«
»

Uite Vulh Leh Pheikhawk Bo!

July 2nd, 2012 1:43 pm by Dr Mahminga Sailo

(Inthlahrung tak chung si, tangkaipui an lo awm mial takah, tiin… ;-) )

Uite vulh thang inchhungah chuan; pheikhawk, slipper leh thil dang dang; hriat loh laiin a lo bo daih a! Beidawng lek leka zawn fe hnuah; rin lohna hmun deuha’n, khel khem/pawr nuaiin in hmu fo thin tiraw? I pheikhawk a uih vangin I uite khan a khel duh a ni hran lo, an thanlenna tilangtu pakhat mai a ni. :-)

”
Ka ril a va tam e…!

Uite hian, an pian tirhin ha 28 an nei a; an ha thar a to kim meuh chuan ha 42 an nei thung. Sa ei chi (carnivores) an nih vangin an ha mai bakah an biang leh khabe tihrawl tichak turin thil thial/khel an mamawh. Thla 3 atang a thla 7-a upa an nih thlengin, an ha-hlam a tlain, ha thar a to thin a. Hetia an ha thar a to hian, an ha ziauin thil thial leh khel tur an zawng ruai thin.

Tin, nausenin i thil pek apiang an ei hmasa zel angin, uite pawh chutiang tho chu a ni. Chubakah, an bul leh vel an zirchianna (environmental exploration) chi khat a nih avangin; thil an hmuh reng reng an hnim phawt hnuah, thial/khel theih a nih chuan, an thial/khel chhunzawm mai thin.

Chuvangin, I uite duat takin; I pheikhawk/slipper duhlai a khel chhiat fo pumpelh dan chu maw…

1. I hmuh laia an chaw pangngai bak, thil dang ei an tum hlauh chuan, kut beng pahin ‘No’ han ti tuar la. An zah ve ang che. Mahse I awm loh hunah engtingnge ni ta ang le?

2. Thil thial lova an awm theih loh tlat vangin, an thial tur (saruh/toys) I lei sak a ngai. Saruh pek hi a tha, mineral a ken tel vangin; mahse ruh them an lem sual palh in a buaithlak thin.

3. Ui hian thil kha (bitter) leh thak (hmarcha) an ei thei thak lo. An thil khel thin ah damdawi kha emaw hmarcha tah paw’n kawng thenkhatah a ven theih laiin, slipper/pheikhawk bunlaia hmarcha han tah luai lah a tih chi lem silo.

4. Chuvangin, ran damdawi zawrhna dawr ah uite thial tur bik (toys) lei a tha ber. Tin, uite hi ran fing tak an nih vangin, an thil thial (toys) kartin I thlak theih loh paw’n thla khat ah vawi hnih tal I thlak thin dawn nia. A ngai ringawt chu an ning thuai a, I bungrua duhlai bawk an lo seh chhe leh mai ang.

”
A tui hleee mai… :-)

Similar Posts:

Recent Posts:

This entry was posted on Monday, July 2nd, 2012 at 1:43 pm and is filed under Advice, Information, Lifestyle. You can follow any responses to this entry through the RSS 2.0 feed. You can leave a response, or trackback from your own site.

36 Responses to “Uite Vulh Leh Pheikhawk Bo!”

  1. 1
    khamrang Says:
    July 2nd, 2012 at 1:46 pm

    Good pause (Y)

    Report this comment

  2. 2
    malsta27 Says:
    July 2nd, 2012 at 1:52 pm

    Hei chu UI tang chu a nihloh hmel e a……….. :-D :-D

    Report this comment

  3. 3
    Hnambova Says:
    July 2nd, 2012 at 2:02 pm

    :-D (&)

    Report this comment

  4. 4
    Lamji Says:
    July 2nd, 2012 at 2:08 pm

    (@)

    Report this comment

  5. 5
    doc_lib Says:
    July 2nd, 2012 at 2:44 pm

    Pheikhawk seh chhe ve ngai lo, nula vulh ila, uite vulh ai chuan a nuam deuhin ka ring :-P

    Report this comment

  6. 6
    Married Lady Says:
    July 2nd, 2012 at 2:46 pm

    Khitiang ui (Pug) chu chhaih deuh reng an ngai. Chuti lo chuan an inhlei duh khawp mai.

