He hla hi khawvela a sak har ber a ni angem? A aia har hria in om em? Kan zaithiam te zingah sa an om ve toh em?
Archive for June, 2012
Hla sak har ber
Monday, June 25th, 2012Chhurbura Sekibuhchhuak
Monday, June 25th, 2012Hmanlai hian maw…
Tia ka pi’n Chhurbura thawnthu min hrilh thin; ngaihnawm kan tih theihzia leh, chhaw kan tih vanga ka nuih nasat theihzia zawng zawng te ziak ila, ‘Chhurbura ang mai’ min ti tawk in awm nual ka ring. Chuvangin thil dang kan sawi daih ang. Chhurbura anga mawl nih te chu ka duh bik leu.. 
Kan ngaihdante hi a dang thim them hlawm a, chu’ng zing ah chuan kei pawh hi ka bang hek lo. Pawl sawmpahnih kan zir laia (ti ve kanglang ila); Mizo thuziak tu lar tak pakhat in Chhurbura chanchin a ziah kha ka ngaihtuah let mai mai a. Keini’n Chhurbura tih tawh chuan thil atthlak lam leh nuihzatthlak lam a nih kan rin laiin, ani erawh chuan Chhurbura kha pa fing leh rawntlak, mi tlawmngai leh mahni hmasial lo tak a ni a ti ta daih thung!
Mak kan tih em em laiin a ziaktu’n thu lak dan leh hmeh rem dan a thiam bawk a, ngaihnawm kan ti ta em em a. Hei vang tak hian ngaihdan hrang hrang kan neih te hi kawng lehlam ah chuan thil tha dang chhuah nan a tha phian niin ka hria.
‘Ngatinge sekibuhchhuak ber kher..?
Ka sawilan tum tak ka tan hmain thil pakhat sawi ka duh. Kan hnam, Mizo sawisel ka tum lova. Amarawhchu, thil ngaihtuah thui loh leh kan hmanhmawh luat vanga kan rahbi a pial leh thin hi ka ngaihmawh vang zawk a ni.
Biate Hnam leh Zialung Khua!
Monday, June 25th, 2012Biate khaw hming chawi chhan “Biate Hnam” hian Mizoram a an luh hma hian Kabaw phaiah te lo awm tawh thin an ni a, Khampat phai leh Runlui kamah te pawh hun rei fe lo khawsa thin an ni.
Biate ho Mizoram an luh kum hi 1450 A.D vel ni a ngaih a ni. Biate tlang thut a khua an siam hun hi kum 1500 A.D vel ni a ngaih a ni.
Mizoram an luh tirh hian pukah an cheng ber thin a, an chenna puk chu ‘Sinlung’ puk an ti. He puk hi Riangtlei leh Vangtlang in karah a awm. A hnu deuhah Vangtlangah te, Riangtleiah te khaw thar an siam a; hemi hnu hian Biate tlangah hian khaw lian tham tak dinin hun rei tak an awm a ni.
An sulhnu leh hmun hmain hming an chawi hlen tak te chu Ralvawng tlang leh Ralvawng puk te, Hningtui lui leh Raifan lui te, Hningtuikawn te, Zialung kham te, Mura puk te, Zialung-khawchhan-Hrangkhupa te, Vawrhkawn leh Perhkai te, Chhuanvawra khawthlir tlang te chen in an la danglam lo a ni.
Ka Diary Manto Tak Mai Chu : Episode – 3 (Zira’n Setana a bum em ni?, Wanted the Bliss leh a dangte)
Monday, June 25th, 2012Thuhma:
‘Khawvel’ an tih ah hian midang te angin rangkachak thirfian pianpui ve lo mah ila, rangkachak aia hlu zawk thil dang tam tak ka pianpui ve ani tih tun hnuah hian ka chharchhuak ta mawlh mawlh mai. Thian dangdai leh maksak tak tak te, vanneihna vanduaithlak tak tak te, vanduaina vanneihthlak tak tak te, tlakranna hlimawm tak tak te, tuarna hlimawm deuh deuh te, mawl leh atna zahpuiawm tak tak, mahse, tun hnua vawi tam min ti nui thin tu ni si te neitu leh pianchhuahpuitu ka nih vang hrim hrim pawh hian Ram ni tla senlo a roreltu lalthutthleng luahtu aia ka nun hi a hlimawm leh nawm loh bikna ka hre ngai lo.
Duh aiin ka tih tak mah mah in ka hre tlat. Finna thu, puitling titi an tih vel ang te hi chu han sawi ve thin pawh ni tehreng ila he ka diary chhiar chhuak paptu hi chuan ‘Van ropuina sawinghing thei kei val lungmawla hmangaihna hi…’ tih vel hmangin han dak ve duah thin mah ila, ka sawiah in pawm ngaiin ka ring lo. A ve thei tak ka nihna kha tun dinhmun a min ti fing ve deuhhlektu chu a ni ta in ka hria . Khang hunlaia kan lo mawl theih em em nachhan kha engdang vang ni lovin tunah chuan kan fin tawh lutuk vang niin ka hria (A hunlai kha chuan a let der chu kan ni bik in ka hre lo). Fuihpawrh kalo nawm theih em em nachhan te kha ka tlangval hnua ka lo dawih vang tur lek lo ni reng a. Ka naupan lai chuan (Ka nu te sawi danin) ka hmeltha dawn emaw an ti hman a, mahse, santen-pui ka veia ka kua a khawh vak mai a, ka hmelchhe vek ta niin an sawi thin. Ka bialnu hnenah pawh ti hlir hian ka hmel vantlang loh chhan min zawh chang chuan ka sawi thin.
