(Diamond paws-na! Heti ang zât paws thei tura hriselna leh ngaihtuah theihna min petu Pathian hnenah lawmthu awm sela. Ka paws tuihnâng lo zet zet min lo chhiarsak a, min lo kawmen-saktute chungah lawmthu ka sawi bawk e)
Mizo tawng kâuchhehah hian hmeichhe deusawhna, dah hniamna leh ngaihnêpna tam tak a awm a. Chû’ng chuan hmânlai khawtlâng nuna hmeichhe dinhmun hniamzia pawh a hril hle âwm e. Nimahsela, tûnlaiah erawh hmeichhiate hi thiltithei thei leh entawn tlâk tak tak an lo ni chho ta, hei hi hmasâwnna kawng pakhat chu a ni phawt mai. Chakai pawh hi sakhaw thila kawngro awhna pakhat mah nei lo a nih avangin hmeichhia nên tehkhinin ‘Hmeichhia leh chakaiin sakhua an nei lo’ an lo ti thin.
Kan pi leh pute’n Rûn lui an rawn kân thlâk hma khân sakhua an neih thu titi leh thawnthu-ah tak ngial pawh sawi tûr a awm lo va. Siamtu pathian chu a awm an ring pawh a ni thei, mahse a biaka an biak sakhua erawh an la nei lo niawm tak a ni. Rûn leh |iau inkâra an awm lai (AD 1450 – 1700) vêla sakhua hi nei tan niin a lang. Luseiho hi sakhaw nei hmasa ber an ni mai awm mang e. (An sakhaw neih tan dân chu a thui lutuk dâwn a, ka ziahsa pawh ka paih leh ta mai.)
Luseiho-in sakhua an lo neih hnu chuan Mizo hnahthlâk hnam dangte pawh chuan anmahni sakhua an nei ve ta zêl a. Mizo hnam hlawm lian pui pui pathum zinga pakhat Duhlianho (hnung lama sam zialho) zîngah ngei pawh chuan sakhaw inang lo an awm nual a. Kan thupuia kan sawilan tum tak, Duhlian thlah ve ve Lusei leh Ralte sakhua pawh hi a inang lo. Chuti angin Taichenga thlah (sam phiarho) leh Hrumtunga thlah (hma lama sam zialho) pawh chuan sakhaw hran an nei bawk.
Sakhaw hrang hrang nei ni mah se, an inneih pawlh tho a, Ralte nula-in Lusei tlangvâl a neih chuan Lusei sa a be ve mai a. Lusei nula-in Ralte tlangvâl a neih pawhin Ralte sa a be ve mai bawk thin. An tihdân chu heti ang hi a ni: Nula leh tlangvâl chu an innei ta a, hmeichhia chu mipa ina a lawi dâwna sum hmun a thlen hma deuhin tui-in emaw vutin emaw an lo theh a “I sa kan vawm kîr e” an lo ti thin. Chutichuan, hmeichhia chuan a sa chu a luhpui lo va, a pasala sa chu a zawm ve ta a ni. Heta an vawm kîr hi hmeichhe nihna zawng zawng kha a ni a, mipa âng chhûngah a pumpuiin a tulût tihna ni.
Chumi avang chuan hmeichhiain a sa (sakhua) leh nihna (hnam) a kalsan a, a pasal hnamah a bet ta tihna a ni. Heti anga inneihna hi a nghet a, inthen leh mai mai a thiang lo. Tûnlai hmeichhe thenkhat pawh hian pasal an neihin an sakhua (kohhran) leh hnam an kalsan a, an pasal-te sakhua (kohhran) leh hnamah inchhûng lûtin an tâwm ve mai thin a, an hming tâwpah pawh an pasal-te hnam an dah tel ta thin. Hei hi thenkhat chuan tlâwm thlâk an ti a, hmeichhe tlâwmna hnaisai lo berah an ngai hial maithei. Nimahsela, kawng danga thlir chuan hmangaihna atanga inzawmna nghet tak, midangte pawh then mai mai theih loh tûr khawpa nghet suih zawmtu a ni lawi si. “Pathianin a zawm tawh chu mihringin then suh se” (Mat. 19:6 & Mark. 10:9) tih ziakte pawh hi hnam inzawmna hian thui tak a keng tel a ni.
