2 : 47 pm (Wed)
“Hello…”
“Aw, hello…”
“Kawlhawk”
“Eih… eng nge ni ta?”
“Zirtawp tlaiah 3D Cinema a huho-a en kan rawt a, vawiin hian ticket booking a ngai a, i duh ve dawn em?”
“Ngawi lawks aw… (second 2 vel ka inngaihtuah a…) Aw, ka duh ang, ticket 2 aw…”
“In nu nen em ni?”
“Ni lo e… kan nu a dam loh vang zawk a nia…”
A nui uar uar a, “Aw le… Aw le…” tih phahin, ka thiannu chuan phone a hmet tawp nghal a.
4 : 15 pm (Fri)
A ni alo thleng ta! Dar 5 tan tur a nih avangin theatre chung, restaurant-ah eng eng emaw inhnawh puar phahin kan ri luai luai a. Rin aiin kan group kha kan lo thahnem hrep a, kei aia hmelchhia hlir tlangval chawrche chhe te te 4 leh pawmlai nei 4 (mipa 
tih loh chu hmeichhia (nula?) vek an lo ni a, 20 rual zet kan ni. Mipa zingah rau rau chuan ka lang (sir) deuh vah bik ni hian ka inhria a. Tin, Mi(sual) leh facebook a mi vek kan ni hlawm bawk nen boruak a nuam dawn e… tiin, a taka J-Lo mawngbawr hmu ang maiin ka khi suuung reng ringawt a!
5 : 00 pm
A chhung kan lut phat a, thutna kan han inrem nak nak a. Kan tlangval 4 te lah eng nge maw an hriat ni, a hnung ber tlar kil thim laiah an han thu tharh a. (kan nulate khan an melh hope vak lo tih an lo inhre hman a ni mahna…) Chutihlaiin, kei erawh ka bula thut chak si, chuh ngam chiah si lo, thutna inkian der (inchuh ru) nulaho an ri nak nak a. “khal” ngaisang ta reng reng chuan, an zinga khal tha deuh 2 – “Malawmi ka vei lamah… Sangtei ka ding lamah…” tiin thu ka vaw thla ta ngawt a. Hemi zana Malawmi leh Sangtei lawmzia tak kha aw…!!! Thutna kan inrem fel ta – 3D tarmit, a chung lama eng sen de zeuh zeuh thei chi chu an rawn sem a, kan 3D tan ta!…
A film tan tirha a changtute hming inziak te chu beng bulah a rawn thlawk liam fua fua a! I hi le, a pui dawn e! Mahse, Mizo tawnga lehlin a ni lo… A film hming ka hre lo a, a changtunu hming ka hre lo a, (Sap nula hmeltha leh pian nalh tak a ni tih erawh ka hria) a changtupa chu, ih… ih… The Mummy-a a changtupa kha! Mizo-a lehlin ni bawk si lo, sub title awm bawk si lo chu kei zawng ka bo ta map mai. Ka sap tawng thiam zawng zawng ka lo theihnghilh ta vek hi chu aw… ka tuar zel dawn a nih hi. Chutah, action lam awm bawk si lo nen a ngaihna hre lo takin, ka vaipa thil bo thlir vel mai mai a. Minute 15 vel hnuah – Yes! Aw le, sap film nge nge… sapho nge nge… nupa khumlaizawl nun a lang leh ngei dawn e. 
Music a sexy tan… suangtuahna a hur tan… ngaihtuahna a khawlo tan… aw le, a fuh dawn e… tawkfangah, a itawm tawk chauha inphelh a changtunu a rawn dawrh siah mai chu(h)! Kareeei… a lu chin chiah cinema chhungah a awm a, a bak zawng pawn lamah a rawn dawrh chhuak a, thut hmun atanga lo chul sak thuak thuak theih awm vela hnaiah hian… Ka lu hi a rawn kap-ka-lak ni berin ka hria. Mahni chauh chuan en ila, changtupa emaw intih mai a awl dawn mange! Chutah, hnung lama thu kan tlangvalte’n “hei mah mah 3D, 4D-ah phei chuan a rim pawh kan hre vek ang!” an la rawn ti. (Mahse, vanglaia khaw khat pa lerh tia sawi hat hat kai phak hian hmeichhe kap bawr hi a hnima hnim mai lovin, a liah a liak dap dap khawpin tawnhriat ka lo nei tawh thin a. Hriak thami leh phuh rimtui tel lo chuan, zupui kap nam ai mahin a rim a tui lo thei tih te ka lo hre vek tawh a, a rim nen lama hriat theihna 4D chu ka en chak tehchiam lo.)
