(((Kan hmuh leh hriatte hi ziah chhuah mai chu a har lo, a chhiartuin a hriatthiam theih mai tura ziah thiam hi a har lai ber zawk chu a ni. Hei pawh hi hrethiam mai tur chuan chhiar nawn a ngai ngei a… hetiang bakin ziak fiah thiam lo’i.)))
Step 1. Bawng chu a phih chah mai² loh tur hrui rinawm takin a nghawngah intrawn ang a (suih takin) ban rinawm takah in thlung ang. Bawng chu trang-phle vel bak a tawlh hla thei tur a ni lo.
Step 2. A nghawngah vek, suihtak (zip thei lo) tho-in tawn ang a, a ke hma lam inkarah atangin ke hnung lam inkara a kapah in pawt chhuak ang. Chu² a him chin atangin patling 3 velin in pawt ang. Chuan, hrui sei tawk a hmawr hlam 1 leh a chanve vel zuahin a ke hma lam hnung chiah, a zakah in tawn ang, rawn vet kualin a ke hnung lam bul chiah a kawng fek laiah rawn vet kual lehin, nghet takin in tawn ang. Chuan, a hma lama hlam 1 vel in lo zuah chu patling 2-in an pawt ang a, a hmawr leh lam a naka in vehna hmawr chu mi 2 thovin in pawt ve ang. Bawng chu pheh tluk maitheihin a awm ta!
Step 3. Bawng a tluk ruala delh behna tur char-tin tlawn 3 in inchhawp ang. le… a mawl lam/ a ke hnung lam atanga pawttuten ding lama an pawh chuan a zir atanga pawttuten vei lamah an pawt thung ang. Chuan, 1..2..3 ah chutiang chuan in pawt rual thut ang a, a tlu mai ang. Mahse, i thil beih hi bawngah pawh an chak hun lai tak a ni tih hriata fimkhur hle tur. (til reh hun tawh chin chu). Thinrim takin thapui nen thawh tumin a rawn tang ang a, hlauh vanga in intlanchhiat san chuan vanduai in awm thei.
Step 4. Bawng chu tluk ve leh char-tinin a nghawngah leh a nakah patling 2 ve²in in delh ang a, nghet takin a ke hma lam 2 leh hnung lam 2 chu in tawn ang a, a kap atangin a ke inkarah char-tin a lu thlengin in rawlh ang a, a hmawr ve²ah mi 2in in thut bet ang.
Step 5. A til chu a kap atangin a mawng lamah in phawrh chhuak ang a, a til mu chung, in rehna lai tur chu in zut – pawt hliau² ang a, bawng til rehna chaicheh in barh lut ang a, a hnuaiah thing/sahchhan in dam ang. Chuan, rem tawhin vawi leh khatah tuboh kg 3 velin chaicheh chu a na thei ang berin in deng ang. A bika siam chaicheh a nia bawngtil a chep bung thei lo. A na ti lutuk chu thapui nen thawh a tum anga thapui nen in delh ve thung ang. Mahse, an tang rei peih lo. A tawp berah a til in rehnaah chuan tel leh aieng chawhpawlh in hnawih ang. Hei hi tho-in an bawm loh nan leh a pun tur ven na a ni. Chuan, a tahtawlin muangchangin a phuarna in phelh ang a, a delh behna in la sawn ang. A tawp ta!!!
Kal ula, bawng til chu va rek ru le.
Similar Posts:
- Lo Vah Hi
- THANG PART-II
- Bawng Kaia Sumdawng
- ‘Nang ang ‘ tih hla Rebecca-in a phuahtu phuah angin sa lo
- Bawng Nufa
June 1st, 2013 at 10:29 am
Rek first i1a
Report this comment
June 1st, 2013 at 10:41 am
Kei zawng heti lo zawnga tih dan hi a awm ka ring tlat a ni. An khawngaih thlak em mai.
