A hmel ka en a, admission a ngai chiang. Tichuan keima thu in kan unit hnuaia awm turin ka admit ve ta tawp mai. HIV positive ani. Ka admit rual chiaha ka rilrua lo lang chu ka pu ten engtin tak min hau ang maw. Mahse damlo hmel kha ka en a, Hippocratic Oath ka rilru ah a lo lang nghal ‘The life of my patients will be my first priority ‘
Luhai vawi khat na : A hmel leh a pian zia a tang rengin nau nei pangngai thei a ni lo tih ka hre chiang. Ka ward a awm ta chu an chanchin ka zawt chiang a. Positive a nihna chhan thlengin ka hre ta. A pasal mittui tla kianga ka puihna beisei em em a min melh tu chu ka thlir thin a. Ni e, mihring hian vawikhat tihsual zauh chu kan nei thin. Vawikhat tih sual rau rau ah vannei leh vanduai inkar hi a lo hla em alo ani.
Zai dawn chuan a bika in thuamna, emergency kit a ngai. He kit hi man to tham ve tak ani. An lei thei leh theih loh ka zawt. Damdawi dang, a tul ngawih ngawih a an sen tur man bakah hetiang kit manah cheng sang tel man han sen chu an sumin a tlin lo. An bei a dawng chiang. Lu a hai duh duh ngei mai. “ ka pu ka lo tih sual a avang hian ka nupui leh kan fa hian tuar phah suh se, min pui hram rawh..” Ka tah a chhuak. Kei mihring ve mai hian enge tih theih ka neih bik ang.
Ka dik nge dik lo : Engemaw chu ka tih sak a ngai ani. Ka tih ngai loh ka tih a tul ta. Damdawi company pakhat ka be ta tawp mai. He tiang kit 2 hi min pek theih chuan, damdawi ziah a tul reng rengin, in company kut chhuak ka lo ngai pawimawh dawn nia ka ti ta tawp mai. Ka dik nge dik lo pawh ka hrethiam tawh lo. Damdawi company lakah khan ka in hralh ta ani thei em le? A leh lamah mihring nunna, lak bova a awm vaih chuan, ka pek let leh theih ngai tawh lo tur a awm si.. Darkar 2 chhungin ka mamawh chu ka hmu ta.
Luhai vawi hnihna : Ka mamawh chu pekin ka awm ta ngei. Mahse kei chu PG zirlai ka ni a, ka thu in damlo ka zai thei lo. Keimah a zai ka huphurh lo tih chu ka hre chiang, mahse dam lo zai tur operation theatre a la lut turin thuneihna ka la nei ve lo tlat. Kan senior resident biak a ngai ta. Ka va han huphurh tak em!! . Inthlahrung chung chungin ka va kan SR room ah chuan ka lut a, rum tawka min lo melh pahin “ enge i mamawh ? “… “ Sir, dam lo pakhat ka admit a, zai a ngai tih a hriat, a condition chu…….” . Min chhan leh hma khan rilru tawngtaina ka va han thawn chho hnem teh reng em.. Rum taka min melh chung chuan a khi ta suk a, “ I zai dawn nia, keiman ka assist ang che..hei hi doctor hna ani reng ani..”.. Ka hallelui lo chauh..
Damlo chu hlawhtling taka zaiin a awm a. An awh em em fapa pekin an awm ta. A fapa thisen chu test nghal ani a, vanneithlak takin a la positive lo ve. Thla ruk hnuah test leh ani ang a, Positive lo hram turini tawngtai pui ang u.
Hospital an chhuah san ni a hlim taka, “ ka pu kan chunga i thiltih hi kan dam chhungin kan nghilh lo vang..”.. a tawk ka duhthusam chu ka mittui tlak hma a an kal vat vat ka duh ber.
Tihian Pathian hnenah ka thlen ta zawk a. “ Aw Lalpa ka naupan laia ka nih chak i hria e. IAS officer nih a lal taka awm ka chak zia pawh i hria a, chumi ka nih phak loh pawn civil services engemaw tal nih ka chak thin tih i hria. Damlai kawng chhuk chho min zawh tir a, retheihna a vanga coaching kal thei lo dinhmuna min dintir lai khan i lakah ka vui thin, min hmangaihtu ka nu leh pa te lakah pawh ka vui . Harsatna zawng zawng min paltlang tir a, retheihna leh political fitness neih loh a vanga mark-in pha mahse, hna ka dilna a min hlawhchham tir tum khan ka vui. Mihring rilru a tanga ka lo thlir vang a lo ni. Tunah chuan ka tan hian ‘Lalna te, thuneihna te leh ropuina te’ i ruat lo va . Mi chanhai leh riangvaite tan a he khawvela i len laia i hnathawh thin “ Tihdam rawngbawl hna” chelh tlaka min ruat a, chumi kawnga ka kal theihna tura ka nuna harsatna hrang hrang i thlen kha tunah ka hrethiam ta. Tangka sum ngainat hi sual tin reng bul a ni tih min hriat nawn fo tir la, chumi kawnga ka tlan lohna turin min veng him ang che. I remruata in nghat ringtu nunah hian ‘ VUINA TUR RENG HI A LO AWM LO VE’.
(Pic hi ka vawi khat dahna tur ani. A dik leh dik loh ka hre lo. A dik loha in en theih loh chuan Ku Saitawka hauh tur keimah ni lovin. A ma min hrilh dan ang ania :-P )
(Admin: A dik chiah lova, mahse kan siamthat sak che. Ku Saitawka chu kan hau ngam nang 
)
Similar Posts:
- Rilru a hah ve mai a ni e…
- Hman leh Tun
- Beiseina
- HIV Positive te hi…
- HIV positive nia sawiin kum tling lo pawngsual
March 22nd, 2012 at 10:51 pm
I dam lo tanpui dan chu corruption a ni ti ila AMEN lo ti thum thei an tam ngawt ang !
