Part one kha ka ziahna a rei tawh ang reng a, tara lamah ka’n chhunzawm leh ang e. A hmasaa kan len thinna Lal Rose-i lah chu misualah a rawn lut tha duh mang tawh lo va, Fb lamah a pawt zarh zarh saw, chuta chinah chuan Homea nen chuan Sheldonte in lamah thingpui hang kan lam ta deuh chawt a, amah saw a lo zau deuh huau bawk a.
Tlai khat chu Sheldyte ina thingpuisenhang kan dawm lai chuan misual dot com reh ta riau mai chu kan sawi mai mai a, a chhan tur awm angte sheldoni nen chuan kan inrinsiak vel a. Ngawi rengin Homea chu kan kiangah a thu reng a, kan sawi zawng zawng chu hre lo awm tak hian a thu vung mai a. Chutia kan tawng han deuh lai chuan, “Sheldon, a mak hlei nem, misual.com rehna chhan chu a lang vek a lawm” a ti ta thut mai a, a sawi leh tur chu kan lo ngaithla kar mai a, point nei fel fawk hian a rawn sawi ta a.
1) HVa Mizoram rawn haw kha misualhovin an lo duhsak lutuk a, a polite ta vak mai a anmahni nen an inhre vek tawh bawk nen tumah reng reng a hnial tha ngam tawh bawk si lo-amah duhsaktute vek an ni tih a hre ru vek tawh bawk si…chua chhapah A haw hlim buai nen, a til laksak ang main a duap ru riau tawh mai a, inhnial deuh pung pung loh hi chuan a nawmna a lo tlem deuh bawk si. A tiphuisuitu a pawp laiah a tang ta tlat a, a ti a.
2) Zirlai thenkhat chemtatrawta leh a dangte hi engemaw interview leh exam ziah tum an ni a, an inbuatsaih nan social site lama lan tlem deuh an rilruk a, pa nikhua lo mahni pumnat chhan zuk leh hmuam puh duh si lo va, tui lo a tih zawng chawhmeh puh lui tlat ang mai hian, an luh tam berna facebook-te luh thulh chuang si lovin misual lam an hlamchhiah hlauh thunga nawi tet tut tak an ni, a ti leh a.
3) Pu Muanteate leh paho dangte hi an tawmim chhan a dang leh a, an han luh hi chuan tui takin an awm mual mual a, tunah pawh an lut lo a ni lo an comment duh vak tawh lo va-bak nei zel hian an hria a ni. An comment hian an tui thei si a, a chhanna an nghak deuh zel bawk nen an hun an khawhral hnemin an hria a, an han mu chiah hi thahthiang lo thatah an inngai a an nupui fanaute bulah an inthlahrung run tawh mai a. Chhun lam hna avangin men rei an ngam lo va, meng rei lovin an misual thiam lo a ni mahna, a tawpah lan lohah an tlak leh mai thin, a ti leh ta zuah zuah a.
4) Kawlhawk hi, he pa hi a kam liam apiang an hlut viau lai hian engvanga lo lang tlem nge a nih, in hria em? Vanduaina a tawh vang kha a ni. Ngaihtuahna thar hmanga re-settlement nei tur chuan pa tling hian thil hi kan ngaihtuah nuaih thiam lo, Kan ngaihtuah ngat ngat thiam. Kawlhawk pawhin a ngaihtuah ngat ngat a, a rilru pekna lam a lo dang a, misual hi addict theih a nih ang bawkin luh loh laklawh ve theih tak a ni a, misual rualin kan khawngaih tehreng nen…a han insiamrem anga nakinah a rawn tui vu leh tuk mai ang hei a rawn mawm leh tet tet tawh hi, a ti ta then a.
5) Zirlai thenkhat hi chu an exam a lo hun a, an hman chiah lo va hman pawh a hun lo reng a exam lai laia misual tlut tlutho hian an zirlai lo hi an hre teuh duh a, a tha ber lo reng a ni, a ti bawk a.
6) Ignasius hi khawnge a awm a va reh ve, kan han ti a, ani chu a+b whole thing square means ti tha leh turin mission possible a vah chhuahpui a, a lo let hunah dik deuh deuhin mi a rawn hnial leh mai ang, a ti daih thung.
7) Phai leh Mizoram pawna awmho hi an haw chhuah hian an misual regu peih vak lo, a chhan chu tlawh tur an ngah a, chhungte kiangah an hun an lo hmang tam a, thiante an lo thlahlel a, net a inchakhleih bawk si a misual chu an haw leh hunah hman rem rawma luhah an dahtha ta thin a ni, a ti bawk a.
