni leh a…Inkhel nise a khel lo tawk vel in Team Doctor an ti a, thlarau lam leh tisa tak pawh hian beisei san an har khawp mai a…. A sori kan sawi duah chu le…
Report this comment
March 21st, 2012 at 8:05 pm
Chhiar kher ngailova boring ani e!
Report this comment
March 21st, 2012 at 8:05 pm
Cricket hi khawvelin a ngainep hran love, game lartak chu anilo…football kaduh ber a, a hmuhnawm ber bawk…cricket hi a tension/pressure a sang duh ber lo maw game hrang2 ah hian..
Report this comment
March 21st, 2012 at 8:06 pm
Chhingdaite: Docte-a tan chu a ThlaRAU pawm dan pawh hi Khuai RAU ang deuh a nia. Buaithlak deuh ang. Duty man ni mai rawh se…
Mahmmed Kaif-a kha kum 2006 kuma South Africa nen an Test match an khelh tuma a DEHYDRATE khan ka nuih a van tiza tak em aw….
Boruak hot palh tak hlauhin: Sehwag-a vanneihna em em chu India team-a a lo luh tirh khan Sachin-a hi a inhliam tlat pek a. Amah hi a AGGRESSIVE bawk sia opener dinhmun hi a hum ta mial a, a vannei ta a ni. Lower batsman lam atangin bul lo tan se zawng Yousuf Pathan-te ang hlauh a ni ang…
Dhoni bat lek dan hi keipaw’n a tirah mak ka ti lutuk. Mahse Vanlaldhoni hian a ban rek atanga hnuai lam tha chakna hi a lo hmang tangkai em em a ni. A taksa inthen dan dik lo mah se a bet lek dan erawh a fuh leh em em thin. Tin, a mit a chak leh thahrui ngahna avang hian a chet ran tir bawkin ka hria.
Report this comment
March 21st, 2012 at 8:12 pm
Cricket hi vaiho hian thiam ta viau lose kan sawichhe kher nang…Baseball ai ka ngaisang feee..
Report this comment
March 21st, 2012 at 8:14 pm
Laligna,Kaif a chu hman kum a Ganguly a century dawn tep ah four va vuak vak kha i la hria em. India khan target an um sia, a century loh phah kha… doc_lib a te tih awm tawk a ni. (Hehehehe) Dravid an Sachin a 200 score tur a call off tak ang vel kha a niin ka hria. Pathan-a pui hi kei ka tan roh khawp a, IPL ah hian Rajasthan Royals a a khelh lai atang khan ka tan tawh a, tunah pawh hian ka chuam deuh ber chu a nia. Mahse, a che tha thei lo. IPL lam pawh hi Pathan-a leh Cricket star a ka duh ber, Shane Warne ropuia an awm tawh dawn lova, ka la tan peih ang em maw ni…
Report this comment
March 21st, 2012 at 8:22 pm
Chhingdaite: Hria e a. Ganguly kha a lawm vak loh hmel khawp mai. Mahse four vuak tum lutuk pawh a ni lem lo. CHutia sawi takah chuan Allrouder Sanjay Bangar an koh leh hnua a khelh hmasak ber khan Ganguly a run out tir hlauh mai a. A khel tawh lo chiang asin aw….
Sachin-a double century dawna Dravid-a declare pawh kha ke en alawm. Palistan nen a ni nghe nghe kha. Run tam pawh a mamawh tawh lo a nia, han double tir mai sela tha tur a nia. Media lamin an zawh nasat kha. Sachin-a erawh a ngawi tlat thung.
IPL hi duhaiin a cricket lo ka tia ka en peih vak lo T20 lam hi. Duh dan chuan test match ang vek hi ni se la a tha. 20-20 ah chuan an hlap pawp pawp a, batsman ni lem lo: bat lek dan leh ke chheh pawh dik map lo bowler lam te’n run an siam ta nghek nghek mai thin a. Tha taka miin an bowl ang chite hi ball an uih luatah batsman lam paw’n an khawih leh hram thin a. A ho ka ti deuh tlat. Bowlling tha chu kan leave mai tur a ni. Dawhthei takin bowl loose hun ngah hram hram….Cricket chu dawhtheihna, fimkhurna, tuarchhelna, taimakna, ldt., hi a fawmkim tlat tur niin ka hria.
Report this comment
March 21st, 2012 at 8:24 pm
Vaivawmah chuan a vawm lai hi a har ka ti ber, a vuak erawh chu a nuam ka ti. Chdlva te hi khelh pui ka chak khawp mai (throw ball awihin)
Hostel awm lai khan Vaiho hian lehkha zir lai lai hian khel turin min rawn sawm teh fo va
Hockey khel thin tih takah Compass ball hi chuan min per lovang ti ve ngam kha kan nia (insawithei lawks)! Mahse, spin ball hi vuak fuh a va har tak em….!
