Karthum kalta:
Zan dar 10 a pel tawh a khawlaia mi veivak pawh an tlem pharh tawhin vengthlang lam in pakhat pawh chu a ngai te a dingin a reh thiap a, tukverh atanga eng chuai tak lo eng chhuak riai riai chuan chu in maldin te chu ati khawharthlakin lungleng mi tan chuan Zirsangzela hla “Luahloh run” tih ngaihtuah chhuaha hnuk tihulh mai te pawh awl tak tur ani. Chutah, kawngkhar a rawn inhawng thuai a,
“Zothanpar, chawei siam teh. Mahse, ka ei dawn chuanglo”
“A rawn rui leh ta kati, a mak thei em mai”
“Ka duh leh ka rui anga, ka duhleh ka rui lo ang’
“Ninawm lutuk, mama te school fee pawh pek a ngai tawh a, pawisa ka neilo i ti leh anga. Ruihna tur chu nei reng si, em em lutuk”
“Hmeichhia si, iva tawngthei e. Ka beng hawi sawk dawn che mawni le, nge ka ma mai tur che asin”
“In office a, i bialnu nen in intihthinrim apiang lah hian inchhungkhurah i tuan ziah leh nghal a. Tiang reng reng chuan ka peih rei pawh ka ring love”
“ Enga i sawi a, hmeichhia zawkin inthen i cho alo, i duhleh chhuak nghal rawh”
“Inthen ka cho kati ami. Aw, i duh phawt chuan ka chhuak nghal ang” (more…)
Archive for April, 2012
Thawnthu ho mai mai..
Tuesday, April 24th, 2012Lehkhabu tlangzarh sawmna
Monday, April 23rd, 2012“Hmangaihna hi Hmarcha nise, ka hmangaihna chu Hmarchapui a ni ang” ti ve ngam ngat, ṭhianpa TS Khupchong ziah “HMANGAIHNA TUBOH” leh “NUN TIHLIMTU” tih lehkhabu chu Ni 28, Inrinni Chhun dar 12-ah khian, Aizawl Press Club, Treasury Square-ah H. Rotluanga (Mapuia Hauhnar) chuan an lu a chawikang dawn ta.
“Ka hmangaihna chu Hmarchapui a ni ang” a ti tak naa, Hmarcha të a thak zawk mah tih a haider mai mai a ni. Mahse, mahse…he lehkhabu erawh hi chu Hmangaihna Tuboh a ni tlat, a lian lian-in a chhu na ta ve ang.
He lehkhabu ziaktu hi kum lama naupang të la ni si a, thu leh hla lama tui em em miril a ni vei roh va. Chuvanga, HMANGAIHNA meuh pawh TUBOH anga puh thlu ve ngam ngat a ni a, a TUBOH hi a chhut nat leh nat loh i hre duh a nih chuan; lei ngei ngei ang che. A pâwt mai mai ring suh.
He Hmangaihna Tuboh hi engti taka chhu na tur nge tih te, a len leh tet leh a kg zat lam engmah he luikama ṭang hian ka hre chuang law. Mahse, hei erawh hria la ka duh — a ngaihnawm lo i ti emaw a chhiar tlak loh a nih chuan, i leina man zatin ka lo lei chhawn sak leh ang che.
A.R. Ram Chhuahsan Tur Chungchang
Monday, April 23rd, 2012(He mi chungchang hi misual-ah hian a chhuak tawh em aw? )
A.R. Ram chhuahsan tur chungchang hi tlai khaw hnuah tualchhung chanchinbu pakhatah ka lo chhiar ve a, ka rilru a kap lian em a, ka han chawk phuan thar ve leh hrim hrim a ni e! An sawi dan chuan Lammual leh a vel zim te chauh lo chu mimal hnenah an sem zo vek tawh niin an sawi a, hengte hi a ni tak tak ang tih a va hlauhawm ve le! Hetiang thilah chuan tu sawrkar mah hi rin ngam tak tak an ni pawhin ka hre lo.
An party mi leh sa leh chhungkhat laina hovin an lo patta fel leh diam tawh hlawm ang em? Ngaih a ngam lo a nih hi maw!! Kan Aizawl khawpui chei mawi ngaihna lam awm tawh lo nia lang hi helai AR ram chhuahsan tur hmang hian khawpui nuam takah a la siam theih dawn a sin maw le!
Engtia hmalak zel tur chi nge ni ang le? Rawtna leh ngaihdan han thawh khawm teh u.
Vanglaini chanchinbu lama Pu C. Thangliana ziak hi chhiar belh duh tan hetah hian:
Hmeichhe tlâwm lai hmêl – Hmuh tûr a vâng!
Monday, April 23rd, 2012Lehkhabu pakhat ka chhiarah chuan heti hian a inziak a “Mipaten hmeichhia te lakah hian tihtheih kan lo nei tlêm khawp mai, tih theih kan neih chhun chu ‘Ka thiam loh a ni’, ‘Ka tihsual a ni’, ‘Min ngaidam rawh’ tih te hi a ni” tiin. He thu ka chhiar aṭang hian ka hun kal ta te ka chhui lêt a, “A va dik êm!” ka ti vawng vawng nia. A thupui hi negative viau mah se, positive zâwng pawhin thailan tel ka duh a, chu chu mipate tlâwmna nun chhuanawm tak hi a ni!
