Ni 13th June, 2012 (Nilaini) zing dâr 8:15-a Thawhah avanga min boralsan ta ka pu K. SANGKHUMA (K-80) Chanmari West, Aizawl thuziah hi lo tangkaipuia lo chhawr ve in awm tak mialin ka’n rawn chhuah ve hrim hrim teh ang. Amah hi mi tumruh, taima, thu leh hlaa tui tak a ni a, PHE, Kolasib tui pump chhuaktu a ni a, chhangchhepa ni chungin BA hi distinction-ah a la pass thei a ni. Hetia min kalsan mai hi kan ui takzet a, a thuziah dang pawh rawn chhuah tur ka la nei nual, amah hriatreng nan.
“I châwnbân hrui ang ka vuan,
I rauvi thlâ ka chelh ding zo ta lo.
Aw… Piallei rûn, Hringhniang nau ang awih zâl nân i khartung i sâwn ta maw…..
A va na êm, a va pawi tak êm!!!
Aw… Leilung, a engkim mai herliampui leh ngawt thin hi âwmlo i ti ve deuh lo maw!!!???.
Mangtha, Mangtha ka pu duhtak,
Chatuan hmun i kal ta maw….
Mangtha dam takin.. Ka’n ti hrâm teh ang
Mizote meizu hi a tlangpuiin naupan têt atanga zu thin kan niin regular tak maia zûk chîng kan ni. Meizûk hi tam tak chuan sim theih chi-ah pawh kan ngai tawh lova, zûk tlêm deuhte chu a tha tih chu kan hre ngei mai a, mahse chu pawh chu kan ti hlei thei chuang lo. Thenkhat chuan kan hnathawhna nen a inmil lo hle tih hre mah ila, chumi avâng mai chuan kan sim phah chuang lo. A zûk erawh chu kan fimkhur phah deuh tih mai a ni.
Kum te a lo liam zel a, sikret nise a tui tha tha a lo chhuak zel a, neih ang angin kan lei, sim a har tawlh tawlh mai chu a ni si. Reader Digest-a ka chhiar – Meizuk sim tur hian sim thut nge awl zawi zawia sim tih mi pakhat ziak ka chhiar a, sim thut mai chu a awl zawk a tih thu a rawn comment nasa mai a. A sim thut avanga sim hlen ta a nih thu te chu chiang takin a ziak .Hei hian meizuk sim duhte tan chona nasa tak a siamin ka hria, mahse sim mai chu a har, a theih loh tluk a ni. Tumhnih lai chu zawi zawia sima sim hlen ka lo tum tawh, a rei berah thla hnih ka sim thei hrâm a, nimahsela, ka han zu leh chu nasa tak a ni, a hma aiin a lêtin ka zuk tam phah zawk daih, tih chi niin ka hre lo. Ka nghei ni hun tur ka bituk atalangin kan Calender lah ka rin râng ngun.
Tuk khat ka zing tho chu ka dan pangngaia meizial petkawha lighter ka talh alh, ka zial ka la lâkkai hma si chuan tihian ka ngaihtuah chhuak ta thut a – Tunah hian mei ka la zu hauh lo mai, zuk loh zêl hi a nghei chhun-zawmna remchâng leh a bul tanna tha chu a va ni mai awm em! Thufingin “A bul tan that hi a chanve zo ang a ni” a tih tak kha maw, tihian “Sim thut” mai ila, zawi zawia nghei tum kha zawng, kei mi insûm thei lo tan chuan a har êm mai, tun hun hi “Change” keimaha a awm theihna chance tha a nih awm hi maw tiin ka ngaihtuah a.
Ka thova, nizana ka sikret zûk bâng la awm chu ka la chhuak, choka lamah ka keng phei, tunah hei hi zu loin paih daih ila, ka nghei tan tihna chu a ni mai dawn si tiin Bed-Room lamah bawk ka keng phei leh a, he sikret tlawn hi hlu hle mahse “Zuk tawh lohna” lei nan chuan a man a tlêmin a tlawm khawp a lawm, tiin sikret chu a bawm ata ka la chhuak a, khawi lamah nge ka thehthangbo pawh ka hre ta lo, ka paih daih mai a ni. Han zûk vang vang mai tur ka nei ta lo, ka zu ta lo, ka nghei tan chu a lo ni der mai!. A man pêk a lo ngai hran hlei nem, zuk loh kha a man chu a lo ni, a tlawm khawp mai, ‘tia han ngaihtuah chuan.
