Roreltu chuan Kraws-a khenbeh turin mi sang tam tak an tir liam tawh a, mi sual tam takin an dam chhung ni vai liamna turin he thing anchhedawng hi an lo pu tawh thin a, tuman hriat zui an hlawh ngai lo. Mi sualte hremna tura an ngaih, lei leh vana pawh awm tlaka an ngaih loh avanga thinga an khaikante thihna hmun Kraws-ah chuan kan Lalpa chu khaikanin a awm a; ni e, thinga khaikan apiangte chu anchhedawng an ni reng a. Mahse kan Lalpa an khenbeh tikah khan chu thing anchhedawng ni kumkhua tur chu chawisanin a lo awm a, a daihlim hnuai chauh pawh kan thla chau tan daihlim nuam lo niin…chu Kraws, mite ngaihsan reng reng loh pawh chu mipui maktaduaih tam takte lunglai kuaitu ber a lo ni ta.
Kalvari tlang thing Kraws chunga chuan hrilfiah sen rual loh ‘Thukna pui’, kum engemaw zat Pa hmangaihnain a lo khuah tawh chu sahin a lo awm a, lei mihring rilruin a chhiar thiam ngai loh tur ‘Thukna ropui’ chu tarlana lo awmin –Ranthleng, Thing anchhedawng leh vana Lallukhumte chu phiar zawmin an lo awm ta a, Salem Thar tuala len hma hauh pawhin Thlarau zakhamna changin Kraws daihlim hnuaiah chuan awmhmun kan lo rem thei ta. Nun chuan hnah hlui khawng thilin chawrno a chhuah thar leh a, beiseina nung nen hringnun kan dungchhir leh thei ta zawk a nih hi.
Miten an iai leh an thinhrik, mangphanah pawh an duh loh Kraws ngei kha hringnun thlalera khualzin vakvaiten dangchar tihhnawnna tura chawlhna nuamah a inlet ta hlauh thung a. Hmana mite duh loh kha he lei nun nena thleng pawh a choawm tawh a, a daihlim tem tawhtute chuan hloh kha hlepah chhiarin Isua Kraws-a ennawm lo lang chu thlir reng an duh zawk thin. Dana fel lohna hmutu chuan khawngaihnaah lawm luh a chang thin a, Darthlalangin kan hmel fai lo lai min hrilh a, tuia kan sil ang mai hian Dana kan sualna lo lang chu Kraws tuinung chuan hruk faisakin kan awm thin.
Lei nun inherah hian kan chapona leh intihveina hian mualphona bak min hlui lo va, Kraws erawh kan mawina a lo ni. Hei chauh hi hria ila, kan nun hian Kraws a hnaih poh leh mi dang tan kan rimtui mai a lo ni. Kraws daihlim hnuaiah chuanin hringnun awmzia fiahtaka tarlanin a awm a, khawvel nawmsakna leh ropuinate chu lo chan dawn pawh ni ila…mite ngaiha mi a leh ngaihsan loh pawh ni ila…a ni, an neih ang pawh nei ve thei dawn lo mahila.. ‘a pawi lo, a pawi lo chatuan nunna chang thei i langin’.
Zan lo thleng mahse khua a var leh dawn tih hriatna nen kan mu thin ang hian he dam chhung niah hian a hnuai lama beh chang leh rin sawt lo ang hialin beidawnnate chu thuah engemaw zatin rawn thual mahse; khawvel ropuina karah inthlahrung taka vah chang leh hlimhlawp duhtute hmuhsitna nui thawm thang vel chuan min fan pawh ni se..van hnuai thang thil mawi, chung Pathian thisen luan Kraws ngei kha vanin kawng a ni tih phat rual a ni tawh si lo.
Zoramah hian engvanga kiltina sualna hrang nge a nih le? Kraws tundin achinah khan felhlel a awm em ni? Kraws kan bosal apiangin kan mualpho a ni zawk. Kraws daihlim hnuaiah chengten sualna an fawmkem ngai lo va…khawvel leh Kraws phiarzawmtute chu mualpho lovin an chhuak ngai hek lo. Lalpa mite hnenah hian Lalpa thikthu a awm a, a mite sualna chuan zilhhauna a tawngbaw thin. Ram hmangaihtu chuan ram neitu a tihlungawi hmasak a tul a, ram chu a awm ang a, Lalpa tithinurtute chu an ral ang.
