Sunday Pual

April 1st, 2012 6:00 am by vakul

Tunlai Mizorama thil thleng hi rala khatah kan lo hre ve thin a, hriat nuam lem lo tak a tam ta hle mai; pawngsualah pawh pawngsual naran lo deuh thlengin kan tawng mek a, in kang leh thihna chi hrang hrangin min tuam vel mek a, Facebook leh social website thenkhata kan lo hriatte hi a dik hlawm ngei a nih chuan kum dang chu a ang lo a ni. Heti taka in kang tam maite hi engvang nge ni ang le? Kan fimkhur lo ta thut em ni? Kei chuan ka ring lo. A nih leh khua a lum vang em ni? Khawlum tak tak hma atang daiha intan tawh a ni bawk si. Engvang nge ni ta ang?

A chhan
Ngun taka ka ngaihtuahin chhan a nei tlat a ni; kan hla sak thinah khan, “Thil te ber pawh a veng, van thil a rel kim e” tih kan sa thin a, Pathian hian thil te ber pawh min vensak ta lo niin ka hre tlat. Thil te tak te nia kan hriat hi a lo lan chhuah meuh chuan a lian viau zel, a pawi hma chiaha chhungril lama min hrilhtu hi a bo chuan mihring fimkhurna hian a daih seng miah lo. Tumkhat chu ka thianpate chhungkua hi an lo leng a, kan inluah chung zawlah khua ka chuanpui a khawchin ka kawhhmuh lai chuan ka rilruah, “Khawnge i fapa” min rawn ti dawt hian ka hria a; ka bulah ka fapa kum 2 mi kha a awm ve reng emaw ka tih lai khan a lo awm reng reng lo.

Kan zawnga kan hmu lo, kan au va min chhang hek lo. Inhnuai lam zawng zawng kan ena a awm si lo, inchungah chuan ka tlan chho leh a, inchung zawl atang chuan Tuizem chungah thil sen phe zeuh hi ka han hmu a, ka tha a khur zo. Ka fapa chu inchung zawl chunga Tuizem (RCC) an dah chungah chuan a lo awm chu niin, tlak dal reng reng a awm lo va, Feet 6 bial emaw chauh a ni bawk, a lawn chhohna tura an siam step-ah engemaw titiin a lo han lawn chho a lo ni. A tlan kual vel a, inchhuih palh se, a tlakna inchhawng san zia hretu ka ni, balance nei tha rual pawh a la ni si lo, tichiai miah lovin ka han pan a, ka man bet a-ka rilru chuan lawmthu sawi pahin ka tap a ni. “Khawnge i fapa” tia min rawt zawttu kha tunge ni ang le?

Pakhat leh chauh ka’n sawi leh teh ang, tumkhat Mizoram lama haw tura kan inbuatsaih lai chuan ngaihngam takin kan awm a, hlim takin kan programme neih mek kan hmang ho a, a tuka thlawh haw kan tum a ni. Chutia hlim taka kan awm lai chuan kan Air Ticket chungchanga hlauhthawnna chuan min rawn thawng thut a, a chhan ka hre lem lo. Kan han zawt fiah a, kan chuanna tur thlawhna an lo cancel tum hi a lo ni a. A dang kan han ngaihven chuan a tlawm ber pawh 9000 chunglam a lo ni bawk si, chutah kan chhungkaw daih a la awm lo zui bawk a kan chhangchhe ve tawh bawk si. Mahse Travel Agency lam chuan min rawn be leh a, kan chhungkaw indaih a awm theih leh thu leh chuan man pawh 3000- bawr vela a tlak thu min rawn hrilh a, kan la ta nghal a. Kan thian thenkhat chu an insawn ve thei ta lo, kha hlauhthawnna kha tu min pek nge ni ang le?

Thil te tak te nia kan hriat hi min humtu an lo ni fo, kan mut hnuah thawhleh a lo tul chang hian kawngka kalh lohva awm kan hmu chang a awm a, Gas lo nam deuh kan va tawn hriat chang a awm a, aa, a tam mai kan sarep ur kan va dahthat khiah tumte nen lam. Kan hriat hauh loh hian kan hriat loh laka inveng turin tihfinin kan awm tlat thin-Pathianin min vensak loh chuan kan veng seng lo a ni. Veng mahila kan meng thlawn mai reng a, Venpuitu kan mamawh a ni.