Genesis 2:24-ah pawh “Chuvângin mipain a nu leh pa a kalsan ang a, a nupui a vuan ang: ‘tichuan tisa pum khat an lo ni tawh ang” tih ziak a nih kha. Tisa pum khat ni tûr chuan hnama inzawmna hi a pawimawh hle. ‘Tisa pum khat’ (one flesh) na nâ nâ hnam hrang daih a awm theih dâwn em ni? Chuvangin hmeichhia, a pasal hnama a inchhûn luhna hi a Pathian thu a, kan Bible nên pawh a inhmeh thlap a ni.
Duh aiin a sei leh ta! Hmeichhiaten an pasalte hnam an tâwmpui a, an hming tâwpah an pasalte hnam an vawm bei ve mai hi ka thuruang zalhna chu ni teh se. Ka lâwm e.
Similar Posts:
- In ngaihtuah ngai em?
- Zo Sakhaw Zepui
- Chungkhuanu (Pathian)
- Hnamdang ka neih chuan ka hnam ka phatsan
- Eng hi nge Mizo Tawng chu?
August 9th, 2012 at 3:36 pm
I
Report this comment
August 9th, 2012 at 3:36 pm
Pakhatna
Report this comment
August 9th, 2012 at 3:37 pm
E khai..a va bengvarthlak ve. Sakhua tih hi Kristian kan nih hnu chauh a ‘piang’ emaw ka ti mai pek asin le
Report this comment
August 9th, 2012 at 3:37 pm
Lehlo
Report this comment
August 9th, 2012 at 3:48 pm
tha e..
Hmanlai pi pu nuna thil tam tak, hmeichhia te tih duhdah leh hnuaichhiahna emaw ti a iak iak ho hian chhiar teh se..
Eg. Feh kawng leh khaw kar kawngah hmeichhiain em phurin an in phur bawr luk a, mipa fa chu rit la lovin ruakin an kal thin..
Sa leh ralah mipa fa chuan nunau a ven him a ngai a, rit a la ve thiang lo hrim hrim, inring rengin chem tum nen nunau a veng tur a ni. Hmeichhe hnuaichhiahna lam a kawk lo…etc..
Report this comment
August 9th, 2012 at 3:50 pm
‘Hmeichhia leh chakaiin sakhua an nei lo’ kan ti thin hi nuho hian an haw hle ni bawkin a lang, hmeichhe hmusitnaah an ngai. Chakai sa hian sangha sa a ang lo; ram sa, thisen nei sa a ang hek lo. Amaherawhchu an râwp vanglai chuan chakai an khawrh a, râwp tireh thei tak a ni, saa chhiar ni ve chiah lo mah se. Chakai hi tui chungah pawh an awm thei a, khawmualah pawh an awm thei, an zalên hle a ni. Hmeichhiate pawhin an pate ‘sa’ emaw, an pasalte ‘sa’ emaw an tâwm thei. An pate sa leh an pasalte sa chu a inang lo thei; mahse, anni chuan an tâwm ve thei, an pasalte sa phun ve a ngai lo. An sakhua chu vêngtu a ni a, vêngtu pahnih an nei bîk tih theih a nihna lai a awm. Sakhua hi hnam leh hnam innghirnghona bul a ni, hmeichhiate chuan an tâwm thei vek a, thui khâwmtu a ni. Mipa chuan a sa (sakhua) a thlâk mai mai thei lo, a lo pian atanga phuar a ni. Hmeichhiate erawh chu an zalin thung. Hmeichhe dinhmun hi awhawm tak a ni. Hmuhsitna tawngkam a nih ka ring lo; khawtlâng nun, hnam hrang hrang awm khâwm phuar khâwmtu an nih tihlanna a ni.