Isu, kan ram hi Kraws hnaihtir leh ang che, a nih loh zawngin ral zia zelin kan kal mek si a.
Similar Posts:
- Kraws daihlim hnuaiah chuan…
- ‘Kraws daihlim hnuaiah chuan’ Chhanna
- Ka Pian Ka Sei Lenna
- Anchhedawng Kraws
- Ka Lalpa Kraws
August 12th, 2012 at 7:03 pm
“Zoramah hian engvanga kiltina sualna hrang nge a nih le? Kraws tundin achinah khan felhlel a awm em ni? Kraws kan bosal apiangin kan mualpho a ni zawk”. Ka thlawp e.
Report this comment
August 12th, 2012 at 7:05 pm
2nd phawt teh ang
Report this comment
August 12th, 2012 at 7:23 pm
kraws daihlim hnuaiah chuan Rinzovate pawh an leng vek.
lo lut rawh se.
Report this comment
August 12th, 2012 at 7:27 pm
A tha ka ti lutuk, mahse 2nd comment ka hmu a boruak a ho zo vek palh ange..
Report this comment
August 12th, 2012 at 7:34 pm
Pastor kam chhuak nge nge
Report this comment
August 12th, 2012 at 7:41 pm
awi thaw..ku hv. min hai ta tlat lo maw. phkizz.
Report this comment
August 12th, 2012 at 8:08 pm
Chhiar nuam ka tihchi ani..
“Chu kraws chu pawmin ka vuanzel ang”
Report this comment
August 12th, 2012 at 8:14 pm
Hman deuh atang khan Thu Post leh comment hi chhiar thuak thuak ka duh tawk deuh mai thin a, chuan mawm, in Inhnial leh hma in hei chu atha hle mai.
kek
Report this comment
August 12th, 2012 at 8:14 pm
#6 misual pastor i nia lawm… ber an a
Report this comment
August 12th, 2012 at 8:30 pm
Vakul a han hram meuh hi chuan, a rèl sual ngailo teh a nia.
Report this comment
August 12th, 2012 at 8:41 pm
Baala hmaa kun ngai lo sing tam an la awm tih lovah chuan he ram teh hrep hi setana leh a ramhuaite tual chaina tlak ani.
Report this comment
August 12th, 2012 at 8:46 pm
Ava tha hem hem ve le!
A bek chhawng zawng ngeia i thusawi ngaihthlak hi ka chak tawh khawp mai…
Parargraph hnihna mawlh khi a turu ka ti. Khitianga Bible kaihtawi thiam khi an tam hauh lovang!
Report this comment
August 12th, 2012 at 9:01 pm
A tha, kraws hnaih dan tur chu han sawifiah nghal law law teh a, chuan kraws hmangin vanram a kai theih tihna?
Report this comment
August 12th, 2012 at 9:26 pm
13. ops Kross thu chu boral mek te tan chuan at na ani si a. lol
Report this comment
August 12th, 2012 at 9:33 pm
Charice, i zawhna khi a ril lutuk a, tawi fel takin ka chhang thei lo vang tih ka hlau mang e.
1) Kraws hi chi hnihin then ila, Cross of history leh cross of faith. Cross of history kha Lal Isua an khenbehna thing krawsah khan ngai ta ila, kha kraws ngau ngau khan thiltihtheihna a nei hran lo; a mawih chhe vek tawh nghe nghe mai thei e. Cross of faith erawh chu kan rilrua nung reng, Isua tuarna leh chhandamna hnathawh zawng zawng entirtu, rinna hmanga kan hmuh fiah kha a ni a, chu mi tel lo chuan vanram a kai theih loh.