    Report this comment

  7. 7
    Dr Mahminga Sailo Says:
    July 2nd, 2012 at 2:51 pm

    @ doc_lib… Nula vulh tur hmu zo lo tan an tangkai ve bawk si alawm… :-D

    Report this comment

  8. 8
    Kitty Says:
    July 2nd, 2012 at 3:44 pm

    Good post keini ang ran ngaina tan phei cuan
    (Y)

    Report this comment

  9. 9
    lrpa Says:
    July 2nd, 2012 at 3:51 pm

    Tetei post emaw kan tih dawn chu!! haha ..Nimin ka inkhawm bang, train station lam ka kal laiin ui lian tawk in min lo ngur a..hmulthi a ding sung sung mai! A hnu ah ui dang in fencing a rawn zuan uaih uaih bawk a..mihring hi min va hlau vak lo e te ka ti rilru a..ka thinrim lek lek ani!! haha

    Report this comment

  10. 10
    Dr Mahminga Sailo Says:
    July 2nd, 2012 at 3:57 pm

    lrp lee(h)… :-P I bula awm an chak zawk a nih chu… :-D

    Tak takin, Vets ni mah ila, engamaha hmaa min ngur nghal ngawt ho hi chu thin an tirim lek lek thin… ;-)

    Report this comment

  11. 11
    lrpa Says:
    July 2nd, 2012 at 4:01 pm

    Mahming, Hlauhawm duh ve tak ani. ui var lian pui kha a rawn zuang fua fua mai a..a hungna kha a zuan kan ang tih ka hlauh zia chu a..kan Biakin hi khawfem deuh reuh a awm ania..kal hrep angai a..ka inkhawm tui loh phah dawn thuak in ka hria..haha

    Report this comment

  12. 12
    malsta27 Says:
    July 2nd, 2012 at 4:09 pm

    lrpa leh………………. :-D :-D . Ui mawl deuh2 hi chu a chhaih pawh ka chhaih peih thak lo, heng ho vang mai2 hian khawilai punjab MLA maw te lah in a hnam ang zawng ten min han hmusit leh nghal phei hi chu chi fuh lo ve tak chu ni……… :-( :-(

    Report this comment

  13. 13
    CFL Says:
    July 2nd, 2012 at 4:09 pm

    E khai aw!

    Report this comment

  14. 14
    PKfanai Says:
    July 2nd, 2012 at 4:16 pm

    Maipawl tharlam kan pu leh ta. Engtikah emaw mi zingah inti hre tawkin ka la sawi chhawng ang :-P

    Report this comment

  15. 15
    lrpa Says:
    July 2nd, 2012 at 4:22 pm

    malsta27 ..haha..ui kha setana thlarau anih ka ring!! (smiley hi a lang thei miah lo)..ka inkhawm min dan a tum aniang..hehe

    Report this comment

  16. 16
    saint sammoo Says:
    July 2nd, 2012 at 4:34 pm

    tha reuh

    Report this comment

  17. 17
    Dr Mahminga Sailo Says:
    July 2nd, 2012 at 4:46 pm

    PG ka tih lai khan, tuk khat chu; Bengali pitar inlachangkang tak hian a uite a rawn hruai a. Ka hmel a hmuh khan, Mizo ka nih a hre ve nge ni, mi a be hlut a. Mizo zaipawl zai ka ngaithla tawh a, an va’n thiam tak, mahse Uisa in ei a. Nangin i ei ve em? tiin Hospital kawtah min titipui bawrh bawrh mai a. Ka ei loh thu leh, kan pipute atanga Uisa ei kan nih avang erawhin thiam loh theih bik an nih loh thu ka hrilh ve a.

    PG i zawh huna, Mizoram i let leh hunah, uisa ei lo turin campaign nasa tak nei ang che min ti hram… ;-) Uite leh nula an awm phawt a hnu, uisa ei lo tura campaign vak kha ka tihtur a nih ka hre miah lo… :-D

    Report this comment

  18. 18
    lrpa Says:
    July 2nd, 2012 at 5:01 pm

    uisa ei hi zahpui tur ani law! protein a supplement ti hleuh ila!! tak tak a, there’s nothing wrong eating dog meat! its just one part of our food!! ti mai ila a the and

    Report this comment

  19. 19
    XaiA Says:
    July 2nd, 2012 at 5:09 pm

    A ngaihnawm hle mai…Punjab ho lah chuan an ui zawng zawng Mizoram,Nagaland leh China lama thawn an rawt mai mai a!

    Report this comment

  20. 20
    Dr Mahminga Sailo Says:
    July 2nd, 2012 at 5:17 pm

    India ram buaithlakna alawm. ABC (Animal Birth Control) programme te hi a hming chuan khawpui hrang hrangah an kalpui ve bawk a. Sorkarin ui til/chhul lak manah sum tam tak a seng a, ui lah an pung tual tual lawi si… (N) India ram tual-ui hi chu, eirukna nen hian an inang deuhin ka hria.., rem tih reng a awm lovang… :-D

    Report this comment

  21. 21
    Awmtea Khiangte Says:
    July 2nd, 2012 at 5:41 pm

    Ui chu a van hmeltha reuh eeeeeee :-P

    Report this comment

  22. 22
    Lamji Says:
    July 2nd, 2012 at 5:42 pm

    Ui lawm chhungkua kan nia,a sa pawh kan duh! Ka patea hi chuan a chhawnchhaih peih vak lova a be mai zel a,an zawhte thleng hian an fing thei khawp mai. Hmui phun nge kan tawng pitch atang an thliar hrang ni ngei tur ani. Ui fel taka lang,chul heuh heuh a dawh heuh heuh,a hnu a rawn hap thut ching ho hi phuihnam nena um mai an chakawm thin!

