…Tih Theih Nise Ka Va’n Chak Em!…
Thi mai tawh tur, țawng pawh țawng ring hlei thei tawh lo, aw chau em em chung chuan, amah enkawltu Nurse hnenah chuan, “Theory of evolution ka hmuh-chhuah kha, ka hmuh-chhuah dan dik tak angin ka sawifiah hman ta lova, pawi ka va’n ti tak em! Ka hmuh-chhuah dan dik tak anga sawifiah theih ka va chak tehlul em ve aw!” a ti vawng vawng mai a. A ngenna leh duhthusam angin, Rom 8:1-2, “Tunah zawng Krista Isuaa awm te tan chuan thiam loh chantirna reng a awm tawh lo. Kristaa Nunna Thlarau dan chuan sualna leh thihna dan ata chu min tichhuak tawh si a,” tih thu chu Nurse chuan a chhiar chhuah sak hnu ah, Pathian hla “There is a green hill far away, Without a city wall, Where the dear Lord was crucified, Who died to save us all” (S.S.S. No.1134) tih chu a sak sak leh a. Tichuan, thlamuang takin a chawl ta a ni. He a chanchin kan sawi mek hi Theory of Evolution hmuchhuaktu Charles Darwin a ni.
…Evangelist James Fegan Hnena Charles Darwin-a Lehkhathawn…
Evangelist James Fegan chu rawngbawl tura sawm a nih avangin Darwin-a te awmna-ah hian rawngbawlin thla 3 vel a awm a. A rawngbawlna hian rah a chhuah țha em em a. Darwin-a hian Evan. James hi lehkha hial thawnin lawmthu a va sawi nghe nghe a, “Thla tlemte chhunga i rawngbawlna khan kum tam tak chhunga kan rawngbawlna leh tih ve theih zawng zawng a rawn khum vek a ni. Zu leh sa-a saltang mek-te hi tuman kan chhanchhuak thei ngai lova. Mahse, i rawngbawlna ropui tak avangin, tunah chuan kan khuaah zurui pakhat mah hmuh tur an awm ta lo! Kan va lawm em!” tiin, ama mimal-in Charles Darwin-a hian Evangelist James Fegan hnenah hian lawmthu a va sawi a ni.
Charles Darwin-a pianthar chungchang hi Evan. James Fegan ngei hian hetiang hian a sawi a, “Darwin hian a thih hma thla 6 ah khan ama in-ah ngei, a hranpa ngat-a min sawmin, “Isua Krista leh a Chhandamna chungchang” sawi turin min ngen a. Rawngbawlna hlawhtling tak kan nei a, țawngțaina hun țha tak kan hmang a. In neitupa bakah, a awmpui (servants) te chu an piangthar deuh vek a, Darwin-a awmpui zinga hlun ber leh a țhian-țha ni tel bawk a piangthar phei chu Darwin-a tilawmtu ber a ni a, mittui nen kut-thing meuhvin lawmna chibai a buk hial a ni” tiin. He thu hi (Charles Darwin-a nupui Mrs. Emma Wedgwood remtihna-in) Christian Herald, December 21, 1881-ah chhuah a ni nghe nghe a ni.
…Charles Darwin Pianthar Thu Hi A Chiang Chiah Maw?…
Darwin-a pianthar thu hi chiang taka hretu an awm nual a. Mrs. Evans, Darwin-a ten an chhungkaw enkawltu bik atana an hman Nurse, a thih thlenga enkawltu hian chiang takin Darwin-a pianthar thu hi a hria a, a sawichhuak bawk. Mrs. Evans hi Nurse a ni a, Gospel Hall Congregational Church-ah Naupang Sunday school zirtirtu a ni. Kohhran mi tak leh Pathian țih mi a nih mai bakah, Darwin-a te chhungkaw țhian țha tak a bawk.
Darwin-a pianthar thu hi Mrs. Emma Wedgwood, Darwin-a nupuiin chiang takin a sawi a. Evangelist James Fegan pawhin a sawi bawk. Mr. Ismael Jones (editor) chuan Christian Herald chanchinbu-ah a chhuah nghal. Mr. Booth Tucker (Salvation Army) pawhin a sawi chhuak ve a. Mr. A.N. Nichols pawhin Darwin-a sawi ngei a hriat thu a sawi bawk. Darwin-a awmpui (old family butler) pawhin a mit ngeia Darwin-a piangthar lai a hmuh thu leh a beng ngeia a thusawi-te a hriat thu a sawi bawk.