Nupa chungchâng thu ka sawi dâwn lo va, nula/tlangvâl inkâra inngaihzâwnna thu ka rawn ziak zâwk dâwn a ni. Inhmangaih takin kan inngaizâwng a, nimahsela, he khualzin kawng chhuk chhoah hian hlimna ngawt kan tawng bîk si lo. Harsatna a lo thleng a, kan inhauin kan inhua a, intihtauh khum châng te a awm ṭhin. Tu thiam loh nge tih lam zawn chhuah ka tum lêm lo, a thiam lo zâwk chu mipate kan ni leh tho tho!
Kan ṭhianpa pakhat chuan ngaihzâwng a nei ve a, tûn thleng pawhin an la inngaizâwng a, Pathianin rem a tih chuan an inneih ngei pawh ka ring. Ṭum khat chu an intithiam lo ve alâwm le, hmeichhia lah a ngawi tlat a, mipa zâwk lahin tlâwm a la ve tawh laklawh si. A tâwp a tâwpah zawng mipa zâwk chuan a be leh ta nge nge a, inphah hnuai takin “Ka thiam loh a ni e” a tih chiah chuan engkim a fel leh vek mai! Hmeichhia zâwk chu “Enga ti nge i ngawih reng a?” ka tih chuan “Mipa ka be hmasa ngai lo” zuk ti teh khauh chuan!
“I âw-ah a âw ka hre thei asin!”
Monday, April 23rd, 2012Ni khat chu damdawiina kan thiante fa damlo awm hi kan turin ka thianpa nen kan chhuak a. Kein kan kal a. Khua a lum em avangin kawngsira ice-cream cheng 10 man chu ka lei a, ka thianpa chuan lei ve ta mai lo chuan ice-cream zawrhna bul lawka mitdel kawngsira thute bâwmah cheng 10 a thlak a. Ice-cream ka ei tui loh ber tum a ni awm e!
Damdawiin kan thleng a. Kan damlo kana chu hmeichhe naupang kum 8 mi lek hi a ni a, natna khirhkhan tak veiin damdawiinah a awm a. Thla khat dawn chu an awm tawh awm e. Amah pawh chu a lo harh a. Kan thil kente kan dah a.
Ka thianpa chuan theihtawpin a hnêm a. “Lungngai reng reng suh. I dam leh vat mai ang. Pathian-in a awmpui reng che alawm, bawihi. Ani’n tûl a tih hunah a tidam mai ang che,” a ti a.
Hmeichhe naupang chuan, “I âw-ah a aw ka hre thei asin,” a rawn ti chhuak ta reuh va.
Ka thianpa chuan, “Bawihi, tu âw nge i sawi tâk?” a han ti a.
Hmeichhe naupang chuan, “Lal Isua,” a ti ta a.
Mi’n i âw-ah Lal Isua âw an hre ngai em?
HAHAHA
Monday, April 23rd, 2012COOL FUNDAMENTALS OF LIFE :
1. Money is not everything
…. there is also Mastercard & Visa.
2. One should love animals
…. they are tasty too.
3. Save water
…. drink beer.
4. Studying is healthy
…. so leave it for the sick.
5. Books are holy
…. so don’t touch them daily.
6. Don’t make noise in the classroom
…. as it disturb those who are sleeping.
7. Love your neighbours
…. but don’t get caught.
8. Everyone should marry
…. because happiness is not the only thing in life
P.S : Two cockroachs were admitted side by side in a hospital :
1st cockroach : wass up dude, BAYGON spray huh??..
2nd cockroach : no dude, BATA CHAPPAL 
(ka message dawn ka lo forward che u a ni e, ka lawm e 
)
Mihring originality..
Sunday, April 22nd, 2012Tunlai chu post pawh a awm khat riau mai ka ti. Kei lah chu ka hman thathum der mai bawk silo a, mahse rilru a vei erawh paihbo hi a har a, ngawih reng te hi alo har a nih hi. “Mi a chuan sawi tur a hriatloh avangin a ngawi a, mifing chuan sawi tur a hriat avangin a tawng thin” , tih te pawh a awm kha maw. Puak leh phawng mai ang, dik tak leh rintlak ngeiin aw niang.
Satana hian a chance neih hi a hlauh ngailo tih chu a chiang; tun thleng hian tar at a nei ngai lo a, a fing telh telh zawk a nih hi! Pathian ruahmanna pawh hi mihringin a ngaih pawimawh em em luatah a zul ah zar zar satana hi alo che ve zel a. Pathian thu hi a hrelo niloin a hriat bel em avangin thei ei chungchanga Pathian (elohim) sawi pawh rawn debate ngam ngat kha a ni reng a; Pathian (elohim) anpui(image) ngei pawh hi a bawklawka lain oneness leh trinity debate tanfungah a hmang zak zak a, a kara Pathian thu sawichhiatna awlsam tak, satana tactic hi hai rual a nihloh nen ringtu inti tam tak chu a man bet tlat chu a nih hi maw.