Film chu a kal zel a, a tawp a hnai tan ta! Tlang sang tak tak leh kham chhengchhe pui puiah a changtute an lawn… lung lian pui pui an rap chim… chaldarah min rawn deng dawn ta emaw tih turin, chu’ng lung lian pui puite chu beng bulah an rawn tla fua fua a. Kan thutna nghawr nghing dur dur khawpin chung lam leh hnuai lamah te, sir tawn tawnah thawm tihbaiawm pui pui ri hum hum a, a nghawr dur dur a. A changtute an hlau, a entute kan rak, kan thle, kan phu… mahse, englai pawha thluak fim pu thin ta chu – ding lam deuha lungtum alo tlak apiangin ka vei lama Malawmi awm bawrah ka va bei thlawp a… vei lama alo tlak apiangin ka ding lama Sangtei awm bawrah ka va bei leh thlawp a… ka che hit lehpek asin aw…! Hemi tuma ka khawsazia hian “pa” hun a awm, “intih pa loh” hun a awm tih a zirtir…
A nghawng
A nghawng hi a buaithlak lai ber chu a ni. Khawvel hi ka hmu 3D vek a, haw lama hmelhriat ka hmuh te hlam 5 dan vel atanga chibai tumin ban ka hawi leh zuau thin. Hlam 10 vela hlaa motor lo tlan te chuan mi rawn su mai dawn emaw tiin ka petek leh zeuh thin. Chu mai a ni lo, kan thenawm Pu Khuma kawt ka thleng dek dek a, a piah kan kawngkhara ka tunu lo ding chu pawm mai ka’n tum ta pek a. A bula ding, a pi pawh chukz tumin hmui ka tizum puuut puuut hman a. Laipuitlang Kross khawih tumin ban ka phar zuau zuau thul… Zan alo thleng – khumlaizawkah kan nu ka’n hmu 3D tak tak mai phei chu(h)!… pui tak a ni, pui tak. Hlam 2 dan vel atang ka bawk vak phei a, hlam 1 vel atang pawsi ka la tan a ni ber e!… (phur thut leh chhunzawm atan) 
“D” zawng zawng zinga “3D” zet zawng!
In awi loh chuan… kha u —
June 5th, 2012 at 7:51 pm
3D hi ka en peihlo tarmit bun chuan a buaithlak.
June 5th, 2012 at 7:52 pm
F1rst keuh
June 5th, 2012 at 7:54 pm
lol (*) (H) <----- hemi hi i an hmel kawlhawk i 3D movie en lai chu
June 5th, 2012 at 7:54 pm
Uaaaak!!! Lalnu aduh…. ;(
June 5th, 2012 at 7:55 pm
hihihihihihihihiihihih
June 5th, 2012 at 7:56 pm
(H) (H) (H)
(H) (H)
(H) (H) (H) (H)
misual ho 3D movie en lai
June 5th, 2012 at 7:59 pm
Au aduhi mai2 chu(h!… ala nu awr2 ngam ka ti….!!! ka 3D ang a, ka khuaikhem dawn mawni leee… 😮
June 5th, 2012 at 8:01 pm
ka lo 4D mai ang che
June 5th, 2012 at 8:05 pm
Hairehai 😛 (Y)
June 5th, 2012 at 8:06 pm
e taka, Aizawl a 3D theater kha a first show a en tuten a 3D tarmit an lo rubo vek an tia, tak tak emi 😉 Engtin nge an hmuhlet let? Ticket engzat man nge?
June 5th, 2012 at 8:08 pm
4D… uaaakkkkk!!! ka tithei lo ang… 3D (H) a tawk… 🙂
June 5th, 2012 at 8:08 pm
Haha a ngaihnawm hle mai, unrated post 😀
June 5th, 2012 at 8:11 pm
Ticket man chu 200 chauh… ticket aiin a dawn vel leh a zawh hnu laman a tam joke (H)
June 5th, 2012 at 8:12 pm
3D ai chuan Di 3 ka duh zawk (H)
June 5th, 2012 at 8:16 pm
(H) 3D tarmit bun chungin ka chhiar a, a ngaihnawm bik khawp mai. 😛 😀 (Y)
tren tren
June 5th, 2012 at 8:20 pm
Hahahahaha!!!! Nuih tak tein ka’n nuih chu le!!!
