Ka hun chhiarna: Mitkhap kâr te chauh hi ka hun chhiar ṭanna bul a ni a. Ka nun inṭanna chu second khat aṭangin a ni a, ka tâwpna tûr chu chatuan piah lamah a awm. Chuvangin chatuanin ka nung tawh dâwn a ni.
Chatuan: Second khat avangin minute, dârkâr, ni, thla, kum leh CHATUAN a lo awm ṭhin. Chu chatuan hun chu alawm mi tin tâna pawimawh leh nun tifamkimtu chu. Thih hnu chauha chatuan lo awm tûrin i ngai em ni? Naktûk lo thleng tûr beisei ang chauh a ni. Naktûk pawh hi a lo thleng e, i tih chuan vawiin a lo ni leh tawh a, naktûk chu i hmaah a la ding vû si a ni. Chuti angin chatuan pawh hi nakina tawn i la beisei a nih chuan engtikah mah i tawng lo vang. Leiah i lo piang a, i chatuan hunbi chhiarna sana chu herh nun a ni tawh a, i thih thleng pawhin tihtâwp a ni tawh lo vang.
I chatuan chu khawiah nge? Mihring hi chatuan atâna siam a ni ang ngeiin chatuanin a nung tûr a ni. He leiah hian taksa ramah chatuanin a chêng a, fam a chanin thlarau ramah chatuanin a chêng leh mai dâwn a ni. Lei taksa hi vân hmunah chuan tenawm leh bawlhhlawh a ni a, vân taksa pawh leiah chuan ṭih leh râp a ni tlat a, pawm a ni bawk hek lo.
Pathian chu chatuan mi a ni a, engkim hi chatuan atân a siam. Ani chuan second khat pawh hi chatuan atân a siam a, kum khat pawh hi kum sangkhat atân a siam mai a lo ni. Second khat hlutzia hretu tân chuan kum khat pawh hi kum sangkhat tluk zetin a hlu si a.
Chatuan atân: Eng kim hi chatuan atân ruahman rawh. Zânin dâr 8:00-ah i ṭhiante inah in party dâwn maw? Kha kha chatuan atân a ni asin. A tûkah i mit chhîngin, i beng hup mah la nawhreh theih a ni tawh lo. Chatuan lehkhabuah ziah luh a ni tawh a, seal hnan thlap zuk nia!
Nun hlutzia leh hna ṭha thawh hlutzia i hriat chuan chatuan ropuizia i hmuchhuak ang a, second khat tluka hlu hi i hre lo mai thei a ni. Second khat chhûng hian thil tam tak a tih theih asin. I mitkhap kâr kha second khat hmun ngaa ṭhena hmun hnih tlawng a ni a. Êng hi second khat chhûngin 3,00,000 km a thui a kal thei a, ri hi second khat chhûngin 33,000 cm a kal thei bawk. Thlawhna chak tak hi 500 metre a thlâwk hman a, rêl hi 3000 cm a tlân hman bawk. Second khat chhûngin kan lei hian Nî a hêlna kawngah 30,000 metre a thui a thlâwk hman a, thosi hian vawi 500 – 600 vêl a thla a zâp hman bawk. A pawimawh ber chu second khat tê tê inbelhkhâwm hian alawm chatuan chu lo siam!
Chatuan rei lam chhût ka tum lo. Chatuan siamtu ropui ber hlutna hrilh che ka tum mai a ni. Second khat pawh chuti kauva a hlut chuan ni khat, thla khat, kum khat te phei chu engti ang taka hlu ni ang maw. I chatuan hun kha khawhral mai mai lo la ka duh a ni.
Naktûk chu vei viau mah la, i vei chhuak thei si lo. Nimin pawh ui viau mah la, i ko kir thei chuang em ni? Tûn huna second khat lek kha i tân chuan hun rângkachak a ni a, a hman dân i thiam loh chuan a êkchhiaah a chang ang. Chuvangin engkim hi chatuan atâna hun ruat vek a lo ni.
