Leitlang Dingdi

June 22nd, 2012 3:00 pm by doc_lib

A saw raltiang Leitlangpui tual nuam ah sawn,
Mawiten a vul chiai e leitlang dingdi;
Zawlkhaw phunchawng, nauban leh ainawn ai pawn,
Kei ka tan a mawi zawk leitlang dingdi.

Ami zaleng zawng ten engtin ngai ve maw,
Chhim khawpui tual mawitu Leitlang dingdi;
Partin chhing zo tura khuanu duan ngei saw,
Kei ka thlir bang thei lo leitlang dingdi.

Kar hla tlang tin mual tin dan atang pawhin,
Rinna in ka thlir reng leitlang dingdi;
Theih chang se khawiva ianga thlawkin;
Dawn ka nuam e vul lai leitlang dingdi.

Mawiten vul zel nang che hawilopar iangin,
I parmawina leh rimtui leng velte;
Zoram dung leh vang mawitu lo niin,
Chutin duh ten Zoram par ka vuah nang che.

Kum 1993 December thla ni 20 zana MST night bus, Lunglei to Aizawl a ka chuan puinu, a sakhming ka hriat si loh leh zawn chhuah ngaihna ka hriat tawh si loh hriat reng nana 1999 a ka phuah. Ka zirna ka zawh hnu a Mizorama ka haw hnu khan a copy hi ka ti bo ta tlat a, mahse vanneihthlak takin Aizawl lama ka thiannu in a lo la kawl tha hlauh. Khawnge tun thlenga ka zawn hmuh zawh loh pual hian in post ve leh phawng ang hmiang.

NB :Poem ka phuah vawikhatna leh la awm chhun a nia, in mit a tlung zo lo ang tih phei chu ka hre sa

111 Responses to “Leitlang Dingdi”

Pages: « 1 2 [3] Show All

101
VaiVa Says:
June 23rd, 2012 at 5:36 pm
1st

Report this comment
102
muantea Says:
June 23rd, 2012 at 5:53 pm
Kan khaw nula i lo buaipui a ni maw? @saitawka hovin kan lo zawng luih luih dawn em ni le?

Hla pawh i phuah mi dawn riau mai, mahse ‘khawiva’ tak khi Lunglei lam mi rilruah chuan Khawiva lui HEP an siamna hmun a lang daih a lawm le

Report this comment
103
Sangpuiipa Says:
June 23rd, 2012 at 6:35 pm
ok

Report this comment
104
doc_lib Says:
June 23rd, 2012 at 8:32 pm
@Muantea, Ku Saitawka zek zawk kha alawm, a lo zawng chak lo lutuk a, a zawng hmu zo lo emaw ni..Haha tak taka, a chhangchhe nu ve fe tawh ang.

Report this comment
105
doc_lib Says:
June 23rd, 2012 at 10:06 pm
KU saitawk, tawka..hei i la zawng chhuak si lo a, hla thu nen meuh ka rawn bei ta anih hi

Report this comment
106
Saitawk Says:
June 23rd, 2012 at 10:13 pm
@dog_lib, doca.. a contact no min lo pe law law la, ka lo zawng chhuak mai dawn nia, he chanmari nula ka zawnna lamah hian ka khup a pilh vek tawh!!

Report this comment
107
doc_lib Says:
June 23rd, 2012 at 10:23 pm
Saitawk le..i va han khawlo mai mai. a contact no nei ila misual.comah ka zawng tlut tlut nang maw le..

Report this comment
108
lushai_er Says:
June 24th, 2012 at 4:34 am
@doc_lib : A Original hi kan rawn comment teh ang… Pi-te Lalhungchhungi Pachuau, Sailotangi Sailo, Zosanglianite’n an sak hi ka rilru-ah a la thar reng maw le….!

1.Thalbawm romei iang kian ni awm thei dawn lo,
Suihlunglenin ka han hawi vel a;
“Leitlang Dingdi” aw ka ngai ber mai che,
Tah lai ka bang thei lo.

***Hawktui lian-in chhawl a hnawl ang hian,
Min hnawl mai lo la rairahriang hi;
Nuih zai rel ve-in tah lai bang tawhin,
Leng dun zai i rel ang.

2.Aw ka thinlai lungdam nan vawikhat talin,
I hmangaih thu min han hrilh ve la;
Kumtluanga hal lote’n kan len ve nan,
Len dun zai i rel ang.

3.Ka ngaih ang hian min ngai ve in ka ring lo,
Zan mu chhing lo te’n ka dawn changin;
Lem ang min der san mai hi ka hlau ber,
Ariangval min hnem rawh!!!!

Report this comment
109
doc_lib Says:
June 24th, 2012 at 3:03 pm
@ Lushai_er, ka la ngaithla ve miah lo nia..ka va ngai thla ve chak e. Zosangliani hi chu ‘Aw kar a hla’ tih kha a va han sa lung run hlerh hlerh tak.

Report this comment
110
Saitawk Says:
June 24th, 2012 at 3:06 pm
@doc, a ori ka la rawn send dawn che nia thu i awih viau chuan!

Report this comment
111
doc_lib Says:
June 24th, 2012 at 3:14 pm
A tu ‘Leitlang dingdi’ nge hmeltha zawk ang aw..Ka lei tlang dingdi a hmeltha zawkin ka ring e

Report this comment