Tunlai chu post pawh a awm khat riau mai ka ti. Kei lah chu ka hman thathum der mai bawk silo a, mahse rilru a vei erawh paihbo hi a har a, ngawih reng te hi alo har a nih hi. “Mi a chuan sawi tur a hriatloh avangin a ngawi a, mifing chuan sawi tur a hriat avangin a tawng thin” , tih te pawh a awm kha maw. Puak leh phawng mai ang, dik tak leh rintlak ngeiin aw niang.
Satana hian a chance neih hi a hlauh ngailo tih chu a chiang; tun thleng hian tar at a nei ngai lo a, a fing telh telh zawk a nih hi! Pathian ruahmanna pawh hi mihringin a ngaih pawimawh em em luatah a zul ah zar zar satana hi alo che ve zel a. Pathian thu hi a hrelo niloin a hriat bel em avangin thei ei chungchanga Pathian (elohim) sawi pawh rawn debate ngam ngat kha a ni reng a; Pathian (elohim) anpui(image) ngei pawh hi a bawklawka lain oneness leh trinity debate tanfungah a hmang zak zak a, a kara Pathian thu sawichhiatna awlsam tak, satana tactic hi hai rual a nihloh nen ringtu inti tam tak chu a man bet tlat chu a nih hi maw.
Trinitarian hoin Pathian anpui mihring entirnan mihring chu taksa, rilru leh thlarau inzawmkhawm a ni an ti a. Oneness lahin mihring hi Pathian anga siam a nih chuan Pathian hi pakhat a ni tih tanfung an chhawrdawh luah mai! Kei erawh chuan he debate-na lungphum hi thiah ka tum lo, tum thei zia zang pawh ni ila denomination rilru hi ramhuai pai beih ai pawn a hahthlak zawk. Mahse Pathian anpui a siam mihring hi engdang mah a nilo, Pathian anpui a ni tawp mai.
Bible hian chiang em emin mihring nihdan tur a sawi a. Mihring chu Pathian anpui siam a ni a, thilsiam zawng zawng chungah thuneihna hlan a ni bawk a. Sam ziaktu chuan mihring chu Pathian aia hnuai deuh chauh a nih thu a sawi bawk. Thuhriltu ve thung chuan mihring rilru-ah chuanchatuan(eternity) a dah bawk a ni a ti. Mihring nihna chu perfect, a domain ram pawh lei ngei mai, satana thlaktu tura Pathianin a siam a nih hi a rinawm zual bawk a ni.
Heti hi lo ni se denomination tarmit atang thlir ang aw..Gen 1:26 ah chuan mihring chu Pathian(elohim) anpui a siam a ni a. Denominationist ngaihdan anga mihring hi siam an nih ve leha Pathian ang(likeness) nghal, perfect nghal a nih chuan context dang hi a fuhlo zo vek dawn a ni; Satan’n mihring a bumthlu tlat mai hi! Mihring hi Pathian ang a nih nghal chuan satana beihna leh thlemna mai mai hi chu a hneh tur zia Isua(Yeshua)’n tlemna tawh atang khan a chiang a, tlu thei rual an nih loh zia leh, satana hian chibai buk hial a buk zawk tur a nih hmel daih. Bung 2:16-17 ah chuan mihring chu thithei(immortal) a nih thu a sawi bawk a. Anih chuan mihring hi Pathian anpui a siam ni mahse, Pathian hi suddenly a ang nghal tawp mai a ni lo tihna a nih chu.
Bawhchhiat tur awm lo a bawhchhiatloh hi perfect tihna lam a nilo a, mahni nihna ang phak lo hi perfect a nih ngaihna a awm hauh lo bawk. Mihring hi eden huan a thlemna an tawh hma khan perfect lo, Pathian pawh la ang lo an ni zawk a.. Law leh order-in a khuahkhirh ngai hi perfect a ni lo tihna a nih chu.
A nih chuan mihring chu Pathian angpui(image) a siam, Pathian ang(likeness) a thanglian tur alo ni ta zawk a. A awmzia chu naute pianghlim chuan organs a nei kim biai a, physical develop chiah a ngai ang deuh hi a ni. Chu chu satana pawh khan hriain innocent annih lai takin a thlemthlu keuh reng a ni. Mihring hi engvang nge innocent khera a siam hmasakna chhan zawhna pawh hi ngaihnawm fe ala awm a nia(sawi thui rihlo phawt ang). Satana thlemna ah khan mihring hi tlulo ta se act knowledge lamah pawh hian ru ra tak a nih a rinawm ta a, satana ngei pawh hi mihring thuhnuai ah a awm ang a. Tunlai science thiamna zawng zawng aia let tam, Pathian(elohim) an tak takna, divine science hi a vir mup mup ang tih Isua(Yeshua) khawvela a chettlat dan atang hian a ngaih theih mai bawk a. Khawvel hi bawhchhiatna avanga anchhia lawhloh ni ta se; solar system hi mihring te hian choka ang maia hman anih a rinawm bawk a nih chu. Mahse chung zawng zawng chu mihringin a bawhchhiat ni khan a hlauh vek thung.