Pi pute hlauh ber chu ‘sakhaw nuar’ a ni. Sakhua chu hnam khat, thlah khat, chhûngkaw vêngtu bîk pathian a ni. Chanchin |ha an rawn hrilh a, Kristian an nih ngam mai lohna chu an sakhua tihnuar an hlau a ni, a nawrh chuan ramhuai an lo kal ang a, an chhung chu an duh duhin an rawn sawisa ang tih an hlau a ni. An Sakhua (Sa) chu ban a, Isua chu sakhuaa pawm an ngam mai lo, Isua hian ramhuai a ngam loh an hlau a ni. Chi leh kuang nihna kengtu chu mipa niin an ngai a, sa chu mipa kuang ta bîk a ni. Râlte pain a Sa (sakhua) a bansan a, Lusei Sa a vawn chuan ‘Lusei saphun’ a ni. Râlte a ni tawh lo, Lusei a ni tawh. Hmeichhia erawh chuan an pasalte Sa (sakhua) an tâwm ve mai a ni. An indan hma chuan a pasalte chhûng Sa chu a la tâwm thei lo. Chuvangin a pasalte chhûng sakhaw biakna an vawkpa lian tha ber sa chu a ei ve thiang lo, a pasalte chipui, chhûng hnaite chauhin chu sa chu an ei thiang a ni. A pasal nin an indan chuan ‘sakûng an phun dun a, a pasal Sa (sakhua) chu a tâwm ve ta a ni; mahse, mipa angin saphun a ni ve lo, Râlte a nihna a reh chuang lo; a pasal Sa a tâwmpui ve tâk avang khân an nupaa an sakhaw biakna sa chu a ei thei tawh a ni. An indan hma kha chuan a pasalte chhûng sakhaw biakna sa a ei ve thei lo. An duhsakin an khawngaih si, ei ve se an duh a, pa berin, ‘Kan uipui kha sa pe ve rawh u’, a han ti a, a ei ve thei ta thin. Uipui ei na nâ nâ chu Sakhua pawhin a haw tham lo. An mote an duat êm avangin an hlauh ber an Sakhua pawh an bum huam thin a ni.
Kan fanuten pasal an neihin tawng chaltlai an lo thlâk a, an thin an lo tihnatsak kan hlau êm êm a, an rawn biakin chhûng kim lungruala ti an nih hriat chian nân man pawh kan chhiar thin a ni. An man hi an hlutzia tehna a ni lo. An pasal chhûngte hian an lo hmusit loh nân kan neih ang angin kan thuam zui bawk; an man aia man tam thuamte pawh kan chhawmtir thin. Vaiho zîngah an thuam hi a nêp deuh avanga an pasal chhûngte lo hmusit tuar loin mo tam tak chu mahni an intihlum. Vaiho kan ang tial tial emaw tih tur a ni, kan fanute hian chhawm an ngah ve ta hle.
An pasalte an thihin mitthi thlarau chu in bul vêlah a la awm reng a, ‘chaw’ an pe tur a ni. Thla thum a ral erawh chuan mitthi khuaah a kalsan ta a, heta tang hian pasal nei lo ang a ni a, pasal nin an inzawmna a chat tawh; mahse Dan angin an la inthen fel lo. An inthen fel hma hian tlangvâl lo nei sela, a chungthu chu uire chungthu anga ril tur a ni. An inthen fel theihna tur chuan a pasalte in atanga ‘khai chhuah’ a tûl a ni. Hei hi ‘kaithian’ an ti bawk, kaih chhuah tak tak a ngai kher lo thei. Hmeichhe chhûngten an kai chhuak ang a, âr thla hual an lo talhsak tur a ni, hetia kaih chhuah a nih hnu hi chuan a pasal nin an inthen fel ta a, thubuai hlabuaiah pawh hmer tel theih a ni tawh lo, nula hnahkhat ang a ni leh tawh a ni.
Hmeichhhia hi a pasal chhûngten an ngaih viau a, eng ang pawhin khawsa se fanu anga pawm turin an chelh thei tho, chuti pawh ni se ‘kaithian’ chu a ngai tho. Thisen pal fate nei thliah an nih tawh phei chuan fate tleipui duhin an pasal chhûngte in lama cham reng chu an duh zâwk thei bawk, an pasal chhûngte pawhin an ui hle ang. Hmeichhe tân kai chhuaktu nei lo, fahrah tlahrang ang nih chu thil hrehawm tak a ni, kai chhuaktu hian a thlavang an hauh a ni. Thla thum a ral hi chuan a rang thei ang bera inkhaih chhuah tur a ni, pasal chhûngte mitmei rum an hmuh hlauh kan hlauhpui thin a ni. Pasal chhûngten kaih chhuah tak tak an phût hial chuan chu hmeichhia chuan a zir lo hle a ni ang, nu sual tak a nih a rinawm. An pasal farnu kir lehte an awm erawh chuan harsatna chi hrang hrang a awm thei. A fate nin inngai hle mah se tihngaihna a awm lo a ni.
