Thangawk sate hian an tuar nasa thin awm mang e!

March 26th, 2012 4:07 pm by Thlams

Ransate chunga kan chet dan tam tak hi chu ngaihtuah chian chuan a rawng thin mang e. A bikin thang kamtuten Lo/Huan thlaite an khawih nasa emai tih vang pawh ni lem lo a; Ninhlei leh tlawngawl vanga Thang an kam ringawt thinte hi a pawi ka lo ti ve thin.

Heta Picture pawh hi, Ramhnuai hla tak a mi a ni a, A thangkamtute pawh hian an en hman lo a nih loh pawhin an theihnghilh a nih a rinawm. Huan/Lo a bulah a awm si lo a. Thanghrui hian a kawngah a awk a ni. Rei tak mangang takin a tal a tal ngei anga, Mangang takin a thi ngei dawn tih a lang.. A khawngaih thlak mang e.. Hmawngrah tlan satliah a ni. Zawbuang(Ui tiat vel) a ni.

35 Responses to “Thangawk sate hian an tuar nasa thin awm mang e!”

1
century child Says:
March 26th, 2012 at 4:13 pm
Chhiar ilaaa
Report this comment
2
VaiVa Says:
March 26th, 2012 at 4:22 pm
Ngaihtuah a ti thui e. Post tha tak a ni
Report this comment
3
Dr Mahminga Sailo Says:
March 26th, 2012 at 4:28 pm
Khai aw… A va’n lainatawm tak em!

Thingtlanga cheng te dinhmun ka hriatthiampui rualin, tun ang khawvela thang la kam tlat te, ramvah te hi chu bansan a hun tawhin asin le. Hui hammm…
Report this comment
4
EmEich Says:
March 26th, 2012 at 4:44 pm
A mangan tur zia ka ngaihtuah a….
Report this comment
5
caribou Says:
March 26th, 2012 at 4:47 pm
Thenkhat phei chuan thang an kam teuh va, thanga awk en leh ngaihven an peih leh chuang lo va, ramsa pawisawi lo tam takin awmze nei miah lovin an thih phah fo thin.

Ramsa thanga an awh hian nasatakin an tal a, an inphelh thei si lo, tanpuitu pawh au mahse a puitu tur berin an pui thei chuang si lo. Nilengin an inkhai a, nasatakin an tal a, an awhna lai phei chu a vung phui chuk thei hial; chhuak thei lo na na na chu le, riltamin an thi tawp thin.
Report this comment
6
vakul Says:
March 26th, 2012 at 4:53 pm
tu post pawh ni se, he lama mi tui caribou sawi hi ka thlawp zar zar e. lainatawm mang tak e.
Report this comment
7
phawkars Says:
March 26th, 2012 at 5:07 pm
Thangkam hi chu a hunlai chuan nun a ti hlimin nuam ve tak chu a ni….Mi thangawk chhuah hi nuam ka ti.
Report this comment
8
Chhuaklinga Says:
March 26th, 2012 at 5:21 pm
A va lainatawm tak ve le, a sa an ei duh a, a thang an kam a ni awm si a, han ngaihven ve deuh awmtak a nia le. Kan mizo upate kha chuan kut an hman dawn te leh rokhawlhna eng emaw an neih a, an en hman dawn loh chuan an thang kam te kha an sut vek thin kha a nia sin le aw…

Masi dawn a kan sava thangkam sut tur a kan nuten min tir thin te pawh min ti hrechhuak e.

tren tren
Report this comment
9
Levi Says:
March 26th, 2012 at 5:24 pm
Rilru bakah thinlung a khawih hle mai… Kan ram a nungchate kan sawisak dan hi chu a rawng a ni Kohhran upa silai pu chhuak ngauh ngauh hi thingtlang lamah pawh an la tam mai. Pathian thu an sawi pawn ka ngaithla peih lo,hetiang ho hi chu.
Report this comment
10
kilung Says:
March 26th, 2012 at 5:49 pm
Khai a… Khitiang khian min khai ve ang th ka hlau
Report this comment
11
Soberboy Says:
March 26th, 2012 at 6:01 pm

Report this comment
12
TuaiSialA Says:
March 26th, 2012 at 6:02 pm
Mi thangkam sawisak ka chîng khawp mai. Kawngsira thangkam awmte hi kal pahin ka tiper zeuh zel. Thingtlangmite’n a thlawna sa an hmuh theihna a ni ve miau bawk a, thang hi. Mahni khawvel zel a lo ni e. Khawpui lam atanga chhuk thlir chuan ‘tunlai anga thangkam’ kan ti maithei a, mahse, thingtlangpa chuan, khawpuia awmin ‘tunlai’ a tih huna kha a hmang ve lo tih hriat a tha khawp mai! Thangkam ngaihsak miah loh erawh chu a tha lo khawp mai.
Report this comment
13
Uaiizzz Says:
March 26th, 2012 at 6:06 pm
Ransa niloin Ramsa

A khawngaihthlak reuh hle mai.

