Report tu : Pu Lianhrima, Vaphai
Pu Satinkapa’n Vaphai khaw mawng, tuma la neih ngai loh lo atan a vat a. Tah chuan Vaihlo, La leh thil dang an ching a. Ni 1.2.1982 atang khan an thlama chawfun latu hriat lohin a bo thin a, an han zawn chuan thing kawrawngah te an hmu thin a, an bawnghnute ken te thlam chungah te a lo awm thin. Chutianga ni 3 lai a awm hnu chuan ramhuai a nih an ring a, ramhuai chuan Bible a hlau an tih avangin ni 4.2.1983 chuan an chawfun chu Bible chuan an delh a. Chumi ni chuan Bible a delh chu a khawih lova. A tukah chuan Bible 3 an keng a, chawfun 3 chu an delh leh a, mahse a vai chuan a lo la a, an vau thing kawrawngah a lo dah vek a, an pawt chhuak the ihram a. Hemi thu hi mi tam takin an ringhlel a. Tichuan Sunday-ah Salvation Army Captain hovin nula leh tlangvalin an zuk fiah a. A hmaa slipper bo an hmuh loh chu an zuk zawng a, an hmu chuang lova, an Officer chuan, “Hla i sa ang u” a ti a, hla an sa ta a. Chutia hla an sak lai chuan an slipper zawn chu bangah a rawn inthiat ta mai a ni.
Ni dangah chuan a neitute chu an feh leh a, an nula Zathangpuii tuithawla tui phurh chu thlamah chuan a han la chhuak dawna a lo awm ta hauh lo mai a. An han zawn chuan, lo luah an han hmu ta daih a ni. Ni 7.2.1983 chuan an feh leh a, an lawmte nen lo mawng a vaihlo chu an lova, an dawrawn a khah chuan an nula Zathangpuii kum 14 mi chuan dawrawn chuan thlam thlangah a han bun lawk a. A vaihlo a bun dawn tak chuan ramhuai 5 in an chawithlak saka, a vaihlote chu an pho sak diam a, amah chu an zawn ta a, vau kham pukah an hruai ta a ni.
A thawhpui Rinthangi te chuan a lo chhuk har taw hem mai tiin an han ngaihven a, hmuh tur reng reng a lo awm ta si lo. An mang a ang ta a, khuaa mipui an han pun a, khua a mite chu naupang nen a khaw nawtin an thawk chhuak ta a, chu chu chhun dar 12 chiah vel a ni. Mipui tam berin kawtchhuah an thlen chuan an hmuh thu an rawn sawi a, kal a ngai ta lem lova.
A hmuh dan chu hetiang a ni: An fehpui Rinthangi thinrim chuan ramhuai chu hauin a vau ta chiam mai a, vanlam atangin a rawn chhang ta a, “Hetah ka awm e” a rawn ti ta a ni. Rinthangi chuan di tel hnih a la a, Zathangpuii latute awmna khaw bel tak chu a hal ta vut vut mai a ni.
Zathangpuii chu inah hruai hawngin mipui chuan an kawm a, thute an zawt a. “Ramhuai chu engzat nge an nih?” an ti a. Ani chuan, “Min zawntu chu 5 an ni a, nula hmeltha tak 2 leh tlangval hmeltha tak 2 an tel” a ti a. A sawi zel danin, pukah an hruailut a, thingpui an in tir a, an thingpui chu a thlum hle a, an no chu a thianghlim mawi hle bawk. An vaua Tuai habet an eitir a, haah pawh a bet ve lo a ni awm e. An chhungkuaah chuan putar pawh an nei ve a ti.
Zanah chuan nula leh tlangvalin an riahpui a, dawmbeh a ngai reng mai a, “Ka thianten min nghak ka kal dawn,” a ti reng mai a. Thenkhat an tawngtai a, Pathian hming an lam chu a ngaithla duh tlat lo mai a ni. Zathangpuii an lak chhuah lai chuan ramhuai chu zawngah an chang a, a la chhuaktute pawhin zawng chu an hmu.
Thil mak ve deuh mai chu, Zathangpuii te La chu Quintal 4 an lak pawhin a par angin a par reng mai. An hmarcha chin pawh a rah nasa em em bawk a ni.