Khaikhin mai mai!
Monday, June 25th, 2012“An hnam a upa tawh a, an tam zawk bawk a, a âwm alawm,” kan ti ngeiin ka ring. Chuti chung chuan kan khaikhin reng reng teh ang!
Mizoram a Directorate of Census Operations lamin an puan danin, kum 2011 khan Mizoram a mihring awmzat chu maktaduai khat (1 million) vel kan ni a. Chutah chuan mipa 552,339 awmin, hmeichhia erawh 538,675 bawr vel kan nih hmelin, hmeichhia an tam zawk a ni.
https://www.census2011.co.in/census/state/mizoram.html
World bank lamin an tarlan danin Ireland population hi kum 2010 khan maktaduai li (4 million) vel a ni a. Chutah chuan mipa an tam zawk thung.
https://data.worldbank.org/country/ireland
Awle, khimi ram pahnihte khi khawvel hriat ram ropui tak ve ve te’n an awp/awp ṭhin a, indan tumin zalenna kan sual ve ve bawk. Hmundang aṭanga pem lut ve ve niin, an ṭhenawm ramte nen indo ve deuh reng ṭhin an ni. Irish leh Mizote hi ram ṭhenawmte enhniam kan ni ve ve ṭhin awm e. Ram ṭhendarh sak ve ve kan ni a, min awptute ngaitheilo tak ve ve kan nih lai erawhin, Mizote chu min awptute hnam emaw inti kan awm ta zeuh zeuh thung! Hmanlai ṭawng hman ṭhin tak tak leh ziak dan hrelo ve ve kan ni. Hmanlai a kan inkoh dan kan hrechiang thei tawhlo ve ve a, tunlai a Mizo tih emaw Irish tih angin a hlawm (hnam zawng zawng khaikhawmna) a inkoh dan kan nei ngailo ve ve bawk.
Ngaihteh, kan ngaihtuah vang vang a… kan va han inchangkan hleih veih veih tak em! hairehai 
EURO 2012 Quarter-final | England vs Italy
Sunday, June 24th, 2012Zanin hi Euro 2012 quarter-final match hnuhnung ber leh nghahhlelhawm ber tih ngam, England leh Italy inkhelh zan a ni a, football I hria a nih chuan he inkhel hi I en dawn tih ka chiang! Quarter-final dang te aia zanin match a hmuhnawm na tur chu he team pahnih te hi an in tluk tlang em em a, Germany leh Greece inkhel a chak tur zawk hriat sa ang kha a ni ve ngawt lova, England game ‘bon’ tak mai, mizote hmuhnawm tih em em mai leh football thiam team, defensive game khel thiam hmingthang Italy an in tum dawn avangin tun Euro a mite match nghahhleh ber pawh ani reng a, zanin dar 12:15 thleng I dam thleng a nih chuan nang pawhin I nghak thleng ve tih na!
Quarter-final an luh dan sawi si se tawh lo ila, England hi Group D leader an ni a, France draw in Sweeden leh Ukraine an hneh ani kha. Italy paw’n champion lai Spain leh croatia an draw hnu ah Rep. of Ireland hnehin Group C atangin pahnihna niin Quarter-final an inhlang kai anih kha.
Team Bihchiang ang..
Pathian anpui chungchanga zawhna pahnihte
Sunday, June 24th, 2012Sakhaw thu kan sawi thin laia rilrua awm thin pakhat chu, Kristian rin dan thu-ah hian thil mak tak a awm a. Eden huanah chuan Evi chuan a chhia leh a tha hriatna thing rah huan lai taka awm chu ei loh tura thupek a ni a, a ei avangin Pathian dan bawhchhia a lo ni ta a. A pasal Adama pawh chuan a lo ei ve tak avangin Pathian anchhia an lo dawng a, Pathian nena an inzawmna chu a lo chat ta a ni. Tun lai tawng takin Pathian lakah chuan THI an lo ni ta.