Pawi ber mai chu mihring suala tlu hi a ni a. Lawmawm ber chu Pathian’n a anpui a mihring a siam hi a ni. Davida chuan mihring originality ril zia hi a hre chiang em em a, “hlauhawm tak leh mak taka siam ka ni” a ti hial a. Mihringah hian midang te hmuhfiahloh, mahni pawh inhmuhfiah theih chuang bik hauhloh, mihring nihna zeril tak a inphumru a. A ril zia hi chhut tham a tling. Satan’n alo domain ta daih mai hi vanneih ava inti dawn lua em. Heng zawng zawng hian Pathian thlarau tello chuan engmah mihring a nih tawhloh zia te hi ngaihtuah a ti tling a…mihring nihna chu meihawl ling tha tak ang hi a ni a, a ling that em em laia tui a lei chuan a thi a, a ling tawh ngailo. Ling leh tur chuan meiling bulah a awm a ngai leh a, meia leihlum a nih avangin ling leh mai tur pawn hun a duh rei ve viau tawh ang…….
Similar Posts:
- Battle Ground (Mihring)
- Lucifer’s manifestation (Pathian ang)
- Mihringin thlarau a neilo !!
- Mihring te hi zawng thlah kan ni em?
- Mi chi 3
April 22nd, 2012 at 2:08 pm
Ziak thui ve.. (Y). A thu erawh a thui vanga mark pek chi ani chiah bawk si lo a.
Genesis a Pathian anpui tih hi kan ‘soul/thlarau’ hi ania. He mihring taksa a sawina ani lo. Pathian in he tisa ang hi a pu si lo. Tichuan, mihring chu tisa leh thlarau kan lo ni ta mai ani. Ka ngaihdan anih hi, ka sawhsawn har khawp ang hei hi.
April 22nd, 2012 at 2:21 pm
chhiar chhuak vek,
vawih khat lek
hriatthiam har
ngaihdan thar
ani ‘mi
he post hi?
…. han ti vel ila, tak2 a, hetiang subject hi chu a ngaihna thlawt ka hre lo ni ber in alang.(vawiin ka inkhawm peih lo vang ani ang em aw?? )
April 22nd, 2012 at 2:22 pm
An lo bawhchhiat vang vek 🙁
April 22nd, 2012 at 2:41 pm
…”mihring chu thithei(immortal) a nih thu a sawi bawk a”
Thi-thei(mortal) ni zawk lo maw..te ka ti ve mai mai.
April 22nd, 2012 at 3:47 pm
“Thi thei(mortal soul)” zawk a nih khi. Tihsual (I)
April 22nd, 2012 at 3:55 pm
Lrpa- thlarau hi mind/pneuma/psykhe tih a ni. Mihring nunna a tawp hian mind hi a tawp hmak a, unconsious state-in a awm thin. Hei hi mind hi chatuan tur a ni lo a, a chhan chu eden natna vang a ni. Immortal a in-develope tur kha, mortal a ni hlen ta daih a ni.
April 22nd, 2012 at 4:08 pm
#1 (Y) (mu leh nghal ang) hairehai 🙂
April 22nd, 2012 at 4:14 pm
Doh!
April 22nd, 2012 at 4:36 pm
6 Lt..mind chu rilru a lawm. Thlarau ani lo..mind chu thil awm lo ani, ngaihtuahna mai ania, mihring emaw ransa emaw thih a tawp hmak tur chu ania lawm.
April 22nd, 2012 at 4:37 pm
In reh em mai Act Fast! 😉
April 22nd, 2012 at 4:50 pm
Ka varpawh lo deuh tlat.
April 22nd, 2012 at 5:13 pm
Pka fanai- “Vawrhpawh” lam hi tunlai chu ka ngaithla tam khawp mai. Satana tactic hi chu ava rura em ka ti thin.
April 22nd, 2012 at 5:18 pm
Inthu inchuh hi a sang ta lua emni kei ka tan hian? te ka lo ti deuh a. Ka lo hriatthiam ve dan chuan, mind chu mihring leh ramsa thluaka ngaihtuahna lo awm thin hi a ni a, thlarau, mihring tena kan neih hi chu soul hi niin ka lo hriaa, hei hi chu ramsa ten an nei ve lo. Chu chu mihringte chungnun bikna pawh niin ka lo ngai a. Tin, Pathianin mihring a siama a a hnara a thawk luh nunna pawh kha thlarau hi a ni. Chuvangin ngaihtuahna pawh chihnih kan nei thei- thlarau leh rilru. Thlaraua ngaihtuahna chu thinlung atanga chhuak a nia, rilru ngaihtuahna chu thluak hmanga ngaihtuahna a nia a pawnlang bawk. Chuvangin kan Lalpa pawhin kan laka a duh chu thinlunga hmangaihna; thlarau atanga chhuak ngei kha a ni. Rilru; thluak hmanga ngaihtuahna chu mihring atanga chhuak a nia danglam zung2 thin ngaihtuahna hi a ni. Ka pawm ve dan chuan.
April 22nd, 2012 at 5:31 pm
Hot raw pip. Khawnge Ignatia, vakul, asteric, etc te hi? An la sawi pui peih ange maw!