An lo indan tawh a, fanaute an lo neih diah hnu pawhin an kai chhuak tho thin. An nutate chuan âr kengin an rawn râl a, chu âr chu âr thlahual a ni, kai chhuak emaw kaithang tih emaw hmang kher lo mah se an kaihthianna a ni. Chhûngkaw nu ber, tlangvâl dang pawh melh tawh lo khawpa upa an lo ni ve tawh a, a chhuah tak tak a tûl lo, mitmei vin tur pawh a nei lo. A hminga âr thlahual an talh loh chuan tlangvâl nei hlauh se uire angin a chungthu ril theih a ni. Kaih chhuah tawh hnu hi chuan, a awmna lam, a pasalte in emaw a nu leh pate in lam atangin emaw pasal nei se, a awmna lam khân a man an ei.
Inneih chungchâng leh ro khâwm thûah hmeichhe chan chhe hlea sawi hi a dik thawkhat, mahse a dik vek lêm lo. Hmeichhe rinawm leh fel tak chuan in-lo ro an khâwm châwk. Naupan deuh laiin an pasal thi mah se an fate an tleipui peih phawt chuan naupang aiawhin ro chu a khâwm thei tho a ni. Tûnlai phei chuan tu pawhin thurochhiah siam theih a ni ta a. Tûn hmain hmeichhiaten ro an khâwm thei lo niin lang mah se, tak takah chuan an khâwm a, tûnah zawng dan ang thlapin an khâwm thei ta.
Hmeichhe dinhmun kha a chhe hran lo..an hrethiam em em.
Report this comment
August 9th, 2012 at 3:59 pm
vakul pawh chu va luangliam ve….
Post siam rawh..haha..
Report this comment
August 9th, 2012 at 4:01 pm
@vakul chu i van tilawmawm tak em! Hmeichhia ten an pasalte hnam an tawm ve mai hi kei chuan tha ka ti tlat
Report this comment
August 9th, 2012 at 4:01 pm
Pu Vakul comment hi ka LIKE e
Report this comment
August 9th, 2012 at 4:04 pm
Awmtea Khiangte ka lawmpui a che, i tuihnäng khat tlat…
I thuziak a ngaihnawmin a ṭha tlangpui bawk; ka chhiar chhûak ziah
Report this comment
August 9th, 2012 at 4:09 pm
#10 Ka lawm em em e
Report this comment
August 9th, 2012 at 4:11 pm
hmeichhia leh hnamsakhua in sakhua an nei lo!! han ti mai ila.. haha
Report this comment
August 9th, 2012 at 4:45 pm
hnamsakhua.com ah rul thlah te u, Synod ngenna vangin in lo inhnial chiam elau
Report this comment
August 9th, 2012 at 6:01 pm
Ralte ho chu Duhlian-ah i chhuah der a lawm le…! Tawng hrang, Sakhaw hrang nei an ni emaw ka ti a !
#Hmeichhe thu, thu ni suh.
#Chakai sa, sa ni suh.
#Hmeichhe finin tuikhur ral a kai lo.
#Hmeichhia leh Chakaiin sakhua an nei lo.