Ti daih ila, eng thang nge ni reng reng le ???
Report this comment
14
kilung Says:
March 26th, 2012 at 6:34 pm
#Ts :D. Kei pawh ka ching ve thin khawp mai, achang leh thing bung te ka awh tir a,nuam ve riau sin ahunlai chuan…
Report this comment
15
TuaiSialA Says:
March 26th, 2012 at 6:58 pm
#14
Report this comment
16
M_Pautu Says:
March 26th, 2012 at 7:21 pm
khitiang thang khian daidep a awk ve thei angem? daidep thang hi awm se ka ti ania…ka ti thei thaklo!
Report this comment
17
VaiVa Says:
March 26th, 2012 at 7:32 pm
Comment #16, eng maw i tih theih loh? Awh kher a ngai a ni maw? NOI
Report this comment
18
M_Pautu Says:
March 26th, 2012 at 7:41 pm
@ 17, awh kherloh chuan ka vaw pherh zel, vuak pherh duai lah hian ka ti theilo lehzual…luak an ti chhuak hlei hluai
Report this comment
19
funny™ Says:
March 26th, 2012 at 8:17 pm
Uaizz #13 Thang khai uai anih hi. leols
Report this comment
20
lamea25 Says:
March 26th, 2012 at 8:51 pm
Nungcha humhalh ah hian tihtur kanva la ngah em. Hetah ve, sava,rul,sakhi etc. Damlo an hmuh chu village kilkhawr berah pawh, an forest dept an hriattir a, kan Center ah an rawn hruai hram2 thin. Ninawm khawpin nuncha an hmangaih..
An Sakhuana vang kan ti ani mai thei, ni thawkhat mahse, a chhan pakhat chu, Forest dept ina awareness an tih hi mipuiin an zawm tha. Keini 1992 vel atanga Nungcha humhalh thupui tawh hi, a mipui kristian zawkte hian Sawrkar thupek dang ang bawkin kan zawmlo.. Ngaihtuah a ngai e, a sa eichak chu thuhran, kuthlei vang a tam.. Tin, nungcha an tlem tawh a, kan hria, humhalh lama tan kan lak a ngai e..
Mizoram thingtlang khaw pakhat ka kalna ah chuan an khaw bul ram an reserve a, sava kah,perh,thangkam an phallo. Zingkara an khaw field a kan kal mai chu, sava chi hrang hrang an tamin, field a inkhel thawm pawhin ati tri heklo, hmuhnawm tak ani
Report this comment
21
Awmtea Khiangte Says:
March 26th, 2012 at 9:05 pm
Sawi tur vak ka hre lo. Ka lainat em2 ani. Ka tetlai chuan sava ka vehin thang ka kam ve thin a. Mahse mihring ang bawka hlim thei, lungngai thei, manganga tap ve thei an ni tih ka hriatchian hnu leh mihring tan an tangkai a, Pathianin duh taka a siam ani tih fiah taka ka hmuh hnu chuan ka sim hmak. Post-tupa i titha e
Report this comment
22
sheldon170 Says:
March 26th, 2012 at 9:20 pm
Khawngaihthlak. Naupang te kan nih laiin kan bawngnote mit miin an perh sak a, a tui per a, chu mai pawh chu kan tah phah a. Broiler hi lian puiin kan vulh a, 7Kgs vel lai a nia. Masi dawn in kan talh a, chawhtawlhah a bungbung deuh zawng hian an talh hnu khan an dah a, a chawei lai te ka mitthla a, a sa ka ei thei miahlo.