April 22nd, 2012 at 5:32 pm
genesis hi…
April 22nd, 2012 at 6:03 pm
#13 khi kei pawh ka hriat leh pawm ve dan ani, master kim, i kid atan min duh ang em?
sifu 😀
April 22nd, 2012 at 6:05 pm
Master kim- soul hi thlarau, immortal a ni lo. Pathian in “in thi ang” a tih kha soul hi a nia, a thi thei. Mihring bik hi soul a ni lo. Ramsa pawh hi soul a ni. Mihring ah chuan “anpui/basa-lem(phantom)” hi ramsa nena kan differ-na chauh a ni. A awmzia chu ramsa taksa nei, divinity nei tur mihring hi a ni. Mahse divinity hi a develop hmain mihring hi sualah a tlu a. Ramsa taksa, reason chauh hi mihring hian a nei ta zawk a, a divinity khi a hlauh daih.
April 22nd, 2012 at 6:11 pm
Lrpa- soul/nephesh hi Pathian anpui nihna thlarau a nih chuan mitthi, ramsa te hi soul/nephesh ve tho an nia aw..Pathian anpui maw an lo nih ve a… 🙂
April 22nd, 2012 at 6:14 pm
in comment te ka chhiar thla zela ka chhah tulh tulh,:)
April 22nd, 2012 at 7:29 pm
(I) A dik hmel thlup thlup hle mai. (Y)
April 22nd, 2012 at 7:44 pm
Kei pawh he thu ah hian hre tlem ta na na na chu ka in baptist hman tep zu nia. Mahse Asteric, ignasia, vakul, etc an rawn che a, ka harh ta huai alawm. Ka bo veng2 hman tep a ni. Setana hian thang a ngah a nia. Premier League en rih te’ng.
April 22nd, 2012 at 7:45 pm
‘Pathian ang(Image) tih hi eng chin ah nge tih a nih’ tih pawh hi ngaihtuah tham tak a ni. A ngial angana Pathian ang tawp kan nih chu a rinawm loh tawp mai. Pathian thu in a sawi awmzia hi thlarau atang lo chuan hriatfiah mai theih pawh a ni thin lo, mihring thiamna leh finna hmanga chhui chhuah rual lo thu a ni vek zawk a. Hre fiah tur chuan Pathianin a phut a min phut Dik taka tih te, Khawngaihna ngainat te, Pathian nena thuhnuairawlh taka len dun te hi kan hmasak phawt loh chuan Pathian thu hi kan var pawh ngai lovang. Chu chu zawlnei Mika hmanga Pathianin a phut hmasak a sawi chu a ni.
“Pathian anpui tih te hi eng chungchang ah nge? A eng thlirna atangin nge?” tih te hi hriat loh chuan bo theih tak a ni. Ka thinlung ang pumi ka chhar a tih Davida (Man After God’s Heart) an tih te hian Pathian thinlung ang a pu reng em? Mahse Pathian ngeiin a zawlnei hnena a sawi a ni si a “LALPA chuan ama thinlung ang pu mi a zawng a, mite chunga hotu ni tûrin LALPAN a ruat tawh a ni“(1 Sam 13:14) tiin a in ziak a. Pathian thinlung kan en ang a put loh zia chu mi nu uire leh tualthah tluk zeta rawnga a chet chungchang ah kan hriat kha. Mahse Pathianin eng kawng ah nge a thinlung ang pu a a hmuh, Pathian khan a sawi sual hauh lovang, a tehna lai kan hriatloh vang zawk a ni.
“Finna hi a siam a nia, kan fin chuan Pathian thu pawh kan hre sawt ang” te han ti ngawt dawn ila, mi a fin avanga Pathian a hmuh loh tur zia Pathian thu a hriat chian phah loh tur zia chu II Korinth (1:19-…) ah khan Paulan chiang takin a sawi a ni. ‘Mahni a in chhuana, mahni ropui nan te leh mahni in chawimawinan te finna hi a hman dawn chuan Pathian hi chutah chuan a awm dawn lo, Pathianin a thlang lovang, a timualpho turin mi a zawka ngaih te, chaklo zawka ngaihte chu a hmang zel zawk ang’ a ti a ni. Solomona kha khawvela fing ber pawla Pathian ngeiin a duan a nia, Pathian thlauhthlak avanga khawvela depression nei sang ber ani hial bawk awm e. A finna ngawt chuan Pathian thu chu a varpawh lo chiang a nia.
Chuvangin khawngaihna te, lainatna te, hmangaihna te, rinawmna te tello chuan Pathian thu hi remhriatna hmanga varpawh theih a ni lo.
Fing inti takin an bo hle thin a, tlawhchhan tur an hre zul ringawt zawk a ni. 🙂
Post pawh hi Pathian ngaihdan nge ni ang mahni remhriatna 😉
April 22nd, 2012 at 7:57 pm
Sam 8:5 ziak i rawn lak chhuah te pawh khi eng a sawina nge? Eng atanga tehna nge? tih hriat chian a ngai zawk a ni. Pathian hnuai deuh chauh a tih khian thiltihtheihna lam nge ni anga Pathianin amah a inngaihpawimawhna dawt chiah mihringte a ngaihpawimawhzia a sawina zawk ni ang tihte pawh ngaihtuah tham a ni. A sawi hunlai ngaihtuah pawh hian Pathian dawta thil ti thei bera sawi theih kan nilo tih chu a ziaktu pawh hian a hria ang chu. KJV ah chuan “For you have made him a little lower than the angels, and have crowned him with glory and honor.” tiin a rawn ziak daih a a ni.
