Mizoramah hian thalaite hi nekchepin kan awm reng em? Kohhran leh NGO thenkhat moral policing hian kan nunphung a tikhaihlak em? tih chungchang hi Hmaibu group pakhat ah ka hmu hlawl mai a. Chep ta riau a inngai thalai kan lo tam hle mai hi a lo ni a. Enge misual te hian kan ngaihve dan ni ang aw? ka lo ti rauh rauh a.
Ti zawng hian ka ngaihtuah a. Kan chep han tih tur em chuan Mizoramah chuan a dik thei in ka hre lo a. Intihhlimna erawh duhthalin kan nei thei hauh lo. Heti hian ka han chhawp chhuak chhin ang a, sawi zau ah kan ti a niang chu…
1. Concert/ intihhlimna a awm lo : Hei hi chu a dik na chen pawh a awm ang. Zu ber khap a nih miu avangin kan revenue zu atang mai ni lo a behbawm atang lakluh theih ang chi pub/ discotheque/ night club kan nei lo ngei mai. Amaherawhchu, kan u leh nu leh pa te thiam loh niin ka hre lo. Mahni sitting room tih en na tur pawh current state danga mi kan lei chawp a, thei leh thei lo in swrkhar in min la subsidised sak ve lehnghal a. Current a uihawm lutuk 
2. Infiamna/ khelmual tha kan nei lo: Hei pawh hi a dikna chen awm mahse hma kan sawn nasa hle a. Thalai te hian a game a luchilh hma in dress code leh sports gear branded nu leh pa te kan ngen thin avangin khap ni lo in min encourage ngam lo a ni. A khelh lam thiam hmain NBA/ EPL/ French open a an hak ang te kan han awt hmasa tlat thin hian nu leh pa te tan han chhuah zalen hi a hra ve duh ngawt hian ka ring thin.
3. Park/ Garden len kualna tur a awm lo: Hei pawh hi a dik leh pek ang. Mahse, khawtinah “Ngei ngei tlang” a awm deuh vek bakah he tlang hmang tangkai ho hian nu lehj pa te phalna an lak ka hre ngai lo. A lun ve reng tho a nia. Park aia fianrial kan ngah lutuk tlat.
4. Night riding/ racing khap a ni: Hei phei hi chu khap ngei ngei chi niin ka hria Zan a bike leh scooty a chak tak a tlan vak vak emaw bialnu te phurchhuak ut ut hian hma kan lo sawn ve viau a nih pawhin tu kan neih ve meuh chuan kawlbahra min laih tir leh theiin ka ring. Mahni thawh chhuah a vak vel ai chuan chhungte rit phurh tir tu a ni ka ti lo thei lo.
5. Zu hi sualah an ngai tlat : Hei chu zu in mi hlei hlei hian sualah an ngai. Sawrkhar leh Kohhran in khap an la duh vei bawk nen. Kan hriat nawn leh tur chu Mizoram a zir lai zuin an chhuah san em em thin loh laiin vai rama kan zirlai te erawh in an zirlai tha takin an zo thei thin. A chhan a chu thalai te zalenna ah chuan zirna hian hun a chang thin lo. Vai rama thian nei te khan (hostel life ka sawi tello) in zalen ang khan in thiante an zalen em? tih kha chhut nawn leh teh u khai…
Duh tawk phawt ang… i han sawiho teh ang u 
Similar Posts:
- Mizo thalaite kan chep lo, kan thawl mah mah!
- Khap Tamna Khawpui?
- Zonunmawi virus Zu – MLTP Act-in delete rawh
- A sakhming kan sêl e
- ‘Zu’ Zunzam
May 31st, 2012 at 9:18 am
Sawiho ila…
Report this comment
May 31st, 2012 at 9:19 am
Chhiar phawt ang
Report this comment
May 31st, 2012 at 9:34 am
Dik fuk fuk viau mai.
Zu chungchang hi chu sawi lohah lum mai ang. Mihringte hian khuahkhirhna hi kan that phah rualin chu khuahkhirhna hnuai atanga zalenna kan han hmuh chiah khan kha zalenna kha kan hmangthiam ta thin lova kan chhiat phah thin. Thalaite tan phei chuan a hun taka thlah zalen dan thiam a tul khawp mai.