Chutiang bawkin Ramsa te pawh nunna nei, ngaihtuahna nei, lungngai a lungleng thei an nia, an khawngaihthlak, tul hlei lova tihhlum hi sim hmak ang u.
Report this comment
23
XaiA Says:
March 26th, 2012 at 10:22 pm
Thangkam ka zei lo khawp,ka ramvachal lo zek bawk.
Report this comment
24
Dr John Says:
March 26th, 2012 at 10:33 pm
Gud post. Hetiang lam hi kan in zirtir uar a tul khawp mai. Pathianin ei a phal lam hi chu kan hre hlei hlui a, sawisel vak tur pawh a awm lo. He Post sawi tak erawh hi chu a pawimawh tawpkhawk-in ka hria.

Mahse, he Post pawimawh tak hi… A mamawh ber ber-te hi a Chhiar phak zingah an awm ang em aw? tih hi ka ngaihtuah pakhat chu a ni. Misual tlawhtu tam zawk daih hi chu hetianga Thangkam vel hi chuan an khawsak mek hi ka ring chiah tawh lo deuh si a? Engtinge he Message pawimawh tak hi kan hriattir tak ang aw… ka lo ti mai mai
Report this comment
25
lrpa Says:
March 26th, 2012 at 10:52 pm
Thlir dan chi khat chuan ka khawngaih lem lo! Chawhmeh-ah kan duh tlat si a, thingtlangah te chuan vawksa lei mai mai pawh pawisa awm mahse a theih loh a. Ramsa te hi Mizo te tan chuan ‘part of our food’ an ni tlat ani. Sazu thang te an kam a, an man a, an rep a, ei phal loin bazarah te an zuar a! Cheng za te hi a hlu em asin! Keini helaia internet hmang, sandwich, sausage, atta ti telh telh ho te hian kan thingtlang nun hi kan hrethiam pha lo deuh thin a. Lo hal a tha lo pawngpaw tih ve ngawt te hi a zia lo deuh ve thin tho ania..
Report this comment
26
johnny_ralte Says:
March 26th, 2012 at 11:14 pm
gud post
Report this comment
27
blackmagicwoman Says:
March 26th, 2012 at 11:48 pm
Thlalak chu en a hrehawm tlawk² hle mai. Ran chunga kan chetdan hi keipawh a chang chuan hrehawm ka ti ngawih² thin. Vegetarian nih te hi ka van tum ngun tawh tak…vawksa rep ka hmu a, ka give up leh zel bawk sia. 6 months sa ka ei loh kha a la rei ber. 2013 ah try leh ang…
Report this comment
28
Maya Says:
March 27th, 2012 at 7:57 am
a va khawngaihthlak reuh em . .
Report this comment
29
shailendra Says:
March 27th, 2012 at 9:21 am
a inkhai thi thak mai dawn a ni maw? A nghawng a awk a inkhaihlum te chu ni se, thi tur hrim hrimah chuan a ziaawm deuh dawn zawk si a. A thu hrimah, a khawngaihthlak a nih khi.
Report this comment
30
hmingtea Says:
March 27th, 2012 at 9:55 am
Nang pawh chu eng ti ti a heng thla te la thei nge maw i nih chu le camera kengin ramhnuaiah i kal thin em ni?

Nia rehhlum sa te thisawn sate ei chakna hi awm lo seng thang chu kan kam ngai lo.

Ramsa cher khapkhawm ei lo sa ai chuan mihring in duh tawk a thau a kan vulh sa hi a tui ber zawk,.

Sim hmak tawh rawh u thangkamtu te khan
Report this comment
31
Killer shark Says:
March 27th, 2012 at 10:05 am

Report this comment
32
Thlams Says:
March 27th, 2012 at 11:00 am
#13 Ni e ti raw.. Ransa or Ramsa tih hi chu sawi dan leh ngaihdan a awm nual awm asin.

#30 Camera nena ram vah hi a nuam ve viau asin! ha2..

Ransa/Ramsate hian kan duat an phu em em lai a; Na tak taka kan kap hliam thinte leh thang hmanga kan awk te rawng rawng chang hian anmahni Siamtu pawi kan sawi ngei ang tih ka ring ve thin.
Report this comment
33
BigZy Says:
March 27th, 2012 at 11:47 am

Report this comment
34
creampie Says:
March 27th, 2012 at 2:55 pm
A ai a tui ei tur a tam lutuk!!!!! An hmuhnawm na lampang hi i thlir zawk ang u. An rah tlan lai thla han post zawk teh un..
Report this comment
35
Thlams Says:
March 28th, 2012 at 10:41 am
#34 Ni khawp mai..
Report this comment