April 22nd, 2012 at 7:59 pm
Asteric- Bawhchhiat hma leh hnu event dang lutuk ah hian angna(likeness) hi a lang uar zawk a sin. Avai chuan ka ti hauh lo, athen pawh kan hre theilo a ni si a. Mahse ka varpawhna hian rinna nghet leh zual min hriat tir a, satana tactic tam tak pawh hi a lang uar mai a sin. “Theiloh” tih hi satana tanga chhuak nge Pathian lam atang ni ang le ka ti bawk thin. Thatchhiatna leh mutthlukna hian last day ho hi a nuai nasa mai si a leh.. 🙂
April 22nd, 2012 at 8:14 pm
Context khat atang chauh chuan i ngaihdan ang khi a awm thei lutuk, cult ho zia pawh a ni. Mahse context dang nena dah dun hian a rem thluah reng zawk a lawm. Sam- a Pathian khi hebrai ah elohim a ni. Elohim tih hian elohim zawng zawng a huamloh tur zia a authority atang a lang reng mai. Powerful tawk tak chu a ni ngei mai. Pathian’n black magic, witchcraft, totem..reng reng a huat zia atang hian Pathian hian khap a nei a ni tih a hriat a nia..
April 22nd, 2012 at 8:15 pm
A va hot lo ve..nephesh, ruach..haha..
April 22nd, 2012 at 8:27 pm
Lta, i sawi zawng zawng ka tawmpui che tihna nilovin, Pathian thu ngun takin i ngaihtuah thin tih a langa a tha ka ti khawp mai. Mahse kan hmuhdan hi puanzar hmanhmawh lutuk hi a tha lem lo khawp mai. Kohhran zirtirna tluangtlam nen a inkalh phei chuan nasa lehzuala zir chian leh a, Bible leh Pathian thuthiamte ngaihdan zirchian ve te pawh a tha.
Chutih rualin i rawn sawi ang khian hun hnuhungah hian thatchhiat vanga Pathian thu ngaihtuaha zir chiang peih si lo ho hi an inti thlarau mi duh phian. Inti thlarau mi em emin Pastor, kohhran upa leh theologian-te an hmu khawro ve em em a, mahni engkhawlawi ni silo; mi Pathian thu sawi lo kalh ching tak, a dik tak zawk sawi tur hre der silo an ni duh. Khitiang mi ai khi chuan nang chu sang tak i ni e.
Tin i sawi ‘anga siam’ tih leh ‘anpui’ thil thuhmun a ni lo i tih khi, kohhran hmasa ah daih khan an lo chai tawh. Pathian ang kan nihna lo famkimna chu Isua Krista hi a ni an lo ti thin. Genesis hian a lo hawl tlang thui hle a ni mahna.
April 22nd, 2012 at 8:28 pm
ltachhakchhuak Says:
April 22nd, 2012 at 6:11 pm
Lrpa- soul/nephesh hi Pathian anpui nihna thlarau a nih chuan mitthi, ramsa te hi soul/nephesh ve tho an nia aw..Pathian anpui maw an lo nih ve a… 🙂
Ramsa ten thlarau an nei lo! Limited thinking ability chu an nei ve. Comment no 1 khi Pathian anpui ka interprete dan ani. Enge i interprete ve dan? Pathian in kan anpui/image in mihring siam ang a tih khan engtinnge a siam tak?
April 22nd, 2012 at 8:36 pm
Pathian-in ‘in ei nila la in in thi ngei ngei ang’ atih te hi pawngpaw interprete rau tum lutuk loh tur! Chess kan khelh te pawn i thi kan ti a, kan thi chuang lo. Inkah thengah pawh i thi i thi kan ti a, tumah an thi lo. Heta Pathian sawi chu ‘A game’ atang in an out/thi tihna mai ani. Kan out/thih miau avangin eng game nge anih erawh kan hre lo mai ani.
April 22nd, 2012 at 8:45 pm
#29 lolzz..
Va sawithiam ang reng ve. Ni e, thi tih hi Pathian perspective atanga thlir thiam a ngai. Paula pawhin’ thi in nih lai khan’ a tia, a tiha te kha an nung hru tho si, a then lah an la piang dawn chauh.
April 22nd, 2012 at 9:14 pm
Lrpa- Bible context tam zawk hian thihna reng reng hian muhil, unconcious an kawk vek. Genesis- a Pathian’n thi tura a tih kha soul/taksa hi a ni. Soul hi tlan ngai zawk chu a ni bawk a. Isua kha engvang nge a thih, a pawimawh zawk chu a thawhlehna kha a ni. Isua Thisen kher a chhuah a ngaihna te, “min hriatreng nan ..hei hi ka thisen aiah, hei hi ka taksa aiah”. Figurative ai chuan literal death, physical death hi a ni a mean chu. I comment pakhatna khian “soul/thlarau” hi Pathian kan anna i tia. Ramsa leh mitthi hi soul ve tho an nia, Pathian ang an ni ve tihna a ni maw tiin ka rawn zawhlet keuh che khi. Soul niloin, spirit bik pawh niloin, minung(soul + spirit) hi a ni develop tur chu. 🙂
April 22nd, 2012 at 9:21 pm
A ngaihnawm hle mai a. Uluk takin ka chhiar a, thu ril tak zawng a tling e. A dik em tih erawh mimal ngaihdan a ni a. Ziak tha lutuk tlat!