Engvangin nge min venpui tak loh
Hmangaihna avang vek maw le. Min hmangaiha a thikthu a chhia a ni, mi nupuite/bialnute chungah kan thikthu a chhe lo, kan nupui/bialnute-kan hmangaihte chungah hian kan thikthu a chhe mai thin. Krista mote kan ni a, min neitu thikthu kan tichhe pha ta zawk a ni. Israelhoten milem an biak khan Pathian a thinur a, a hrem thin. Khatih lai khan milem bia hrem si loh an tam lutuk, an chungah Pathian thikthu a chhe ve hran lo. Anania leh Saphiri, eiruk avanga an thih lai khan eiru thi ve si lo Rome lal ramah khan an tam lutuk an thi ve chuang lo.

Kan nihna hi kan inenfiah chu a tul ve tawh hrim hrim, state dangte chuan an tuar ve kher lo pawh a ni thei, hnam dang aiin kan sual lem lo pawh a la ni hial thei, min tehtu leh beiseitu mi hmuh dan hi a pawimawh zawk. Pathian mite nih hi thil namai a ni miah lo, a mite hmaah thihna leh nunna malsawmna leh anchhia a dah a, a thu kan awih phawt chuan ram tha lehzual pek min tiam; a thu kan awih loh erawh chuan min ei zo tur dah dan hi a thiam khawp mai. Kan sim phei chuan a ei zawh kum min rulh leh pawh a la tiam cheu zawk. Kan hnam hian a chawitu a palzam vaih chuan kan dinchhuahna tur hian eng development fund mah hian a daih dawn lo, eng thiamna mah hian min chhan dawn lo, state dang ang kan ni tawh lo, kan duha kan thlan kan biak Pathian hian phut a nei a, chu chu kan tihhlawhtlinsak loh vaih chuan kan ropui lo tual tual ang. Ei raltu min khapsak loh chuan a hek hma khawp mai hi a lo ni.

A tuartute hi an sual bik em ni?
Ni suh e, an fel bik chuang hek lo. Bible-a kan hmuh chian em em chu Pathian mite an tluka an bo khan koh nan tawrhna hman a ni thin a, a hmanruate fel leh sual lam kha a thupui a ni ngai lo, a kohte kha an pawimawh avangin; kohna hmanruaah erawh min hmang ve thei. Tin, Bible-a kan hmuh pakhat leh chu sualna hi tawrhnain a zui fo, chu tawrhna chu Pathian lam hawina hmanrua a ni bawk thin. Roreltute buah chuan an nawmsak apiangin an bova hrem an ni thin a, hrem an nih apiangin an hawikir thin bawk. Sualna lo punlun leh tawrhna lo thahnem zel kan chhawrbawkna tha ber chu kan inenfiah hi a ni. Mimal tawrhna leh hnam pum tawrhna hi hrang angin lang mahse a inzawm a, inzawm tlat mahse hnam a lang lian fo thin.

Hawh u i kir leh ang u
Zawlnei au(h) hla chu “kir leh” hi a ni. A nihna takah chuan kan ram hian Pathian dan kan zawm tawk lo tih a lanna chu kan tui tlan a tha lo hi a ni, nauchhiatna ram a ni ti ila kan uar a ni lo vang. Pathianin min koh chhuah chhan kha kan hlen tak loh avangin nau kan chhiat/kan fate an bo mek zel a nih hi. Hnam dangte pawhin an Pathian an thlak duh zen zen loh laiin khawvel thilin ka thlak mek zel a, Jeremia’n “ka mite chuan thil pahnih an tisual si, kei, nunna tuikhur hi min kalsan a, tuikhuah an ker a, tuikhuah khi tui tling thei lo tur chu” a tih dinhmunah kan awm ta mek zel a nih hi.

Kan ramah hian Isua a langsar ta lo em ni? Kan nunah hian kan dah lal ta lo em ni? Heti taka amah ringtute zingah sualnain ro a rel. “Aw lungngaihnaah hian inthlamuan thei tak ila aw…Buh seng hun a liam ta, nipui a tawp ta, chhandamin kan la awm lo. Ka mite ka fanu natnaah chuan ka na ve si, ka sun a, thlaphannain min vuan ta. Gelied-ah thinghnai damdawi a awm lawm ni le? Chutah chuan tidamtu a awm na nge? Engati nge ka mite, ka fanu a hrisel theih loh? Hawh u, i ngaihtuah tlang teh ang u.