Chumi tuk atanga meizuk ka thlah ta chu danglam deuh huih hian ka inhria, zing chaw kan ei kham, ka la zu lo, ka inthiar, ka la zu ta chuang lo. Office ka thleng leh, ka la zu zui lo, rin aiin a lo nghei theih dawn hi ka ti rilru, tumah ka hrilh duh lo. Sikret leh kuhva ilo chuan ka nilêng ta thak mai!, mahse thil awl ai zawng a ni hauh lo, châkna rilru a thawh velelh Tui ka in pawp zel mai, ka tuar fan fan a ni.
A tuk leh atang chuan ka chhungte leh ka thiante hnenah mei ka nghei thu chu ka hrilh tan ta, a then chuan “I va tiropui ve” an ti, “Kei pawh vawikhat chu thla khat lai ka nghei a, mahse ka zu leh chiah chu pui tak a ni”, “Rei i nghei hlei law’nge, kar hnih vel hnuah i zu leh awm e mai”, “Tuemaw piangthar ang deuhin i ti leh thei chuang lovang” tiin min lo nuihzat bawk. Mahse ka hrilh lui zel tho, a tlângpuiin min lawmpui hlein ka hria, mahse ni thum vel chauh a la ni a, han chhuang vak tur chu ka la ni hauh lo.
Kar a liam, thlakhat lai a lo liam ve ta reng mai, ka nghei zel. A ni khatna kha a har ber mai, kâr tawp lamah chuan tlêmin a lo ziaawm hret, chutiang zelin a ziaawm dan chu a zawi ngei mai, ni tin mai hian min tur ut ut ni berin ka hria, a hrehawm viau a ni.
Kha-leh-chen zing thawh hlawt atanga zân mut dawn thlenga mei lo zu thinin kan nghei ta thut mai chu, “A sawp chu nâ tak a ni” an tih ang mai khan “A nghawng” chu nasa ve tak a ni. Min tuarpui tura thenrualtha han sawmna chi lah ni mawlh hek lo le, mahni ngatin ka tuar tlawk tlawk mai a ni. Ni khatah hian khang hun lai khan sikret hi ma thei lovin bawm thum (3) ka zu ziah a, bawm li (4) zûk châng pawh a awm bawk.
Chung zawng zawng tuk khat thilthua kan nghei thut mai chu-Meizuk ka nghei thu hi englai mahin ka theihnghilh ngai lova, englai pawhin ka hria, hei hian zuk leh min tichak zual a ni. Lehkhabu chhiar leh engemaw tul tak mai tih te, thian kawmte hian kan theihnghilh thei ber.
Engemaw ti takin engemawchen chu ka awm, theihnghilh nei ang run leh awm nuam lo deuh hian min awmtir a, han sawi thiam fak pawh a har, a chang chuan “kan ti deuh huih”, zang huih hian kan inhria, kan zâng chu a ni hauh silo. Mahni chauhva awm chuan khua a tihar, kan ngai vang vang thin. Meizuk kha thian tha tak ang mai a lo ni reng mai tih ka hre ta. Sikret tui tak han zûk vang vang mai chuan khawhar te hi a hnêm hluah hluah mai a lo ni. Han nghei tak tak chuan “Thian tha deuh mai kan hloh ta” hi a ni hrim a, khua a tihar kha a hrehawmna pakhat chu a ni.
Tum engemawzat chu zuk leh châkna hi a lo chhuak et et a, han zu leh ta ila ka thiante, ka mei nghei thu ka lo hrilh te kha min hmusittu tur leh min nuihzattu an ni dawn si “Ka tih reng kha” tih melha min han melh tur kha a zahthlâk dawn tlat. Kha ringawt pawh kha zuk leh min tihrehtu a ni. Ka lo sawi chiam mai kha a lo tha khawp mai. Lo ngawi mai mai ni ila, ka zu leh mai awm a sin maw le.
Chaw ei a tui tawlh tawlh a, eng pawh hmeh ila puar êl euhin a ei theih ta zel, a thla têlin ka rit tial tial mai bawk nen, mut a tui a, thau a awl khawp, insûm a ngai leh ta hial zawk mai. Khuh te, thawhah te a tlangpuiin a reh thei, i hlim tial tial ang a, i lo hrisêl tial tial bawk ang. Ka inchhir lo telh telh mai, kuhva khawr ka nghei tel nghal, a tih chi hle.