April 22nd, 2012 at 9:54 pm
Mitthite hian engmah an hre tawh lo a nih takzet chuan Mosia leh Elija kha engtia Isua hova komiti thei nge an nih tak ang? Elija kha chu thuhran pawh lo nise, Mosia kha chu a thi chiang bal tih Bible-ah kan hmu si.
April 22nd, 2012 at 9:55 pm
Kan thlarau (soul) hi Pathian kan anna chu ani reng a lawm. Ramsa in thlarau an nei ve lo!
Tlanna lamah chuan Isua thihna khan mihring te chhandam theihna kawng a hawng ani. Thlarau chauh emaw chhandam nana thi ani lo. Mihring (tisa plus thlarau) tan a thi ani.
Tin, Pathian in in thi ang a tih kha ka sawi ang khi dikah pawm mai rawh..! haha
April 22nd, 2012 at 10:23 pm
Lrpa- haha..lung hi chhang ti rawh tih nen eksaman. Minung hi soul tiha i hriatchian ang hian ramsa hi soul tih lo hre teh khai. Pathian a ang hauhlo a nia. Mihring thlarau chauh hi vanram kal tur, tlan ngai, thi a nih chuan thisen hi eng atan nge a pawimawhna, mihringa lo chan hi enge a pawimawhna le. Thlarau chu thlarau vek a ni dawn lawm ni? Taksa hi thlarau tlan nan mai maw Pathian hian a duan. Mihring hi Pathian tawktarh ang lekah i ngai a ni berin ka hria. 🙂
April 22nd, 2012 at 10:30 pm
awmzia awm lo..
April 22nd, 2012 at 10:49 pm
I varpawhlo a nih kha.. 😛 🙂
April 22nd, 2012 at 10:50 pm
Inthu khel-dan chu a mak hlawm mange. :-S
Ka telve love…
April 22nd, 2012 at 10:54 pm
Mak e..Pu HV..Pu Petera ai pawn an hre ril zawk..haha..an rin ber pawh an hre chiang lo..haha
April 22nd, 2012 at 11:03 pm
Lrpa hian soul(ramsa, minung, mitthi) hi Pathian anna a tia. TMEF tihdan takah, ” a thusawi hi a varpawhlo ” 😀
April 22nd, 2012 at 11:04 pm
HAha Lta ve chhen ni..Pathian an pui mihring kan ni a, kan anna pawh soul kan nei hi ka ti tawh a..ramsa chu rawn sawi lo mai teh 😛
April 22nd, 2012 at 11:07 pm
khawnge ZOHO te Vakul te Donald te an awm zawh vek 😛
April 22nd, 2012 at 11:08 pm
midang a ngai lo..Lta chauh hi chu chess khelh pah hian ka handle thei mai mai ang!! 😛
April 22nd, 2012 at 11:15 pm
setana nge satana? bawklawk nge bawplawk?
Pathian kan anna kha taksa ruangam lam pawh a ni lo ve, thianghlimnaah a ni zawk. context i rawn sawi ri a, Genesis contemporary leh New Testament chu dang tak a ni; thi chungchang pawh i sawi thiam khawp mai mahse a awmzia zawk chu lrpa hian a sawi dik. Pathianin ‘in thi ang a ti a’ setanan ‘thi suh e’ a ti bawk a, dawt an sawi lo ve ve. Pathian lamah an thi a setana lamah an nung.
Paula pawhin ‘ nitin ka thi thin’ a ti a, muhil lam a sawina a ni lo, thianpa thlarau lam thil a ni a sawi, i hel nuai vak ang e aw.
nephesh leh soul chungchanga i sawi bak i goal thlengin ka hmu ruai ruai, Lal Isua thusawi kha ngun takin han zir leh teh hebrew tawnga soul leh spirit ringawta buai lovin.
April 22nd, 2012 at 11:20 pm
Lrpa- i chess khelh vang a nih chu i tawngvaih ni. Soul hi anpui(image) a a tlinloh dan ka sawi mawlh mawlh khi aw..Soul hi lo zir phawt rawh hebrai usage kha. Chuan ilo sawi leh dawn nia. Context chiang tak rawn sawi bawk la.. 🙂
April 22nd, 2012 at 11:25 pm
Lta chu fb ah kan rel che a, hei ka rawn luh phah e. I hap dik khawp in ka hria…hei hi Pathian thu Level sang leh ril leh un a ni miahlo, Bible thu tluangtlam inziak KULH KULH a ni a, kan bo pil na hi a ril zawk em em a, chuvang chuan kan man hleitheilo mai mai a ni e. Pathian anna chu in va khung zim mah mah ve aw…….