Awh khaih, doc_lib hi ka sawi hmaih dawn…amah hi thutlukna siam rang zet mai mi rilru chak deuh kha a ni a, misual hi nawi riauin a hre tlat pek a tumkhat lai kha. Facebook lamah a thluak a sawr a, chu pawh a ning leh tep tawh ang…misual hi a bosan hmak theih loh a nia, a ti ta daih a.
9) Chawnghilh lalnunnema kha a awmna kan zawt a, a sawi tha duh hauh lo. Mahse Homea chuan tihian min chhang a, patling a ni a, buaina neuh neuh a nei ang a, a lo lut lo laklawh ve a nih kha a lo luh leh meuh chuan Pathian thu a chawlh laia a zir a rawn pai lut teuh mai ang, tiin.
Mi dang chanchin sawi tuma a ka a an leh zuau lai chuan tlangval pakhat hi a lo tek lut hlawl mai a, kei phei chuan ka lo hre hauh lo va. Homea chu ding deuh thu deuh si hian a awm a, “E Ts-a maw” tiin chu tlangval chu a chibai a, “tunlai chu i zin kual thuiin, Bike-ah i chuang nasa hle mai maw khaw 20 zet i tlawh lo maw, High school tlawhin maw in kal hual, a va hahthlak awm ve, thian lah chu I lo ngah phian a” a ti leh ta zung zung mai a. Tsa nena an inbiak fe hnuah chuan Tsa zunram thiar hlanin “engtin nge i hriat bik” ka va ti de de a, ani chuan “Tsa a ni tih hai rual a ni hlei nem, lehkhabu inang copy a keng hnem em a, a lehkhabu ziah a nih kha, sheldoni’n a chah a a rawn pe dawn a nih kha, a zin chungchang kha chu a blog ka chhiar a 
” a ti ta daih a. Ngawi teh u, nau a harh ka la rawn chhunzawm ang…ka’n awi mu phawt ang a…
Similar Posts:
- Tunlai Mizo Thalaite – Ka ngaihdan Part 1
- misual.com = 666 :-)
- My parent vs Myself
- Misual Log Home-a
- A theih em?
May 28th, 2012 at 2:02 am
Hahaha…. Last para teh duah chu leh!
Pahnihna khi hit e…! I han post hlawm takah chuan, misual.com reh em emna chhan chu khi vang vek khi a lo nih khi. Chuvangin he post hi remove ngei ngei chi a ni. misual.com reh chhan a ni tlat. 
Report this comment
May 28th, 2012 at 2:10 am
Tren tren…
Report this comment
May 28th, 2012 at 2:13 am
HEI HI ka chhiar mek, ti daih te’ng. Miss Aduhi te chhiar duh zawng a nih ka ring.
Report this comment
May 28th, 2012 at 2:34 am
Hahaha! Ka la muhil leh lo. A dik hmel hlaw fek fawk khawp mai.
Tsa hi vawikhatah copy 100 lek lek chhu hian 5th Edition hi lo kai daih tawh nge
Report this comment
May 28th, 2012 at 2:34 am
Hahaha! Ka la muhil leh lo. A dik hmel hlawm fek fawk khawp mai.
Tsa hi vawikhatah copy 100 lek lek chhu hian 5th Edition hi lo kai daih tawh nge
Report this comment
May 28th, 2012 at 2:37 am
Comment tlem thei tho double pawh en liam mai mai teh ang. Tian lungthu kim chiah ni mai.
Report this comment
May 28th, 2012 at 2:47 am
Kher Kher chu ngeiawm kher kher em mai.
Report this comment
May 28th, 2012 at 3:27 am
Ekhai thutak deuhin chhiar ka tuma, ava ho angreng leh si ve
, a part I chu chhiar ve ngei chi anih chu, part III te pawh ala awm zel beisei ila..chuan tinge hemi smiley 
chiah hi a hman theiha, kan nuih dan a inang vek, tha dawnlo tlat 
Report this comment
May 28th, 2012 at 3:53 am
A post-tu nen khian Kolasib-ah hmanni lawk, April ni 6 tukṭhuan chaw ei hmain a inah kan inhmu a, a hlimawmin a nuam ngei mai. Kei aiin a lo palian bik hauh lo.
Report this comment
May 28th, 2012 at 5:56 am
bvt
Report this comment
May 28th, 2012 at 6:55 am
Bengvar thlak e
Nau chu han awi mu vat vat la, han chhunzawm leh vat teh….Dr Watson a awm hnai ve hial lo maw…?
Report this comment
May 28th, 2012 at 6:57 am
Ka ek chhuak………kan tih chuan, kan la e lo tihna a ni. Daih mai a, hmangaihna a nih chu
Report this comment
May 28th, 2012 at 8:11 am
eu nau ts. chu min tiatpui hmuh tan tlat a vang lam chuan kan intiat maithei e…a vertical zawng chuan boruak kan han indawn san hleih deuh lo maw.
he post hi ka fiamthu thiam dan a ni a…huat awih loh…thiam loh hmel.