17 Responses to “Sunday Pual”

1
bk Says:
April 1st, 2012 at 6:04 am
Hosana! Tha hle ma1
Report this comment
2
littlerascal Says:
April 1st, 2012 at 6:11 am
Hossana hossana!
Report this comment
3
sisen Says:
April 1st, 2012 at 7:23 am
Hossana!
Report this comment
4
Levi Says:
April 1st, 2012 at 7:26 am
Good morning vek u…. Have a blessed Palm Sunday!

Dik khawp mai. Sermon tha tak a ni e. Uluk takin ka chhiar chhuak e. Pathian hriat hnam kan lo ni tawh a,he hnam A hmangaih avang hian tiang hmangin min vaw zeuh zeuh a,kan kir duh lo a nih chuan talhtum pawh ahmang hreh lo ang.
Report this comment
5
ChhanaPa Says:
April 1st, 2012 at 7:26 am
A tha hle mai. Kan ram hian chhiatna hi a tawng tam ta malh2 hle mai. Kan veng chhung bik ah pawh hian kumin chhung ringawt in mitthi 9 kan nei tawh! Veng dangah pawh an pun ve tho chu ka ring.
Report this comment
6
sisen Says:
April 1st, 2012 at 7:35 am
Tukin zing kan hossana, naupaw chung te, pawm chung te, kai chung tew in, puitling leh naupang nen

https://i43.tinypic.com/2n1x7ah.jpg
Report this comment
7
Ignatia (33-115 AD) Says:
April 1st, 2012 at 7:51 am
‘LAL PA’N A DUH A NI’. Tumkau Pathianni chibai mawlh mawlh u. Lalna leh thuneihna Aman chang mawlh rawh se!
Report this comment
8
covenanter Says:
April 1st, 2012 at 7:58 am
Tha tak a ni….
Report this comment
10
ahooma_ Says:
April 1st, 2012 at 11:00 am
Tha leh hle mai.
Report this comment
11
chhingdailova Says:
April 1st, 2012 at 11:24 am
A va dik tak em… kir leh hi chu kan ngai a ni. Hawh u Lalpa hnenah i kir leh ang u.
Report this comment
12
zawlpala Says:
April 1st, 2012 at 12:37 pm
A tha ka va han ti tehreng em…..
Report this comment
13
sheldon Says:
April 1st, 2012 at 2:11 pm
A dik hle mai. Pathianin min kalsan ngai lohzia a taka hretu i nih chu. Kan sual leh lutuk a Pathian pawh hian min tha en ta mai mai emaw tihtur chu a nih tawh hi. Mi hlemhle ni se an vannei thei em em lawi a
Report this comment
14
Ignatia (33-115 AD) Says:
April 1st, 2012 at 4:22 pm
Tukin khan ka chhiar hman lova ka chhiar zo ve ta chiah e. A tha khawp mai. I sermon hi a nungchunga ngaihthlak ka chak khawp. Bek chhawng zawng ngeiin han thu ila, i aw ki a san deuh lai apiangin han bu ngauh ngauh ila a chak awm a lawm le.

Lal Isua hi engkim chhannna a lo ni e. Tumkau Pathianni nen pawh a inhmeh khawp mai, i thuziak hi.
Report this comment
15
Dr John Says:
April 1st, 2012 at 9:10 pm
Pu Vakula Sermon chu a va tha thuai thuai em! Tunlai ka rilru-a awm reng a ni a, Sermon zawnga i rawn ziak chhuak hi a ropuiin, a va lawmawm em! Vawiin khan kan khua-ah chuan ruang (mitthi) 5 kan nei a. Tumkau Ni a ni na a, Biak In 5 a inkhar tihna a nih chu… I Sermon hi a dik ka va’n ti tak em! “Ngaihtuah tlan hi a hun tawh tak zet a ni”
Report this comment
16
vakul Says:
April 1st, 2012 at 10:54 pm
In commentah a lungawithlak hle mai, hawh u i ngaihtuah tlang teh ang u. He thu hi han chhiat ve teh u, March thla chhunga thleng ringawt pawh hi, a lua deuh zawng a ni…Facebook a mi a ni e.