Tin, thil thalo kan tih tamtak hi eng atan maha ngailo tawk tura ngaia neih tir tawk vela thlah zalen dan hi a awm ka ring tlat bawk.
Report this comment
May 31st, 2012 at 9:51 am
ngawi tlat te’ngs…..
Report this comment
May 31st, 2012 at 10:41 am
A thain a dik hlawm khawp mai. Fianrial chu kan nei tha lutuk zawk. Aizawl khawpui chhung angah chuan fianrial zawn chi a ni lo. Park pawh siam dawn se, fianrial park a awm thei lo hrim hrim. Zu chungchang chu sawi peih lo law law ila. Intihhlimna hmun hi a hranin nei lem lo mah ila, chep intiho chu eng eng emaw hotel-ah an lam luai luai thin tho a ni lo’m ni? Keimah tak chuan thalaite kan chep pawhin ka hre lo. Kan ngaihtuahna a lo upa deuh ta a ni ang e. Tin, zana bike-a chak tak taka tlan hi khap loh theih a ni lo. Anmahni tan bakah mipui tan pawh a hlauhawm a, a ninawm a, a bengchheng. Khelmual chu kan nei tha chho tan tawh alawm, indoor stadium pawh kan nei nual tawh bawk a. A bakah chuan hmasawn zel tur kan la ni chauh. Thalaite hi kan hmanhmawh lutuk. Intihhlimna tih vel chu nakinah duh lo eng ang mah ila kan la nei dawn lutuk.
Report this comment
May 31st, 2012 at 10:52 am
A dik hlawm viau mai a.
Mahse, veng pakhat YMA dutyte chuan kawngkam mai pawh ni lova nula leh tlangval motor chhunga awm an ko chhuak (true story). He mite hi chuan thalaite kan chep ti se chu ka pawm thlap. Heti lutuk lo deuh hi chu nithei se a tha khawp mai.
tren tren
Report this comment
May 31st, 2012 at 11:05 am
Chep tihtur chu kan niin ka hrelo tawp mai.
1. Concert/ intihhlimna a awm lo – a dik viau.
2. Infiamna/ khelmual tha kan nei lo – a dik emawn le?Khelmual te chu State rethei ber si ah chuan kan nei changkang teh alawm. Gas leh tui van zia ngaihtuah phei chuan kan nei tha mah mah. Ti deuh duah teh ang.
3. Park/ Garden len kualna tur a awm lo – a dik leh pek.
4. Night riding/ racing khap a ni – hei hi chu khap ngei ngei chi. Zan chu sawiloh, chhuna tul hlei lova an tlan chak lutuk te hi khap chi mawle.
5. Zu hi sualah an ngai tlat – Zu ngawt te sual love. Sualna hmanrua mai alawm.
Report this comment
May 31st, 2012 at 11:19 am
ka support vek e…
Report this comment
May 31st, 2012 at 11:22 am
Vaia,i ti tha e, Kan chep tih hi chu kawngpui chiah a chep a, kawmkar kawng nen….Ka hmuh dan chuan kan chep ti tu te hi Thalai lam pang pawh nilo, tu te thu sep rawtui thiam ten in chep min ti a, Paula lehkhathawn pawm in kan pawm a, kan chep te hle hian kan hria a a ni ber in ka hria.
Kan chep kan chep ti tu te hian Mizoram economy hi siam tha sela automatic in kan zalen chho ve zel mai ang. Tun hma in Reiek tlang pawh khu a awm daih tawh tu Trekking a kal bakin an tlawh ngai lo. A chhan chu a kal a har em a…. Mahse tuna chuan kan lehlang kan leh lang a, Reiek a hnai ta a ni lo,Reiek kawng pawh hman ah khan a awm reng a, mahse a kalna lam kan nei lo a ni zawk. Sialsuk kawng pawh a thlang reng a, mahse tu nge kal ngai, Kawngpui an siam that te hi chuan a kalna tur motor a lo pun hnu fe a nih hi Tun hma in Sairangah picnic tur chuan a er a er tham a nia, tuna cuan Lengpui ram te chu te chu an kawmthlang huan kal mai mai tawh a nih hi…Hmasawnna neih tak tak hma mi neih ang neih tum phet a lo iak lo iak hi fuh ka ti bau lo
Report this comment
May 31st, 2012 at 11:23 am
#6 ang khi ka tawng tawh.
