mi(sual).com

Tun tum chu hna thawhtur arawn la thlen loh avangin thu post tur ziak mai mai teh ang ka tia, ka rilru a thu hlui deuh deuh lo lang zinga ka sawi chhuah zen zen duh loh ka han ziak ve mai mai teh ang

Ngaihzawngte chu ka lo nei ve zeuh zeuh tawh a, pawl 9 ka zir kum hian amah ka hmuh hmasakber ania..khatih laia zaithiam ka tih em em Avril Lavigne nen khan ‘ek sa man” an tih ang chi hi an nia, lian lutuklo, mahse hmetha veng vawng J , chhelo hi ka ti khawp mai a, zep lovah chuan ka star chiang tih ka in hria lawm.

Mahse tleirawl mai tana nula han ngaihzawn chu’h!! Tichuan engtin tin maw ni kohhran khat a awm na na na chu kan inkawm chho zel a, pawl 10 ka zir kum chuan MA zirturin Mumbai min pansan ta a! akal dawn chuan kan in ngai ve hle a,keichuan ka ngaizawng tawh lutuk ringawt, mahse ani chuan thian ngainat bakin min ngaina in ka hre chiah lova. A kalhnu a anu in min hrilh dan chuan ka ngai ve reuh lutuk alo ti..

A thlen thlak tirh chuan lehkha min rawn thawn ve vang vang a, eng lehkha pawh nisela hmeichhe hnen atanga ka lehkha dawn hmasaber ani ve tlat..fuihna thu leh a awmna hmun chung chang min rawn hrilh ve a, ka lawm tawk em em a ni

Kum te alo vei a, keipawh chuan ngaihzawng neuh neuh ka nei ve zel bawk a..kum 2 vel aliam hnu chuan arawn zo ve ta bawk a, kan inkawm chho leh ta a, a chhukthlak hma ai khan ka lo tlangval ve ta bawk nen, ahma ai chuan kan inkawm serious ve ta deuh va..SMS ten kan in bia a, tin, inrinni zan apiangin ka leng ve thin a, ka len dan pawh hi amah rim lam ai mahin thil tih tur tih pah a kal kawi ka ni deuh ziah

Kum 2 bawr vel kan inkawm pangai hnu chuan engtin tin emaw  ni kan ni chho chu ani ta der mai a, ka duh in ka thlahlel ngawih ngawih hi animai, keima a ruak leh sas neilo nih inhriatna zawng zawng kha a bo vek a, hmeltha ngaina mi tih takah han bihhnaihte hi a dawl zek aJ tin, innei thut dawn pawh ni ila alo rintlak tawh bawk nen

Kum khat tluan parh kan in ngaizawnga, ka hlimna leh lawmna hi a in zat velin ka ring, ahnen atang chuan thil thar tam tak ka hrethar a, in ngaihzawnna awm zia te, duh reng si duh lo anga lan te ka hrethar bawk a. Ngaihzawngte chu lo nei ve nual tawh bawk mah ila amah ang reng reng a duh leh thlakhlelh hi ka la nei ngailo reng reng a, ka neih leh pawh ka ring chiah tawh lo

Ka duh luat avang chuan vawi tam tak ka nawr lui thin a, ani lah ka u u u leh rual alo ni bawk nen, tihluih alo duhlo nasa mai thin a, a thu te chuan a kal ngat zel a..ka duh zual sawt bawk si, hrehawm veng veng thei tak chu a ni. Vawi khat chu anau thlah turin Mumbai ah thla khat chuang athang a, min rawn be bawk silo, biak ngaihna ka hre bawk silo, ka thinrim hi ka insawh ka insawh a, tihtheih lah ka nei der mai silo, lo haw se ka thinrimna ka ti lang ang ka lo ti ran ran a, a lo haw chuan Kamis min rawn hawn teh tlat a, thinrimna zawng zawng chawp leh chilh in  abo vek

Hun akal zel a, intihthiamloh chang kan nghah zawk mah a(ka duh luat vanga ka nawr luih vang ani deuh mah) ani pawh chuan dawhthei takin nghah hram hram peih atul zia te, min duh ve zia te, min thlakhlelh ve tho zia te chu min hrilh thin a, mahse ka tih luat lutuk chuan a tan a ninawm thin zia te min hrilh vek a..mahse kei tleirawl thinlung ti tut tut leh thu duh ve tan chuan tawrh thiam ahar thin.