2) Kraws hi thingkawkalh a nih avanga kraws a nihna hi ringtu nuna lian ber pawh a ni tawh lo va…. mihring duhdan hi a awm ruak a, chumi kraws/cross tur chuan Pathian duh dan a lo thleng thin a, Pathian duh dana kan kalna chiah hi Cross kan putna chu a ni a, kraws pu lovin Vanram a kai theih loh. Kraws chu “I thu ni zawk rawh se” tih nen hian thuhmun a ni’ ti ila a sual lo vang.”tupawhin mi zui a duh chuan mahni hrehawm pawisa lovin nitin a kraws puin mi zui rawh se” tih hian thingkawkalh va put leh lam ni lovin, Pathian hnena “i thu ni se” tihna ram kha a ni zawk.
3) Kraws hnaih dan tur tha ber chu Pathian duh dana kal hi a ni; Pathian duh dan kan hriat theihna ka sawi zel dawn em?
3)
Report this comment
August 12th, 2012 at 9:39 pm
DaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawrawDaptawraw
Report this comment
August 12th, 2012 at 9:45 pm
‘Ponia’ thlûka sak tur:
Local-cal, funtê duhawm tè…Zoram strick tak maia funtê duhawm chu…Local-cal fûnte duhawmtê…funtê duhawmtê…funte full…puar ping peng…tak tha deuh tê khaaa..a…a….la..la..la…la…
Report this comment
August 12th, 2012 at 10:18 pm
Thuvuvûk
Report this comment
August 12th, 2012 at 10:23 pm
^^ Ka chunga mi chu a va nawi sawt ve ..
Good post
#15 Pathian duh dan kan hriat theihna hi sawi law law a va tha ve mawle.. hei hi kan problem lianber niin ka hre tlat. Mahni ngaiha tha leh fel hi Pathian duh dan nia hria kan tam ta lutuk hi Kros kan pensanna leh Pathian ti thinurtu ber niin ka hre ve tlat. Sual langsar ho hi chu heng rah chhuah mai mai hi an ni zawk awm e.
Report this comment
August 12th, 2012 at 10:56 pm
Art-a..Pathian thu hi keima tawkin tawi fel et awtin ka khaikhawm a, ..
Pathianin mihringte hi len dunpui turin a din a ..an leng dun thin a. sual avangin an leng dun thei ta lo va…len dunpui leh theih nan dan te, zawlnei thute a pe a…Mika buah khan Lalpa phut chu dik taka tih khawngaihna ngainat leh Pathian nen thuhnuairawlh taka len dun a ni.
sam buah chuan 15naah…Lalpa puanina mikhual turte chu mi dik tih kan hmu a, kut fai tak nei…
thuthlung tharah Krista zarah Pathian nena len dun theihna kan lo nei ta a…
Pathian duh zawng chu Bibleah kan hmu ta…thuthlung hluia Lalpan min phut chu Thuthlung thara kan nihna tur zawka Krista min buatsaih a nih tak avangin Kristaa nun nei chu a dik tur a ni….dikna…khawvela sualna hi a hnuk chu dik lohna a ni vek mai..
Pathian nena leng dun tur chuan nihna thar kan neih a tul a chu chu Piantharna a ni a…tawngkam dang chuan…mihring thar nihna ..kan nature hlui bo vekna…chutah chuan dikna chu phut vang ni tawh lovin kan nihna tur reng a lo ni.
chung zawng zawng kan hmuhna chu Bible a ni e. kan Pathian thu nung chu.
Report this comment
August 12th, 2012 at 11:04 pm
@20
‘Heng chauh hi Rinna leh thiltih tehna dik lo thei lo’ tih hian a khaikhawm tha khawpin ka hria.
Report this comment
August 12th, 2012 at 11:09 pm
Vakul, i sawi chiang angreng khawp mai, point 2 khi ka ngaihdan chiah ania, mahse Vanram kai theih na tura step pawimawh ber chu Pathian thu awih/a duhdana kal anih si chuan a thu chu enge? Thu sawm pek te kha entirnan an tha hlawm em em a, mihring tak pawha ‘sets of virtues’ tling an ni, mahse thusawm pek zawm ringawt chuan vanram kan kai hmel loh leh adt…chhandamna kailawn tak chu eng hi nge ni ta ang le?
Report this comment
August 12th, 2012 at 11:29 pm
Charice, i hre ve lo a mi
Report this comment
August 13th, 2012 at 1:10 pm
Good post vakul
Report this comment