Mizo tlangvalte hi inngaihzawnna lamah kan lo zei lo hle a, hei hi kan nulate’n hnam dang min hawisan ṭhinna chhan ni paw’n a lang. Chumi a nih avang chuan kan nula lamin min duhkhawp lo lek lek niin a lang a, chuvangin zei dan tur tlémtë ka han dah a ni. Zawm a harsa lem lo bawk a, zawm ṭheuh kan tum dawn nia. A duh chuan HEI HI chhiar hmasa ila.
1. I ngaihzawng nena kalkawnga in kal dunin, motor hnaih lam zelah kal rawh. Hei hi ngaihzawngte kher lovah pawh mipate’n kan tih tur a ni. Tin, thil an khai chuan kan ken chhawk ang a, an duh loh chuan ken chhawk ṭalh tum loh tur.
2. Kum 21 i tlin chuan hnathawk lova awm mai mai zak hle rawh. Zirlai i la ni a nih pawhin hnathawh tur chhetë tal neih tum ang che. Sawrkar hna chauh um lo la, a ṭul chuan cement chawk mai rawh, mahni intodelhna a nih phawt chuan kan nulate hmuhah kan mawi zawk.
3. Mahni intodelh kan sawi zo chiah a, car pawh mahni thawhchhuah ngei aṭanga neih tur a ni. I car-a nula i phurh dawnin, a luh leh chhuahah car kawngkhar hawnsak ziah rawh. An sawi lang lovang, mahse, an phût em em ang. Hei hian car nei thei chin chauh a huam.
4. Pangpar leh thilpek dang i pek dawnin a hun tak hre rawh. An chhungte boral champhaphak ang chi-ah te pangpar pek hi tih miah loh tur a ni. Tin, duh hun huna pek loh tur.
5. Restaurant-a i chawlhpui a nih chuan a chawlh duhna hmun tur thlang chat la, ṭhutthleng pawhchhuahsak ngaia a awm a nih chuan pawhchhuahsak mai rawh. Mahse, pawhchhuah saa a awm a nih chuan hetah ṭhu rawh i ti ang a, a tawk mai.
6. I thiam lohnaah chuan ka tihpalh tih hreh reng reng suh. A ṭul a nih chuan mittui tla zawih zawih pawhin ngaihdam dil mai rawh, zeina thuruk a ni zawk. Tin, ka lawm e tih hun hi hria la, mahse, a nazawngin sawi lem suh. Inkiss zawhah te ka lawm e i tih vei thlap zawngin, hnam dang a neihsan vat ang che.
7. Bazar tura a sawm che chuan kalpui hram hram rawh. Hmeichhia zawng zawngin bazar hi an bei rei vek kher lo va, i bazarpui a lo bei rei deuh a nih chuan i vanduai deuh tihna a ni mai.
8. I ngaihzawngin a duhzawng leh ngainatzawng a sawiin ngaithla kar la, hriat reng tum rawh. I ngaihsanzawng a nih loh pawhin ngaisang awm deuh hian han awm la, an lawm tawk em em ang. Chutih rualin Justin Bieber hi ka star a nia awww an tih changa Kei pawh Justin-a hi ka duh tawp lo tih ve kher kha a ṭul lo. Lo thîk phei chu a ṭul lo lehzual. Anni phei chu an zaithiam a, an hlawh te a tam a nia, ngaihnep mai mai chi an ni lo.
9. Inkawmkhawmna ang chi-ah an thu ngaichang rawh. I lo ṭawng zuah zuah chuan an ning ang che. Chumi ai chuan a thu ngaichang thiam la, a duhzawng sawipui ṭhin rawh. A duhzawng han tih khan Justin Bieber leh rose par chanchin ringawt a ni lo a nia.
10. I sum neih level-in inchei thiam rawh. Chutih rualin cement chawk i nih avangin hnathawh thawmhnaw nena awm reng tur tihna a ni chuang lo. Mahse, an bula sum nei lo lutuk anga i awm reng chuan an ning dawn che tih hria ang che. Bazar tura an sawm chea pawisa i neih loh pawhin Pawisa ka nei miah lo, mahse, ka lo kalpui tho vang che i ti hmasa dawn nia. Kalpui kha a hlutna a ni a, pawisa nei lo chunga ka nei lo i tih kha a hlutna a ni bawk.