Kan rilru hi a ni mai, britney hla lucky? Te kha han ngaithla teh u..khawngaihthlak in.. Ni, duh apiang nei thei lal fanu te pawh an khawhar ngawih2 fova a, paula ve thung chuan tanin chhung atang pawhin ‘zalen ka ni lovem ni.. a ti pap pap thung si.
Report this comment
May 31st, 2012 at 11:25 am
a vai mai khian a dik ka ti lutuk, a van tha hlawm tak em, Pu VaiVa Jindabad.
Thalaite hi chuan kn tlin ang tawk tawkin nuam chu kan tawl teh bawk e… Kum upa kan nu leh pa te hi an chep-in an khua te hi a har asin, TV en se thalai thil hlir, radio lah chuti bok.. han fb ve mahse an kom rual an hmu si lo
khawlaiah chhuak se bike leh car chak tak2 a tlanin an su thawi thuak2 a.. Thalaite kan chep chuti khati ti ti ho hi chuan an ngaihtuah chiang lo a ni.
Report this comment
May 31st, 2012 at 11:52 am
K’u Chhinga
Report this comment
May 31st, 2012 at 12:32 pm
Kan chep titu te hi dikna chen chu an nei ve e. YMA duty te hi an hrang lua a ni. Leng mai mai emaw pawh an ko ding duh a nia. Tum khat phei chu (True story ) Car chhung ah nula leh tlangval an awm, car an khar phui vek duty ten an ko chhuak, thawmhnaw an lo in bel mumal silo…. Hetiang hi chu an chep mah mah a ni.
Report this comment
May 31st, 2012 at 1:08 pm
Mizo thalai te hi Northeast thalaite zingah chuan kan zalen ber emaw ni chu aw…ka ti thin. Kan ram a ralmuan a vang leh kan society nunphung hetiang anih avang hian alawm thalaite zingah rualelna, tumruhna leh teirei peihna kan tlakchham em em ! Nula leh tlangval te suangtuah leh lungkham ber chu ngaihzawng, fashion, zu leh music ah a inhlawm kim vek mai hian ka hre thin. Mizo thalai zingah zirna, career leh ram inrelbawlna politics a tui pha tak tak leh inhnimphum peih chin chu mi tlemte chauh an la ni.
Nuamtawlna zawn atang chuan engtiklai pawhin thalaiten chep kan inti reng ang. A engamah hmaa ram changkang leh intodelh zawkte nuamtawlna hmun tha neih awta thik ve ringawt zel lo hian inkalpawhna kawng tha te, power supply hnianghnar tawk te, thingtlang hmasawnna te leh vantlang hriselna leh faina te hi ngaipawimawh hmasa ila, a tlachawpin recreational facilities chu kan nei ve zel mai ang (sawrkarin hmalakna chang a hre turah ngai ila).
Tin, kan khawpuite pawh planning mumal awm lovin a thang ve zela, lirthei leh mihring tawt lutuka zi nuaih nuaih karah concrete building hlirin min hual vela, a chhunga chengten mathei lovin stress leh depression an nei nasa tulh tulh ang, chu chu khawvel kalphung a ni. Chuvangin rilru tih engthawlna leh ‘hman changa’ len khawthawnna tur Park mawi tak tak te chu thalaite chauh lo nu leh pa leh tarte pawn an mamawh chho zel ang. Municipal Council in tan han la sela, hmun remchang a awm chuan khawpui chhung emaw pawnah pawh hetiang hmun hi han siam zel teh se.
Report this comment
May 31st, 2012 at 1:09 pm
@bucko #13, i entirna rawn sawi chu YMA te duty na huam chhung a in ha mumal lo a car a lo tawm reng reng te chu kan chep loh zia a lang chiang zawk lo maw? An ngam ual au mah mah a nih chu maw le!
Report this comment
May 31st, 2012 at 1:14 pm
‘Park/Garden len kualna tur a awm lo’ tih chungchangah hi chuan hmun fianrial lam ai mah in park nuam leh lun ve tak, nula tlangval inngaizawng te tan a han lenho a, in tih thawven ve na tur lam ni zawk mah in ka hria.