Bromley and Kentish Times (ed., A.N. Nichols)-ah, Darwin-a pianthar thu hi an chhuah bawk. Darwin-a pianthar thu lehkhabu lama tlangzarh-tu pawimawh tak dang chu, Lady Hope a ni. Lady Hope hi Admiral Sir James Hope-a nupui a ni a, General Sir Arthur Cotton-a fanu a ni. Lady Jope hian lehkhabu 37 lai a ziak nghe nghe. Dr. L.R. Croft, Salford University-a professor chuan amah ngeiin a dik zia a fiah thlap thu a sawi. Sir H. Atkins, President of Royal College of Sugeons pawhin Darwin-a pianthar thu hi a confirmed ngei thu a sawi bawk.
…A Lo Ni Maw!…
A chunga kan tarlan tawh atang khian, Charles Darwin kha, a thih hma kum 6 velah, chiang takin Pathian khawngaihna a chang a ni tih a lang a. A thih dawn darkar-a amah enkawltu Nurse hnena Bible chang chhiar tur a ngen te, Pathian hla sak sak tura a ngen te hian a thlarau lam dinhmun a rawn ti-chiang lehzual a. Tin, Darwin-a chanchin hrechiangtu, mifel leh rintlak tak tak ten țawngkam mai bakah, Chanchinbu leh lehkhabu-ah a pianthar thu hi an chhuah bawk a ni.
Mrs. Evans (Nurse) hian Darwin-a Pianthar thu leh Bible chang duhzawng leh Pathian hla duhzawng chauh a hre lova. Evolutionist-te rilru țhawng em em, vawiin thlenga an thup tlat, Darwin-a sawi ngei a hre bawk. Chu chu hei hi a ni, “Ka lehkhabu Origin of Species-ah khan fossil ațangin thil zawng zawg a insiam angin ziak ka tum lova, fossil hi Pathian thilsiam danglam tak pakhat anga tarlan ka tum mai chauh a ni. Theory of Evolution ka hmuhchhuah dan angin ka sawifiah hman ta lo. Ka hmuh-chhuah loh dan angin an sawi a, thil pawi a thleng zo ta hi pawi ka ti! Ka theory sawifiah nan a, Karl Marx, Haeckel, etc. te ka lo hmang kha ka inchhir tawp thei lo” tih thu hi Darwin-a khan a thih dawn darker-ah a sawi a ni. He thu hi Mr. A.H. Nichols (editor)-an Darwin hnen ațang ngeia a lo hriat daih tawh avangin (Mrs. Evans thu hriat nen la kawp-in), Bromley and Kentish Times-ah a chhuah nghe nghe a ni.
…Charles Robert Darwin Chanchin Tawi…
Charles Robert Darwin hi British scientist (founder of modern evolutionary theory) a ni a. Shrewsbury, Shropshire, England-ah February 12, 1809, khan a piang a. A nu leh pate hi mi hausa tak an ni. A graduate hnu-ah, University of Edinburgh (1825)-ah damdawi lam zir turin a lut a. Mahse, a hlawhchham (dropped out). University of Cambridge-ah, Church of England Pastor nih tumin a lut leh a. Cambridge-a zirna a zawh hnu hian Pastor lama kal ta lovin, Natural History Projects a buaipui daih a. Kum 1839 khan Emma Wedgwood (first cousin) chu nupui-ah a nei a. Fa pawh 10 lai an nei a, an fate zinga 3 chu an naupan laiin an boral.
