An Pi Leh Pu Tana Ui Rinawmte

July 27th, 2012 5:30 pm by Dr Mahminga Sailo

(In chhiar tho na’ngin, ka’ tarlang ve leh hrim hrim ang e… )

1. Lao Pan-a ui
He ui te hi, a pu Loa Pan, kum 68 miin November 2011 khan China thingtlang pakhatah a boralsan a. A pu nen chiaha cheng dun an ni. A puin a thihsan hnuin, he uite khawhar hian, ni sarih chhung chaw ei miah lovin a pu thlan chu a nghak a. A khaw mite’n an hmuhchhuah hnuin chaw te pein an enkawl chhunzawm ta a ni.

Lao Pan-a Ui

2. Hawkeye
Hawkeye tia koh, Labrador retriever chanchin atangin, ui te hian thinglung kehchhia leh lunglen an nei ve tih a tarlang chiang hle. A pu Navy SEAL John Tumilson an vui ni chuan, a pu kuang hnuaiah bawkin a pu a thlahliam.

Hawkeye

3. Hachiko
Pu Hidesamuro Ueno-a’n a ui, Hachiko hi kum 1924 khan Tokyo-ah a vulh a. Hachiko hian a pu hna kal tur nitin a thlah ziah a. Tlai dar li a rikin, a pu hmuak turin Shibuya Station-ah a thu vang tawh thin a. Kum khat hnua a pu Ueno a thih takah chuan, Hachiko hian a pu hnathawk haw chu tlai tin, a hun leh hmun pangngaiah a va nghak thin a. Train station master-in he ui rinawm tak hi khawngaihin mutna siam sakin a hrai chhunzawm ta a ni.

Nitin kum sawm chhung zet chu, a tihdan pangngaiin a pu hi a va hmuak ziah thin a. Kum 1935, khan a pu duhtak a nghahna hmun ngeiah chuan a boral ve ta a. Hachiko thih hnu kum khat a ral chuan, Shibuya Station-ah hian a lim an din ta hial a. Indopui 2-na lai khan Hachiko lim hi tihchhiat a niin; kum 1948 khan Hachiko lim siamtu fap chuan, Hachiko lim thar a din leh ngat a ni.

Hachiko

4. Tsunami guard dog
Tuifinriat lirnhgingin Japan ram a sawi tum khan, mita hmutu te tan pawh en hrehawm hial a ni. Heng zingah hian, Ui rinawm tak pakhat chu, uite hliam vengin a thu ngar mai a. Chhanchhuaktu te’n an hmuh hian, chhanhim a tum luatah a lo hauh deuh tung a. Mahse, enkawl tura an lak erawhin a hnial bik lem lo. Uite hliam hi Veterinary clinic-ah dahin, he ui tlawmngai tak hi, animal shelter-a dah a ni ta bawk.

Ui tlawmngai

5. Dorado
September ni 11, 2001, Omar Eduardo Rivera, mitdel computer enkawltu chu World Trade Center chhawng 71-naah amah hruaitu ui, Dorado nen hna an thawk a. Thlawhnain WTC a sut chuan, Rivera chuan a ui chu him hram se tiin a thlunna hrui chu a phel/hlih sak a. A ui chuan ama sahimna ngaihtuahin a tlanchhuak ang tia a ngaihtuah rauh rauh lai chuan, reilo teah Dorado chuan a ke a rawn hnim a. chhanchhuaktute’n an rawn zui nghal bawk. Hetia Rivera an chhachhuak fel chiah tih hian WTC chu a tlusawp ta a ni.

Dorado

6. Shrek
Kum 2009, January thla khan mipa naupang Maxim Kurguzov, kum 10 mi chu an kawtlaiah a infiam a. Hriatloh hlanin an in bulah chuan sihal lo lutin an ar a ei sak a. Chumi hnuah mipa naupang chu beih tumin a inhrosa a. Shrek-a, an ui vulh chuan chu thil thleng chu a hmuh hmaih miah lo. Rang takin sihal chu bei letin a sual ta a. Minute 25 lai an insual phah a ni.

Shrek

7. Lady
Golden retriever nu, Lady tia koh hi, chu kum 81-a upa Pu Parley Nichols-a thian tha tak a ni a. April ni 8, 2010-a Pu Nichols-a, Ohio-a a bo hnu lawkin Lady pawh a bo ve nghal mai a. Police-in rei tak an zawn hnuin, ram palailenga Nichols-a ruang leh, a bula Lady lo thu ran chu an hmu a. A pu ruang an laksawn hnu chuan, Nicholes-a laina hnai te’n Lady hi an vulh ta a ni.

Lady

Source: Mother Nature Network (MNN)

20 Responses to “An Pi Leh Pu Tana Ui Rinawmte”

1
lr hlonchhing Says:
July 27th, 2012 at 5:46 pm
Rinawm 1st ang aw

Report this comment
2
chhana Says:
July 27th, 2012 at 5:46 pm
A tha hle mai.