Sorkar-in meizuk loh tur, chumi khamia meizu te chuan Rs. 200, Rs. 100, Rs. 50 an chawi ang tihte chu engahmah i ngai tawh lovang a, i nuihsan mai mai ang, la nghei ve lo te tana dan siam a ni, i tan chuan engmah lo mai a nih tawh kha.
SIM THUT MAI RAWH LE.
Similar Posts:
- Meizial nghei nan china hriau??
- Tial Tial
- February ni 29
- Motor chuan nuam ti pa
- Meizuk bansan ka duh
June 19th, 2012 at 6:03 pm
luh khat manah 1st ang aw…
Report this comment
June 19th, 2012 at 6:22 pm
Va ṭha êm.
Report this comment
June 19th, 2012 at 6:23 pm
Ka nghei thut a thla khat kal ta ah khan, tum hnih chu ka zu leh tawh a mahse ka la nghei chhunzawm leh thei ta rih. Thiante zu mi ve bawk bula awm mawlh mai hi a va han hrehawm tak em.
Report this comment
June 19th, 2012 at 6:24 pm
Drugs, ie: Meizial, ruihhlo etc. zawi zawi a nghei ka tum apiangin a hnuah, midang hriat lovin a rukin kati leh ziah a. Chutiang a ka awm hnu rei vak lovah alangin ka ti leh nge nge ṭhin. Tum lawkna nei lem lovin ka nghei thut a, châkna pawh nei tawh lovin kum tam tak ka nghei ta zel mai. Rilru a do takzet erawh ngai tak a ni.
Ka thawhpui meizu (heh tak tak) kiangah ka awm, châkna ka neilo, a rimchhia ka ti hle nangin ka tuar thei tho bawk. Keipawh ka zuk ṭhinlai khan nikhatah bawm 2+ (tlawn 40+) te zu ṭhin ka ni.
Mihring te’n kan rilru hi kan ta ani tih hriat a ṭha. Kan ta chu kan neih (our own) a ni a, kan neih thil chuan min thunun tur anilo tih hi mihring chuan kan hriat tur a ni. Mahni neih ten min thunun chinah chuan an bawih nihna chu hlalo tak a ni. Mahni ta, kan neih chu kan thuhnuaiah a awm ngei tur a nih angin kan châkna (craving) leh kan tawrhna (suffering) pawh kan ta a ni a kan thunun thei ngei tur a niin ka hre ve tlat.
Mithiam te’n “Chutia enkawl chu a ṭha…” an tih vel te hi tha viau nangin (!) tive ngailo leh midang ngaihtuahna hre tak taklo (100% an hrelo) an ni ang. Kan ngaihtuahna, chaklohna chu kan inhre ber. Chumi kan ngaihtuahna chu kan thunun thei lutuk, “it’s all up there,” an tih ang deuh khan kan ngaihtuahna, kan thu thu a ni tawp. Living proof ka ni e.
Report this comment
June 19th, 2012 at 6:34 pm
Nghei thut hi a lo tha ber maiin ka hria. Nicorette, Nicotex tih vel nen nghei tumin ka bei chiam a, eng ka ang chuang lo a, nau pai chung pawn ni khatah bawm 2 te ka la zu ta fan a, mahse kei pawh ka nghei ta thut a, ka la nghei ta reng chu a nih hi
Report this comment
June 19th, 2012 at 6:38 pm
Kar khat vel han nghei ila,han zu leh chiah ila…a tui ania awww…
Tak tak a,nghei duh hun ala awm ngei ang. Hei hi chhiar zeuh zeuh tur anih hi. 
Report this comment
June 19th, 2012 at 7:18 pm
Tha hle mai, i lawmpuiawm e.
Zu tam chu ka ni lo, nikhatah tlawn 4/5 ka zu thin, nghei ka duh tho mai, la tum tur a ni
Report this comment
June 19th, 2012 at 7:19 pm
Khawvel hi chu ho deuh a ni..meizial nghei thu ngaihnawm deuh a sawi thei te hi zu nghei thei miah lo te an lo ni ve leh khiah thin a. Drugs addict ho ngaitheilo em em te hi (keimah pawh telin) kuva leh meizial nghei thei hlawl lo te hi an lo ni ve leh keuh bawk a. Famkim lohna Khawvel hi zawng……….