A lehkhabu hmasaber “On the Origin of Species” chu kum 1859 khan a chhuah a. He lehkhabu hi “book that shook the world,” tih hiala koh a ni. A published ni hian an hralh zo nghal vek a, vawi 6 an chhut-nawn zawng zawng chu an hralh zo zel bawk! A theory țanpui tur leh ti-nghet tur hian, lehkhabu a ziak nual a- The Variation of Animals and Plants Under Domestication (1868), The Descent of Man (1871), The Expression of the Emotions in Man and Animals (1872), etc. Darwin chu Royal Society (1839) leh French Academy of Sciences (1878) ah te member a ni a. April 19, 1882 khan, Downe, Kent-ah a thi a, chawimawina famkim nen Westminster Abbey-ah phum a ni. +
(Further Reading:- Dr.LR.Croft, How Life Began, Salford University: Evangelical Press, 1988; A.H. Nichols, Bromley & Kentish Times; Christian Herald, December 21, 1881, Garland E. Allen & Randy Bird, Charles Robert Darwin (1809-1882), Microsoft Encarta: 1993-2002).
Similar Posts:
- The Vatican says evolution theory is compatible with the Bible
- Mihring te hi zawng thlah kan ni em?
- Darwin sel tehsek suh u!
- Zopa Evolution theory….
- Darwin a inchhir a, thlai-in thisen a nei !!??
March 28th, 2012 at 7:21 pm
Gud post
Report this comment
March 28th, 2012 at 7:27 pm
Post pawl chuai a nih khi
Report this comment
March 28th, 2012 at 7:33 pm
Hawrawp pawl hi admin pakhatin a rawn thlak loh tâkah!
Report this comment
March 28th, 2012 at 7:38 pm
Hmeichhe post ava ang chei chuai ve.
Hei Charle’s Darwin-a work en duh tan.
https://darwin-online.org.uk/
Report this comment
March 28th, 2012 at 7:39 pm
he thil hi an sawi fo a, a dik a mawn le
Report this comment
March 28th, 2012 at 7:50 pm
A piangthar hlauh anih chuan lawmawm ngawt ang. Bengvarthlak e.
Report this comment
March 28th, 2012 at 7:58 pm
A bengvarthlakin a ngaihnawm e.
Kha maw, ka tih reng kha. Rawng pawl chu an thlak loh tâkah ka tih kha!
Report this comment
March 28th, 2012 at 8:05 pm
A pianthar awm pawh ka hre lo kei chu, marawh chu mihring mai a nih zia leh a theory khati taka an buaipui ta kha a in sit zia erawh a thih dawn hnaih ah chuan a sawi..engpawh nise Pathian erawh a ropuina an hmuchhuak zel zawk ang…
Report this comment
March 28th, 2012 at 8:09 pm
lolz TS #7, keimah a nih kha post publish tu leh rawng pawl paih tu chu. Hmanhmawh lutukin ka rawn publish a, post a chhuak har tawh sia, chuan fimkhur lutukin he post a rawng pawl HTML chu ka delete leh. Mahse he post ka edit laklawh laiin ka appraisal interview (first round) a lo hun sia, dar kar chanve deuh zet min interview hnu ah ka rawn edit zawm leh a nih hi.
Naktukah kan Creative Director in min interview leh dawn. Cheng engzatin nge tun kum hi ka hlawh a pung ang le…. keeping my fingers crossed… wish me all the best…
Report this comment
March 28th, 2012 at 8:14 pm
Het! Sir Sandman, I hlawh pung chu min chhawrtir ve hram rawh!
ATB.
Report this comment
March 28th, 2012 at 8:17 pm
Pung chu a pung ngei ngei dawna, mahse engzah chiahin nge a pung dawn erawh tun kum chhung a ka performance a zir a ni mai… ka performance chu a tha thawkhat viau chuan ka hria… a pung hnem viau chuan Teacher’s ka rawn thawn ang che. A pung zat a tlem chuan RV-a i kalna man tur taxi fare ka rawn thawn ang che
Report this comment
March 28th, 2012 at 8:25 pm
^
A lawm nan misual.com banner hi i thlak ngei ngei a ngai ang. 
Report this comment
March 28th, 2012 at 8:31 pm
I thuziak hi harsa taka sual chhuah a ni tih a hriat thin hlawm bik khawp mai. Ngaihdan hlawm tawp ang chi thuziak hi tha viau thin mah se hetiang chi deuh hian misual.com hi a ti hlu ber niin ka ngai.
A thupui i dah danah hian Darwin-a hi PIANG THAR LO anga chhuah tum i ang khawp mai a. Ka chhiar ling let nuai mai. Mahse a mi den dan a na zawk ka ti.
