Ka ṭhianpa, C. Lalrinawma nena kan inziahṭawm hi blog lamah ka dah tawh a, a zatve chhawkin ka rawn dah leh a ni e.
Mit hi tûna a awmna aṭang hian tukkhum lamah awm ta zâwk se, a dang zawng hi chu tûna a awmnaah hian awm sela, a buaithlâk ang! ‘Hnung lam aṭanga min chhiatkhum ṭhîntute kan hmu thei tawh ang a, a ṭha viau lo’ng maw?’ ti ngawt ila, kan hmuh theih loh lam, kan hnâr awmna lam aṭangin min la chhiatkhum thei tho dâwn si.
Bus chuannaah driver-in passenger lam a hawi ang a, bus hma lam a en thung ang. Passenger-te paw’n hnung lam kan hawi ang a, driver kan hmu tho vang! A mak hë hû awm mang e! Sam dum ṭhîn tân phei chuan mita tihluh palh a awl ngawt ang. Kan hairstyle mak dân tur chu sawi lo law law ang!
Tukkhum lamah kan khap sak sak ang a, sam zawng zawng hi mithmul a ni nghâl ang a, a pawt kawlh apiang an hmêlchhe tawh ang. Eye-liner leh eye-brow vêl chu hmanna a tam vak tawh lo mai thei. Kan la hmang duh ṭalh a nih chuan a hek ṭha duh mai mai ang chu!
Hahchawlhna hmun atana kan hman, khumlaizâwlah hlei hlei a buaithlâk ang. Kan mut zangthal chuan mit kan delh reng dâwn si a, kan bawkkhum lahin kan thâw a chham mai dâwn si a, saisira mut reng a ngai ang. Saisira kan mut chuan kan hawi lohna lam zel kan hmu ang. Nupa tân hlei hlei a buaithlâk; sawi thui lovang!
Ni chhuak en turin nitlâkna lam hawi a ngai ang a, mittui hru turin tukkhum zût zût a ngai tawh ang. Lungngaih leh làwm avânga ṭah châng hian a buaithlâk àwm. Ṭah nasat deuh châng phei chuan kawr hnung a huh dup ṭhîn ang a, kawr hâk lai thlâk chhén a ngai dâwn a ni. Nuin fa ṭahbelh deuh a hauh dan tur pawh, “Ṭap ṭap teh suh, kawr i neih tlêm têm nen,” tih a ni tawh ang.
A nih loh pawhin, tukkhum lama dah lovin kezungpuiah han awm ta sela.. Zum leh hriam kan rah palh ṭhin chu kan hmuh fiah dâwn em avângin kan pumpelh mahna. Mahse, he hmuna kan dah dâwn a nih chuan tûn lai infiamna lâr ber, football hi loh theih lohva a tâwp a ngai! Tunge mahni mita ball pêt peih awm tehlul ang? Ball-boot leh pheikhawk zuartute an khawro ngawih ngawih ang a, chapal hma âwng zuartute an lûn hle ang.
Kezungpui hmâwrah hian mit a awm a nih ngat chuan motor khalha ei zawngtute chuan ṭàm an hmabâk a ni mai! Biakina muthilh hrât deuh tân a ziaawm phian mai thei. Thuhriltuin inrulpuiludin-in thu a sawi ang a, hnuai lam aṭangin a aw a lo chhuak thung ang. Mipui lam paw’n thuhriltu enin bawp kan khai fur tawh mai dâwn a ni. Thu sawi rei kan ngaithei lo zual ang a, thu sawi rei peih pawh an awm tawh hek lovang! Dârkâr chanve pulpit-a inrulpuiludin tur chuan tuarchhel a ngai ngawt ang le!
Loh theih lohvin kezungpuiah tarmit kan vuah fur tawh ang. Hâwkdâk deuh tân hlei hlei a buaithlâk ang. Khawi emaw lai kilkhatah chuan an han inrulpuiludin leh úr ṭhîn ang a. Concert leh eng emaw show neihnaah chuan a tawi deuh bîk nih chuan a vânduaithlâk ngawt ang!
