Aigupta hunlai hian retheite an chep hle laiin hausa te erawh rin phak bak an ni a, Nawmchenna an uar hle a,an in leh a chhehvelte chu Alabaster in an hual vel tira,inchhung pawh thil man to tak takin an cheimawi thin. Mi hausaten an inchhung enkawl turinhmeichhe hmeltha an zawng ngat thin, Potiphara nupui pawh kha hmeltha lalnu an ti hial ta ve ang!
Hmeltha-i chu
Gen 9:7 ah hian mi dik Josefa nen an in hmachhawn a, “Josefa chu a ngaih melh a”. Sualnate hi mit atanga intan a ni fo. Job 31:1 chuan, “ka mitin thuthlung kasiam” a ti. “Mit uirea khat” chu misual zia ani. (II Pet. 2:14) Isuan mit hlut zia Mat. 6:22 ah a sawi chu, taksa khawnvar ani a,a fim chuan taksa a pumin a enchhuak a, a chhiat erawh chuan taksa pum a thim zo vek thin a ni. Kan mit châk zawngah fimkhur a va tul em!
Potiphara nupui chuan “mi mut pui rawh” a han ti zui a. Keni ang chuan ‘yasi’ kan ti nghal zat ta ve ang! Mahse, hetiang châknate hi tisa atanga chhuak, Pathian ti lawm lo tu a ni.(Rom 8:7;Jak 1:15)Paula chuan a nau duhawm Timothea chu tleirawl châknate tlansan turin a hrilh.
Tawngkam thlum taka biak pawh reng hi mite thlem thlukna tha tak a ni. Potiphara nupui pawhin a hrechiang a ni ang, Josefa chu nitin a be (thlêm) thin a, a hnaih zel a, a kawr a pawhsak hial a ni. Hetiang thlêmna hi min kotu (Isua) hnen a mi a ni lo.(Gal 5:7)
Josefa silhfen
Potiphara nupui chuan chhiahhlawh mai ani tih a hria a,a thiltih sual chu inchhir a hnekin, Josefa’n silhfen a kalsan chu ama sual thup nan leh hêkna atan a hmang ta zawk a ni. Jezebeli pawhin a thuneihna hmangin mirethei Nabotha thih nan thang a kam a, huan a chhuhsak bawk, a tawpna chu a rapthlak hle, a taksa them an chan tawk a ni. (I Lal. 9:32). “Fimkhur rawh u,duh duh a in tlat theihna(thuneihna) hi eng emaw ti in mi chaklo te tan tlukna alo ni dah a nge(I Kor 8:9) Josefa Aigupta roreltu anih khan Potiphara nupui tan chuan hmuh a nuam vak lovang le. “Chuvangin dinga inring chu fimkhur rawh se, chutilochuan a tlu dah ange” (I Kor 10:12)
Potiphara nupui anga hmeltha,tawngkam thiam,mengmawi, hausa leh thuneikannih pawhin Pathian hnenah lawmthu sawi ila, inngaitlawm ang u. Midang tluk nan leh keimahni chhiatna atan I hmang ve lovang u “Tupawhin mahni unau dâlna emaw tlûkna emawsiamloh tum zawk rawh u” (Rom 14:13)
Similar Posts:
- Hmeltha Lalnu
- Hmeltha hi an va hlu tak!
- Thlahpawlh pawi theih zia
- 2012 June Fiamthu
- HARSATNA kan tawh laia PATHIAN a ngawih vung vung hian…
April 11th, 2012 at 8:32 pm
.
Report this comment
April 11th, 2012 at 8:40 pm
Dot chauh a comment hi chu first ah pawm lo ang u
Report this comment
April 11th, 2012 at 9:01 pm
Ni e, lawmthu sawi zel tur kâ atang mai nilovin thinlunga lawmna tak tak nen…
Report this comment
April 11th, 2012 at 9:14 pm
@sheldon Khi first-ah ka puang e
Post tha kher mai, sunday pual ni awm tak a nih hi………..chutihlaiin Gen 9:7-ah josefa chanchin a rawn lang nawlh khi mak ka lo ti lutuk a, i Bible chu naupangin phek hmalam an pawt thla emaw ka lo ti hman hial
, Bible ka keu phah ngat… Gen 39:7 tih zawk tur alo ni sia.