Charles darwin-a thih dawna tawngkam leh a pianthar leh thar loh chanchin hian hmai pahnih a nei ve ve. Awihawm ve ve tak a ni. Tuna lo chhuina hi Christian defender lam atangin a ni a, lehlam zawngin a danglam leh em em thung si.
Engpawh chu lo ni ta se. Darwin-a pianthar leh tharloh hian a theory hi ah hian engteh ualin nghawng a nei vak dawn lo hrim hrim. “Ka theory kha a dik lo” tiin lo iak vak vak mah se amah aia thiamin he theory hi an zir chiang a, an zir belh a an sawh nghet sauh sauh zawk a ni. Theory a nih ang takin miin an zir a, physical science leh metaphysical pangngaite nen inrem bawk si hi a aia tha dang a awm chuan loh avangin an pawm ni maiin a lang.
Kristiante hian tihsual lian tak mai kan nei ve a: he theory chhuah hunlai hi abik takin Europe khawmual pui lama hnam fing hote thlarau lama an tuihal lai a ni a ni. Kristianna-in na taka a hnawl thuai avang khan mi tam tak tan rinduhna a pe a. Kum 1930 chho ve atang phei chuan Cosmology leh Astrology lam thlengin an her rem muah muah mai a nih kha.
Tunah hian Christian apologist thenkhatin ‘Evolution is compatible with Christianity’ tiin, Evolution hi kristianna nen a inkalh lo tiin an au pui mek a. Mahse kristian te’n huat chu sawi loh Evolution ringtu lam zawk hian an haw em em a ni. Evolution hi a tir atang khan kristianna nen hmehbel tum tlat ila hetiang hun hi kan thlen ka ring hauh lo. Tunah chuan a harsa tawh khawp ang!
Report this comment
March 28th, 2012 at 8:47 pm
Thanks Pu Sandman,
I Hlawh pung chu misual-hovin kan hlawkpui ngei ka beisei. All The Best, 
In zir nan ka rawn “ti-pawl chuai” a nih kha, Mi in-zir ve te… hihi, Ti kha chuan, THU ka post thiam tawh a (Pi Aduhi leh Pu Sandman zarah bawk, Thanks), PICTURE ka post thiam tawh a, VIDEO ka post thiam tawh a, THUZIAK KA TI-PAWL THIAM CHEI CHUAI TAWH BAWK, ka lawm khawps mai,
Ka Inkhawm san daih a, ka hawn kawngah ka Cellphone-ah Email ka dawng chur chur a, ka’n en chu… ka Post hi a lo chhuak a, in lo sawisa nasa tawh chu niin…
Han ti zel teh u, “ngaihdan leh hmuh dan pakhat ve mai a nih hi” Tuaitea Post leh Kan Nula-i Post ang em kha chuan a HOT loh ka beisei,
#12 Tuaitea,
Report this comment
March 28th, 2012 at 9:06 pm
Report this comment
March 28th, 2012 at 9:38 pm
Report this comment
March 28th, 2012 at 9:49 pm
Lo piangthar pawh nise UPC ani si lo a, vanram lam a hnaih viau tho angem aw
Report this comment
March 28th, 2012 at 9:54 pm
Charles Darwin-a pianthar leh pianthar loh chu Pathian leh amah Darwin-a inkar thil a ni tawh a, Pathianinin a hrechiang ang a, keini judgement lo pek hi a tul lem lvon ka hria. Mitupawh Pathian hnenah inchhira a inlamlet a, ngaihdam a dil anih chuan, a thil lo tihsual tawh erawh siamthat theih rual a ni lo pawh a ni mahna, Pathianin tumah ngaihdam theih loh a nei lo turah ka ngai. Tualthattu paw’n a mithah kha tidam thei tawh lo pawh nise, athianin a ngaidam thei tho. Chutiang chiah chuan Darwin-a pawh hian Pathian hnenah ngaihdam a dil phawt chuan Pathianin a ngaidam em em ang.
Darwin-a theory hi ka pawm lo, kan zirlaiah a tel miau avangin ka zir tho tho a tul a, ka zir ve thin.