Tin, Zathangpuii an lak khan hnathawh kawr ha a ni a, ramhuaite chuan thlama a thawmhnaw fai chu an va lak sak a, an inthlak tir diam bawk.
Source : RAMHUAI By MUP General Headquarters
Similar Posts:
- Dengsur
- Ramhuai vs thlahrang
- Maimizial
- Zabula Champhai Ramhuai hmuh dan
- CHANCHIN ṬHAIN KAN RAMAH RAMHUAI A UM BO TA
April 19th, 2012 at 2:37 pm
A ngaihnawm hle mai mahse, ka awihlo
Report this comment
April 19th, 2012 at 2:42 pm
Kristian der tamna ram thawnthu niawm reng ani.
Report this comment
April 19th, 2012 at 2:46 pm
Hahaha
he thil hi zu han hre miah lo a kei Vaphai pa hian 
Kan pian hma thil anih vang te pawh a niang
Report this comment
April 19th, 2012 at 2:47 pm
Ramhuai hlauhawm em em chu an nih loh chu. Putar te awm ve chu, an nu a thi tawh ani mai thei ani. Tak tak anih leh nih loh lah hriat hek suh. Mahse a ngaihnawm reuh!
Report this comment
April 19th, 2012 at 2:51 pm
Ramhuai lampang hi chu…ka ten deuh tlat
Report this comment
April 19th, 2012 at 2:52 pm
Ka chhiar a, ka chhiar chhuak ta lo mai.
Report this comment
April 19th, 2012 at 2:54 pm
Ngaihnawm.
Report this comment
April 19th, 2012 at 2:57 pm
Hlauhawm hmel e mai chhiar dawnlo. Zanah ka zung ngamlo palh ang
Report this comment
April 19th, 2012 at 3:00 pm
Vaphai khi Tan leh Lurh bul a awm a nia. Lasi khawpui tia an sawi thin kha nia. Hetiang thil hi chu athleng fo. Kei ngei pawhin Khuai kham kan tih mai Vangchhe khawhnuai a kham chhe hmun ep ah ram kan riak a, thing auh ri tuar tuar leh tlu ri ruih ruih hi kan hre fo mai. Mahse chutiang a thing tlu hmuh tur a awm der si lo va.
Tu emaw danah a takah chuan ‘den’ deuh mai sin!
Report this comment
April 19th, 2012 at 3:01 pm
La chu a va hlawk dawn ve aw!
Report this comment
April 19th, 2012 at 3:01 pm
MUP ho hi ramhuai lam ziah an uar
Ka hman angreng bawk sia, comment leh tuarh teh ang 
Report this comment
April 19th, 2012 at 3:11 pm
Mak ang reng tak chu a ni a, ka awih chuang lem lo. Ramhuai anga an ngaihte pawh, an thian ngam tlak thenkhatte fiamthu pawh a ni thei tho :rindan:
Report this comment
April 19th, 2012 at 3:14 pm
Vaphai khaw fb group lamah ka va link a,an lo hre nual. Tak2 ni tur chu ni
Mahse Salvation Army te khi lo lang ang lawi a, Vaphai ah Salvation Army an awm si lo a, Khawbung lam atang an rawn pan vang vang a niang maw 
Report this comment
April 19th, 2012 at 3:15 pm
Ngaihnawm reuh. Thawnthu a ang. Awih a awih loh a harsa,kan hmuh huna awih atan khek zel phawt ang.
Hei aia hrang hi rawn ti leh teh u a.. 