Report this comment
June 19th, 2012 at 7:35 pm
#8 ruihtheihthil chu ka nghei thei vek, zu erawh a zeuh zeuhvin ka in thung. Ka insum theihloh vang nilovin ka duh hunah inloh ka tum lemlo, intam erawh ka tum chuanglo bawk. Vacation/zin vel naah hian ka in thin tlangpui, inlamah ka in meuhlo…entirnan, vacation ka neih hnuhnunber March 2012 khan Mizoram-ah leh Kolkata ah ka in. Chumi hma September 2009 khan vacation kan kal bawkin ka in bawk.
Engkim hi a chintawk neih tum ila a tha mai. hairehai
Report this comment
June 19th, 2012 at 7:45 pm
THa khawp mai,meizial nghei hi ka la tum chhin lova, tum ve hun te la awm tak leh chhiar chi nih hi a
.
Report this comment
June 19th, 2012 at 7:51 pm
Ka nghei phal ngang lo a ni e.
Report this comment
June 19th, 2012 at 7:51 pm
Zial nghei hi ka duh … tak tak
Report this comment
June 19th, 2012 at 8:02 pm
Ka nghei hlen theih pawh la inring chiah lo hian ka la nghei zel rih chu a nia…Huiha.
Report this comment
June 19th, 2012 at 8:10 pm
Meizial, kuhva, zu, adt hi nghei ngai khawp khawp a tih ka tum lo ve tlat. Engpawh mai hi a lutuk a tih hi thil tha lo tak a ni, chaw ei thleng mai pawh hian.
Zial hi nikhatah tlawn khat chauh zuk chang ka ngah mai. Kuhva erawh pahnih hi chu ngei ngei. Zu ve thung hi chu ka in tawh ngai lo hrim hrim, tak deuh deuh chuan.
tren tren
Report this comment
June 19th, 2012 at 8:12 pm
Ka duh tawh loh chu ka tileh tawh awm hleilo em mai
Report this comment
June 19th, 2012 at 8:25 pm
Kei chu tunthleng hian meizial ka la zu thiam lo.
Report this comment
June 19th, 2012 at 9:18 pm
zawi zawia nghei
Report this comment
June 19th, 2012 at 9:36 pm
std x ka nih kum khan ka pa in ka zial zukruk lai min man a, ka zukna kut dinglam chu chempuia tin pahin, he kut hian cigarette ka zu leh tawh miah loh ang, tih min tiam lo chuan ka tan dawn nia a tia, kei chuan ‘ka pa he kut hian voikhat mah zial ka zu leh tawh miah loh ang’ tiin mittui parawl kuang chuan ka tiam ta nghe nghe a.Chuvang ania tun thleng hian meizial ka zuk reng rengin ka kut veilam hlira ka zuk tawh ni, a tia lom ka thianpa in..
Pathian zarah tun thleng hian nghei ka la tum ta chu ania meizial kher hi chu..hehe
Report this comment
June 19th, 2012 at 9:59 pm
ka nghei ni maw ka zuk hnu hnun ber ka hre tawh lo mahse ka nghei chu ka in ti chuanglo ah mahse no2 no 3 han in tawh chuan zuk ngei chu ka duh leh lawi si
Report this comment
June 19th, 2012 at 10:02 pm
#18,,Robot, Thianpa sawi takah chuan,kan thianpa pakhat pawh hian,’ Kan tleirawl chhuah lai zawng zawng in thin thi in kan zu ngam lova,a rim nam hlau reng reng in kan zu a. Hmun biru kan pan a,a khu pawh kan tichhuak tha ngam lova. Tunah kan thawhchhuah ngeia leiin keimahni inchhung ah ngampa takin kan zu ve thei chauh a,nghei nguar ang.’ a tia lawm.
Report this comment
June 19th, 2012 at 10:03 pm
Vaihlo thar tha deuh hi chu a hrisel ngawt mai!