Genesis bung 1:27-ah chuan mihring chu Pathian anpuia siam a nih thu a sawi a, chutih laiin Adama’n a chhia leh a tha hriatna thing rah a ei avangin Pathian tawngka chhuak ni awm tak an ziakah khan, “Ngai teh u, mihringte chu a chhia leh a tha hriain keimahni ang an lo ni ta…,” tih kan hmu a. Engati nge Pathian anpuia siam ni si kha a chhia leh a tha hriatna an lo neih khan Pathian ang an lo ni a, chu mi avanga Pathian anchhia an lo dawn tak mai? Anmahni ang, Pathian ang an lo nih takah chuan lawm zawk taka ruanga anmahni angtu anchhia han lawh ngawt mai chu! Nausen chu a lo piang a, a lo thang lian zel a, a thil tawn hriat atangin thil tha leh chhia a lo hre zel a, a lo fing ta tial tial thin a ni. Chuti ang bawk chuan Adama leh Evi chuan khawvel eng an han hmu rei a, an lo upa tial tial a, an tawn hriat a lo tam tial tial a, an lo fing tial tial a, an tawn hriat atanga Pathian ang an lo nih phah ta hial chu lawm zawk awm tak lah ni! Pathian an loh ai chuan Pathian an chu a lawmawm zawk lo em ni? Pathian anpuia siam an nihna chu an lo inhre thar ta a ni mai lo em ni? Chuti chuan Adama leh a thlahte zawng zawng chu Pathian nen nuna an inzawmna lo chat tawh rawn zawm leh tur leh, chatuana nunna an hloh tawh hnua chu chatuana nunna chu an neih leh theihna turin ‘Pathian fapa mal neih chhun,’ tia an lo sawi kher thin Isua chu a rawn thi ta a. ‘Sual man chu thihna a ni si,’ tih ziak ang khan mi sualte tan chuan amah a rawn inpe a; sualna avanga Pathian hrem tuar hmabaka awmte tan chuan sual man chu a rawn pe ta a ni. Chuvangin he mi chungchangah hian zawhna chi hrang hrang a lo awm thei ta a ni.
(more…)
Lei (Sunday Pual)
Sunday, June 24th, 2012A thupui in han hmuh ringawt hian englam nge tih in hre nghal chat lo mai thei a ni. Mizo tawng hi Linguist hovin “Tonal language ani e” anlo tih angin, word pakhat hian a rik dan a zirin awmze hrang hrang a nei thei tlat mai a. Entirnan:- Lei= buy, earth, soil,tongue, unlevel, bridge, bought. Heta rawn sawi ka tum chu mihring taksa peng pakhat Lei(tongue) hi a ni.
Lei hi a mak ngawt mai, mihring taksa peng pakhat taksa chhunglama awm deuh reuh si, mahse, pawn lama tihchhuah theih, tihrawl hlawm, a pianphung duh dan dana awlsam taka tih danglam theih, chumi hmang chuan tawngri chi hrang hrang lo insiam thin hi ani a. Hmui chip chuan pawnlam atanga hmuh theih hauh loh hi ani reuh a. He lei avang chauh hian thil tui leh tuilo te, thlum leh al te, thak leh thur te, dai leh sa te kan lo hre thei a. Tin, chaw kan thial kha kan hapui thial chip tura lo sem darh zung zung thintu a ni bawk a ni. (more…)
Mizote hla ropui!
Sunday, June 24th, 2012Hemi hla, Pu Liandâla’n alo phuah hi chu a lawmawm ngawt mai. Naupan laiin kan sa liam mai ṭhin ni khan ka hria a, mahse kan ngaihtuah let hian kan sak tak fovah chuan alo nunpui theih khawp niin ka hria.
A hlathu hi chhiar emaw sak liam puat aiin a ril hlein ka hria a, thu dik leh awmdan mawi mai nasa tak mai a min zirtir theitu a ni. Kum a tam tawlh tawlh a a thu dik leh ṭhat zia lah a chiang tawlh tawlh mai niin ka hmu.
Nula leh tlangval te’n sa nawn fovin emaw, chhiar fo ila, nutling patling te pawhin kan fate zirtirin, keimahni pawh inennawna’n hmang ṭhin ila kati mang e!
Aia Upate Zah Thiamin – Liandâla
Aia upate zah thiamin,
An thute awhin zawm fo rawh;
Pipute Ro thilhlu a ni,
Aia upate zah thiam rawh
An hnial ngai lo aia ute,
Inngaitlawmin zawl dawh fo rawh;
An sual ngai lo aia ute,
I ṭhangṭha ang duap kaih fo rawh
(more…)
Ṭawngṭaina (Pathianni pualin)
Sunday, June 24th, 2012
Aw Lalpa,
Thlêmna thlipui fâwn vêl leh harsatna lak ata min thiarfihlim suh la,
pal thlang thei tûrin min thuam chak zâwk ang che.
Mahse keima chakna emaw tia chapona tlâng sânga ka din dâwn ai chuan
thihna hlimkawr ruam pawh min zawhtîr ṭhin zâwk ang che.
Ka chak loh leh beidawna nang ka ngaih a zual phah zâwk dâwn a nih chuan
ka mang han ti-ang la, hlauhna hmunah min hruai lût ṭhin ang che.
Nangmah chauh ka beiseina nung neih chhun i ni tih ka hriat nawn leh ṭhinnâ’n
eng dang mah beisei tûr leh puitu tûr dang nei lo khawpa
beisei bo paw’n min siam ang che.
Nangmah ring lova i thilsiamte ka ring zâwk dâwn a nih ai chuan ka neih
thil hlu zawng zawng hi i duh duha i lâkbo atân i kutah ka hlân e.
Nang chu i rinawm si a, engtikah mah min thlahthlam dâwn si lo.
Isua Krista hmingin ka dil e. Amen!