    Report this comment

  23. 23
    blackmagicwoman Says:
    July 2nd, 2012 at 5:42 pm

    Ui puitling tawh in thil seh an la hrat cheu chuan calcium leh iron tlakchham vang te an tia, a dik em? Tin seperation anxiety ( neitute chhuah san hlana anmahni a awm hrehawm ti) an neih nasa hian thil an tichhe nasa bawk thin.

    Keini pawh kan dawhkan leh thutthleng chu neem hnah chhum tui in ka hru thin. Saruh lian over, chang em em mai, seh khem mai mai theihloh tur kan lei a, lenchhuah san dawnin kan chhawp thin ( saruh hi kan chhawp loh lai chuan freezer ah kan dahtha leh mai) . Pheikhawk a khing chiah bun tlak kan ngah em em tho!! :-D

    Report this comment

  24. 24
    Lamji Says:
    July 2nd, 2012 at 5:44 pm

    Ui thang lai hian Kawlbhra(sweet patato) an ngeih rura…

    Report this comment

  25. 25
    Dr Mahminga Sailo Says:
    July 2nd, 2012 at 5:51 pm

    @ Lamji… Phuihnam nena umzui khi… :-D

    @ blackmagicwoman… Pica (an chaw ni lo an ei/khel) hi phosphorus deficiency vang a ni ber a. A nih loh paw’n Calcium:phosphorus ratio an taksa a in-balance loh vang te leh Vitamin D tlakchham vang paw’n a thleng thei bawk. Tin, i sawi ang khian, seperation anxiety leh toys pawh nei tho mah se, nin chin an neih hian thil dang an seh ve fo.
    Chu, i ui zarzovin, pheikhawk thar i lei fo a ni maw… :-D

    Report this comment

  26. 26
    blackmagicwoman Says:
    July 2nd, 2012 at 6:09 pm

    thanks Mahming (Y) Ui lam zawhna ka la rawn zawt fo ang che. Manchawi ngai lova Dr rawn theih hi tangkai ka ti teh mai nia!! LOL

    Report this comment

  27. 27
    houdini Says:
    July 2nd, 2012 at 6:12 pm

    Va ṭha lehpek êm (Y)

    Report this comment

  28. 28
    drake Says:
    July 2nd, 2012 at 6:46 pm

    vets chuan hre zawk ang chu, engtia chhum nge tui ber uisa hi Dr Mahming hehehe :-P

    Report this comment

  29. 29
    Dr Mahminga Sailo Says:
    July 2nd, 2012 at 6:46 pm

    @ bmw.. Anytime… ;-)

    Report this comment

  30. 30
    century child Says:
    July 2nd, 2012 at 7:20 pm

    Bengvarthlak e (Y)
    #28 Drake :-D

    Report this comment

  31. 31
    sheldon Says:
    July 2nd, 2012 at 8:33 pm

    Ui vulh ve ringawt, vulh ve ringawt tak tak ho hi ka ning! Hmuntinah an vak a, an zung a, an e a, engatan a vulh nge maw an nih ka ti thin. Thenkhatin an han duat a an enkawl that nen.

    Report this comment

  32. 32
    Dr Mahminga Sailo Says:
    July 2nd, 2012 at 9:24 pm

    @ drake.. Phuihnam nena umzui a fuh ber an tih khi.., :-D
    @ sheldon.. Khatia i tih bik te’n nula biak tur ka hmu zo ve dawn hlei nem… :-P

    Report this comment

  33. 33
    Kawhterenga Says:
    July 2nd, 2012 at 9:25 pm

    Ka uite duha m tak pheikhawk leh thil dang a seh chhiat thin avanga ka tihral tak kha ka enkawl thiam loh vang a ni reng mai ka ti! :-O A bengvarthlak hle mai. (Y)

    Report this comment

  34. 34
    Saitawk Says:
    July 2nd, 2012 at 10:43 pm

    Post thar a va bauh chhuak har ve!

    Report this comment

  35. 35
    houdini Says:
    July 2nd, 2012 at 11:45 pm

    Thlalâk pawh chu i va nei ṭha ve, :-D han ti leh hnuhnawh teh ang.

    Report this comment

  36. 36
    Dr Mahminga Sailo Says:
    July 3rd, 2012 at 9:03 am

    @ houdini… Buaipui ber a nih chuan, tum loh deuh hian thlalak tha, mak leh nuihzatthlak deuh deuh hi ka nei fo mai… :-D

    Khai le, post thar a chuak ta bawk aa(h), mi post khelsak ve tawh te’ng… :-P

    Report this comment

Leave a Reply

You must be logged in to post a comment.