Kan misual lalpa H.V-a hian hmeichhe sakhaw neih leh neih loh chu a hre chiang ang ka ring
Jacka_pi pawh hi Rorelliani a ni ringawt
Report this comment
August 9th, 2012 at 6:17 pm
Vakul, i comment a ngaihnawmin a bengvarthlak ngei mai, mahse thil zawh chian duh che ka nei nuala, mo, a pasala chhungten an duatzia leh an duhsakzia chungchang i sawia, a nemnghenana
“An indan hma kha chuan a pasalte chhûng sakhaw biakna sa a ei ve thei lo. An duhsakin an khawngaih si, ei ve se an duh a, pa berin, ‘Kan uipui kha sa pe ve rawh u’, a han ti a, a ei ve thei ta thin. Uipui ei na nâ nâ chu Sakhua pawhin a haw tham lo.” i tih hi enge a awmzia ni ngai? An monu chu lainat takin ‘uipui’ tiin an ko tihna a ni em? chuan uipui ei chu sakhua pawhin a hawlo tih hian enge a kawh? sakhua tih leh pathian tih hi thuhmun angin i sawia, mitthi khua theory ala tlaknat em em hunlai khan mizoten pathian an lo nei tawh tihna em ni?
Chuan hmanlai leh tunlai mizo hmeichhiate dinhmun i sawi pawlh nuaih maia, a laklawh laiah vai hmeichhiate nen khaikhinna i nei leh rih bawka, engpawhnise a hmanlai chin zawng khi la chhuak ta ila khawi hun atanga khawi hun inkar vela hmeichhiate dinhmun nge? a approximate time period tal min hrilh thei em? chuan hmeichhiate dinhmun tlangpui i rawn tarlan khi mizo clan zawng zawng zingah a thuhmun vek em?
Chuan hmeichhe pasal sun chungchanga “dan angin an la inthen fel lo’ i tih khi eng ‘dan’ nge? khatih lai khan dan an lo nei tawh reng reng em ni? anih chuan tu siam nge?
Chuan i thutlukna ‘hmeichhe dinhmun kha a chhe hranlo, an hrethiam em em’ tih khi a chhe thoa, kan sawi thin ang em ema chhia chu a ni love i tihna a ni em? hrethiam i tih khian eng chiah nge a kawh?
Tin, chutianga hmanlai mizote mawlmang taka an nun laia hmeichhiate dinhmun alo ‘that viau si chuan’ contemporary period-a kan mizo hmeichhiate dinhmun ai hian a awhawm zawk mah tiin kan sawi thei ang em?
NB: Hmanlai hunah mizo hnam peng hrang hrangin sakhaw bil an neih thin avangin hmeichhiaten pasal an neihin an pasalte hnam an tawmpui thin tih hi ka hriat vawikhatna a nia, hmanlai hunah khan sailo nula pawhin ralte nei se ralteah alo inlet ta mai thin tihna anih hmela, a mak awm hle mai! Mizo ai chuan hnamdang hian an pasalte hnam hming tawmpui an chinga, mahse mizoin kan chin ve ngai ka hrelo, kristian kan nih hnuah hetiang ngaihdan Taliban deuh lo vawrhdarh hi a tul ber lem lo bawk. Chawngthu ka ni a, chawngthu ka ni reng ang. Ka pasal chia siam ka ni lova, ka pa chi ka ni.
Report this comment
August 9th, 2012 at 6:35 pm
Lunghlu paws-na, ka lawmpui a che.
Report this comment
August 9th, 2012 at 7:16 pm
Paws a ngaihnawm… Diamond paws na hi ka lawmpui a che.
Report this comment
August 9th, 2012 at 7:32 pm
Post thatak a ni.
Report this comment
August 9th, 2012 at 7:44 pm
Charice, uipui chungchang khi chhiar tha leh teh..sakhua awmzia pawh…chhungkuain sakhua an neih hran zia i hre mai ang. uipui tih kha i ngaithiam lo a nih kha..ngaithiam lo mahla tih ngaihna a awm si lo..an ti miau si a.
Time chungchangah chuan..kristiannain min chim hma kha a ni mai.
Dan tih khi enge i beisei aw..IPC chu a ni lo phawt. Tradition leh practice–customary law maw le…an inthian ve thin a lawm. an inthen/kaichhuah hma kha chu pasal nei ang an la ni a, mahse an inkaichhuah..(a chhungte lam tih tur a ni)RC/RL lak tawh chuan uire a ni thei tawh lo.
in contemporary nen chuan ka khaikhin thiam lo…tunah zawng tuman an ngam tawh hleinem che u.