Tichuan, kezungpui hmâwr aṭangin chhas-te kan siai sak sak tawh mai dâwn a ni; romantic mai mai ang chu aw.. Mahse, hetah hian mit mîm zing lutuk tur mawlh mai hi kei ka lungkham! Tûna awmna tura siamtu remruat hi a fuh ka ti thlâwt e.
BONUS PIC
March 26th, 2012 at 6:41 pm
TSA leh ta mai2 thin hi aw! A hlimawm thin e. Sam (Hair) ah na na na hi chuan hair style hmang lovin ‘Hairdo’ an ti kher bik thin em?
Report this comment
March 26th, 2012 at 6:48 pm
Ka first leh ta lo….
Report this comment
March 26th, 2012 at 7:02 pm
Kan ‘THIL’ hi hmeichhia chuan Darah neiin mipain kutphahah, ‘Dam maw?’tih pahin rem dawn e…hi2…Gud post…
Report this comment
March 26th, 2012 at 7:13 pm
I ‘THIL’ sawi hi kei chu kephah hnuaiah a awm ang tih ka hlau ber.
Report this comment
March 26th, 2012 at 7:14 pm
hehe
Report this comment
March 26th, 2012 at 7:18 pm
Bonus pic khi a dik lo. Single ka in ti ve a, misualdotcom phei chu awm lo se thian za ka neih ka ring mang lo
Report this comment
March 26th, 2012 at 7:27 pm
K’u VaiVa, hmeichhia ni miau hek lo che! Ni pawh ni la, i profile pic khan mi a hîp lo em alawm.
Report this comment
March 26th, 2012 at 7:32 pm
a post tu hi LK ah a tal tam lutuk a BONUS PIC te a dah tel vel
Report this comment
March 26th, 2012 at 7:37 pm
A comment-tu pakhat chu LK-ah a tam lutuk a, bonus pic dah pawh a hmu LK ruih.
Report this comment
March 26th, 2012 at 7:39 pm
A va han ho eeeeeeeeeee…i post ho lutuk Tuaite,
.
Hnar te hi chung zawngin invuah se rainy season a buai ve fe fe tur chu kan awm mawleee……..
Report this comment
March 26th, 2012 at 7:40 pm
in ngaihtuah ho e mai a
Report this comment
March 26th, 2012 at 8:01 pm
#3, ‘dam maw?’ tih pahin darah beng thuk thuk ila, hahahaha…
Report this comment
March 26th, 2012 at 8:01 pm
Ngaihtuah ho thei em mai.
Report this comment
March 26th, 2012 at 8:35 pm
Ta mai mai chuan leh, hahaha lo ngai reproduction tawk lah kan awm zel bawk nen.
tren tren
Report this comment
March 26th, 2012 at 9:09 pm
‘Ka’ hi zak ah awm ve thil ei ruk a nuam fu lo’nh maw?
Report this comment
March 26th, 2012 at 9:26 pm
Laltuai, i va han ho mai mai tak. Vawiin khan ka chhiar hman lova, thu pangngai turah ka ngai a. Hei ka chhiar a, ka nuih a za
Pathian in a duan dan hi a tha ber mai e. Kan hnar leh mit te hi awmna inthlakthleng ta hu se, kan hmel chhe duh awm 
Report this comment
March 26th, 2012 at 9:41 pm
He thil hi chu Blog lamah ka mittui a ti tla nasa tawh lutuk a, TS a hi ka mittui ti tla tu ani!!
Report this comment
March 26th, 2012 at 10:18 pm
Report this comment
March 26th, 2012 at 11:22 pm
I blog chu min han share teh khai.. ka reading list ah ka lo telh anga mahse min telh ve rawh aw.
Very good post
Report this comment
March 26th, 2012 at 11:32 pm
@lhpa, a thu bul lama ‘blog’ tih khi click keuh rawh. I update that peih chuan ka lo dah ang che.
Report this comment
March 27th, 2012 at 1:55 am
Ho kher kher mange.
Report this comment
March 27th, 2012 at 7:42 am
Ho May May mange ka ti ve lo mai ang
. .Pathian in min siam dan hi a fuh thlawt ani 
Report this comment
March 27th, 2012 at 11:00 am
Report this comment
March 27th, 2012 at 4:33 pm
Report this comment
March 27th, 2012 at 5:29 pm
Report this comment