Pawngsual duh loh entirna kawngzawh chu kan thlir reng a. An au hla leh thil ngiat te chu ka ngaihtuah a, pawngsual tupa chu ka lo dempui ve hle ringawt a. Ka thin a lo rimpui a, pawngsualtu chu ka dem takzet a “a phu tawk aia tam leh nasa in hrem ula, keichuan ka tan hauh lo ang” tiin ka tanhmun ka lo siam ve sauh sauh a.
Pawngsual chungchang ka ngaihtuah lai chuan ka rilru chu a inher hrut a, mimal vanduaina tawk a pawngsual rapthlak tak tawk te heti taka kan duh loh puina kan lantira kan phusak mup mup lai hian kan ram ZORAM hian pawngsual a tawk ve mek a ni tih kan hria in kan ngaihtuah ngai em? Pawngsual tum tuin a pawngsual tum te chu engemaw in a thlem a, a thlemthlua, a pawngsual ta ang mai hian Zoram hi NLUP tih ang reng, thil dang dang hmang thlem kan ni a, thlem thluk kan ni a, kan Politcal Party te hian min pawngsual ta a ni tih hi kan hria em?
Ka ngaihtuahna chuan kawng tinreng mai chu a dap a. Chawmpangkar leh kiltin reng te chu dap kualin kan ram mipui pawngsual hliam tuar hlim te chu ka thlir a, ngui nghuai hmelpu te hian ka hmu a, mahse inlarna erawh ka hmu ve lem lo.
Ka kal det a, kawngpui sir chu a lo ri rum rum mai a, enge a nih hriat tumin ka han kal hnai a, Gas Bur hian pawngsual an lo tawk leh mek hi a lo ni a. A dikna chanvo reng reng chu zahna nei hauh lovin a thianghlimna chu hlih sakin, pa pahnih pathum hian an lo phin leng darh darh mai a. Ka rei! Ka rei!!!….ka en ngam lo. Tanpuitu ngai chuan a theih tawp chhuahin a lo tal ve nge…….a ri leh rum rum thin a. Mahse kei mi chak lo tan chuan inrawlhna ngam chi reng reng a ni si lo a.
Ka thil hmuh chu a rapthlak em avang chuan ka kalsan ta tawp a. Thui pawh ka kal hman hmain kawngpui hrulh ah chuan ka hmelhriat than em em, nitina a tel lova ka awm theih loh, ka thlakhlelh em em Buhfai chuan pawngsual a lo tawk ve leh mek bawk a. Ka insum zo ta ngang bik lo. Chhan tum chuan an lirthei ah chuan ka lawn kang ve ta a. Hmelhriat than loh min han hmu ta thut chu an phu nasa ngei mai. An lo pawh theh lai chu an thlah zawk a, phawk fahran nhian min en a. “Enge I duh a?” tia min zawh chuan “thlah ula, chhuah zalen rawh u” tih ka tum lai chuan…. ‘Aaa…….Buhfai Bag, nuna nei em pawh a ni lo a, ka bialnu emaw ka chhungkhat laina an pawngsual an hrima han chhan chu’ tiin inthiarfihlim zawk tha in ka hria a, inthiarfihlim pah chuan “Pawngsual a tawk na deuh a ni maw?” tih pah chuan ka chhuksan leh ta mai a.
‘Kal zauh poh leh pawngsual avanga rilru natna ka hmu hnem mai dawn a nih hi’ ka ti rilru a. Hetiang hian reng reng hian a ti thei tu tawh phawt chuan an hmuh chhun ang angte hi kan pawngsualin an pawngsual zel mai chu a ni si a. ZORAM hi mimal tinte hian kan phak tawk theuhah kan pawngsual chu a ni mai si a.
Khawpui lian apiangah pawngsual a tam a, khaw te apiangah an lo tuar na zel si a. Zoram hian a ke atangin a ler thlengin PAWNGSUAL a tawk anga a la tawk zel dawn chu anih si a.
Similar Posts:
- Pawngsual hi
- Zoram tan engnge i tih ve theih?
- Mizoram buai lai research
- MHIP hi an ngaihtuah tawi deuh em???
- Zoram tan
July 9th, 2012 at 9:18 pm
.
Report this comment
July 9th, 2012 at 9:19 pm
Report this comment
July 9th, 2012 at 9:25 pm
Hui ham!
Mizoram a eng zawnga thlirtute hian thil an hrechiang lo niin a hriat a, a thim zawnga thlirtute lah hian rilru an tihah bawk si.
A va buaithlâk tak êm, kan ram ringtë hi!
tih rilru i pu ṭheuh ang u.
Ka lawm e.
Report this comment
July 9th, 2012 at 9:50 pm
Report this comment
July 10th, 2012 at 1:17 am
Tihngaihna vak a awm lo ve, kan ram hi; a chingchivêt vêl vek tawh
Report this comment
July 10th, 2012 at 2:19 am
Lehlam atang chauh chuan hmabak hi chu a thim ve map map khawp ang le…..