He’ng zawng zawng hi hlen chhuak vek la, kan nulate hian Mizo tlangval aiin hnam dang tlangval an thlang zawk tawh lovang a, Kei zawng ka thlang Mizo val ngei an ti hlarh hlarh thei tawh ang. Hnam dang tlangval an neih leh ngaihzawn avanga kan buaina zawng zawng a lo tawp tawh ang. I ṭan ang u le.
Similar Posts:
- Mahni tawng hman dik loh hi thil zahthlak ani
- Mipa ve thung
- MZU hna lakna ah Manipur mi tling an tam ber…
- Hnam Dang Pasal Nei Chhui Dawn
- Mizote hriattur pawimawh
March 28th, 2012 at 8:00 am
Phek thar hawn pahin Gud morning.. Post tupa hian hmang tangkai se aw!
Report this comment
March 28th, 2012 at 8:18 am
Mizo Pa ka ni tawh a, ka mamawh ve tawh lau…
Report this comment
March 28th, 2012 at 10:24 am
eng ang rilru pu in nge i post chu ka hre lo a,mahse a ho hle mai..noi
Report this comment
March 28th, 2012 at 12:55 pm
He post hi a originality a zero hle!
Report this comment
March 28th, 2012 at 1:05 pm
Bialnu zei deuh nei ilang ngai lo n mai lom
Report this comment
March 28th, 2012 at 1:21 pm
Hnamdang polite dan thawheng lutuk chu entawn vek kher a ngailo, kan nunpui reng thei dawnlo anih phei chuan…..In ngaihtlawmna, rinawmna, taimakna, hlawhtlinna…..Mi fel bula awm aiin, mitha bula awm a nuam zawk te hi ka tia…
Report this comment
March 28th, 2012 at 1:23 pm
Basic triah triah ve
Report this comment
March 28th, 2012 at 1:28 pm
Tuaite: Nuthlawi ngaihzawn mai tur, a eng amah khi kan apply ve angai tawh lo anti
Report this comment
March 28th, 2012 at 1:58 pm
Kan hmel leh nungchang min duh miau loh chuan khi tiang pawh khi han apply mah ila, awmzia a awm ka ring lo.
Khitiang khi ‘zei’ ni pawhin ka hre chiah lo. Ti peih reng ila chuan kan ngaihzawng ni miahlo te hlei hleiin nuam an ti ang. Min duhtu chuan an beisei vek lo ang, kan awmdan ang angah an lungawi turah ka ngai. :pil nghal:
Report this comment
March 28th, 2012 at 2:04 pm
@SillyBoy, he post hian originality a nei lo lutuk a, ka nuih a za.
Report this comment
March 28th, 2012 at 8:39 pm
Bible “Thu sawm pek” aiin ka hlawk pui dawn chiang!
Report this comment
March 29th, 2012 at 4:11 am
Mutchhuak chung chung a ka commentna post a lo bo daih a tah hian kan dah nawn leh daih
1. Kalkawnga kan kal dun in, motor tlan lohna lamah min kal tir thin. Thil min khai/ken chhawk ngei ngei bawk.
– Kalkawng zim leh zim loh dan a zirin mipa pangngai chu motor hnaih lam a chuh ka ring. Mizo leh hnamdang tih lam a ni lo. Chutiang bawkin thin khai chhawk pawh.
2. Kum 21 chin an nih chuan hna an nei ngei ngei a, mahni in an intodelh.
– Khawvelah hian hnamdang zingah kum 21 chin intodelh lo hi chhiar sen loh an awm.
3. Car atanga chhuk/chuan dawn in kawngka min hawnsak ziah.
– Ti an awm a, ti lo an awm bawk. A hun leh a hmun a zir te pawh a niang chu.
4. Pangpar/gift (or anything that shows appreciation) min pek hun an hria.
– Dik nalai a awm mai thei. Hei hi chu culture lam pang zawk a ni.
5. Restaurant a kan chawlhin thuthleng min pawh chhuah sak thrin.
– Dikna lai a awm thei. A chhan chu kan culture a ni lo hei pawh. Tunlaiah mizo khawvel dai zau tak tak leh nun dan mawi hmu pha tamtak awm tawh mahse mizo mipui mimir zingah hetiang han apply vel hi chu polite-over lam a kawk deuh tlats loll
6. “Ka tih palh” tih hi sawi an hreh lova, “Ka lawm e” tih hi an sawi fo.