Report this comment
June 19th, 2012 at 10:08 pm
e heu a thih thu ka lo hre lo reng reng..a tu rual lek mah ni ila ka thianpa a ni ve tlat. mizoram ka haw hnuhnun berin ka tlawh a, a lo mu a..a beng a lo chhet tawh hle bawk a.
hmanah a lehkhabu ziah min pe ve a ka chhiar chhuak dap nghe nghe. mi tumruh a ni a…SDO atanga a pension hnu khan awm mai mai lovin Pathian thu a zir leh a tha takin M Div. a zo leh thei.
a cowboy lai chanchin pawh a pui khawp a staff te chuan distinction-a an ti mai thin a, a lo chhuang ve deuh thin a ni ang e, ka zawta a nui tut tut a. uiin a bauh pawh hian ..SDO i bauh ngam elaw..tia rum let chher thin a ni awm e…
mi fel leh taima Pathian thua tui em em a ni a, a ma chanchin a ziahna bu phei chu ngaihnawm a tling ve. a bula awm a nuam a, titipui hian pa fel a nih zia ka hre thin.
ka ot vak maithei e.
Report this comment
June 19th, 2012 at 10:21 pm
Meizial hian min ngei tlat mai a, ka nghei ngai miah lovin min nghei nia…
#18…
College kan kal lai paw’n, Chapchar Kut hmang turin kan inpuahchah a. Hostel kan pan laiin, ka thianpa’n meizial a zu vang vang a. Kawng lakah kan professor scooter khalh lai kan tawk a, inhmachhawnin kan ding. Kan thianpa meizial paih hman si lo khan, kut hnungsuihin meizial kha a keng a. Kan professor lah, Chapchar kut chungchang min zawt ta zel si. Ka thianpa hnuglam atang chuan lo khu chho ngiai ngiai a. Kan professor zawk a inthiam lo, scooter a tlawh nung a, a tlan vang vang…
Report this comment
June 19th, 2012 at 10:30 pm
Meizial ka zuk ngailoh vangin ka hre lova, mahse, sahdah/kuhva tih vel nghei dawn chuan nghei thut a ngai, muangchanga tihtawp chu a har tawp. Sahdah pawh ka nghei dawn, ka tia, ka tum tlat a, chak chung chungin ka nghei mai. Meizial pawh a nih ve tho ka ring. Nghei tum tak tak chuan muangchanga tum lovin nghei thut policy apply ru
Report this comment
June 19th, 2012 at 10:40 pm
Meizial heh tak tak, nghei sim zeuh zeuh hi an awm teuh an ti tak asin…
Report this comment
June 19th, 2012 at 11:31 pm
@20 Lamji haha kan nui chhuah huk chu le, a sawithiam khawp alawm chu a dik tlup bawk sia..
zukruk sawi takah chuan tun thlengin kum 10 dawn ka zuk tawh hnu pawh hian ka nu leh pa hmaah chuan ka la zu ngam miah lo nia
@23, Dr Mahminga, ..
, i thianpa chu che chhe ve pangngai nih chu haha.
Report this comment
June 19th, 2012 at 11:33 pm
Sim thut hi meizialah chuan a ṭha ber ang. Thil dang chu a mihring azirin a danglam thei mahna. Mahse, kei chu tette aṭanga zu lo ka ni hlauha, ka vannei khawp mai.
Mei zuk hi hriselna atan a pawi hle anga sawi a ni fo thin, cancer pawh a siam nia sawi a ni bawk. Mahse, Sihphira kan pi pakhat chu kum 103 mi nia a thih khan mei a la zu reng. Cancer a la vei miahlo zui.
Chuan, meizu mi aiin an bula miten a tur an hip lut hnem zawk tih hi ka awihlo bur bawk.
Report this comment
June 20th, 2012 at 3:10 am
Zanrei inkhel en dawn ngat phei chuan thimhlim atang ngawt a “min daih angem?” ti thin kha ka nia. Ni 1-ah hian bawm 5/6 vel ka zu thin. Ka hmui te hi a dum vek a, poisa a hek bok si. Tum 1 chu ka hritlang hlauh mai a, meizial nghei lo duh sa bok nen, ka nghei ta thuai mai a. Just in case-ah tiin bawm 2 hi chu ka kawl reng thn. Nikum August 31 kha ania ka nghei tan kum. Nitin thla 4 vel chu ka nghei thu Fb ah hian ka update ziah a, tu tu emaw nen kan inchawi neuh2 bok a. Hei kum 1 a lo tling ve tep th chu nh hi. Jaihind
Report this comment
June 20th, 2012 at 10:41 am
Vakul comment kha … Ka lawm e, amah min hriatpuia min lainatpuitu i lo awm a. Nia, a natna kha a rang riauva, March thla chawhnu lama a rawng hnawih, a hû a hîp nasa khan a Asthma a tizual a, chutatang chuan a tha chhuak tak tak thei ta lo a ni.
Report this comment