Tunlai chu he hla hian min hneh em em mai a, a thluk a nalh a, a hla thu a tha a, a satu Judith Lalremruati lah hian a sa thiam bawk si. Ngaihthlak mai ka duhtawk lova, a hla thu ka rawn ziak tel. Lo ngaihthla ve mah teh u, in rilru ah a tlak nat ve ngei ka ring tlat.
Lalthutthleng var chungah Lal Isua’n ro a rel dawn,
A hma ata lei leh van an tlanbo ang a,
Lehkhabu te leh nunna bu an hawng ang a,
Nang nunna bu ah I hming a chuang ang em?
A phek ropui an keu ang a,
Thisen a tlante hming zawng a kim ang;
Zion ah chuan tlante nen rorel turin,
Nang nunna bu ah I hming a chuang tawh em?
Huntawp lo thlen hunah Lal Isua’n ro a rel dawn,
Mitin an thiltih ang zel a relsak turin;
Lehkhabu zial leh nunna bu an hawng ang a,
Van lehkhabu ah I hming a chuang ang em?
Chatuan ram mawiah chuan Lal Isua’n ro a rel dawn,
Mi felte mah chhandam hram chauh an nih si chuan,
Hnawltu misual te tawpna chu engtak ni maw,
Nang nunna bu ah I hming a chuang ang em?
Similar Posts:
- Nang, Nunna Bu-ah I Hming A Chuang Ang Em? {:Sunday Pual:}
- Thlahlim leh Thlarau
- Eng Kohhran thurin hi nge dik ber….?
- TIHIAN KA NGAIHTUAH
- Pentecost pualin
June 8th, 2012 at 6:14 am
A nalh khawp mai.
June 8th, 2012 at 6:51 am
a hla thu atha in,angaih thlak a nuam hle mai,hei zet zawng
June 8th, 2012 at 7:03 am
A van tha tak em!
June 8th, 2012 at 7:23 am
A lo tha hle tak mai a! A hlathu, a thluk, a satu hmel a tha vel vek a ni ber e. Ka lo la hre ngai miah lo peka. Post tu pa ka lawm e, i zarah.
June 8th, 2012 at 7:30 am
Tukchhuah nuam vek ule
He hla hi keimahah chuan sermon thatak a ni ringawt. Nunna Bu a kan hming a chuan leh chuan loh mahni theuh inzawt ila.
June 8th, 2012 at 7:31 am
E khai aw
June 8th, 2012 at 7:36 am
“Mitin an thiltih ang zel a relsak turin; Lehkhabu zial leh nunna bu an hawng ang a”
Mitin te kan thiltih phu tawk lawmman leh rorelna min la khum tir ang. Mitin an thil tih ang zela pek tur ka lawmman ka hnenah a awm titu Pathian nung kan nei. I tawngtai, inkhawm, mi tanpui, thawhlawm adt man Lalpa’n a la khum tir ang che.
A nalh khawp mai.
June 8th, 2012 at 7:44 am
Lal Isuan a zirtirte a tirhchhuah a, an lo kir leh khan, Damlo te an tihdam avang leh ramhuaite hial an hnawhchhuah theih avanga an lawmzia thu kha Lal Isua hnenah lawm takin an report ham ham a. Lal Isua erawh chuan, damlote an tihdam avang leh Ramhuaite an hnawhchhuah avang ai chuan Vana NUNNA BU a an hming a chuan avanga Lawm zawk turin a lo hrilh daih. Lal Isuan a ngaihpawimawh ber leh kan Lawmna ber ni tura a ngaih hi a hluin a ngaihpawimawh awm bawk ani e. Good post.
June 8th, 2012 at 9:36 am
Ka ngaithla e, hla thar hriat ngailoh min rawn share a, ka lawm e. Shooting na in mawi zia khi. Music leh hmuiphun erawh a in persan deuh a nih hi.
June 8th, 2012 at 10:00 am
A va ṭha tak em! A thiam bawk si.
June 8th, 2012 at 10:22 am
“mihring ka nih hma pawhin lalpa isu, thisena man dang beisei lova min tlan..” ka van chiang tehlul em!. Khawvel awm hma pawha talh tawh beramno khan nunna buah chuan min lo ziak diam tawh a, ka lawm e lalpa ti a, amen lo pek mai hi ka tih ve theih tawk a ni. Hring chan chhungin chauh chang leh tluk chang awm thin mahse nunna bua ka hming khi nawh reh leh mai mai tura pencil-a ziak a ni lo. Thenkhat rindan anga chauh leh tluk chang apianga nawh reh a, that leh deuha ziah that leh zel tur ni ta se chuan ka hming zawn hi chu an nawh reh leh ziah that lehna lamah a pawp hrup tawh ang..haha..