– Hei chu a dik khawp mai. Mahse hei pawh hi culture tho a ni. Hnamdang hmeichhia te ang in mizo Hmeichhia pawhin kan sawi tha duh chuang lo. Chuan “ka lawm e” tih hi kan sawi tlem hrim hrim mizo te hian. Hei hi chu mizo zawng zawng zirah a it awm!
7. Shopping ngai se, mizo mipa cuan “hmeichhe shopping pui ka peih lo” an ti tlangpui… Hnam dang tlangval chuan min kalpui hreh ngailo. Hmeichhia hi shopping kan bei rei vek kher lo, a tul dan a zirin ka rei/rei lo thei.
– ha..ha Hmeichhe shopping chu sawi loh shopping haw hrim hrim hnamdang mipa an tam lutuk. “Mizo mipa hian hmeichhia an zui peih pur pur”lo tih nak a lai a!
8. Music emaw movie lam emaw mi lar chanchin sawi ila, an mi ngaihsan loh zawng kan lo ngaisang a nih chuan mizo mipa tam tak tihdan loh takin an ngaihsan lohzia an sawi ve ngai lo… kan ngaihsan chhan te min zawt a, min pawmpui lem loh chuan an ngawih pui mai. Example: Justin Bieber hi a gay chuti khati an ti ve kher lo, ralkhat pawngpaw judge lovin an hnathawh leh achievements atangin midang an teh zawk thrin.
– Hei hi chu ka tawn chinah a dik tlangpui!
9. Conversation tan dan leh chhunzawm dan an hria… thianhova inkawm khawm kan nih pawhin mipa duhzawng ringawt an sawi lo.. (chauvinism hi a lang ngai miahlo tluk a ni).
-A mihring a zir a ni e. 20 pc vel chuan a dik mai thei, mahse mizo mipa zingah pawh mi kawm thiam tak a awm fo.
10. An (sum) neih / career level angin an inchei thiam a, neihbak aia lan mawi an tum ngai lova, phone an khawih reng lo va. An nihna tak an lanchhuahpui ngam…
-Hei hi a dik tlangpui. Phone khawih velah phei hi chuan mipa an ni emaw hmeichhia kan ni emaw mizo hi kan over hrim hrim. Sms chhass an tih ve ziah te kha hnamdang zingah ti an awm ve ngai em??
Report this comment
March 29th, 2012 at 4:25 am
Mizo in a tlangpui a hnamdang kan tluk lohna diktak zawk chu HMEL mawlh mai hi
Hmeltha kan tih ve em em pawh hi ngo deuh, hmaifai deuh hi an ni mai. “Hnar sang vehvawh” kan han tih ve ngial pawh hi a hnar tona chiah chu a per tho tho 
Hmeichhia hi chu makeup nen thiamtak a kan in chei chuan a lan ziaawm theih ve deuh thung.
Tuaite! I lo helh leh em em ringawt pek a nge, thudik a ni hei hi chu ..lol..
Report this comment
March 29th, 2012 at 5:47 am
Ahahahaha! Pi elcee, i comment pahnih hi a pumpuhlumin ka pawm thlap e. A dik lutuk tlat. I rawn khapthla hneh khawp mai. Ni e, kan hmeichhia alawm, hnam dang tehkhin chuan. Âwm alawm. Sapramah piangin seilian vek ila kan hmelchhe bik awm lo em mai a.
Report this comment
March 29th, 2012 at 7:15 am
Pi elcee, i comment te ka like e. Mahse mizoten hnamdang kan tluk lohna point i rawn generalise na a, hnar(nose) i rawn thlang chhuak khi chu exceptional case a awm thei ang a? Ka hnar ngul hi ka naupanlaîin Boxing ka zir naah ka tichhe deuh na a, hnamdang ho hnar aia a nalhlohna ka la hre chuang lo tlats
ka vun rawng hì a kai rual deuh mai pawh a. 
Report this comment
March 29th, 2012 at 12:21 pm
@TuaiSialA:
Post! Say something we don’t know.. Comment # 62 hi a UIH topz! 
BTW, Pi elcee hian hnamdang te hi mizo dang ai hian a tlukloh nasat hmel lehzual bik ee…
Report this comment