Taliban hi in rawn sawi ve sek a, in ngaihdan hi a taliban sa deuh bawk a ni. History hre tlak i ni vak lo pawh a ni ang e…hmanlai huna an practice danah lawm loh chi a ni hlei nem..taliban lo a ni ang khi i commentah khian a hriat vek a lawm.
chawngthu i ni a, chawngthu ni lo pasal i neih khan thlak a tul lo..a tul loh vang tak khan an sa(khua) i zawm thei hrih dawn lo va..hmanlai ni se. in indan/pasal chhungte atanga awm hran hnuah sakung in phun ang a, i pasal nen sakhaw khat inbia ang a, inlet kher lovin..thawkpalai i ni dawn..chuvang chuan ‘Hmeichhiain sakhua an nei lo’ tih a ni reng a, pasalte sakhuaah a inlet ang tihna a ni lo. indan hmaa sakhua serh sa i ei chuan sakhua kha a nuar dawn a, an pe ve thei lo che…sakhaw bum nan uipui pe angin an ti ta a lawm.sakhua chuan uipui chu thik dawn hek lo. Pathian pawh an hria, anmahni chi vengtu bik erawh sa(khua) an nei a ni.
Mipa chuan chi sakhua an zawm a tul reng a, an thlak dawn chuan saphun annih a tul a, saphun tawh chuan an sakhaw hmasa an zui thei lo an luhnaah an tang tawh..hmeichhia chu an ni ve lo..an pasalte sakhua kha saphun lovin hnam ngai pu siin an la zawm thei tihnaaaaa.
Report this comment
August 9th, 2012 at 7:49 pm
vakul chu sawi ngaihnawm piap piap mang e. Tunlaiah chuan hmeichhiate an pasalte hnama an luh mai hi kei ka thlawp khawp mai
Report this comment
August 9th, 2012 at 7:58 pm
lushai_er min fuih…
“Hmeichhia leh chakaiin sakhua an nei lo,” tih hi hmanlai zia ni tawhin ka hria. Tunlai chhanah innei tur a te thu thu ani ber awm e. Entirnan keini nupa hi sawi ta ila, Presbyterian nilo thin ve ve kan ni a, mahse Presbyterian ah inneih kan 2 in kan rawt a, kan innei mai.
Mizo te hi chuan a tlangpui thuin mipa sakhaw lam hi hmeichhia te’n an vawn pui tam ber hrihin ka ring a, mahse UPC hmeichhia erawhin pawl dang a neih pawhin an hruailut thei mai mai lo vin ka ring hairehai
Lusei te Mizo zing a sakhua nei hmasaber a i sawi hi ka helh deuh riau mai. Lai lal fapa Hluansang, Hakha khaw dintute pawh khan sakhua an nei tawh a nih hmel. Tin Tedim (Tiddim) lam pawh hian an sawi hmangin, ““ka pasian na taii in, ka lungzai na taii in,” ti a sakhaw nei a an inthawina a rei tawh hmel viau mai.
lushai_er sawi ang khian Ralte hi Duhlian an nih loh hmel. Ralte chuan, “Kuha na hih?” an rawn ti ha mai ang che hairehai
A hnam zawng a( inrelate lo) Duhlian hnam tak phei chu Hmar a ni daih.
Report this comment
August 9th, 2012 at 8:03 pm
Post leh comment bengvarthlak. Awmtea, i kum 50-na ka lawmpui che…hahaha
Report this comment
August 9th, 2012 at 8:21 pm
Awmtea, good Post.
Pu Vakul i thought you were like a rose trampled on the ground… but you are NOT!
I comment a ngaihnawm lutuk! Helamah i strong tih hi ka hriatna a rei tawh. Chuvang alawm Pu HS-ate pawh hi i attack thiam bik em em le…
Report this comment
August 9th, 2012 at 8:28 pm
Ka thu lakna tlangpui hi James Dokhuma lehkhabu leh aaa.. ka sawi mai dawn a ka theihnghilh tak daih chu. Ka’n zawng tha leh lawk ang e.