Report this comment
May 28th, 2012 at 8:16 am
He post chu a dik hmel hlawm hle mai a! Run dalah ka han comment ve reng reng teh ang. Kei chu misual hi ka la lut regular lutuk a, comment pawh ka rilru chuan ka lo comment mawlh mawlh reng a nia! Han ziah lan kher hi a kam tam thlak mai mai e tiin kan ngawi leh mai zawk thin a lawm!
Report this comment
May 28th, 2012 at 8:22 am
Tukchhuah nuam vek ule
@Ts, a post tuper chu i hmu bik a maw? Ka va hmu ve chak ve awww. Misual.com reh tak deuhna chhan chu comment tu kan tam loh vang ani mai
Post tupa sawi khi a reh chhan a nih hmel hlawm viau. Mahni buai buai a buai, FB lo awm bawk nen, naupang ho an buai rih aniang ti mai ang. Mahse comment danga ka sawi tawh angin a reh a reh ti mahila amah hian rinawm takin kalpuitu a lo nei reng tho a. Kar khat pawh lut lo ila, a ngai tein a lo kal reng tho a. Kohhran nen ka tehkhin a, inkhawm ngailo mahila Kohhran pawh hi a kal ngaiin a kal mup mup tho a nia.
Report this comment
May 28th, 2012 at 8:29 am
A hlimawm phian mai.
Report this comment
May 28th, 2012 at 8:30 am
a reh tak tak hlei nem kan beiseite an lan loh thin vang mai a nia…#keimah pawh khi a reh chhan ber chu a unaupa hnam sakhua kha a lang khat em a. a rawn lan tawh chuan meiling pai ang maiin a silent reader thei lo.
Report this comment
May 28th, 2012 at 8:40 am
Reh rei ta riau ka lo notice thenkhat te chu – boihapa, rempy, drake, father spinx, mate ainawn leh adt. Khawnge maw an awm zawh tak ni
Report this comment
May 28th, 2012 at 8:52 am
ReMpY a reh chuan mi panga vel reh nghal hmak ang an ni.
Report this comment
May 28th, 2012 at 8:53 am
tha phian mai.
Report this comment
May 28th, 2012 at 8:54 am
vakul #17, i va tidik em! Unaupa Hnam sakhuaa tel lo chuan kei zawng ka tlei thei lo a ni ber e!! A lo lan veleh ka lo parh leh harh harh mai ang!!
Report this comment
May 28th, 2012 at 8:56 am
Kawppui hi in nei hrang fir fer ang roh va!
Report this comment
May 28th, 2012 at 9:01 am
mate ainawn chu fb a a cabinah taksa chetna a chang a, a phu surh surh mai a lo lut hman lo.
Report this comment
May 28th, 2012 at 9:06 am
Chhandamna kêmping kan mamawh ani e,
Report this comment
May 28th, 2012 at 9:54 am
Doc_lib sawi ang deuhin MI in tih sek hian nghawng chu a nei ve deuh reuh a ni, hmelhriat hnialfiampui ai chuan hriat loh hnialfiampui chu a nuam deuh zawk a nia
pu HV reh chhan ang deuh khi a ni
fb group ami te hi atakah inhre til tel hlawm se post a hot ngai hmel loh, fake account hoin an vaw hot emaw tih tur a ni thin.
Ummm…misual.com hi chu a kal bek beka a cool riau ka tia kei chu.
Khaiii ka lo va sawi hnem ve tun tum chuuu
Report this comment
May 28th, 2012 at 11:09 am
Kei ka regu theihloh nachhan chu kan internet fee rawn to tak vak vang leh current kan neih chhiat em em vang ania. Phone atanga han tih lah hian battery a lo down vat a, a charge lehna tur lam a buaithlak thin bawk sia.
Report this comment
May 28th, 2012 at 11:23 am
Kei zawng misual hi ka thian neih ve chhun a ni e. Ka hman phawt chuan ka leng lut reng a ni ber e. Misual.com
tren tren
Report this comment
May 28th, 2012 at 11:42 am
Pawstupa pawh hi “reh” top 10 ah a tel chiangbal!
nawn awn2 e. 
Fiamthu ngaihnawm tak a nih hi le… ka
Report this comment
May 28th, 2012 at 11:48 am
Kei hi ka facebook paw’n misual.com hi chu ka kalsan thei lo a ni ber mai. Phone atangin awlsam takin a lo luh theih bawk nen. Ka hman zel a nih chuan ka lut zelin ka ring. misualho zarah hma ka sawn tawh em mai.