March thla chhunga thil thleng – chan chin danglam deuh lawrkhawm Post hrang2 atanga ka lo record ka han tarlang ve mai mai. Tih hmaih pawh a awm ang:-

Date awm lo:
KHAWZAWL NU PAKHATPi Novi dawi hmanga beih a ni.

Sawrkar hna hralha sumdawng Lalhmachhuani man a ni. Rs 19.94 lakh mi 41 hnen atangin an dawng.

1.3.12: Darlawng khaw hmeichhe naupang Lalchhuanawmi kum 8 d/o Lalpana, N Vanlaiphai-a a pu te ina school kala awm chu March ni 1 chawhnu dar 3 vel atang khan chin hriat lohin a bo. 3.3.12 ah ruang hmuh a ni a, pawngsuala thah a ni.

3.3.12:
Chhun dar 12:30 khan Aizawl atanga Vaitin pan MST bus chu Darlawn khaw pelh, Darlawn atanga km1 vel, Sihbial kawng, PWD kawng hlui shortcut-ah a chesual a, mi16 an thi.

“Tahan atanga Km10 vela hla Letpanchaung khua, Burmaah Lalthantluanga kum 19 Khanpui khua (Mizoram) chuan a nupui Lalremruatpuii (Mapuii) chu a luah tuboh in a chhu a, Nikhaw hrelova a awm laiin a pizawn pawisa dahthat Ks nuai 8 lain a tlanbopui.
”
4.3.12: KTP Gen Conf haw lam SUMO accident. Mi 1 thi.

5.3.12: ITI veng mawng, Chite luia mipa ruang an chhar a ni.

Chhun lai vel khan Lawngtlai Thingzai lui Vengpui tuikhur in AOC lui a finna thlang ah Tv Chanchina ruang chhar a ni.. Amah hi kum38 vel…Auto Rickshaw a khalh thrin a ni

5 March, 2012: An earthquake, measuring 4.9 on the Richter Scale

6.3.12: nizan khan Lunglei veng pakhat ah cuan pa pakhat in mikut a seh bunsak..nupa kar buaina avag ani wm e..

7.3.12: Chhinga veng ah naupang bo ..Lalhmingsangi Kum 10 vawiin tlai atang a bo

8.3.12:
Nizan a Boral Sister Pi Mawitei, Lunglei civil hospital, Nursing quarter a a in luah chu misual in an rawk, pawisa a bo nual. a ruang hi quartera dah a ni lo a, zohnuai a lak chhoh ani.

Lalramthanga 28, Pu Sawithanga fapa, tuna Serchhip Ramthlun Venga khawsa mek chuan hnathawka an riahna Zawlpui Phaiah a pawngsual.

Tiau lui kam Tlangsam ramah Champhai Zote khua, Pu Mika son of Lalluma chu an 407 in a accident a, a thi.

9.3.12 Sesawng lam atanga sumo aizawl pana lo chhukthlaah nufa an chuang ve a, kawngkhar lo khar ngheh loh vangin kawng kualah nu leh a fa chu kawngka intheh hawngah an tla a, a nu zawk a thi.

Lunglei khawpuiah zanin (9.3.2012, Fri) zantir khan Police pakhatin Auto-Rickshaw a hman (hire) man pe duh lova Driver kut a thlak zui bok avangin Lunglei Police Station kotah Auto-Driver lungawilo engemawzat an pungkhom.

10.3.12:
Maxi Cab ah ruang hmuh a ni a, a chuanpui te pawhin a thi tih an hrelo a, Bawngkawn PS ah an kawl mek Maxi Cab pawh hi kawl nghal a ni, mithi hi a hnar leh bek velah te thisen a chhuak a ni

11.03.12:
Vawiin chhun dar 12:30 vel khan Lalnunsangi kum 14 D/o Vanlalnghaki Armed veng South inkhawmbang chu Bualin chhungah in awkhluma hmuh a ni.

Chhiahtlang Chhimveng a mi Pu Lalhmingthanga kum 47, amaha awm chu a zan mu tu tih hriat lohvin a hnute ding lamah a vit a, tunah hian Serchhip Damdawi inah dah luh a ni. Amah hi a biak theihlohva a serious angreng hle.