April 22nd, 2012 at 11:29 pm
Vakul- ka word diklo correct na ah ka lawm e. Nia, thihna hi OT leh NT lam sawi dan hi a hran a ngai miau si a le. Paula hian OT angah kha chuan nise a physical death ngei ang le. Mahse mittin sual avanga physical death a an thih tawhloh nan Yeshua kha mihring thi thei(mortal) ai a thi a, immortal soul ah a chantir zawk a ni. Chuvangin Paula pawh hian nitin a thihna pawh hi a aia thitu Isua kha a mean daih ang, mihring bawlhhlawhna chu Isua’n a thihpui tawh a, paula’n a suangtuah a piangin “nitin a thi thin” mai zawk a ni.
April 22nd, 2012 at 11:35 pm
Kei zawng hetiang thuril pui2 hi ka buaipui peih ta vak lo. Saula angin kan thiamna te hi hetia kher kual vak2nan hmang lovin thlarau bo te chhanchhuah nan hmang ta zawk ila, a duhawm mang e. Soul/spirit/thlarau tih velah hian ka buai vak lo. Bible-in Pathian anpuia siam kan ni a ti a, chu2 mawl mang takin ka pawm a, Krista thihna leh thawhlehna chuan ka nun min thlak danglam a, chu2 ka tan a tawk em2 ani. Hetiang inhnialna atthlak(?) hi Bible-in tlansan turin min hrilh si a. Interprete hrang2 a buai vak ai chuan mawl mang taka rin mai hi a ‘rau’ zawk awm mang e. Chu2 ka tihdan a ni a, tun thlengin A awmpuina ka chang a, ka tawngtaina pawh min la chhang zel chu a nih hi.
April 22nd, 2012 at 11:37 pm
@Vakul..
Pathian: In thi ang ( dawt a ni lo)
Rul: Thi suh e ( dawt a ni lo…. i ngaihdan in)
Engvangin nge Isuan Setana chu “DAWT PA, a tir atang reng in thudik a sawilo” a tih tak ang le.
THI SUH E tih hi DAWT a ni e. Post 19th Century Theologian ten THIHNA hi THIHNA a ni kher tak tak lo, relationship chat sawina pawh a ni an ti hi ka pawm ve derlo, Setana leh Isua inkar hi hmakhawsang atangin a chat, vawi khatmah Isuan Setana hi THI a ti ve ngailo, a nun tek tek zia lam hlir min zirtir. Dawt upa ber chu THI SUH E tih hi a ni a, a pawikhawih nasatzia chu khatia Babel atanga an kaldarh khan sakhaw diklo zawng zzwng in THI SUH E tih base hian zirtirna an duang chho vek a, chu zirtirna diklo (immortality of soul) chu Kristianna ah Greek leh Roman church fathers teh kohhran ah an rawn senglut ta zzwk a ni, Bible a kalh lutuk tlat.
April 22nd, 2012 at 11:39 pm
keichu a atthlak vak na ka hre der lo nia :-S a ngaihnawm ka ti zawk! inhnialna atthlak tih thu Bible ah a awm a! atthlak a awm anih chuan atthlak loh a inhnial pawh a awm thei dawn nih hmel! chuvang in hetiang han sawi ho a inhnial ve deuh hi atthlak vakin ka ring lo
April 22nd, 2012 at 11:40 pm
Zoho- he post te chu introduction chauh zawk a lawm. Sawi tak tak ila chu awiloh annei tam leh dawn lutuk a
April 22nd, 2012 at 11:44 pm
han ti han ti mah ila..a tawpah chuan a ngaite bawk
April 22nd, 2012 at 11:51 pm
Pathian thu hi mihring interprete atanga fiah chi a ni lo, a fiah thin te chu a zira zirte ni lovin tawngtaina nena thlarau lama Pathian be thin te an ni zawk. Bible hrilhfiah tum talh mite hi chu Kohhran pawhin rawih miah loh tur, a chhan chu Pathian thu hrilhfiahna dik tak chu mihring atangin a chhuak thei ngai lo. “A kim lovin kan hria a, a kim lovin kan hril thin” tih ziak ang khan, kan hriat hi a kim lova. Chuvangin fiah leh kim taka miin sawi a tum chuan ama ngaihdan tam tak a sawi tel tawh thin. Ka duh tawk khawp mai. Mangtha u
April 22nd, 2012 at 11:53 pm
Misual a Pathian thu a lo inhnial hi ka inthlahrung deuh tawh thin…han tih tak tak dawn hi chuan a tuilo hi member tam zawk hi anni si leh a tuite pawh hi kan inkhak fawk fawk ta mai thin a, a ngai thin bawk si a…hmmm…tihian kan sawi a, in lo sawi in in lo chhiar ve zel chu a nih hmel a, heng thute hian rorelna ah thiam a chantir in thiamloh a chantir dawn che u ni si a aw….alibi in neihloh phahna tur anni si a le….lele le le……
April 22nd, 2012 at 11:56 pm
Pathian thu hi mihring interprete atanga fiah chi a ni lo, a fiah thin te chu a zira zirte ni lovin tawngtaina nena thlarau lama Pathian be thin te an ni zawk. Bible hrilhfiah tum talh mite hi chu Kohhran pawhin rawih miah loh tur, a chhan chu Pathian thu hrilhfiahna dik tak chu mihring atangin a chhuak thei ngai lo. “A kim lovin kan hria a, a kim lovin kan hril thin” tih ziak ang khan, kan hriat hi a kim lova. Chuvangin fiah leh kim taka miin sawi a tum chuan ama ngaihdan tam tak a sawi tel tawh thin.