June 5th, 2012 at 8:25 pm
ticket man van to iam iam
June 5th, 2012 at 8:43 pm
ka nui kur kur,
Ngaihnawm ka ti tak zet.
Mitna hri kai a awl a nia aw..
June 5th, 2012 at 8:47 pm
3D en an rel lai pawh ka hre reng….kal ve thei dawn lo tih an hriatsa avangin min awhfik vel :-[
June 5th, 2012 at 8:52 pm
I va han rapthlak tak!
June 5th, 2012 at 8:53 pm
I va ziak raw tui thiam. Kei chu en loh ka thlang. Ka hlau!!
June 5th, 2012 at 9:02 pm
Chu, kap kar vel ah in leu thuak thuak mai ni maw,,. Kap thak alo vei ang tih ava hlauhawm ve, hehehe
June 5th, 2012 at 9:05 pm
tlar hnunG ber sira tlangval chiah khi em ni nula hruaia thutpui thei awm chhun. A van luck bik em em ve a
June 5th, 2012 at 9:15 pm
😀 (Y)
June 5th, 2012 at 9:18 pm
#23, i thiannu tiro? :-O
June 5th, 2012 at 9:35 pm
3D cinema-ah chuan thlahrang film hlauhawm tawk an chhuah hunah ka la en ve ang. Pa rem rem asin…
June 5th, 2012 at 9:36 pm
(D) (Y)
June 5th, 2012 at 9:43 pm
3D hi a hming chauh ka hre ve, a hmel pawhka la hmu lo, tarmit ni hmiang ka ti mai….
June 5th, 2012 at 9:44 pm
ehee in thlalak chu, camera pangngai in ami in lak a, nge polarizing filter hmangin? tlar hmasa ber hmeichhia hian a tumloh deuhin min a siai ta sung anih hmel 😀 Ass_K nena an inkar ami hi rawn hawi ve mai mai sela tha tur. hehe
June 5th, 2012 at 9:50 pm
D3 hian 3D an zuar ang em le? :-O
June 5th, 2012 at 9:51 pm
He he………… thlalak a lo tel a ni maw??
June 5th, 2012 at 10:01 pm
(H) (Y)
June 5th, 2012 at 10:22 pm
hahaaa… mahni paws chhuak theihnghilh thakin fb lamah ka lo va tawm kuk a, komen ava turu hlawm ve :p
June 5th, 2012 at 10:37 pm
Fb ai chuan hetiang post comment hi misual ho chuan nuam kan ti zawk….te pawh ani mahna lol 😛
June 5th, 2012 at 10:46 pm
haha..a va tha ve awwww
June 6th, 2012 at 12:20 am
as_khiangte khi ava bun te bik ve. 😛 😀
Mahse, vanglaia khaw khat pa lerh tia sawi hat hat kai phak hian hmeichhe kap bawr hi a hnima hnim mai lovin, a liah a liak dap dap khawpin tawnhriat ka lo nei tawh thin a. Hriak thami leh phuh rimtui tel lo chuan, zupui kap nam ai mahin a rim a tui lo thei tih te ka lo hre vek tawh a, a rim nen lama hriat theihna 4D chu ka en chak tehchiam lo.) Awiiiiiiiiiii….ka tennnn top che uaaaaakkk… 🙂 I ham ri thlurh thlurh thin in ka ring tlat. 😀
June 6th, 2012 at 12:23 am
(Mahse, vanglaia khaw khat pa lerh tia sawi hat hat kai phak hian hmeichhe kap bawr hi a hnima hnim mai lovin, a liah a liak dap dap khawpin tawnhriat ka lo nei tawh thin a. Hriak thami leh phuh rimtui tel lo chuan, zupui kap nam ai mahin a rim a tui lo thei tih te ka lo hre vek tawh a, a rim nen lama hriat theihna 4D chu ka en chak tehchiam lo.) 😛
June 6th, 2012 at 1:13 am
kei chu ka han hawi vel hian a 3D vek mai. Sunday-ah kawlhawk hi RihDilah ka han 3D pui tak tak teh ang. Tunge lo kal ve dawn… lolzzz
June 6th, 2012 at 1:21 am
A ngaihnawmin chhiar a nuam a, a nuihzatthlak em em bawk a ni. Tel ve ang mai kan nia law’m le.. (Y)
June 6th, 2012 at 1:24 am
A ni ngawt mai. He post hi a 3D khawp mai. Tel ve ang tak tak kan ni. 😛
June 6th, 2012 at 2:11 am
LPS & ZONET demand channel-a zaithiam lo deuh deuh tam ta lutuk hi ka ning ngawih ngawih.