@Doc : Hmanni Indian Spinal Injury Centre-a kan damlo pakhat kan chuan a mah an zai lai video a lo nei thlap mai ! An ti tha ka ti khawp mai!
I sawi ang deuh hian kei pawh ka duh ngai loh mahni hnuaia hna pakhat chu kan hmelhriat pakhat ‘Cancer damlo’ vangin kan thawh saka! Amah hi a damlai chuan hnathawh hreh reng reng nei lo a nih bakah ka thil request reng reng a hnial ngai lo!
Dam chhuak ta lo mahse, ka inchhir chuang lo! Mahse corruption ti a sawi theih chu a ni tho mai! Mahse CWG leh 2G tih vel nena khaikhin chi ah erawh ka ngai lem lo!
Serkawn Ramzotlang Biakin Roof Truss-te saw he mi kan sawi welding vek a ni a, lehkha zir sang lo mahse kut hnathawk mi a ni a, ka ui tak tak a ni!
Report this comment
March 22nd, 2012 at 10:52 pm
malsta27, he post hi a tha a, a tha kan tih thu kan sawi liam liam tawh a. Zan a lo thleng a, a post tupa ber hi a rawn OT tan ringawt a, keini tan tihtur dang a awmlo, kan zawm mai loh chuan
Report this comment
March 22nd, 2012 at 10:57 pm
@51 Lushai_er hian ka rilru buai rukna a rawn sawi chhuak teuh ber. Ka dik leh dik loh ka hriatthiam bik loh reng hi. Ka dik ta lo anih leh chung lam judge turin dah tawh mai ang. Nunna leh thihna in buk karah chuan a dik ber tur thlan thiam a har em anih kha..chuta karah in ngaihtuah fimna hun ka neih zui eih lo nen..Nge nunna chhan a lawm kan tum le
Report this comment
March 22nd, 2012 at 11:01 pm
Sheldie: Poivak chuang hleinem mawle, ck mah ula
.
Report this comment
March 22nd, 2012 at 11:09 pm
@malsawmtluanga27, recent post a a lan tawh loh hi chuan eng post pawh hi OT phal ta se tiraw
Report this comment
March 22nd, 2012 at 11:13 pm
#53, @Doc : PG i zawh hun chuan, NPA la lovin Clinic i hawng anga, midang tana malsawmna i nih zel ka duhsak che a ni.
Sawi leh sawi hnu, kan hmelhriat Specialist tam takte hian mirethei zawk te sum leh pai bakah an thiam leh theihna hmanga an puih thin hi sawi sen a ni lovang!! Mahse an sawi chhuak lem lo, chunglamin judge mai rawh se ! “Keep the faith”
Report this comment
March 22nd, 2012 at 11:14 pm
Sheldy hi chuan ka post hi a in ti neitu thei teh mai ania..Kei lahin han khap turin chakna reng ka nei si lo
Report this comment
March 22nd, 2012 at 11:26 pm
A va ropui ve.HIV positive a ni tih hria ila,zai turin ka inngaihtuah nasat viau ka ring,kei chu.
Report this comment
March 22nd, 2012 at 11:32 pm
@doc, ka van chhuang leh zual che em!!
Pic post tel dan hi phone call atang chuan ka sawithiamlo em a, hauh tlak ka ni tih ka hailo e!
Dik chiahlo tidik nghal thei admin kan nei leh zel hi kan mualpho dun loh phah bawk niin a lang!
Report this comment
March 22nd, 2012 at 11:44 pm
A tlai tawh emai, kan mu tawh teh ang. Zanrei lama online thin te pawh an rawn lang tan ta
Report this comment
March 22nd, 2012 at 11:49 pm
sheldon, vuina tur a awm lo kan ti mawlh mawlh a, vui hmui puin min mutsan i tum.
Report this comment
March 22nd, 2012 at 11:54 pm
@sheldon170, naupang mut hun a pelhna a rei tawh nen! Zirai hnuai atangin i la rawn meng ru a ni maw??
He Post ah hi chuan ka inti thu ve hrim hrim dawn. Duh duh sawi theihna Post ah pawh puang ila ka demawm bikloh e!
Report this comment
March 22nd, 2012 at 11:57 pm
Ho eee……..Sheldie OT te chu a remchan dan a zir ni mai lom
Report this comment
March 23rd, 2012 at 12:02 am
sheldon hian ka lan ve leh zan rei lama online hi a lo phuh chhuak ziah a
sana-ah min hmang tawhin ka hria. 
Report this comment
March 23rd, 2012 at 3:18 am
young blood ho post ah comment a thui theih nen..helam hringnun lamtluang a nel pha chin post hi comment teh ang.
A thawnthu hrim hrim hi a tha khawp mai! tawngkam leh thuziak thiam takin letling se Reader Digest vel a tan a iaiawm loh khawp mai. Doctor te thil experience hi a extreme em em a, kei emotion sang over tan hian tura zawh loh ka neih fo ka ring!
Doc_lib..Good job! I am proud of you
Report this comment
March 23rd, 2012 at 9:03 am
Thanx lrpa. Tia in comment liam liam hian chakna kan dawn belh zel ania.
Report this comment
March 23rd, 2012 at 9:31 am
Vawiin ka chawl bawk a, helaiah hian lut leh phawt mai teh ang
Report this comment
March 23rd, 2012 at 2:19 pm
Inti ta tu tak khan lo vil leh vang mai rawh sheldie
Report this comment
March 23rd, 2012 at 2:43 pm
ka hman ve chiah a, recent comment ah midang lang hman lek loin intlar thla dul dawn teh ang
Report this comment