Zoho-an blind faith min tih sak mahse ka confi ve em…haha..
June 8th, 2012 at 10:32 am
He hla hi kaduh thin teh ania..Mapuii sak kha
June 8th, 2012 at 10:39 am
@sammoo
Pathian fapa neitu chuan mahniah hriatna a nei tur ani reng a ni. Isua krista anna lama thanglian zel tur erawh kan ni e.
June 8th, 2012 at 10:43 am
A hla thu a tha, min fuihtu leh zilthu tha tak a niin ka hria…
Zanah ka lo ngaithla ang e… 
June 8th, 2012 at 10:53 am
A va pawimawh em! NUNNA Bua hming min ziahsaktu LAL ISUA hi a va hlu tehlul em!
A hla hi hman remchan veleh thinlung taka ngaihtuah chungin ka lo ngaithla ve ang!
June 8th, 2012 at 11:00 am
Han ngaithla ve ngei teh u. A satu hian a sa thiam a, a thluk a mawi bawk a. Chung zawng ai chuan a hla thu hi sermon pawimawh tak ani ka ti. Tunlai chu ka misual pah te hian ka ngaihthla reng mai.
June 8th, 2012 at 11:05 am
Zanah b’ band nen en ang, 3g zet zawng en/ngaihthlak man a to duh em mai
June 8th, 2012 at 11:14 am
ka chunga khi ka idol pu keimah a lo awm vang mai ka ti… dam te’n tawn leh ni her tak ang maw?
June 8th, 2012 at 11:18 am
Ngaithla ve chhin ila…
June 8th, 2012 at 12:22 pm
@pk: nunna bua hming chuang tawh, fa nihna chiang tawh tak2 chuan, thil tha tih avanga chhandam ni lovin, kalvari a khawngaihna mak mawi leh duhawm avang khan ‘thiltha’ an ti lo thei lo. An eiruk san ngam tawh lova, suahsual rawng an bawl san phal tawh hek lo.phak ang tawk tawkin a rawng an bawl lo thei lo.,zawk a ni.. {hetiang lam hi thiam deuhvin han ziak teh a.}
June 8th, 2012 at 12:46 pm
Ka duh lutuk, ka ngaithla nasa.
June 8th, 2012 at 1:20 pm
@EmEich, i lo duh ve maw? He hla hi chu a ‘cial’ han ti ila hla dang pawh tha tak tak chu a tam a, mahse mahni ah hian tla na bik riau hi a awm ve a.
June 8th, 2012 at 1:27 pm
@20, Pu Saate, i ziah aia chiang hian han ziah leh chuan ngaihna a awm tawh dawn em ni?
June 8th, 2012 at 2:27 pm
A hla chang tawp ber( 1 Petera 4:18 a mi ) khi ka duh. He Bible chang chang dawt leh chiah 19-na hi ka duh thei lutuk: Chuvangin Pathian remtihzawng anga tuarte chuan thil tha tiin an thlaraute chu Siamtu rinawm tak hnenah kawltir rawh se.
thanks sheldy, nalh ka ti hle mai…ka play leh tlut tlut dawn nih hi!
June 8th, 2012 at 3:35 pm
@bmw, a Bible chang behchhan nen i rawn ti thlap mai a, ka lawm e. Ngaithlatu te rilru ah he hla hian thu sawi vek se ka duh hle.
June 8th, 2012 at 5:51 pm
June 8th, 2012 at 7:23 pm
Hei chu a va tha ve aw… hla tam tak hi sermon tha tak tak an ni ka tan chuan.. he hla hi ka hriat vawikhatna!
Sheldie Thanks!!
June 8th, 2012 at 7:50 pm
Mamboìhi, welcome! Ngun takin han ngaithla ngei teh.
June 8th, 2012 at 9:56 pm
A ropui hle mai.
June 9th, 2012 at 12:36 am
A hla thu chu a ṭha hle mai, mahse a satu aw in ngaihno a bei vak lo nih hi. Maggie Malsawmzuali ten han sa sela chu min hneh lehzual ngawtn ka ring