(Hnamte chanchin – 1 chu ka han ti ve ngei tak a, a chhunzawmna hi ka ziak peih ang em maw chu.)
Sâp ṭawng thumal gypsy tih han sawi hi chuan Mizo rilruah chuan lirthei chi khat, a vár te, a uk deuh te… a rawn lang duh khawp mai a. Tuna kan sawi tùr erawh chu hnam chanchin a ni.
Sâp ṭawnga gypsy tia an sawi maiho hi anmahni ṭawng chuan Roma, Romani, Rom adt. tiin an insawi ṭhin a. Zermanramah te, ferênramah te i kal chuan khawmuallawngsei chawlhhmun ilova tangka dere khat lek i nei em? Ei tùr ka nei lo va, mâw! Khawngaihin! tia lo hmuaktu che, vai hmél pu lek lek, ngo zâwk tlangpui deuh, mahsé bawrchhawr ve tak tak, -ho kha Rom mi an nih loh chuan thil dangdai tak i tawng tihna a ni mai.
Inhmunloram nei lova bûklìr (caravan)-a khawsa an ni tlangpui a, tin, hnam khat, ṭawng khat hmang ni lovin Mizo tih ang deuh hleka ṭawng hrang hrang chi 8-a inṭhen an ni a, mahsé an ṭobul leh ziarang a thuhmun ve vek a ni.
Thuziak a tàwi zâwk nan a remin rem leh ta mai mai ila:
- An hnam ṭobul: Rom-ho hi Indiaram hmarthlang, Rajasthan leh a chhehvêl ram aṭanga Europe khawmualpuia IPhK. (Isua pian hnu kum tihna!) 500 & 1000 inkár vêla thlangtla ta nia hriat an ni a. An zefang (gene) zirnaah pawh tuna Jat miho nèn khuan an inlaichìn takzet tih chhuidawn a ni.
- An ṭawng: Vaikhawchhuak an ni tih a lan chian lehna pakhat chu, an hmelhmang mai bâkah an ṭawng hi a ni. Vai ṭawngho ang bawkin an ṭawng hi Indo-Aryan ṭawng a ni ve a, tui pawh hi pàní an ti ve a ni awm e. (Hei chu sawi mai mai, tui pàní an tih vanga inlaichin ngawtna chhan tùr a awm lo. Keini pawhin thingzaichem hi àrá kan tih ve bawk ṭhin tho hi
) Panjabi ṭawng nèn a kalphung ṭhenkhat leh thumal ṭhenkhat a thuhmun a ni. - Tihduhdahna: An hnam hi buaina tinréng tuara khawvêl chhim leh hmàr hrút an ni a. An chenna ram miten an hmuhsita hnawksak an tih bâkah indopui pahnihna lái khán Tlangvál Hitlerthanga’n a sûat ṭeuh mai a. Romani naupang ṭhenkhatte phei chu phìr inhnungzawm (siamese twins chi khat) zir chianna atán tìin an hnungzáng leh an hnungzáng te an ṭhuizawmsak a ni. Dr. Mengele-a phei kha chuan Romani naupangho kha a làwm zual êm êm a, chithlum leh hmuamtelel ilo pein boruakchhe pindanah te a kâwi lût diah diah zël a ni.Indopui 2-naah khan Romani mi hi nuai 2 leh mtd. 1.5 inkár vêl an sûat a ni.
- Mizote leh Romani kan inlaichinna: Rimawi ngaina hnam an ni a, an rimawi hian hriat a hlawh ve phian. Thil tihho nikhuaah hian sáwmtu an nei thei phian a ni awm e. Kan tluk lo deuh hlek, khawvêl huap chuan.
- Mizote laka an danglamna: Vaihovin an awp bet ve lo. Kan kutdawh dan a dang – keini chuan sawrkar bultumin kut kan hnam pum dawh a, an ni chuan mahni pual ṭheuhvin kut an dawh.
- Tlipna: Amerika ramah pawh an tam viau va (an tam ber zâwk: mi mtd. 1 an awm), mi bum leh kutdawhin an khawsa ve em ka hre lo. An hmeichhiate hi hmelṭha ve tak tak an awm ṭhin a, nawhchi te an zuar nasa a ni awm e.Khawvêl pumah chuan mtd. tam fé an awm. Amerikaramah mtd. 1 vêl, Brazilramah nuai 8, Zermanramah nuai khat dawn… chutiang zëlin.