In hrut danah chuan Bangladesh hian zalenna chu an la hmuh mai hmel loh, Pakistan hian expi an ngah em mai! In chawiah tunge min cho ? Pakistan lamah in dah ngam ngam ka dah ngam e. Srilanka players ho tenawm zia kha Australia-ah khan Aussies ho kha an tenawm hle tawh a, mahse a bulah chuan Hamaradesh thiam loh a ni tho tho!!!
Report this comment
March 21st, 2012 at 8:53 pm
Laligna-a a chu in han in sawi tak tak chuan kei aiin vaivawm hi i tui zawk em awm ka ti… Mizo zingah hiana tui ber pawl niin ka in hria a, mahse nang te hi ka tluk vak lo che in ka hria…A tha e, vaivawm tui kan tam poh leh a nuam . E hei Lushai_er pawha lo lang hlawl mai.
Lushai_er, E kei chu ka khel thiam lo nasa mai a….a en chiah ka tui hehehe. Sri Lankan chu an Board ah tlakchhiat hun ah india in kan dawm kang tawh lo ang. Bangladesh hian zalenna hmu ngat sela chu India World Cup kan lawm ai hian an theuneu bik ka ring lo. Hmm in chawi dawn ila, Bangladesh lam hian Fonz leh Chemtatrawta ka dah ngam zan mai a. I duh leh Pakistan lamah khan doc_lib hi dah ve mai rawh hahahahah.
Report this comment
March 21st, 2012 at 10:09 pm
Asia cup ah ram 4 in an khel a chutah final pawh thlen loh chu a
Report this comment
March 21st, 2012 at 11:22 pm
hamara desh hairehai
Report this comment
March 22nd, 2012 at 2:15 am
MRF, NCA kan nei chunga genuine fast bowler kan la neilo hi chu a mak… Bakah kan domestic system hi a thalo, Ranji tihleh ringawt thin. County leh australian championship te hi chu a hmuhnawm asin.. IPL hi a awm hlauh tawh zawka
Report this comment
March 22nd, 2012 at 10:21 am
Chhingdaite: Nang chu khalh chi i ni ne’m le. I cricket article atang reng mai hian i tuichilh bik chiang alawm. A ngaihnawm thin dap dap em mai. Savun hampuar lam i han nek deuh hlek changte hian ka lo hlimpui em em thin asin.
Mahse ka tui ve thawkhat khawp mai. TV hmanga en theihlohnaah pawh AIR lamin running commentery an pek thin hi ka ngaithla fai kel thin. Lo vahna leh hlo thlawhna lama radio ken chang pawh ka ngah, thlawh laiah leh chawfak lai lai hian ka ngaithla heuh heuh zel. Ka hun pawh hi a la heh reuh viau. Mahse ka in adjust ve leh mai zel.
I sawi angin ti hian mizual.com hi cricket site angah kan ngai hmiah ang chu. Vei zawng : lawmna leh lungaihna lam chi cricket lam hawi apiang heta sawi hi a awmzia ber ang. Savun hampuarte angin Zofooty a ngai lem lo. Ti hian kan ziak anga kan comment bawk anga cricket lama thlarau bo kan man zel mai dawn alawm, docte-ate ang hi.
Report this comment
March 22nd, 2012 at 5:44 pm
Rilru thaw ven deuh lai hian han chhu leh thuai mai ta ila…
Mi an out hian out dan tha lo tih deuh ka nei a. Chu chu commentator lam chuan SOFT DISMISSAL an ti mai thinin ka hria. Batsman khan ball lo kal kha a ATTACK miah lova a DEFENSE hek lo bawk. Awlsam tein an catch out ta mai thin a ni. Dawhtheihlohna, thatchhiatna leh rilru sawrbinglohna avanga thleng a ni chawk thin. Hring nunah pawh harsatna kan tawh apiang hian thut ngawi tawp tur niin ka hre ngai lo. Kan in defense loh pawhin kan attack ngei ngei tur niin ka hria. Zirtur hi a awm zel a nia. Mihring nunphung dik hriltu hi ho luau a awm ngai lo.
Report this comment
March 22nd, 2012 at 10:03 pm
@Dailo : Bangladeshi ho chuan pressure an la zawh loh zia chu i hmu thiam tawh em? Ha ha ha ha ha ha………!
Report this comment
March 22nd, 2012 at 10:06 pm
An khua-ah pawh hetiang an nih chuan ram dangah chuan eng teh ual an la ni chuang lovang! Tuma’n inchawi min ngam si lova le….mahniin ‘Absolute’ kan hawng mai a niang chu
Sailova te ho nen kan boruak chim a in ang awm lo hle mai a
Report this comment