Ka tawng huatthu suhah UPC unaute chuan Stephana’n Pathian dinglama mihring fapa ding ka hmu a tih pawh kha, Pathian dinglama midang ding ni lovin, ropuina sawina ani an ti ve tho alawm.
Ka duh tawk khawp mai. Mangtha u
April 23rd, 2012 at 12:07 am
Awmtea chu aw….i pawmdan chu a va tluantling lemlo em…Bible hi tlutawh mihring tan hriatfiah rual a ni lo, chuvang chuan Pathian Thlarau in a rawn hriatfiah tir ta thin a, a rawn hriatfiah tirte chu mihring tho anni lo theilo a, mihring tho anni avangin an sawi pawh in mihring tawng lo chuan sawi ngaihna an nei chuang lo a, an sawi leh mihirng i tih bawk hmel a, i ran chuan kal ngaihna a awmlo a nih hmel e, blind faith a tan tlat mai loh chu. Bible hrilhfiah i pawmsiloh chuan,a vai vai thusawi hi i sawimawi ta zaw mah dawn em ni le?
April 23rd, 2012 at 12:14 am
In hriat mai mai tur chu, heng planet leh kan solar system zau em em mai hi Pathianin mihring tana a siam a ni lova, Gap Theory in pawm a nih chuan (pawm lo mah ila) mihring awm ve hma kum Billion engemaw zah ah khan heng ho siam hna hi alo buaipui feeee tawh a (Arsi zinga naupang pawl SUN pawh khi upa tawh tak a ni). A chhia a tih te alo thawm tha leh tawh zawk a ni. Tuna kan awmna lei (Earth) te tak te pawh hi a repair a ni a, chumi hnu ah a chhung ah nunna nei leh tui te leh eng eng emaw a siam leh a, chung a thilsiam te a zawh hnu ah chuan a tawp ber atan “Hawh u kan an puiin mihring i siam ang u” a ti ve chauh a ni. Solar system, milkyway, galaxy zau pui mai khi mihring tana a siam a ni lo. Tuna planet hrang hrang upat zawng te an chhut atang khian an upa tawh lutuk, mihring awm hma feeefefe khan an awm tawh. Kan tel lovin a lo khal kual hrep tawh. Tun hnu a kan ta tur tih hnuhnawh chu imagination a sang emai… (chiang em)
April 23rd, 2012 at 12:29 am
Mihring chapo zia hi chu a mak ti rawh u. Ropui taka in hriat phet kan tum tlat a, Pathian ang tih pawh khan Pathian chuan nihna tam tak a neia, a hming pawh chhiar sen rualloh a nia, chung zinga pakhat ang chuan min din pawh a ni theia, a hlawm hlak maia Pathian an han tum tlat mai te hi a Babel rilru deuh lo maw. A chunga ka comment tawh ang khian Davida pawh “Ka thinlung ang pumi” a ti maia, englai ah nge chu kohna chu a hman chhan ni ang? Pathian thinlung ang em em chuan a fello ropui mai si a. Chuvangin Pathianin “Ka thinlung ang pu” tihna lai leh sawi chhan bik a nei a zawk ni tih ring mai ila a chiang zawk a ni.
Ropui ve phet kan tuma Isua mission han en khan kan ropui lo teh e, Pathian fapa meuh pawh ni mah sela a tlawm ral thak a. Sal/chhiahhlawh rilru tak tak pu in a rawn kal a, chu chu Pathianin min din chhan zawk chu a ni. “Chhiahhlawh a pu aiin a ropui thei lo” a tih angin Pathian atang chuan chhiahhlawh takzet tur kan ni Isua ngei pawhin chu chu a zawm si chuan.
(Ka duhtawk e)
April 23rd, 2012 at 12:32 am
Asteric- Pre-adamic lam kha chu mihring sawi rik ala nih hmel loh. Post adamic ah hian mihring domain tur zawk a lawm. Achhan pakhat chu Pathian’n atir te a solar system domain tura a siam setana thlak turin mihring hi leiah a siam mai zawk a ni.
April 23rd, 2012 at 12:44 am
a comment a piang lo hnial tak zel mai chu ka va inthlahrung si ve mawle….huizz……..nia, Pathian in universe tan a a plan chu kan hre thuilo takzet mai, chuvangin mihring hi a plan A ang a kan inngai pawh hi a diklo kan ti fo reng a ni, plan A a fail chuan plan B pawh in ro hi a luah daih thei ania, fa u ber in in a chan hi fa naupang ber hian ro hi a luah daih thei ania. kei chu science in dik ni a a pawm ngheh bur hi dik ah ka pawm ve bur lemlo bawk, entinan khawvel hi 4.5 billion yrs old a ni nge, 4.5 billion yrs old a planet element keh bang recyle atanga 1 million yrs old a siam tih hi ngaihtuah tel ve tho a ngai a nia. A awmzia chu, I room ceiling fan upat zawng kha laboratory ah test ni ta se,2010 a USHA company in kum maktaduai a upa element iron leh zinc alloy tih an chhutchhuah ang? ka room a fan hi kum maktaduai a upa a nih hi ti a sawi sawi chu a atthlak lek lek maithei a ni.