Report this comment
March 28th, 2012 at 11:10 pm
Zawng thlah chu kan ni mai thei sin… Zawngi/Zawnga kan la in tih fo hi
Report this comment
March 28th, 2012 at 11:17 pm
Kilung chu zawngthlah a niang, keichu ka ni hauhlo mai. zawngtah a ni mai.lol
Report this comment
March 28th, 2012 at 11:31 pm
#20
Report this comment
March 28th, 2012 at 11:39 pm
Hemi chungchang dabate hi ka chhiar a ngaidan siam a har tawh khawp mai.
thih hnaih thuak tawh councellibg hi hlawhtling anga lan a awl khawp mai, ka expi. chheteah pahnih thum ka lo titipui ve tawh a, a hun lai khan ka ngaih a tha viau thin.Pathian thu thu a ni e.
Report this comment
March 29th, 2012 at 1:04 am
Report this comment
March 29th, 2012 at 1:16 am
Report this comment
March 29th, 2012 at 2:04 am
Hemi chungchangah hian inhnialna hi a va tam tawh em! Darwina pianthar zia, a theory vanga a inchhir zia an sawi chuai2 laiin heng an sawi zawng2 hi dawt, a nupui etc. etc. te pawn ‘vawikhatmah a theory hi dawt tiin an la sawi ngai lo’ tia tang tlat pawl an awm ve tho bawk, Kristian ho chu Darwin vang hian buai lovang u..
Report this comment
March 29th, 2012 at 7:45 am
Dr.John thu ziah ho hi a hlu thin e. Medical doctor ni lovin Theology/Philosophy lam doctor ni awm zawk tak i ni. Tunlaia Nön-christian ten kristian te beih nantan hman nasat dan leh mi tamtak a tihbuai zia hi han hmu sela chuan hetiang theory cötroversial lutuk a lo champiön pui hi pawi chu a ti ve ngawt ang a?
Report this comment
March 29th, 2012 at 8:05 am
A ngaihnawmin a bengvar thlak ngei mai ka ti. Post tha tak a ni
Report this comment
March 29th, 2012 at 8:33 am
Nizan ka NET a muang chher-chhawr lutuk a, ka browse tha hlei thei lova pawi khawp mai. Online-a Sawiho zel ka chak tehlul nen. Sawi tak ang khian, “Ngaihdan Pakhat” ve mai a nih avangin, pawm duh-in pawm ila, hah-dam thei lo kan awm pawhin thil pawi tak a ni lem lovin ka hria.
Darwin-a hian, a Lehkhabu “Origin of Species” ah khan “fossil” hi “God’s special creation” angin (God’s only creation lam ni lovin) a sawi tlat niin, tun hnu-ah an zirchiannaah chuan an sawi.
“Darwin-a pianthar leh pianthar loh chu Pathian leh amah inkar a ni” tih pawh khi a dik em em. Hetih rual hian, Christianity chawk-buai bertu zinga pakhat-in a thiltih a inchhir a, tisual a intih viau chuan kan tan thil lawmawm tak a ni dawn lawmni? tih hi ka lo ngaihtuah ve mai mai…
#26 Pu PK, min ring dik chiah e,
Report this comment
March 29th, 2012 at 10:24 am
Post tha thin khawp mai
Report this comment
March 29th, 2012 at 10:49 am
A ngaihnawm thin hle mai. Dr. John hi subject interesting deuh deuh i rawn khawrh chhuak thin a, i taimakna a fakawm e
Post-in a rawn chai ber Darwin-a pianthar leh thar loh chungchang hi chu sawi vak tur ka hre lova, memberte ngaihdan “amah leh Pathian inkar a ni e” tih hi ka ngaihdan a ni ve mai. Darwin-a awmpui-in a mit ngeia Darwin-a piangthar lai a hmuh thu a sawi erawh khi chu an awmpui pa khian a uar deuh niin ka ngai
Piangthar awmzia chu kan hriat theuh angin ‘chung lam atanga hrin’ tihna a ni a, mita hmuh chi niin a lang lem lo ve.
Ka’n tuihnih chak deuh lai chu Darwin-a leh evolution chungchang hi a ni:
Evolution hi Darwin-a hunlaia rawn irhchhuak a ni hauh lova, sakhuana-ah hian hun rei tak atang tawh khan a lo bet tlat tawh a ni. Babylonian creation epic, Enuma Elish an tih-ah te evolution concept hi a lo inzep chei chuai mai. Evolutionary ideas hi Chinese, Hindu, Egyptian, leh Assyrian philosophy-ahte pawh chhuilet theih anni bawk.