Report this comment
August 9th, 2012 at 8:34 pm
vakul kawmen chu a va ngaihnawm ve
Report this comment
August 9th, 2012 at 9:11 pm
Vakul, i ti lawmawm e, Dan chungchang ka rawn zawh kher nachhhan chu dan kan tih leh tradition leh custom, ngaia neiha hun rei tak kan lo practice tawh te hi kan sawipawlh/hriatpawlh fo vang a ni. Tunlaia customary law te hi chu khang kalphung leh tihdan ngaia kan lo neih tawh telkhawmna mai ania, khatih hunlai khan a rima a ra pawh an la hre lovang. Tin, traditional practices kan tih tam tak hi chu ‘imposed’ anni fo, kan hmanlai mizo ‘social structure’ kan thlir chuan an nunphung leh thiltih tam zawk kha mipaten ‘tha’ an tih leh ‘chhia’ an tih, ‘tul’ an tih leh ‘tul lo’ an tih, ‘ngai’ an tih leh ‘ngailo’ an tih mil leh rilrem zawng deuh veka kalpui an ni. Hmeichhiate an rawnin an ngaihdan te an zawt vak ngaiin a rinawm lem loh*.
Hmanlai hmeichhiate nundan leh mipate nena an inlaichinna (a bikin sakhaw lam kaihhnawih thilah) i hre zau viau sia, engatinge tunlai hmeichhiate dinhmun nen i khaikhin thiamloh? tuman an ngam tawhlo che u i tih khi eng context a sawi nge i nih? ka bo map mai.
Taliban chungchang khi ka tawngkam a mawiloh chuan min lo hrethiam se, Awmtea ka rawn chhanna a ni e, Note belh chin zawng khi AWmtea tan a ni. Vakul khan lo inngaihbel lo sela.
Uipui chungchang chu ka hlauh ang ngei
, a pawi love, pi leh pute tawngkam mawilo dang pakhat satliahah ngai mai ang.
Chuan mizo clan zawng zawngin i rawn sawi ang khi an practice vek em tih lam ka zawh che kha min chhang miahlo…ka hre chak ania
Tin, Kristiannain min chim hma zawng i tia, min chim hnuah pawh khitiang ngaihdan la nei fan khi engemawzat chu kan la awm a ni lo maw, misual.com user zingah ngei pawh hian, nge hnam sakhuaah hian a rukin kan lo tui ru fu hlawm zawk le lolzz
Report this comment
August 9th, 2012 at 9:13 pm
#26 last para , i va sawi chhuak thiam ve
hairehai 
Report this comment
August 9th, 2012 at 9:26 pm
charice tunlai nena khaikhin hi ka tih turah ka ngai lo…i chan ni teh se..
ngam loh chungchang khi chu keima context ni rawh se…ignatia kha a rawn pawr leh dawn mang e.
clan khi chu debate dang a hring dawn..ka hman chiah si lo..sawi lo mai nih kha. kristian hma tih hi a nawlpui aiin personal pawn a ngaih theih.
Report this comment
August 9th, 2012 at 9:39 pm
Haha vakul, nang nge nge thuhnuai i rawlh thiam mange. Keipawh ngawi hmaks tawh dawn…
Report this comment
August 9th, 2012 at 10:15 pm
Paws ai mahin kawmen a ngaihnawm zawk daih
Report this comment
August 9th, 2012 at 11:17 pm
awmte,chuti emaw ni?
Report this comment
August 10th, 2012 at 2:56 pm
“Kiang mai ta’nge Charice i tawn ah
Kumtluang thaibawih ai chuan
Hrai lovin ka fam mai nange”.
Hmeichhia chu an pasal te thu thu in awm rawh se.
Pasal te chuan nupuite tih thinrim loh tur
Mipa chu hmeichhe lu a ni
Hmeichhe thuneihna chu mipa angchhungah a ni tur a ni
Han ngaihtuah mah teh u, enge tha ber tur in hriat le. Ka nu hi UPC kan khua a dintu fanu a ni a, ka pa hi Presbyterian a ni. Mahse, chhimlamah Baptist a ka pa hi a awm thung a, ka nu chuan a pasal kohhran a zawm thei tlat. Prsbyterian din hnu ah pawh a inhmang nasa zingah a tel leh thei tho a ni. Hmeichhe mawina chu pasal te angchhung atang hian a ni.
Report this comment