Chan huamin kan author/poet neih that ho tal hi han che tak tak ula hmabak chu kanla nei mial mahna. Bul tantu hi kan ngai pawh a ni maithei…. Khawvel hmundang nena khaikhin pawhin, tun hun kan tawn mek angah hian a ni miropui leh huaisen an rawn lan thin, beiseiin lo nghak phawt ilaaaa…….
Report this comment
July 10th, 2012 at 8:00 am
MIZORAM hi RAM ami??
Report this comment
July 10th, 2012 at 11:11 am
Atom C, ni e thu thiam ho hian mipui muthlu tawh hi min han chawk harh se ka va han ti tak em
Report this comment
July 10th, 2012 at 11:11 am
Report this comment
July 10th, 2012 at 4:28 pm
Mizoram hmabak hi a thim telh telh mai thei ani. Mihring (tawngthu chheloah) kan pung chak hrep leh nghal a, scientific taka agriculture enkawl ani bawk si lo! mahni eikhawp thar lamah hma kan sawn lo mai ni lo in hnung kan sawn a. Agriculture product kan neih loh avangin chumi ‘thlakna’ tur product kan nei chuang bawk si lo!
A thim telh telhna chhan tur ni a langte;
1. Kan hruaitu (politician) ten innovative idea an nei thiam lo! step khat lek pawh a ram develop theihna tur in an ‘rilru’ an hmang thiam lo. Its beyond NLUP!
2. Political party ‘nepotic system’ hian a overall a ‘morale’ a ti chhe vek a, he mi kan siam tha thei anih loh chuan..’dikna’ hian ‘chanvo’ a hlauh tial tial a. Hmabak a thim tial tial bawk.
3. Infiltration from outside ..hei hi pawimawh tawp khawk ani. Hnahthlak tih leh ‘Manipur mentality’ hi a hmuh theih tawh! ‘Mizo’ a kan lungrualna hi a ‘teh’ vaih chuan hmabak chu thim tak ani. Hei hi ‘Mizoram’ ani, ‘Mizo te ta ani ‘ tih rilru dik kan put loh chuan..kan hmabak chu thim tak ani!
..ka sawi peih tawh lo..
Report this comment
July 10th, 2012 at 4:55 pm
#10 lrpa
dik khawp mai.
Kan hruaitute hi lehkha thiam meuh lo an nih tlangpui ka ring a, lehkha pawh thiam tehreng se ram tihhmasawnna tur kawng ngaihtuah chhuak thiam hlawl lo an ni tih a chiang a.
An ngaihtuah chhuah thiam loh achhapah an thiam ang tâwk tal pawhin ngaihtuah an tum hlawl loh lehnghâl!
An rilru sawngnàwizia hi ka mihring mihrinna hian a chhût chhuak pha lo a ni ber e.
An ṭhutkhâwm ve te hian ka lirthei thar lei tur tih vêl bâk va ngaihtuah tak tak suh
Report this comment
July 11th, 2012 at 4:12 pm
@ 11, Houdini..nia..mizo te hi kan gene a dik lo nge maw ka ti rum rum thin!! mahni leh mahni principle (self conviction) hi kan nei miah lo emaw ka ti thin! Tha chu a tha, tha lo chu a tha lo..ti ngam hi politician anni emaw academician an ni emaw..ah ka hmu lo! pakhatte mah an awm lo (?). Rintlak tur a ngaihte pawh engmah anni lo!!
…Mizo a ka piang hi a chang chuan ka lawm lo deuh rum rum thin…
Report this comment
July 11th, 2012 at 4:16 pm
#12 lrpa, ka ngaihdàn min ṭâwmpui i lo awm ve chu a lawmawm angreng
I sawi khi a dik chiah bawk.
Report this comment
July 11th, 2012 at 4:24 pm
@ 13..houdini..a mak asin! kei ngei pawh hi ka ni tho! Kristianna rau rauah pawh hian..hnam dang zingah hian (Mingo) a ti tawh vek vek chuan..’an ring bur’ ani mai! kei ve chu ring deuh, ring lo deuh..mahni leh mahni pawh kan in control thei lo a nih ber hi!…Keimahang rilru lelaw nei lo ve tho hi kan hruaitu te an ni ve a..mahse keimahni ang nilo hruaitu kan beisei anih si hi!!
Report this comment
July 11th, 2012 at 4:35 pm
#14 lrpa, sakhaw lamah chuan engpawh lo ni ila (ring bur i tihho pawh hian rinhlelh chang an nei ve tih hria la), thil kalphung ṭha zâwk deuh hi a awm ve aläwm.
Mizo zawng zawng kan khawlo vek bîk lo bawk. Pu Ṭhena kha ngaihtuah la! Ani kha tuna kan hruaitute ang hi a ni vein i hria em? Pu Ṭhena mizo zinga a pian theih chuan a tlukpui dang hi a beisei ngamah ka ngai kei chuan.
Tuna kan hruaitute ang vek kan ni lo nasa Mizote hi!