Report this comment
3
sheldon Says:
July 27th, 2012 at 5:55 pm
Chhiar a nuam hle mai. Dorado leh Lady khi an hmeltha

Report this comment
4
Awmtea Khiangte Says:
July 27th, 2012 at 6:04 pm
Ui hi ka la vulh ngai miah lo va, vulh hi chu ka chak ve thin.
Dr Mahminga Sailo hian min han ngaihtuah pui sela a tha ang a

Report this comment
5
Charice_mizo Says:
July 27th, 2012 at 7:00 pm
Rilru an khawih reuh hlawm mang e…good post

Report this comment
6
H.Vangchhia Says:
July 27th, 2012 at 7:03 pm
A chung-ber ami khi a video nen:
https://www.dailymail.co.uk/new.....-food.html

Report this comment
7
PKfanai Says:
July 27th, 2012 at 7:18 pm
Mihuaisen leh mirinawmte chanchin hi chhiar a nuam thin a, uirinawm chanchinte hlei hlei hian rilru an khawih thin ngawt mai.

Report this comment
8
Kher Kher Says:
July 27th, 2012 at 7:34 pm
Hmulthi leh dam ho a ding sung sung mai lawm.

Report this comment
9
nezz Says:
July 27th, 2012 at 8:24 pm
Ngaihnawm hlawm hle mai..an khawngaih thlak hlawm…Ui hi kei pawh ka ngaina khawp mai..

Report this comment
10
mamboihi Says:
July 27th, 2012 at 8:26 pm
heng ui ho hi a neituten an enkawl tha hle anih hi.. Mi thenkhat hi chuan ei phet kan lo tum bawk si..
Rilru an khawih khawp mai..

Report this comment
11
doc_lib Says:
July 27th, 2012 at 8:43 pm
Dr Mahminga hi dog power hmanga MLA turin ka hual e.A MLA veleh Pu Ajit Singh a khing nghal ang..mai mai stray dogs te kan ramah rawn thawn a tum mai mai.

Report this comment
12
chepahakhata Says:
July 27th, 2012 at 9:41 pm
Hachiko khi a movie Japanese leh American-in awm a, a lungchiat thlak ve khawp mai. https://www.youtube.com/watch?v=IHidQRgDT4U

Report this comment
13
Sihtea Says:
July 27th, 2012 at 11:19 pm
Shrek khian kan Ui sathiam te pathumkha, minhriat chhuahtir vawngvawng mai. Tum khatpawh, chang kanzim na ah, Sihal pakhat hi kanzim chhuaknawlh mai a, Sakuh kua ah atlan lut a. Ti chuan, kan ui sathiam pahnih in an luhkhunga, pakhat in a hletah a lochanga, Sakuh kaw hlet a Sihal rawn tlanchhuak chu, kan ui fing pakhat hian, Sihal nghawngah tak maichuan, alo sehchat mai a, a rawn umchhuaktu pahnih in Sihal bawp lehlam veve ahtakchuan, an rawnseh ve nghalchat maibawka, an hanphih taktak maichuh hmuhnawm vetak chu ni-in kahria. I thil rawn postchuan, Kalung an vahan tileng tak em.

Report this comment
14
Dr Mahminga Sailo Says:
July 27th, 2012 at 11:39 pm
Zanin chu ka net a chiang tlat lo. Ui ngaina tak tak in awm a, a nuam thin teh e…

Report this comment
15
CFL Says:
July 28th, 2012 at 1:58 am
Good post.

Report this comment
16
utupi Says:
July 28th, 2012 at 9:55 am
Hachiko movie hi la en lo tan en ngei chi. Mi a vel thei tlat…. .

Report this comment
17
Dr Mahminga Sailo Says:
July 28th, 2012 at 11:19 am
Ranvulh rau rau zingah, mihring an ngainat bikzia pawh hian, an danglam bikna a tarlang chiang hlein ka hria…

Report this comment
18
roseparvul Says:
July 28th, 2012 at 3:27 pm
good paws pawstupa. Ui hi mak ve deuh asin an nih, hmangaih lah hi an na phian a. Lady khi ka satr lutuk. mahni ui duat em em miin a duhawmna lai sawi loa ‘a va tui hmel ve’ an tih hi chuan hnek thal tawp mai hi a chakawm thin a nia. Eng ui pawh zo ui kan tih ho pawh hi enkawl that chuan mak ve deuh an nia. Vawikhat chu kar khat vel ka dam lo a, ka room pawh chhuahsan thei hek lo, ka damloh chhung khan ka ui thuami chu ka khum hnuaiah a bawk nileng zankhua thak mawle…mak tak a ni.

Report this comment
19
Dr Mahminga Sailo Says:
July 28th, 2012 at 4:35 pm
#18…

Report this comment
20
Maisek Says:
July 29th, 2012 at 7:14 pm

Report this comment