Tunlai tawngkam takin Zonunmawii hi ka star a ni! ani chuan ka star tih pawh a hre kher lo ang, keimah ang tho a ngaizawngtu leh star tu pawh an tam. Khawtlang hriat meuha starte hming han sawi chu mi a ni leng tan lo chuan a tih hian a tih chi loh hrim hrim, mahse a ni hi zawng at pui tham a tling reng a tin ni!
Mi tam tak chu mahni hming pu zo lem lo tak hi kan tama, Lalfela tih hming pu fel hauh si lo te, Lalngaihsaka tih hmingpu Pathian ngaihsak reng reng lo te kan tam mai, Zonunmawii erawh hi chuan a hming hi pu zo ah ah tak a ni. A hming hi thumal pathum in a siam a ni a, thumal pahnih angah pawh a ngaih theih e, kei chuan pahnihah ka then sak, ZONUN tih leh MAWI tihin, a hran ve ve a thlur bing dawn pawhin he thumal pahnihin a ken leh a kawh hi chu a hlen chhuak vah vah hle a..ti hian ka han sawi ve na a, dik tak chuan ka tawngkam thiamin a hril chhuak zo mawlh lo ve.
A inti sap miah lova, a inla korean hek lo. A rualpuiten korean fashion an uar laite, Lady Gaga an entawn sup sup lai pawhin a ni erawh a principle-ah a chiang, Mizo ni na na korean ang nih a tulin a hre lo a, Mizo nula ni na na, sap nula anga awm a tulna lah a hre hek lo. Mizo nula takin a awma, a inti Mizo hle a ni. Suk leh sum inlaichinna hi a tul hunah chuan thiltihin a lan tir thei mai zela. Tui a chawi thiama, masi chhang ban tur leh hunpuia ei tur chhangban den pawh thiam tak a ni. A chhangban den chu a tui bik thin riau lehnghal. Buh thlei a thiam nala, chhemthei mawina a pawh pha tlat bawk.
Ar a lawi thiama, mite ngaiha tul lemlo puan tah pawh zu han thiam lehzel a mawle. Ka ngaihsan em em na chhan pakhat chu mizo lam hrang hrang nal taka a thiam kim vek hi a ni. Hip-hop beat leh r&b rimawi ruala kan tunlai thangthar nulate an insawi thiam em em laia kan zozia, zonunmawiin a ken tel, lam mawi tak takte an thiam leh si loh lai hian, Zonunmawii hi chuan nal takin a thiam vek a ni. A lam han intheh vel an hmuh hi chuan kawmthlang Pu Hrawm-a te pawh an khi vun vun zel mawle.
A hawihhawma, a zawm thaw lova, a duh apiang ngam bawrh bawrh chi a ni hek lo. Naupangte hi an nih angin a chhawn chhaih thiama, puitling, nu leh pate biangbiak a thiamin, pitar leh putar tante hian a ngainatawm thin em em a ni. Tlangvalte star rawn a ni a, fapa nei nu leh pa apiangin mo atana an awh rawn a ni a. A nula puite entawn ber a ni bawk.
Thawmhnaw brand leh, tunlai tawngkam taka Ori takin a inchei hi ka hmu mang lo, thawmhnaw mawl te te hi a ha tlangpuia, mahse a nalh em em reng tho mai. A vawk chaw chhum lai pawh hi, veng chhak nula lepler ve tak Pian-i te inchei ai pawhin nalh ka tiin mawi ka la ti zawk. Hetiang a engtik lai pawha a nalh reng thei hi eng dang vang a ni lo, a nungchang hian a zir em vang a ni. A nungchang mawi tak hian thawmhnaw man tam leh tha aiin a nun leh a lan dan hi a cheimawi em em a ni.
Ruaithehnaah in tih no kual vel tum avangin thirfian a hmang kher lo a, kutin a bar maia, a nalh leh em em tho a, a nu em em tho a, a changkang tel tho bawk mawle! zing dar 7:00 a.m vela vengchhak nula Kawl-i te an la zan lai tluk tluk laiin Zonunmawii erawh hi chu thihna hneha tho leh Nazareth Tlangval hniakhnung zuiin hma takah a tho chhuak daih tawh thin.
Zonunmawii, ka duhna tizualtu ber chu Pathian tih mi a nihna hi a ni. Tuk tin fianrial hmang mi a nihnate, a rin Pathiana innghat mi a nihnate hian min hneh takzet a, hei hi amah star lo thei lova min siamtu leh, inthlahrung tak leh hreh tak chunga he thu min ziah tir tu hi a ni!
Similar Posts:
- Mizo Mizona Zahpui Lo Ila
- Mizo tawng ve reng a ni.