A chang chuan ka text achhang tha duh lova, inhmuh a duh bawk lova, ka rilru zawng zawng ka lo pe ve tawh bawk si thin nen..ka then theilo ani e. mahse tlai khat chu a cousin te in ah inhmuh aduhthu min rawn hrilh a, ava han nuam tak em!! Halleluijah pek mai ka duh rum rum .. kan inhmuh chuan engtinge kan inthen theih ang tih sawipui min lo tum hi alo ni a, kawng leh lamah chuan beisei loh lam daih nimahse a rilru thatna kha a fakawm ngawt chuan ka hria..then min duh chhan a sawi dan chu “Lenlai aruallo hi a sawi rem theihloh”tih a ni.

Duh lo hle mah ila then tura rilru siam tur chuan ka intiam ta a..mahse rei a daih lem lo..ka text  chhun zawm reng a, ka duhthu ka hrilh reng tho..hun akal zel a inngaizawng ang chuan kan awm ta chiah lova, kei pawh chuan theihnghilh tumin tan ka la a, morning exercise te ka la thin a tin midang nei turin rilru te kan siam ve bawk a.

Tum khat chu a cousin hnen atangin hmana a bialpa hlui nen an in biak thin thu ka hre ta.  Mahse theihnghilh ka tan atha tih ka hre ve kar tawh, duh hle mah ila” lenlai ruallo siam rem” chu atheih lovah ka ngai a. Kum khat avei hnu chuan a bialpa, amah nena kan inhriattirh lai vela a ngaihzawng thin nen chuan ‘tiam tlat e’, tihna turin thuthlung an lo siam thei ta.. kohhran khata awm kan nih avangin zaipawlten inneih lawmpuina hla rem angai a, mahni duh ber! te inneih hla remna ah chuan ka tel ve ta zel bawk a, an in ngei, tun hma a ka lo len luh ve thin na ngei ah chuan athlahna chaw hlui kan kil bawka.. anawm dan adang ve duh phian mai

A pasal neih hnu pawh hian kan in be zeuh zeuh a,inthian thatna tha tak kan nei a, kan inthen chhan kha midang an awm vang emaw thil dang vang kha ani lova, inthlahlel leh in duh tak si khan “lenlai ruallo hi a sawi rem theihloh” tih vang kha ani, he ka thu post tur ka siam hma ni chhiah pawh hian kan in bia a, a pasal cousin nula feldeuh a hriat thu te min rawn la hrilh, chuti vel chu kan la ni

Ka thil tawn ho ang reng tak ka rawn thai lang ve mai mai anih khi

Mahse a phen ah khian thil tam tak zir chhuah leh zir thar tam tak ka nei a, Misual ho zingah ngei pawh hian lo tawk ve tawh emaw hre tawh emaw in awm maithei, tin, thenkhat tan pawimawhna a awm takin te ka rawn tia J  he ti khawp hian induhna hi alo awm thei ani tih hi ka hriatthiam phah em em a.

Vawi khat pawh amah nen kan inbe tha bawk silo, ka lunglen bawk si chuan, ka thianpa hnenah an in enpui turin ka sawm a, an kawmchhak te inhnuai sak mek atangin kan thlir a, ka thianpa chuan ho hi an ti em em khawp a, thingzai kha bo ta se min ringhlel dawn sin tih te kha alo ngaihtuah daih a! ka rilru a hrethiam pha der silo!! vawi tam tak chu a mu tawh em? tih te, inleng dang anei em tih te thli thlai tur ringawt hian ka en thla fo thin reng ani..Lover was blind!!

Hman zanah he ka thianpa vek hi arawn lenga, hmana a mu tawh em tih ringawt kan en dun lai khan mawl hi ka ti em em che a, mahse tun hnu hian ka hrethiam tawh khawp mai che, keipawhin ka tawng ve tawh alawm..a ti!! Kha kha a ni mai..hehe

Hriat atana tha  ka tih mai mai chu in upat hleih lutuka in ngaihzawn hi (mipa tan) hi alo tha ber lo, he misual zingah pawh hian tleirawl te te in awm ka ring ve ringawt a, tin in nau, in fate etc. te pawh an awm thei bawk e..tunlaiin nula senior lam ten tleirawl te te an ngaizawng thin tih te kan hre ve nual maithei a, inngaihzawn loh hi a tha ber..”Lenlai ruallo hi a sawirem theih loh!

Similar Posts:

• Par lai a par rual ta silo!! Lenlai a ruallo hi a sawi rem theih??
• Pathiana mihringte dinhmun;
• Ka thianpa ve thung…. :-)
• “Mizo Kan Ni” ti ta ila !!!
• Please Help!

Recent Posts:

• RIP lushai_er
• Kolasib tuilut an lut
• JANUARY 2016, MIZO(RAM) DIARY
• KAN EK IN
• PATHIAN THU ZIR HI I UAR TEH ANG U

This entry was posted on Monday, July 23rd, 2012 at 11:30 pm and is filed under Luangliam. You can follow any responses to this entry through the RSS 2.0 feed. You can leave a response, or trackback from your own site.