- Intlawhkhalhna: Hetia kan tih vang hian an vaiin rethei kutdawt, mibum ching vek an ni ka tihna a ni lo va. Hausa tak tak, bûklìr mai maia chëng lova inbengbel ve tak tak te pawh an awm a ni. Chûng mite erawh chu hmuh tùr an vang leh viau lawi si ang. Kan hmuh theih chhun chu khawlaia bawhhlawh ṭha chhar fuh tuma bawlhhlawh bawm hai haiho hi an ni deuh mai.
July 2nd, 2012 at 10:56 pm
Va lawmawm êm!
Report this comment
July 2nd, 2012 at 11:20 pm
Nia, lawmawm khawp mai.
Report this comment
July 2nd, 2012 at 11:30 pm
Bengvarthlak hle mai
Report this comment
July 2nd, 2012 at 11:45 pm
NGaihnawm hle mai a, han chhunzawm zel teh………..
Report this comment
July 3rd, 2012 at 12:00 am
Thingzaichem?
Report this comment
July 3rd, 2012 at 12:07 am
#mik3s_Chongthu Aw thingzaichem, heta awm ang hi.
Thingzaichem in lo ti ve ngai lo a nih chuan thuhran; keini chu kan ti ṭhin.
Report this comment
July 3rd, 2012 at 12:28 am
tlai deuh tawhna a ka chhiar zo ta han chhun zawm zel la mole post thar chhiar tlak deuh a vang emai.
Report this comment
July 3rd, 2012 at 12:49 am
Zira Hnamte tih a, hnamte ho chanchin chhiar dawn maw ka tia, rom leh romani te lek lo ni in… Heil Hitler hehehe
zanin inkhel chu an intum tawk hle mai a!
Report this comment
July 3rd, 2012 at 2:02 am
Tlangval Hitlerthanga :-Da mawi hi ka tia, ka nui ka nui mai
A ngaihnawm phian mai, lo chhunzawm peih hram teh khai.
Report this comment
July 3rd, 2012 at 2:58 am
Report this comment
July 3rd, 2012 at 6:13 am
Ka rin loh daih. ‘Hnam hrang hrangte chanchin’ tihna nge?
Report this comment
July 3rd, 2012 at 6:32 am
Hnamte chanchin i rawn chhuibing dawn emaw ka lo ti hman a, rin lohna lam ah min kaih luh daih chu le
Report this comment
July 3rd, 2012 at 7:38 am
Tukchhuah nuam vek u le
Report this comment
July 3rd, 2012 at 8:53 am
Min bum. Uluk zawka chhiar nawn leh angai tlat.
Report this comment
July 3rd, 2012 at 8:58 am
ngaihnawm hle mai..hnambo chanchin min lo chhui sak teh a..
Report this comment
July 3rd, 2012 at 9:10 am
Pathian zarah kut dawh hnam kan ni ngai lovang. Min dahna hmun in a zir loh vang zawk a nia. Chuvangin, amah bawk in ka hnampum hmang hian khawvelah a thiltihthei zia lan tir nan min hmang zawk alawm..
Report this comment
July 3rd, 2012 at 9:47 am
A bengvarthlak e..
TuaiSialA post thin ang deuhva, Hnamte hnam chanchin chhiar ka tum erawh ka thelh deuh…
zefang = Gene…
Report this comment
July 3rd, 2012 at 10:12 am
Mizo Hnamté emaw ka lo ti vel
Hnam vak vai, an lainatawm hle mai 
Kutdawh ṭheuh ṭheuh inhmusit tur chuang kan awm ném maw?! 
Report this comment
July 3rd, 2012 at 10:36 am
Zermanram – dik thei mai. Germany-a chengte German an ni bawk a.
Brazilram – Brazilianram a ni zawk lo maw?
Frenchram?
Americanram?
Khawmuallawngsei = train?
Khawmuallawngtawi = four or more wheeler?
Khawmuallawnte = three or less wheeler?
Lawng hi tuipui leh luiah kal/tawlh thin an ni. Khawmuala kal tir kher a tul em ni? Lawng chu Lawng ni mai se.
Report this comment
July 3rd, 2012 at 12:35 pm
Ha ha ha!
#19 ṭhachianga
Khawmuallawngsei=rél
Zermanram=Deutschland
Indiaram=India
Ferênram=France
Amerikaram=United States of America
Bûklìr=wheeled shelter?=Caravan
Zefang=Gene
adt. adt…
#11 TuaiSialA,
Hnamte chanchin ka tihna chhan chu, hnam hrang hrang chanchin ziah làwr ka tum deuh vang a ni
#15 Hnambova, hnambo chanchin pawh kan la chhui ang chu
Report this comment
July 3rd, 2012 at 1:16 pm
Chhangtea, Hnamtea leh Chawngtea te hi Chhanpiala fate anni.
Report this comment