Report this comment
June 1st, 2013 at 10:53 am
Bawng til leh bawngpui shu chu Mahminga chan ah dah mai ang
Report this comment
June 1st, 2013 at 11:17 am
Awmte, tunlai thiamna hmang chuan a awm mah na…
Report this comment
June 1st, 2013 at 1:36 pm
Pu kawlhawka meuhin a thuziah a short cut nan 2, (ve2) tih vel a rawn hmang ta mai hi eng rau tak chu zu chang ni maw!!!!
Report this comment
June 1st, 2013 at 2:00 pm
A post tu leh post ka en hian ka nui lo thei lo……..
Post tu til la hmasa ber ang u…haha..
Report this comment
June 1st, 2013 at 4:57 pm
kawlhawk chu va cowboy ve….duh aiin bawng i sawisa nasa tlats……
kan naupan lai chuan bawng hi kan vulh ve thin a, engtiziange maw ni kan bawng kha an inhliam fo thin a, a na lai hi a lung duh em em mai a, ka nu leh pa ho khan bawng kha hruihrual hian kan phet thlu a, a lung laiah khan damdawi kan hnawih sak thin….
Report this comment
June 1st, 2013 at 5:48 pm
@ 5 joel, min lo hrethiam teh, lehpekah chuan a mam leh zaih tawh ang. fb virus a nih kha
Report this comment
June 1st, 2013 at 5:54 pm
Rek ila ni mai lawm
Report this comment
June 1st, 2013 at 6:16 pm
mahni chauh chuan a va har dawn ve.
Report this comment
June 1st, 2013 at 7:21 pm
A va hautak ve le….
Report this comment
June 1st, 2013 at 7:27 pm
Khai aw! Kawlhawk, a rapthlak e. Ka chhiar a ka tim ur ur mai. A na dawn lutuk a…
Report this comment
June 1st, 2013 at 7:47 pm
lo rek tawhlo mairawhse aw..:)
Report this comment
June 1st, 2013 at 8:25 pm
Hetiang policy hian emni ‘mi tilreh’ kan tih ho til hi an reh ve le?
Bawng til reh dan kher hi chu ka tan hriat a tul lem loah ka ngai.
Report this comment
June 1st, 2013 at 8:49 pm
Kan naupan lai chuan, bawng tilreh/bawng til chhut hi kan en thin a, a na an ti thei lutuk a, an na tih a vang hian an ha te pawh hi a nghing vek thei an ti.
Report this comment
June 1st, 2013 at 10:02 pm
Bawng til an chhu dawn kan ti a, en turin kawtzawl kan tih mai lam kan pan khawm dam dam thin tak kha mawle. Lawi til chhut dawn phei kha chuan veng pa ho an kokim thei thin khawp mai. Hla deuh de daw atangin(a chhuah palh pawh a him tawk tur) kan thlir thap zel.
Post lung tileng tak a ni.
tren tren
Report this comment
June 1st, 2013 at 10:31 pm
nai… tunhma, a chehna awm hma chuan thing phek, a hmawr pawnchhiaa tuam an hmang thin.
Report this comment
June 1st, 2013 at 10:32 pm
nai → nia
Report this comment
June 1st, 2013 at 11:05 pm
Post tha lutuk tlat. First year BVSc kan zirin pawh thluk dan i sawi khian kan pawt thlu a, a tlu awlsam khawp mai..
Nia, post-tupa sawi ang khian bawng til hrui cheh chhumna bik Burdizzo castrator a awm a. Zai hawn ngai mel lo vin, a til hrui cheh chhum kha chuan, ni reilote chhungin a tilmu kha a thi/ral mai thin..
Report this comment
June 2nd, 2013 at 5:39 am
Report this comment
June 2nd, 2013 at 9:40 am
Ka ring ka herh, a na lutuk. Hawi pawh ka hawi sawn hlei thei lo. Engtinnge ka tih dawn, min han pui teh u.
Report this comment
June 2nd, 2013 at 1:54 pm
herh let leh rawh… a dam hmak mai ang..
Report this comment
June 2nd, 2013 at 6:55 pm
Report this comment
June 3rd, 2013 at 12:14 am
Delete in hlauh vang nge in va comment peih ve?
Report this comment