Chatuan thiltih: Chatuan hi nakin atân ringawt a ni lo. Kan pianni dârkâr, minute leh second hi kan chatuan chhiar ṭanna a ni. Mihring ngaihtuahna, thih hnu chatuan nên hian thlunzawm tlat a ni a. Phelh theih a ni lo va, pawhchah theih a ni bawk hek lo. Lo piang lo ta la chatuan i nei dâwn tawp si lo. I chatuan hun leh nun chu ṭan a nih tawh ang ngeiin engkim, i tih apiang chu chatuan atân a ni tih hriain fîmkhur tak leh chhuanawm takin ti ang che. I lo piang ta sa sa, eng emaw chhûng atân chauh nung lovin chatuan atân nung zâwk rawh, i thih pawhin thlarauvin i nung dâwn tho si a. Thih hma chatuan leh thih hnu chatuan hi inzawm tlat a ni.
A pawimawh ber chu hei hi a ni – Nang leh keia chatuan hun chu tûn second-a kan thiltih zêl hi a lo ni. Lo la thleng tûr thlîrin hun liam tawh enlêt mah la, tûn hun aia pawimawh khawi’an mah i hmu lo vang. Tûna i chatuan hun hman kha dikin fel phawt sela, thih hnu chatuan chu Pathianin a ngaihtuah mai ang.
Life has no rewinds and forwards. It unfolds itself at its own pace.
So, never miss a chance to live today to make
A beautiful story for tomorrow.
Similar Posts:
- Mi Nung Nihna
- Chatuan Nunna {Sunday Pual}
- Nunkhaw Sana
- Sunday thuchah
- Thihna thupekah “Thlarau” a tel ve em?
June 15th, 2012 at 3:17 pm
Kan chhiar tha leh lawk a bul atangin.
Report this comment
June 15th, 2012 at 3:48 pm
Congrats. Century i vuak chhuah thuai kan lo beisei ang.
Report this comment
June 15th, 2012 at 4:09 pm
Report this comment
June 15th, 2012 at 5:14 pm
Ngaihtuah ava ti thui ve…
Report this comment
June 15th, 2012 at 6:07 pm
Pawl sarih kan zir laiin kan zirtirtu pakhatin chatuan reizawng tehkhin thu a sawi pek alawm mawle..
“Chatuan chuh..”, muangchang hian a’n ti ban charha, “khawvel tiat lungpui hi awm ta selah, chu chu kum sangkhat danah sava tetakte kezungpui tiat lek hian rawn chuk leh keuh thin se, a chuk ral hma chu chatuan hun chhung chu a ni mai..” a’n ti chiah chu rei hmel kan ti hlawm mai mai asin aw!
Article dangdai leh tha tak a ni. Hetiang baka Christian philosophy hi a awm chuang lo. I golden post-na a lo ni zui bawk nen, ka ngaisang zual hle mai che.
Report this comment
June 15th, 2012 at 9:08 pm
Report this comment
June 16th, 2012 at 3:06 am
Ka va lawmpui tak che em! Tin e… I post ṭha ka ti lutuk. Chutichuan maw… He post hi i post 51-an zawk a ni e.
Report this comment
June 16th, 2012 at 1:09 pm
Tlangval pakhatin, “Ka nu, TuaiSialA min lo ti kher kher hi chu a fuh tak tak a ni,” a ti vei hluam hluam a, a nu chuan, “Engati maw?” a tih he haw hnu chuan ani chuan, “Ka thiante hian ‘TuaiSial’ min ti vek tho si a…” a ti chhut ang deuh khan “Chatuan” hi a hming an phuah fuh ka ti ngawt mai; a inhmehin a rei hmel em asin.
Kan thiltih a chhia a tha-in “a phek ropui chhungah” chatuan khawvar nghak tura chhinchhiah a nih thu hi mitkhap kar tinah hian hre thar leh thin ni ila chuan…
Report this comment
June 16th, 2012 at 2:52 pm
#7 @TuaisiAl, draft 1 nen 51 ania, published chu 50 ni lo mi?
Report this comment
June 16th, 2012 at 2:55 pm
Haha… I draft ka lo chhiar tel palh a nih chu. Thahnem ka lo ngaihpui luat vang che a niang.
Report this comment