Report this comment
April 11th, 2012 at 9:24 pm
eheee
Report this comment
April 11th, 2012 at 9:38 pm
Hmeltha nih i ti nuam lo zo vek a lawm le.
tren tren
Report this comment
April 11th, 2012 at 9:47 pm
Potiphara nupui kha film ah ka hmu tawh, a hmeltha lo khawp mai. Josefa’n a duh lo pawh kha a mak love.
Report this comment
April 11th, 2012 at 10:12 pm
Post hmeltha tak a ni.
treng treng
Report this comment
April 12th, 2012 at 7:34 am
Postupa chu i Goggle nge i hre ve hrim hrim, Bible chang i rawn quate tha hle mai… I titha e
Report this comment
April 12th, 2012 at 8:20 am
Lust hi chuan thil tha a thlen lemlo a ni. Post tha e.
Report this comment
April 12th, 2012 at 9:05 am
Josefa khan “Ka duh lo che/ ka it lo che” a ti miahlo lai hi kan chhinchhiah tur niin ka hria. Potifara nupui khan a ngaihmelhna a rei tawh tih a hria. Nitin a thlem ngut ngut a; mahse, a duh lo tlat a, a bul hnaia awm pawh a awm duh lo (Gen 39:10) tih a ni a. Josefa hi mihring ve tho a ni a, mi chaklo a ni tih a in hre ve viau ang, Pathian mi lutuk anga kan en avang hian a thlemna hmachhawn hi itna nei miah lova hnar thei ang hian kan sawi mai thin. Hei hi thlir dan diklo a ni a, Pathian mi an nih avangin mi hi kawng engkim ah an chak ngawt bik lo tih hi hriat a pawimawh bawk (an tuar theihna chhan kha an chak vang nilovin an rinna vang zawk chauh a ni). Josefa tan thlemna hmachhawn hautak tak a ni, Josefa pawh hian a struggle ve hle a ni.
Gen 39:8 ah khan Potifara nupuiin mutpuia a sawmna chu a chhanna kan hmuh kha, hmeichhiat mipatnaa châkna neilo anga a chhanna a awm lo. A pu, amah chhawrtu in a rin zia a sawi phawta, chutah a Pathianin hetianga mi rin em em ni chunga a ruka rinawmlohna hi a haw takzet a, a mithmuh ah a ti ngamlo a ni tih Potifara nupui kha a hrilh ta zawk a ni.
Josefa dinhmun kha han chhutpui teh u, inchhung hotu mah nise sal a nih a bang chuanglo tih kha a in hre ve reng a ni. Potifara nupuiin a thlemna kha a duh tur a ni tawp mai, a duty a ni. Tin, sual a nihna kha mihring lamah chuan a lang dawn lo hrim hrim. Sal dinhmun atang chuan a chhanna kha thil harsa tak a ni, thih huam tak meuh meuhin a chhang a ni. A pasal a lo haw a, dawt a a hek pawhin thiam thu a sawi thiang lo, chuti khawpa sal dinhmun hniam a awm mek chungin ka thlemna tisa châkna mai piah lama hremna pumpelh theihna kha Pathian avang liau2a hnar ngam a ni. (Hei hi a entawn tlak a ni)
Report this comment
April 12th, 2012 at 9:28 am
1 Lalte 9:32 khi ka hmu zo miahlo
Report this comment
April 12th, 2012 at 11:18 am
Good post.
Report this comment
April 12th, 2012 at 11:21 am
Josefa anga hlauh tur dik tak hlau ngam i ni theuh ang u…Pathian ni loin mihring ve tho hi kan hlauh te an ni thin a, thil sual kan ti tur min dang zo thin lo a ni..post kzp tak a ni e
Report this comment
April 12th, 2012 at 11:38 am
Comment Number 11.. KZP!
Report this comment
April 12th, 2012 at 4:36 pm
ka chhuah bo hlanin ka post alo chhuak ani maw…ka vawi khat post na a ni a, ka post diklo amaw ka tia , alo chhuah avangin admin te chungah ka kawm e. Hemi thu post-ah hian Josefa hi changtupa ani lova, khel tham ah ka dah lo.ka chhut sual palh min correct saka ka lawm. @ Ruata Pachuau. 1 Lalte 9:32 khi chu a hma mi te nen chhiar tel a ngai.@Peacemaker.
Report this comment
April 12th, 2012 at 6:17 pm
nitin Pathian kan mamawh avangin sunday kher lovah hian a tul ve in ka hria. . .
Report this comment