Report this comment
May 28th, 2012 at 12:03 pm
2010 atang khan ka silent reader thin a, hmanni lawk atangin ka rawn inregister ve chauh a, a nuam ka ti khawp mai. In thu leh hla hi a ngaihnawm ka ti. Chutihrualin nikum amite, nikum hmasa amite tamtak an awm tawh lo a, a khawharthlak khawpin ka hria.
Report this comment
May 28th, 2012 at 12:07 pm
Kei chu silent reader ka ni peih lo. Ropui lemlo mahse a sirah hian lo ri ve bel bel ila a nuam. Chuan ka ngaihdan pakhat chu mi hlui te an awm tawhlo a khawharthlak kan ti kan ti a, sikul/college ah te pawh student hlui an chhuak a, a thar an lo lut zel a. A lo lut thar te kha lehkha an thiamlo bik chuang lo. Chuvang chuan misual.com pawh hi a awm awm, a hman hman, a phur peih peih hian kan ti hot a ni mai. Mi hlui an reh kan nawi sawt tih te hi chuuuuuuuuuuu engmah a ni lo.
Report this comment
May 28th, 2012 at 12:14 pm
Topic khi MISUAL LOGIN HOME ti law law ila..
Report this comment
May 28th, 2012 at 12:23 pm
Keipawh ka Silent Reader char char a, tunkum a tang khan ka rawn in ziak lut ve hlawl. In mi lo uelkham na ah ka lawm e. Minlo kawm ve.
Report this comment
May 28th, 2012 at 12:30 pm
# 31… Nula sawi a nih vang ni miah lovin,ka
e… 
Mithar, hmeltha leh pianzei, luck em em bawk si kan rawn luh hian lawm zawk teh u, rualhlui ngaihdan hmuar tawh ho ai chuan…
(fiamthur, thur tak..)
Report this comment
May 28th, 2012 at 12:36 pm
Misual nawm dan hi chu a ril tlat alawm.
Report this comment
May 28th, 2012 at 12:39 pm
Khawnge post tupa hi? Nau ek a su emawni le.
Report this comment
May 28th, 2012 at 12:58 pm
aduh, su zo tawh dim diams.
Misual.com hi a tha hle a ni, hmanni khan misual pakhat a rawn zina a ATM card a thawn haw tel tut a, amah ka la hmu lo va a hming pum pawh ka hre na hek lo. Engemaw titiin kan inbe pawp a, ni hnih hnua thlawh haw a tum niin ka hria. Sum hman mai tur min rawn dil a, a Card kawl tawh si lo kha. ka la hmuh loh chu sawi loh hming pum hriat loh kha ka neih tawk tawk puktir kha ka ngam ta tlat a, i duh zat sawi rawh ka ti a, a duh tlem leh hle si a; nuai bi sawi se engtin tak ti dun ang maw.
A reh inti a, Homea’n a rawn risk kual mai mai a nih hi.
Report this comment
May 28th, 2012 at 1:42 pm
Tata Photon ho muang lutuk vang hian comment vel hi a ninawm ta, phone atang lah hian 3G nih loh chuan a chak em2 bawk si lo. A pawimawh berah chuan mombati hmang a desktop leh laptop a on theih loh hi a ni tel bawk in ka hria.
Report this comment
May 28th, 2012 at 1:58 pm
A nih duh hmel dawn hian ka hria a…
Report this comment
May 28th, 2012 at 2:14 pm
Mizoram (Aizawl) net muang hi a ni ve pakhat ang ka ring. Reh deuh angin lang thin mahse mizo website ah chuan el pha a la awm chuang loin ka hria.
Report this comment
May 28th, 2012 at 2:23 pm
Ka comment hmanloh pawh in post tal chhiar lo chuan ka nileng thei thak lo.
Report this comment
May 28th, 2012 at 2:36 pm
#31 aduhi
Report this comment
May 28th, 2012 at 3:29 pm
Keichu silent commentator!
Report this comment
May 28th, 2012 at 3:39 pm
#43…
Kei ve chu, non-silent poster and commentator…
An thu leh hla atanga an nihna leh mizia awm tak ziak thei hi thil chik mi tak i ni ngei ang…
Report this comment
May 28th, 2012 at 9:46 pm
Ngawi teh, min sawi tel ve leh ngawt zel a, i sawi dik hmel phian bawk si a, hei ka lo dak leh duk duk a nih hi
Report this comment
May 29th, 2012 at 12:55 am
Home-@ nge nge thil I thlir thiam e. A dik vekin ka hria. Nia, misual rau rau fb lo awm zelte hi a tullo ngawt mai.
Report this comment