Trinitarian hoin Pathian anpui mihring entirnan mihring chu taksa, rilru leh thlarau inzawmkhawm a ni an ti a. Oneness lahin mihring hi Pathian anga siam a nih chuan Pathian hi pakhat a ni tih tanfung an chhawrdawh luah mai! Kei erawh chuan he debate-na lungphum hi thiah ka tum lo, tum thei zia zang pawh ni ila denomination rilru hi ramhuai pai beih ai pawn a hahthlak zawk. Mahse Pathian anpui a siam mihring hi engdang mah a nilo, Pathian anpui a ni tawp mai.
(more…)
Mi(Sual) Naupang Pual
Sunday, April 22nd, 2012A thian mipa naupang rual ho chuan, “Zova, Zova, insiam ve rawh, hmelma kulh kan run dawn” tiin sahawk em em mai tihhriat hian an rawn au va. Zova pawh chuan a thiante chu zui ve a, hmelma runnaa han tel ve chu a chak kher mai. Mahse, a Pa thusawi kha a hre reng a. “Zova, hei I nu nen Bazarah kan kal dawn a, khawiah mah lo chhuak hlek suh ang che, In hi lo chhuahsan reng reng suh” a tih kha. A Pa chu Bazarah ala thang mek a, a la rawn haw mai dawn lo tih a hria a, lo chhuak ru pawh ni se, a rawn kir leh hmain inah alo awm fel diam tawh ngei ang. Mahse, Zova hian a Pain a hmangaih a, a tana tha a duh a, a tana tha tur leh a himna tur a ngaihtuah reng thin tih a hria. A Pa chuan rawn hmu dawn lo mahse, a thu awih loh chu harsa a ti a ni.
“Ka chak ve viau na a, Ka Pain ‘in lo chhuahsan reng reng suh’ min ti a, ka lo kallo mai ang” tiin a chhang theI hram a. A thiante ho thawm chu a reh fel a, rei vaklo hnuah chuan Hlim em em maiin Hnehna hlado an rawn chham a, “Kan chak, kan chak” tia khek chel chul chungin an rawn tlan ham ham mai a, a nawm hmel kher mai.
An hotupa deuh ber chuan, Zova chak ve hmel a hmuh chuan, “Zova, kha a rei hlei nem; kulh dang kan bei leh dawn a, lo tel ve tawh ngei ngei rawh, I Pa lo kir hmain inah I awm leh hman daih ang” tiin a rawn thlem leh ta hauh hauh mai a. Zova chu a inngaihtuah buai nasa ta mai. An hotupa sawi chu dik a ti a, a thiante chu ava zui ve zawk ang a, a pa lo hawn hmain inah alo awm fel leh diam ang a, a Pa chuan in a chhuahsan tih a hre hauh lovang le. A tawpah chuan, A Pa thupek chu ngai pawimawh zo lovin, a thiante chu a zui ve ta nge nge a.
(more…)
Bawngkawn Pastor Bial Zaipawl
Sunday, April 22nd, 2012Puanvar Sinte:
Khawvel hrehawm i tan:
Ehem Chhass(Sunday pual ve deuh)
Sunday, April 22nd, 2012“Sawlaia mi sawn min lo biak rawh, a ti”
“A hnap a nih mai chu a!”
Mi angin ‘ngei ngei tlang’ te nei ve lem lo mah i la, ,Mualpui tlang leh Suankual tlangah khan kan che ve hle thin; Sunday tlaiah phei chuan kan kal ngei ngei.
Thianzaho kan inzui tham tham a, hausak deuh tlai chuan wai wai bawm kan ak lang tat thin. Chutah keimahni ang rual vel bawk tleirawl thianzaho an lo kal ve dal dal bawk a.Kan han melh kual dan dan a, duhzawng kan hmuh fuh chuan, ‘zui ang’ tih kha a ni leh tawp mai.
Khatih lai khan keini ang rual leh keini aia upa deuh tawhte ah pawh khan inchhai tan dan style dang tehchiam kha awm hek lo, Mualpui tlang atanga Suankual tlang thleng kan zui chuan Thiani te ho pawhin engemaw ‘awm’ a awm a ni tih an lo hre ve thuai a, ralrelin an inhrilhru tan sep sep mai. Keini lam pawh kan awm mai mai bik lo, eng ralthuam nge kan hman ang, kan sipai zingah hian tu’nge ral do tura kan tirhchhuah ang, tih relin kan inrawnkhawm ve mam mam reng bawk a. Hetianga mahni buai buaia buai chung hian mit lam indawrna chu nasa takin a kal mup mup reng bawk a, nuam thei mup mup ngei.
Kimi Colney hian thu pawh a ziak...
Hairehai....