Entirnan: Egyptian ho chuan Utawk hi Nile lui lian atanga rawn insiam niin an lo ngai a; Chinese ho paw’n rannung-te (insects) hi hnah (leaves) atanga lo piang chhuak niin an ngai bawk. Mumal taka Theory of evolution rawn sawifiah hmasa ber chu Thales of Miletus (640-546 B.C.) kha a ni awm e. Ani kha chuan common ancestor anga a rawn puh ber chu tui (water) hi a ni. Tui chu element hrang hranga insiamin, chung element atang chuan thlai-te, ramsa-te leh a tawpah phei chuan mihring a lo piang chhuak ta niin a ngai.
Evolutionary concept hi Greek philosopher-te (eg: Plato leh a zirtir Aristotle) atangin Darwina pu [grandfather] Erasmus Darwin (1731-1802) thleng khan inhlanchhawn a ni a, “Darwinism” tih term pawh hi Erasmus Darwin-a evolutionary idea sawinana hman a ni thin. Erasmus-a hi philosophy leh poetry lamah pawh mi nasa tak a ni. Origin chungchanga a zawhna pahnih-te chu – 1) Thilnung tinrengte (mihring tiamin) hi common ancestor atanga lo chhuak an ni em? (2) lo ni ta se, engtin nge species chikhat chu species chi dangah alo chan theih? Hengte hi embryology, classification, fossils, leh geographical distribution tanchhanin awihawm angreng takin a chhang fuk fuk roh a.
Charles Darwin hi a pu thih hnu kum 7 naah lo piangin, a pu thuziak-te chu a rawn zir chhova. Amaherawhchu, mak angreng takin Darwin hian a pu chu ngaihsan a-hnekin a hnuaichhiah ta tlat. Historian Farrington-a phei chuan Charles Darwin-a kha mi hmingthan chak tak a nih avangin a pu ngei pawh sawisel-in a ngaisang duh lo niin a sawi. Midang credit pe ve duh miah lo, mahni finna chhuang leh midangte ngaihdan lo neih sa tawh pawh mahni irawm chhuak anga rawn pho lang duh mai mihring niin a ngai a ni. Charles Darwin hian a pu Erasmus-a thu leh hla mai ni lo, evolutionist dang Lamarck leh Paley-te thuziak pawh a chhiar nasa hle bawk.
A enga pawh chu nise creationist leh evoutionist te hian ngaihdan nghet tak an nei ve ve a, an ngaihdan sawhnghehna tur tanchhan pawh an tlachham lo dun hle a ni. Evolution leh Christianity hi a compatible-na chin tam tak pawh a awma, chuvangin extreme lutuka creationist emaw evolutionist nih hi a tha ber lo maithei a ni. Tunlaiah phei chuan inphek sual duh khawpa extreme leh mahni pawl lo lam-te hremhmun lama nawr liam vek hre hauh lo an lo chhuak ta zut zut mai.
Report this comment
March 29th, 2012 at 11:04 am
Pu Donald.
I tihtawp dan hi ka thlawp leh zual.
Report this comment
March 29th, 2012 at 11:22 am
#30 Pu Donald,
Report this comment
March 29th, 2012 at 11:47 am
@30
Philosopher ho chu in hriat deuh e. Exceptional case hi chu an awm ve zel bawk a. 
Report this comment
March 29th, 2012 at 3:01 pm
Thil ropui inthup hrefiah turin mihring finna ni lovin rinnain Pathianin a mite mit a tivar thin.
Report this comment
March 30th, 2012 at 2:52 pm
Evolutionist hote thup tlat, Darwin-a thusawi khi a original leh a reference hriat ka va châk mai2 ve…
Post ṭha leh ngaihnawm tak a ni. Mahse a title ka en khân a ziaktu hian Darwin pianthar thu a pawm loh zia sawi a tumna angah ka lo ngai
Report this comment
March 30th, 2012 at 3:17 pm
#35 Pu Nundik, Post tawpah reference chu ka pe alawm.
Report this comment