Kolasib ah inrekhlum Tunah 12.3.12 (9:30 am) hian aruang post mortem turin damdawiin ah a ala awm mek..

Salem vegah pickup acident a, driver hi a hmunah athi nghal.

Tukin zing dar 10 rik hma hret khan Chite lui, lei chhakah naute thlaruk mi vel tur (Hmeichhia) chhar a ni.

12.3.12:
Zanin dar 6:30 PM vel khan Zoremsanga (17) S/o J.Zarzoliana, Vengthlang North, Champhai chu a thianpa Lalfakzuala S/o H.Hrangmana, Vengthlang North chuan rifle-a kap palhin a boral.

Lunglawn venga mi pu sangzova kum 55+ chu a zu in na hmun Ramthar vengah a nghawngah an vit.

13.3.12:
Kolasib venglai presby. Biak in bul chiah in a kang, bungrua engmah chuh hmanloh ani.

14.03.2012 Rangvamualah champhai kanan veg pa…Deny Lalnunpuia cu motorah thi a chhar ani a..a thih chhan h ciag taka hryt ala nilo.

Pu Thankunga (Tk-a) kum 52 s/o Mangthanga, Bilkhawthlir Kharzawl veng ami chu vawiin chawhnu dar 2 vel khan, Bilkhawthlir dai ah Scooter chesual ah a boral. Pu Thankunga hi a feh haw lam ani a, Truck inkar ah tlan lut in Truck hian an chilh ta ani.

Tleirawl kum16 mi Chandmari, Lawngtlai chu Pawngsual a ni.”

Bualpui ‘Ng’ ah hmeichhe naupang kum 14 mi vel tlangval 2 in an pawngsual rawn

Zan dar 9 velah Aizawl thlang lam a mi khaw pakhatah Tlangval 1 in Ar 6 nghawngah thuai bungin a thisen a dawt a, a rawn khap tu a nu a vaw thlu bawk. (Source Vanneihthanga)

15.3.12: CHANPHAI ZOTLANG AH Engmoia S/o Rorema cuan naupng kum 8 mi a pogsual.

17.3.12: Khamthansanga Kum 13 Bethlehem veng chu tlailam dar 3 vela a chhuak a haw lo, a bo.

17.3.12 Kanchha(Gorkhali) Kum 45 mi vel Puilo khua chu nimin a sakhi changtura chhuak an zawnga, thi a chhar a ni..a ir hnuai deuh ah silai a kah na a awm”

19.3.12 Laldinsangi kum 23 h/o lalsangzuala (tetea) serkhan khua cu tukin 6:00 bawr vel khan an khum bul ah in awkhlum a hmuh ani.

March, 19, 2012 : Tukin dar 7 am khan Saitual Chhim Veng Thlanmual hluia Electric transformer chhia siam tur Pu K. Lalnuntluanga aka Lana s/o. Kapliana chu Electric in a man a, a biral.

Runremthanga (21) N.Bukpui, Inhlawhnfa chunga a nau School kal enkawltu chu Zemabawk TB Hospital Doctor Qtr bulah inawkhluma hmuh a ni.

21.3.12: Chawhnu dar 1 vel khan Z. Rosanga H/S Leite a Cl-IX zirlai Lalnunsiami kum 15 d/o Laltluanga Leite chu Saibu- chhuah chesualin a tla a, chhar anih hnuah a thi zui.

22.3.12: Lalthanzama, Taxy Driver Hmuifang khamah a zuangthla.

22.3.12:
Durtlangah Lalhmunsiama’n hmeichhe naupang pawngsual a tum lai hmuin a khawih pawi hmain man a ni.

Vawiin khan Baghaah mizo hmeichhe pakhat thi a chhar a ni a, amah hi Dinthar Veng Aizawl a awm a ni awm e.

23.3.12:
.Lalsangpuia kum 25 mi chuan Lawngtlai bul Chawnhu khua pitar Kum 60 mi chu ramhnuaiah a pawngsual.

24.3.12:
Lianzama. Chandmary Lunglei chu 407 ah Lunglei lam panin Driver nen chauh an chuang a, Motor tha lo vangin Muallungthu bul Zuanbak lui bulah dingin siam pui tura Lianzama a han koh chuan a lo thi reng mai.