April 23rd, 2012 at 12:48 am
Kristaa Pathian khawngaihna vang chauhva mihring chanvo ropui zia hrethiamlo tan chuan a mak reng tur a ni.
Lei leh vante (galaxy tihvel mai mai) chu a la nep lutuk zawk. A siamtu ngei mai hi kan chanvo, kan ta a nihzia Bibleah a inziak kur dup. Krista roluahpuitu kan nihzia min hrilh a, kan pasal tak a nihzia thlengin min zirtir. Chumi pawh la hmuthiamlo, midang aia hrefiah zawka inngaih tlat te hi chapona a ni zawk ngei ang. Bible in kan chanvo leh nihna min hrilh pawm mai hi chapona nilovin rinna a ni zawk ngai e
April 23rd, 2012 at 1:24 am
E khai! Ka nghatebak hlanin in lo va chai nasa laih laih ve? In thu khel pawh angai tho a la ni mo? Ngawih chuh zawk in awm loh chuan in inhnial reng ang. Pathian thu ah a zira zir leh mahnia pawm dan nei hrangho hi chu an inhnial chawk a nia. A lehlamin eng tawng2 emaw hmangin an zira, lehlamin mizo tawngin ngialngan takin kan zir thunga kan thu a rual thei lo a ni e. Mu daih ang.
April 23rd, 2012 at 6:25 am
tho teh u.. i tan leh tawh ang u..
April 23rd, 2012 at 7:53 am
engpawh nise, hetiang lampang hi chu a ngaihnawm hrim hrim ka ti ve tawp mai
April 23rd, 2012 at 8:02 am
… Order order..vawiin atan chuan he case hi pending rih a ni. Tumahin ngaihdan kan sawhawn dawn chuang lo. Thu dang rawn post vat teh u.
April 23rd, 2012 at 9:02 am
Master Kim order hi zawm teh u
Heng thil hi Pathian thu pawh ani chiah awm lo asin, mihring zeldin thu mai mai ani awm ania..thil thar pawh ani awm lo e, hnam dang pawn an lo sawi ve tawh a, an peih tawh lo ani awm e.. 
April 23rd, 2012 at 9:07 am
Tukchhuah nuam vek u.
Monday ni bawk, post thar awm thei bawk silo, a va phurawm loh tak em
April 23rd, 2012 at 9:41 am
Sheldy, nangpawh le. Nia, pendingah sawn chhiar chak awm tak tak a awm nual mai. Ka rawn publish mai dawn em ni?
tren tren
April 23rd, 2012 at 9:43 am
ltachhakchhuak, etc vrs Asteric, etc thu chai thjin hi, a hma lam khan ka chhiar nasa a, a bengvar thlakin a tha ka ti fu a, tunah hi chuan a nin lamin ka ning ta deuh. A chhan chu kan inhrilh kaw chuang hlawm lo tlat hi a ni. Ngaihdan danglam deuh leh mifing leh thil hre zual deuhte sakhaw vawn tur thar lo chhuakah ka ngai mai a, a tha ve tho mai ka ti. Keini ang zopa lungmawl tan chuan vawn ve chi a nih hmel loh, te ka ti vel ta mai mai.
April 23rd, 2012 at 12:16 pm
Post ka chhiar chhuak a, comment ka chhiar thla zel a, nephesh, ruach tih vel te ka hmu leh tan a, ka bo ngai bawkin ka bo leh ta a ni awm e
April 23rd, 2012 at 12:22 pm
# 70.. Post ka chhiar chhuak a, comment ka chhiar thla zel a, nephesh, ruach tih vel te ka hmu leh tan a, ka bo ngai bawkin ka bo leh ta a ni awm e..
Kan va inang awm ve… 
UPC kohhran e ti lovin, inhnial hi ka peih miah lo nia…
(UPC chu hnialhrat tiin Zoram khawvel chuan min hriat kha.. ;-D ) Pathian min chhandamna hlu, E malsawmna ka dawn leh Thlarauthianghlim min awmpuina hi ropui tiin ka lawm ve em em mai a. Ka duhtawk viau.
Thil in chhuizau peih, in fakawm hlawm e…
April 23rd, 2012 at 12:35 pm
Dr.Mahminga Sailo #71, kei pawh i lawmna chin khi ka duhtawk tiu teu khawp mai..
April 23rd, 2012 at 3:09 pm
April 23rd, 2012 at 4:58 pm
Dr John- I ti lawmawm thin. Ka aim in life hi theologian a ni thin a, mahse ka kawngzawhna lam hi a dang ta daih a nih hi.
Zoho sawi ang deuh khian he Pathian thu hi chu bible kaldan tluang par tak zawk a ni a. A ril lo a, a nihdan tur zawk tak a ni. Mahse hriatlohna hi a ril zawk em avangin “Kan varpawhlo ” mai zawk ni hian ka hria…
[Varpawh ho hi tunlai chu ka kawm chiang chak hle mai]
April 24th, 2012 at 7:42 pm
ka hel ka hel hnuah, A chhung thu leh coment zawng2 ka chhiar chhuah vek chu…. a ngaihnawm khawp mai.
keipawh ka tawngtai tlem lai nen a in nang a, ka la var pawh chuang lo! 