Report this comment
April 19th, 2012 at 3:28 pm
Kan naupan laia an sawi ka la hre reng, Thiltlang khua putar deuh te hian ‘Darnghaka pa buh lam’ thu hi an sawi thin a. Ani kha Khawhri khuaa Kristian hmasa a ni a, Lal in a duh loh avangin zanah ruahpui vanawn sur vanglai takin Khawhri atangin a hnawtchhuak a, Thiltlangah a pem ta a ni, Thiltlang khua chu Kristian Lal nei hmasa an nih avangin mipuiin an lo lawm hle a, an ramri-ah Tuichang kamah khuang nena Pathian fakna hla sain mipuiin an lo hmuak e an ti. Thiltlangah chuan awmhmun khuarin chanchin sawi tur pawh a ngah fu a. Chuta Lo a han nei ve chu, a Buh buhzema a khung tawh chu an lam ta a, an sawi dan in buh fang khat hi a perh euh euh a a vir kual ta a, chu chu a dangin zawm ve zelin buh zem pumpui mai chu a vir hian a vir mup mup e an ti…. an hlim rui ve a niang. A kum tak hi ka chhutpui ve thiam chiah lo, kan pa te rual ho hi chuan kan la naupang deuh a, Pathian ni tlaia entur mipui kal nguah nguah chu kan hmu ve phak a ti, kum 70+ liam ta vel a a nih hmel.
Report this comment
April 19th, 2012 at 3:30 pm
Zathangpuii ngaizawngtu tu emaw tlangval/pa tu emaw tih a ni thei ang em?
Report this comment
April 19th, 2012 at 3:36 pm
Putar ho chuan Lasi leh Kanchhi (Gorkha nula) chanchin seprawtui an thiam a. Tunlai thangthar chuan Lassi ei leh leh hmailehkhabua titi an thiam thung…
(Thufing, fing miah lo… 
)
Misual-ah hian kan sawi tawh thovin ka hria. Tau-meichher-chhi (Tau-meichhi) hi ka hmu ve hman a, mak ka la ti reng
Zan dar 7 vel hian Vanhne rama tau-meichher-chhi eng phei zut zut hi kan hmu fo va, ramkang a awm ngai der si lo…
Report this comment
April 19th, 2012 at 3:43 pm
va ngaihnawm reuh ve
Report this comment
April 19th, 2012 at 3:45 pm
Ramhuai chu sawi loh, ani awm e tihtur ang chi pawh hi ka la hmu ve miahlo, hmuhloh hi ka duhsam
Report this comment
April 19th, 2012 at 4:17 pm
A hlui tawh e… U Aduhi pian hma a an thlahrang hmuh ania. Mahse ngaihnawm. Ka awih lemlo thung
Report this comment
April 19th, 2012 at 4:17 pm
@ 8 sheldie, ka nuih i tiza lutuk. Ka lo zunpui ang che chu. Hahaha.
@ Dr. Mahminga, keipawh Tau Meichher chhi chu ka hmu ve nasa hman mai. Tin, ka damlai thla hi ka thianten hmu tawhin an insawi. Hairehai.
@ Lamji, tunlai chu misual.com a reh bawk a, ka rawn huaitir sup sup ange, a bû ka kawl bawk alawm le. He2
Report this comment
April 19th, 2012 at 4:20 pm
Chhingchhipa damdawiin peon vai pawh a bo thin a, khawtlangin an zawngin Mat lui kamah an hmu a,a bo zing ltk a,a bo apiangin an hmuhna lai Mat luhkam an pan tawp zel..changpat leh chakai kawmkawraw alo ak teuh zel..
Report this comment
April 19th, 2012 at 4:23 pm
@CFL, the apple ho hla Khhauchher tih kha youtube ah ngaithla teh.tunlai ka luanliampui, an vocalist leh a hlathu kha..:-P ka rawn haw maithei, ka rawn tlawh ang che u. Lung a leng tlat
Report this comment
April 19th, 2012 at 4:38 pm
@ 23 Lamea, rawn haw teh tak. Min rawn tlawh bawk la.
Report this comment
April 19th, 2012 at 4:41 pm
a va mak thin ve..
Report this comment
April 19th, 2012 at 5:06 pm
He post ka hmuh tirh hian, sava thlawklai khi ramhuai emaw ka ti hman tep…
Report this comment
April 19th, 2012 at 5:30 pm
Kei pawh sava thlawk duai duai thlalak khi ramhuai hmuha hmuh ka han tum talh chu le!!
Ramhuai hi chu an awm tak tak tih hre tawk lek chuan tawnhriat ka nei ve ta nual mai.
Report this comment
April 19th, 2012 at 5:49 pm
mak ve oooo….