Vawin chawhnu khan Tv.Ramnunpuia kum 17 Rulkual ( lawngtlai district) ami chu LIKBK Thalai sumtuak (chawhmeh zawng) tura kal chu Chhimtuipui Lui, Liapha kai bulah atlahlum

Rosangpuia apa Laltanpuia Hnahthial cu an chakai khawrh na ah lungin adelh palh a ahmun ah a boral nghal.

25.3.12:
Chawhma dar 11:30 vel khan Bairabi Hmarveng a cheng, unau hmeichhe naupang pahnih Lalruatfeli (9) leh Hmangaihkimi (6) d/o Lalhlimpuia & Lalramsangi te chu Tlawng lui (Li cheng) ah an tla hlum.

Zanlaiah N.Bukpui khua K.Vanlalruata In a kang a, in neitupa hi a kang hlum.

Vawiin dar 12:00 vel khan Zamuang khuaa venghmawr lamah In pa 2
Pu Gonga s/o Rindika In leh Pu Taitea s/o Lorena te In chu a kangral vek.”

Voin dar 3:30pm vel khan damparegpuia, Pu.Lalhmingmawia in cu bungrua egmah cuh hman loh in a kar ral vek.

AK 47 silai keng mi 20 atang 25 vel te chuan zanin dar 11: 30 vel khan Border fencing (ABCI) hnathawk mi 6 chu Mauzam khua ah an kidnap.

Nimin Pathian ni chawhnu Inkhawmah Ramthar North Presbyterian Kohhran Biak Inah Lal Isua atakin lamtualah a rawn in lar a. An Camp Deputy Speaker Nl Sangteii chuan Pulpit atanga a hmuh thu a sawi a, An Camp Deputy Speaker Nl Sangteii chuan a sawi.

26.3.12:
Vawiin tlailamah khan Pu Biaksanga (87) Zotlang Lunglei ami chu a tupa Vanlalzawnga (32) chuan chempuiin hmun engngemaw zatah a sat a, hliam na tak tuarin Christian Hospital pan pui nghal a ni.

27.3.12:
Aizawl tlaklamah Mipa naupang kum 4 mi pawngsual a ni.

29.3.12:
Vaikhawtlang (Champhai Dist) ah in 3 a kang ral vek a, in dang a kang nual bawk. Thi leh hliam an awm lo.

30.3.12:
Rabungah In 2, Vanromawia leh Lalramtiama te in a kang a, Vanromawia Fanu Lalremkimi kum 5 mi a kang hlum.

Phunchawng bulah Jeepsy a accident a, Vanlalliana a thi. A ma khalh a mah chauhva chuang a ni a, a chhungten an zawng a, hetah hian a lo accident ta a ni awm e.

31.3.12:
Lawngtlai Vengpuiah Nu pakhat a inawkhlum Donbosco School Naupang 3 Tuipui Fery ah an tlahlum. Hengte hi Simona(14)Pu Pawtha Saiha fapa, Pu L.Rinawma fapa Lalramdina(16) Lawngtlai 3 leh a thianpa Saiha khua tho te an ni.

Lawngtlai Bazarah Pu Zuala In a Kang ral vek.

Vaivakawn KTP Group hnatlang blanket su a kal Tv Laltlanzova (19) s/o Upa Lalramthara 7th Day tlang ami chu tuiah(Tlawng) a tlahlum.
Like • • Follow Post • about an hour ago near Delhi, India
Report this comment
17
PKfanai Says:
April 2nd, 2012 at 11:48 am
Pu Vakula Sermon hi ka eiin tha ka tih tehreng nen Mobile atangin ka comment thei tlat lo a. Cyber atangin ka rawn comment zawk; Thlarau Thianghlim aw hi mi piangthar dik tak tan chuan ahai theihlohvin ka hria. Mahse, nuam tilo ru chung chung leh inthiamlo ruchung chung te hian kan palzut lui fo thin a, kan chesual leh nge nge thin. Kanlo tihthan fe hnuah phei chuan, Sual anih leh nihloh pawh kan confuse tual tual tawhthin. Lalpa aw hre reng thei tura mahni nun theuh intuai thar hi a tul ngawt mai.
Report this comment