Phaiah te pawh park nuam tak2 ah a kawp te te in, vai nen vai lo nen, han len kual vel te hi nuam ve deuh mai ania
Hetiang hmun te hi mizoramah hian awm ve se a tih chi khawp ang
Report this comment
May 31st, 2012 at 1:21 pm
Sawithiam a har
Report this comment
May 31st, 2012 at 2:11 pm
Kan boruak hip a sang si a..kan lifestyle a tribal bawk sia
a buaithlalak zo veks 
Report this comment
May 31st, 2012 at 2:21 pm
Beer vawt reih rawih in chak chang tih lovah chuan chep han in tih a buai ve na ka nei der lo mai kei, ka in avang khan ka va sual phah na ka hre lem lo bawk a………..Zu khap in a, beer a khap tel hi ka buaina ve deuh chu ni mai a
. Mahse thalai naupang zawkte hma khua leh nun thlir chuan an thil hmuh leh an khawvel chenna in mil lo lutuk hi chu an khawngaihthlak ve pangngai.
Report this comment
May 31st, 2012 at 2:30 pm
#19 kan zirtirtu pakhatin class 12 kan zir laia a sawi (quote) uar deuh thin ‘Think Globally, Act Locally’ tih bawk hi rilruah alo lang leh thin.
PS: Satellite TV leh Internet etc a kan thil hmuh leh hriat te hi kan inchhungkhur, khawtlang leh tualchhungah a apply ve nghal ringawt theih loh a ni tih kan hriat fo a tha. Changkanna chu ‘slow and steady’ process a ni tur a ni.
Report this comment
May 31st, 2012 at 3:26 pm
Kan zoram dinhmun enin nuam han tawl thei vak kan ni lo thalai te hian, lehkha tha takin i zir tang tang ila ani mai
Report this comment
May 31st, 2012 at 4:53 pm
Ka comment alo lut miah lo! Tha thar in ti leh mai ang…
Chep inti inti ho hi chu engang paw’n ‘hang-out’ na hmun emaw, tual chaina tur hmun pawh siam se DAN phal tawk chin bak an duh zel tho ang. Thalai tamtak hi chuan dan kalh rapa awm hi kan enjoy alawm. Ent. Zuangtui/Muthi ah te an kal a,zu te in in an in tihlim viau thin. Phalna dan awm chiah se hmun dang an zawn lo tik-a-tak-ah! Vuak pawp pawp chi mawle ‘tiang ho hi chu!
Report this comment
May 31st, 2012 at 6:53 pm
Huis, chung zawng zawng ai chuan gas mawlh hi!!! Thalai chep inti ho hi gas la turin vawikhat pawh an chhugten an tirh theih ka ring nek lo e
Report this comment
May 31st, 2012 at 6:59 pm
@Jacka pi, a ni ngawt mai. Gas/tui vang nen, Sorkar VIP ho hi kan VIP dan a nuamlo ee!! Awmngaihna hrelo ho lahin kan chep e ek e bal e an lo ti kawisawi a!
Report this comment
May 31st, 2012 at 8:04 pm
Similar posts ah khian a awm nual tawh a. Ka duh deuh lai chu Chawmtatrawta post a mi hi kan quote nawn leh ang e…
P.S : He site hian hlutna tak a nei thin
Report this comment
May 31st, 2012 at 8:30 pm
@Pu VaiVa, Love Game sawi a ngai leh ta em ni? Ka la peih zãn a nia.
Report this comment
May 31st, 2012 at 9:04 pm
Facebook group nawi deuh2a len luh ka chin atang khan, hetiang – ram leh hnam hnuk khawih thil hi ka ngaihtuah peih ta vak lo. Mahni hi intodelh tum ila, mi ta awt lo leh dik leh fair taka khawsak tum bawk ila, chhungkua hi hlim ila… tih vel bak ka suangtuahna bawmah hian a lut ta vak lo. Keuh mai a!
Report this comment
June 1st, 2012 at 1:05 am
HEI HI update a hun tawh khawp mai.
Report this comment
June 1st, 2012 at 2:47 pm
point no 5 sentence tawplam khi aka hrethiam chiang chiahlo,tlema sawizau thei deuh hlek in awm em ??
Report this comment