- Indian Idol thlannaah inthliarna a awm ngei niin Mizo zaimite’n sawi
- Vai Nula Vs Mizo Nula
- Nula Rim
A lawmawm thin e…
July 24th, 2012 at 8:51 pm
Chhiar ang auh.
Report this comment
July 24th, 2012 at 8:51 pm
A hming pawh a mawi
Report this comment
July 24th, 2012 at 8:58 pm
A tha alawm.
Report this comment
July 24th, 2012 at 10:03 pm
I hmeichhe duhthusam i rawn sawi ni maw? Sawi thiam e.
Report this comment
July 24th, 2012 at 10:26 pm
‘Ruaithehnaah in tih no kual vel tum avangin thirfian a hmang…’ an awm em ni ‘tiang hi? Theh pui ila’ng sa tlang in ka vawm lolh duh ang.
Report this comment
July 24th, 2012 at 10:27 pm
Van ngaihnawm vel ve aw!
Report this comment
July 24th, 2012 at 10:42 pm
tha hle mai..
para tawp berah khian a MI a zawngin i rawn bei a, dangdai riau.. THIN… ni zawk se..
Report this comment
July 24th, 2012 at 10:42 pm
Ideal a nih khi chuan duhthusam a ni tih chu han hai lo phawt i la..nghe2
Report this comment
July 24th, 2012 at 10:43 pm
Hetiang nula hi an vang ngawt ang. Ruaitheh naa thirfian hman hi a awlsam na chu kut a mawm zul lova awlsam deuhin a silfai theih mai a, Bakah thawmhnaw tha deuh lo hak chuan kut mawm bawk thleng buaipui ngai bawk bag etc buaipui ngai bawk kha chu buaithlak fu ni.
Report this comment
July 24th, 2012 at 10:44 pm
I duh aisam LANU chu hmuhve ka va’n chake, handuhve hlohche selah…
Report this comment
July 24th, 2012 at 10:44 pm
saint sammoo: ti lawmawm ltk e..ka siam tha thei tawh mang si lo a..hee2
Report this comment
July 24th, 2012 at 10:47 pm
Sam ah sam luat a awm love..nghe4
Report this comment
July 24th, 2012 at 10:47 pm
Tunlai chu sawi tur hi ka hre thlawt lo, a mak ngawt mai (ka hria a, ka thiam tihna ni lovin)…
Report this comment
July 24th, 2012 at 10:49 pm
ideal mizo gentleman lalthafamkima chanchin ziak ve nghe nghe ila
Report this comment
July 24th, 2012 at 10:50 pm
Thu pawh hla pawh.. tawngkam un leh khirh pui pui hmang kher lo hian tha leh mawi takin a ziah theih tih i rawn ti lang leh ta.. ti zel rawh aw..
Report this comment
July 24th, 2012 at 10:51 pm
Ruaitheh na ah hian fiante ken mai hi a finthlak ang a! kalo ti fo thin asin
intih no lam ngaihtuah miah lovin. Kut sil tur a in nghah buai a ngai lova, sahbon ningnawi/awm mang hlei lova kut fai vak lova sil hi inchei nalh nen chuan a hrehawm ka tia, mahse kan tuar hram hram mai a niang chu..hetia in lo ngai anih si chuan 
Report this comment
July 24th, 2012 at 10:53 pm
Kei chu thirfian ka keng thin, practical taka chet hi a tha zawk fe. Mahse ruai ka theh khat hle thung
Report this comment
July 24th, 2012 at 10:54 pm
Report this comment
July 24th, 2012 at 10:55 pm
Miss Aduh,mi tih dan zawm ve mai kha a changkangin a zahawm em em zawk.
(with all due respect)
Report this comment
July 24th, 2012 at 10:56 pm
saint sammo
14 aduhi: han ti ve teh u
Report this comment
July 24th, 2012 at 10:58 pm
aduh.. thirfian keng lovin plastic fian keng hlauh la a ni mai a lawm…haha..
Report this comment
July 24th, 2012 at 10:58 pm
Sir Lamji, thirfiana ei chu a changkanglovin a zahawmlo tihna emni? Mi tihdan lo anga lo tih bik kha a mawi lo ve i tihna a nih chuan ka hrethiam a, mahse hotel ah te inah te pawh thirfiana ei chang kan nei vek tho a, ruaithehnaa lo ei mai kha a pawina em em ka hre lo.
Report this comment
July 24th, 2012 at 10:59 pm
ruaitheh leh hun chu fenthlir nen ka thawkchhuak ang
Report this comment
July 24th, 2012 at 11:00 pm
Ladies lam khan an Ideal Mizo Gentleman tih rawn ziak ve teh se, tawngkam thiam hluai pawh a ngai chuang lo, keini mizo mipa ho hi kan nulate mithmuhah enge kan an ang le?