Report this comment
April 19th, 2012 at 6:30 pm
@levi 1983 a i la pian loh chuan,in khua a ka thiannu nen kan ron om lai khan naupang i la ni don ni maw…1999 khan…
khawi lai vel ah khan nge in awm aw….
sikul ah te kan ron kal thin…ka lung a ti leng hle mai vaphai hrim2 hian….Farkawn pan a Tran hnuai kan thian dun chauh a kan kal kha chu avan nuam lo tak,eng thawm mah phei chu kan hre lova,a boruak kha a nuam lo ve hrim hrim
Report this comment
April 19th, 2012 at 6:57 pm
MUP-ho hi dawt sawi an va hrat hmel!
Chutiang thu dik anih si chuan, ramhuai te pawh hi a changkang chi leh changlo chi an awm dawn anih hi.
Hemi post a ramhuai te hi chu an va zo/thingtlang bik ve! Sap leh Zapanis ho thlahrang nen chuan inang ta hauhlo mai!
Report this comment
April 19th, 2012 at 10:01 pm
A va ngaihnawm reuh e. Heti ang lam pang thil tawn ve zeuh zeuh hi chu ka nei ve, mahse ramhuai hi ka hlauh phah lem hlei lova.
tren tren
Report this comment
April 19th, 2012 at 10:34 pm
ngaihnawm ve reuh. awih chiah lo na a.
Report this comment
April 20th, 2012 at 12:46 am
Phuah chawp aniang.
Report this comment
April 20th, 2012 at 8:24 am
Ngaihnawm bian bian ve! A tak a ni emaw dawt a ni emaw i ngaihnawm takin i ziak thiam lutuk e. Ramhuai chu a hmutu ten chiang lo takin an hmu a,an hlau thin. Keini ang la hmu ve lo chuan hetiang thu hi ngaihnawm kan ti thin.
Report this comment
April 20th, 2012 at 9:12 am
# 30… M_Pautu.. Ramhuai hi an fing a, hnam changkang leh changkang lo bula landan hrang hrang an show thiam a niang…
Vengkhatah pawh hian ramhuai hmu thei bik deuh hi an awm thin. Tin, Mizoramah hian ramhuai chenna/awmna bik deuh a awm a niang. Entirnan motor chetsualna hmun, thlanmual, bung(thing) lian pui pui te…
Chenna hmun an duhtui lo ve ngawtin ka hria… 
Report this comment
April 20th, 2012 at 10:35 am
A va chian hmel tek tek ve! Ngaihnawm khawp mai.
Ramhuai chu a hring a hrangin ka la hmu lo na a, Ramhuai hnawhchhuahna-ah ka tel ve tawh a. Thawm mak leh rapthlak tak tak te, rim na leh chhe em em te chu ka hre ve tawh.
Kei pawh thlahrang leh ramhuai vel hi hmuh ve ngei ka duh khawp mai a. Sarthi awm lai bikin, zanlaiah Thlan-ah te ka kal thin a, an vang khawp mai.
Ramhuai hi a inlar duhna bik hi a awm ngei niin a lang. A zuam deuh vang nge ni ang a, a inlarna tura a thlan bik hrim hrim hi an awm nge aw? ka ti ve hial mai!
Report this comment
April 20th, 2012 at 5:30 pm
Hrang ve hle mai a.ka hlauh zawng tak a ni, chhiar zo lo mai ang, ka mu thei lo palh ang
Report this comment
April 20th, 2012 at 7:34 pm
Kei chu ka awih tak tak.
Report this comment
April 20th, 2012 at 7:49 pm
A tha, han ti zel teh! Keipawn a BU ka nei a nia; in thawh chhawk ang
Report this comment
April 20th, 2012 at 8:26 pm
36
Dr John says :
…”Kei pawh thlahrang leh ramhuai vel hi hmuh ve ngei ka duh khawp mai a. Sarthi awm lai bikin, zanlaiah Thlan-ah te ka kal thin a, an vang khawp mai..”
‘Pa’ hle mai…
Kei pawh hmuh tum in thlan chhungah te ka zu lut thin a, thlan mualah te ka tlaivar thin…an vang khawm mai
Report this comment
June 30th, 2014 at 12:34 pm
garcinia cambogia with 60 hca
Vaphaia ramhuai hmuh | mi(sual).com
Report this comment