June 6th, 2012 at 2:14 am
Ngaihnawm rem2 ve 😀 (Y)
June 6th, 2012 at 2:56 am
#41, Sial-sialte, ka luak an ti chhuak! Mizoram music scene thanmawhbawk an nih hi. 🙁
June 6th, 2012 at 3:03 am
Zan muthilh theih loh chuan en ka chîng thin a. Chuta zaiho chuan an rawn pe uih thei lutuk a.
June 6th, 2012 at 3:05 am
Demand channel hi titawp se a tha ngawt ang, tichuan tu hi nge zaithiam tak tak leh tak tak lo chu a hriat mai ang. A zaithiam tak tak chuan an album etc an hralh thei em em tho ang. Tih tak emah chuan Daduhi te, Rebecca te, Lalsangzuali Sailo etc te pawh demand channel awm hmain an lar tho. Zaithiam te hlutna a tihniam takzeta, a sakechek intih lar tum nazawng tan kawng a hawnga, music marketing ah kan pachhiat phah, sawi duah lo mai ang, a tawi zawngin a thatna aiin a thatlohna a tam zawk. Zai eizawn nana hmang duh tan phei chuan tuna kan music industry kalphung hi chu a luhaithlak deuh lam chu a ni e.
June 6th, 2012 at 6:00 am
En ve a chakawm hle mai a
June 6th, 2012 at 6:36 am
kawlhawk chu i va han uar thiam em em ve…. kei tak ngial pawhin i sawi scene thenkhat phei khi chu ka hmuh hmaih emaw ka tih trep chu le… 😀 i ziak ngaihnawm thiam a, a ti ngaihnawm turin thu belh zeuh pawh i thiam narawh e… (Y)
June 6th, 2012 at 6:40 am
Cinema Hall tlar hnungber ah Nula leh tlangval an thu dun a, a reh thep thawp laiin Nula in “I HUR” a ron ti phut mai chu le .. Tlangval chuan engtak tih tum ang maw? hehe 😀
June 6th, 2012 at 8:12 am
#48… Kawlhawk bawk a ni leh ang chu..
June 6th, 2012 at 8:57 am
“I hur” han tih ngawt dawn pawh hian, amah hi a insawisa roh thin bawk si a. A hlimawm phian thin bawk si. Half Century.
June 6th, 2012 at 9:22 am
1st
June 6th, 2012 at 9:29 am
Kawthalo in zut a,nizan chu kan nu pawh ka 4D peih hlawl lo.
June 6th, 2012 at 9:29 am
Kawthaloin min zut a,nizan chu kan nu pawh ka 4D peih hlawl lo.
June 6th, 2012 at 10:19 am
Tunah tak hian 3D in ka en a, Kawlhawk hi a hring hran in ka hmu, ka bengbulah a rawn chhiar ri vel. Kan chawhhmeh te a tem vel
June 6th, 2012 at 1:13 pm
Kan awmna, kan hmuh, kan tawn in ang vek si hi in van han sep rawtui mawi thei bik ve mawle… 3D Love Glass ka duhhhhh…
June 6th, 2012 at 1:15 pm
I lang “Sir” vuah a ka langsar ber…
June 6th, 2012 at 1:33 pm
Tu tu nge in nih a, vin nawm hmel iam iam…
June 6th, 2012 at 1:58 pm
3D a blue film kan han en mai chu turu phiar phar tak a ni…ka ching zui tam lo khawp mai
June 6th, 2012 at 2:18 pm
…⇧… a rim hre phak, a nawmna tel phak – 4D
ngatin kan la en ang chu maw le… 
June 6th, 2012 at 5:00 pm
kawlhawk nge2 ziak chhuak thiam thin khawp mai . MI bik leh ta 3D ngei en in nuam in ti bik e…..kan awm ve lo chu aw….chan ropui nasa tak ka ni e….
June 6th, 2012 at 5:29 pm
misual ho, vawikhatmah Pu Kawltea hi a sirah thuttir tawh suh u. A lang SIR vek alawm. In en leh hunah langsar berah lo thu tawh rawh se.., Lersia ang khian..
June 6th, 2012 at 11:17 pm
Ka chhiar tirh atangin ka kawmen chak tawh lutuk a, mahse satel kebai bawk khan net a lo hnuk leh pek a!! Pu hawk nge nge ziak chhuak bawn thiam kher e!
June 10th, 2012 at 11:18 pm