Report this comment
July 11th, 2012 at 4:48 pm
@houdini..nia..a dik a lawm! Pu Thena kha a tha an ti thin a..mahse a that zar erawh kan zo chuang lo!…Pu Rama pawh mitha..fiamthu thiam, a inlengte ti hlawhchham ngai lo!.Pu Hawla pawh mi tha tho, dam dup mai…mi tha vek chu anni e..mitha kan define dan hi kan thlak a hun tawh a..hnathawk tha hi mitha annih hun a nghahhlelh awm khawp mai..!
Mizo zawng zawng hi kan dik lo vek lo a, mahse tunge mizo represent ta le?
sawi zel ang..ang hmuar hmuar teh ang..chawei hma chu!! haha
Report this comment
July 11th, 2012 at 4:57 pm
He laiah chuan, houdini leh lrpa an lo ck a ni maw?
Ram hruaitu tha pawh, mipui hian kan bawl khawlo zo ve bawk in ti em? MZU VC tur chuan, Kohhran leh khawtlanga inhmang vak lo, laina ngah vak lo an tha ka tih ang deuh kha a nia (Kohhran leh khawtlanga inhmang ka sawiselna ni lovin). Pa tha tak pawh hi, nupui fanau, vua leh vang avang hian humsual an dai chawk a nih hi maw..
Report this comment
July 11th, 2012 at 4:59 pm
Pu Ṭhena ṭhatdàn leh Pu Zorama teho ṭhatdàn i khaikhin elo?
Pu Ṭhena kan ṭhatpuina i hre lo va maw? A mak hlë mai.
Pu Ṭhena ṭhatna ka sawi chu inlengte dâwt lo hrilh lungawi lam ni lovin Mizoram ei leh bàr (thil mamawh hmasa 5-te a ni zâwk mah) a ngaihpawimawhna kha a ni. Pu Hawla’n Mizoram ei leh bar tihhmasawn nan eng thil tak nge a ngaihtuah chhuah ve? NLUP hi chu tling tùra mipuite thlemna mai mai a ni tih chu i chiang vein ka ring a, ram veina rilru pua a tih a ni lo tih chu ni khian amahin enna a nei tih ai pawhin a chiangin ka hria.
Pu Zorama pawh chuti tho.
Pu Ṭhena rorelna chu khitah khitah a ni ringawt, Pu Zorama leh Pu Hawla rorelna lakah chuan. Insanhleih vet vet tak a ni.
Report this comment
July 11th, 2012 at 5:07 pm
@ houdini..i va Pu Thena ve a!! ? mizoram hruaitu te hi an that dan a in ang vek!!!!..ram, development, economy…engkim..i tan chhan dawn chuan..a ultimate result kha a pawimawh ber..! work = result ,….at least in some ways..!! i see nothing!!..and there is nothing!!!…saptawng a ziak ni ila chu ..FUCK..! ka ti and mawle…eiru ho hi tho zo vek ..kan zia and!!
Report this comment
July 11th, 2012 at 5:12 pm
Party lamah chuan hawih bîk ka nei lo va, mahsé a mimal zawng chuan ka Pu Ṭhena khawp mai. A rorel a la chhenfâkawm ber. Pu Ṭhen
.
A rilru a dik ber bawk:
a neih thu a sawi te khan min va hneh tak êm! (A sawi ang diak diakin ka sawi chhäwng lo). Vai laka inlangéng thei lo, mahni intodelh lo, kutdawh hnam kan ni ringawt mai te hi pawi i ti ve pha lo em ni? Nge i lo váiṭan (pro-India) viau?
Report this comment
July 11th, 2012 at 5:15 pm
La houdini..mai mai chu le! Pu Ram switzerkand of the east men enge a danglam chuan le…sawi mai mai te hi chu sawi mai mai ani reng ang!!! hehe
Report this comment
July 11th, 2012 at 5:19 pm
Helamah daih a ni maw in lo ṭuan a. Nula pawngsual tur mah hmuh zawh loh nak alaiin a rampum te chu a tina tin chi pawh va ni suh (FTH)
Report this comment
July 11th, 2012 at 5:34 pm
#17-a Dr Mahminga Sailo sawi pawh a dik chiah
#21 lrpa, sawi mai mai rau rauvah an thiltih a inthlau i ti ve deuh lo maw?
An indikhleih viau bawk lo maw, Pu Ṭhena leh Pu Zorama hi?
Report this comment
July 11th, 2012 at 5:49 pm
Zoram siamtha tur hian, mitha a awm theih loh em ni? tih hial chang ka nei ta. Mahse, ka sawi tawh ang khian, thil tha tih duh tan paw’n, an hnuaia thawk leh mipuiin zir tlat hek lo le…
Pakhat (houdini) a Then em em a, pakhat (lrpa) erawh a Ram em em thung a nih duh hmel. Inhnial zel t’u, a ngaihnawm…
Report this comment
July 11th, 2012 at 5:51 pm
pu thena basic needs te, pu zorama …of the east leh a vision dang dang.. Pu hawla nlup…. A in ang vek… Utopia.. Pu rokunga chhawrpual run… A tak awm lo… Sugar candy mountain…eldorado… Ho mai mai…
Report this comment