Report this comment
July 24th, 2012 at 11:08 pm
Ekjekli. A thirfian hman ngawr ngawr te huat tur a awm em ni? Khi,a chunga mi ang khian mi tih dan a tih kha a zahawmin a mawi ka tih mawlh mawlh khi.
Culture,tradition…RESPECT. Ruaitheh dawn ah check in a valet parking te a ngaih hunah te chuan a tha vek tho ang chu.
Report this comment
July 24th, 2012 at 11:13 pm
Report this comment
July 24th, 2012 at 11:16 pm
Inla changkang tih lam anih dawn chuan Mizo thalai 99% hi kan inla changkang sia, ruaitheh naah te leh huau huau naah te thawmhnaw man to elkhen kan afford loh inbelin kan kal a, kan thawhchhuah leh kan ram nen a inmil si lo va, chu bak baka zahawmlo enge awm ang le?
Report this comment
July 24th, 2012 at 11:19 pm
Report this comment
July 24th, 2012 at 11:24 pm
in la… in ti.. tih hi chu a thlirtu mit/ngaihdanah a innghat niin ka hre ta.. ka nau pakhat nunnem leh ze zawi ve tak mai hian in la no.. in ti no..an lo tih thin avanga hreawm a tih thu a sawi fo mai.. a tih luih a ni bik der si lova..
Report this comment
July 24th, 2012 at 11:26 pm
ENGLOka download laklawh si a, ka misual a muan phah vekin ka hria.. OT chiang bal….haha..
Report this comment
July 24th, 2012 at 11:27 pm
#27
Report this comment
July 24th, 2012 at 11:29 pm
saint sammoo dik lutuk. hetianga mi kan va judge hian keimahni rilru kan tilang zawk fo. Inla hmeltha, inla changkang, inla fel, inla chuti khati kan tih te hi han hrechiang ila kan rin ang hi an lo ni lo fo.
Report this comment
July 24th, 2012 at 11:30 pm
I star hi ka hre mai…………heh
Report this comment
July 25th, 2012 at 12:02 am
ka ideal Mizo Lady chu hei hi..
https://i46.tinypic.com/zluohf.jpg
avatar neitu nu chuan a in hre khawp ang maw le..haha..
Report this comment
July 25th, 2012 at 12:19 am
saint sammoo #34 hairehai
Ka ideal Mizo lady chu kan nu hi a ni mai. Min hmangaih a, ka nu leh pa min zah sak a, thudik a ṭan fo a, Pathian a ṭih a, ka fate a hmangaih a, a taima a, incheina a ngaina hlur lova make up a hmang tam lo bawk. Ka nun simple tak mai leh Zopa ve tak min ṭawmpui peih a, mawihnai tawkin min chawimawi thiam a, min fak hluak ngai heklo. A diknaah tumah hlauh a nei lova, a hlim hmel hmuh nuam ka ti em em a, ka “IDEAL LADY” ani ve tawp mai.
Report this comment
July 25th, 2012 at 12:43 am
Report this comment
July 25th, 2012 at 12:44 am
# 34…sammoo ka zo looo…
Pu Hv, i nupui i chawimawi thiam, a leh a lingin i nupui hi mi vannei tak a ni tih ka sawi ngam sak..hehe
Report this comment
July 25th, 2012 at 2:20 am
ka duh ang chi chu ani ve lem lo anih hi
Report this comment
July 25th, 2012 at 9:55 am
33 Charice :Ka star i ni mai lo maw..
35
Report this comment
July 25th, 2012 at 12:10 pm
Ruata, a tawp ber para khian ngaihdan min neihtira, mahse a hming chu ka sawi lo ang…eh
Report this comment
July 25th, 2012 at 12:21 pm
Ka la comment miah lo a ni awm e…
Zonunmawii khian, a duh loh hlauh che chuan, min tihpui teh aw. Khitiang nula khi ka duh teh a nia..
Report this comment
July 25th, 2012 at 1:26 pm
An ideal Mizo gentleman {lalthafamkima} tih post chu a va rawn lut har tawh ve, a rawn luh veleh kan lo publish nghal thei a nia…
Report this comment
July 25th, 2012 at 9:34 pm
40 Charice: a tawp ber para chauh’n ngaihdan a siam tir che chuan ka star chu i rin chu a ni ciah lo ag
Report this comment
July 26th, 2012 at 4:05 pm
“Zonumawii chuan vawkchaw chhum a thiama, Ar a lawi thiama, mite ngaiha tul lemlo puan tah pawh zu han thiam lehzel a mawle. A simple a a hautak lo a.” Mipa tan chuan nupui tha tak chu a nih phot don hi a, hnathawhah vak poh pasalte tan chuan a ngaih dawn vak loh hi. She’s an Ideal wife.
Report this comment