Zawlnei Daniela chuan heti hian a lo sawi a: “Pathian hming chu kumkhaw tlaitluanin fakin awm rawh se; Finna leh thiltihtheihna a ta a ni si a: Hunte leh hunbite a tidanglam a; Lalte a sawn bova, Lalte a tungding a” tiin (Daniela 2:20-21). Tin, bung 4:32 ah chuan, “Chungnungbera chuan mihringte lalna ram chungah thu a nei a, a duhsak apiang hnenah a pe thin a ni” a ti bawk.
Ram nitla seng lova rorel thin; Great Britain pawh hi, Khawvela Krista Chanchintha meichher pu darhtu ni thinin, an Lalna ramah ni a tla theilo hial khawpin khawvelah Colony an lo ngah tawh thin a. Amaherawhchu,tunah zet chuan, Great Britain meuh pawh a tha a thumin a lo tar ve tak tak ta niin a lang.
Khawvel map kan thlir chuan, thliarkar te reuh te hi a ni mai a. Amaherawhchu, hmakhawsang ata tawh, Fuat hi an nei a, Indona meipui vawi duailo lo paltlang tawhin; ram leh Sawrkar chak tak takte nen an lo indo tawh thin a. A tir lamah bet deuhvin han lang thin mahse, a tawpah chuan hnehna hlado chhamtu zawkah an tang leh nge nge thin. Spanish Armada te, Napoleon-a te an lo tuktlawm tawh a, Indopui pakhatnaah, Germany an tuk tlawm hnuah Hitler-a hnuaia Germany alo din thar leh khan, Great Britain tan meuh pawh huphurhawm tak anlo ni ta a, Khatihlaia Khawvela khawmual sipai nei ropui ber ang hiala an lo sawi thin, France sipai pawl ropui te kha, chawlhkar khat emaw lek chhungin a chhu tlawm titih deuh der ta mai si a.
Amaherawhchu, Fapa thang duang leh hrawl pui mai USA alo nei hlauhva, duhthusamin la puitling chiahlo mahse, Rawlthar chhuak zet zawt niin, a chak dan zia tur hi finfiah tak tak tu an awmlo na a, thapui chhuah tak taka han innuai ralah chuan, engti ang meuha thahrui nei leh fuat nei nge a nih ang tih hi hriat phak pawh a ni meuh lova, finfiah pha tak tak pawh an awm meuh si lo. Chu a fapa rawlthar thaza tak leh namen lova thahrui nei tanpuina chuan Hitlera, Musolini leh Khawchhak pate inchai chak Japan chu an lo tuktlawm leh thei ta a nih kha.
Indopui pahnihna a han zawh meuh chuan, khawvel hmun hrang hrang a, a ram awp te chu a lo awpkhawm hlei thei ta lo va, an indang ta chur chur mai a ni. Chutih nak lai chuan, Hmar chhak lamah a fapa tia thuak mai, Communistpa Russia chuan ‘exer’ a lo la ve sauh sauh mai a, Great Britain chu sawiloh, a fapa thahrui hlira khat nia lang USA meuh pawh chu a cho ve ta ther ther mai.
Great Britain chuan a vanglai pelin, tar thathum tak lo ni tawh mahsela, hriatphak loh khawpa chak , a fapa USA chuan, a pa chu ensan mai lovin, kawng engkimah a thlavang a hauhvin a la hum ta tlat a, Putar zahawm tak, tuma hmuhsit leh zuam loh ala ni ta reng a ni.
A fapa USA leh Hmar-chhak Communist palian leh chak USSR te chu kum 30 chuang zet Thapui thawha innuai tak tak silovin, inkutelh te, intlansiak te, inzuan siak te, Van theng reng a in kal hlat siak leh, Thlaah te hial in tum siakah te, Ralthuam inneih hlauhawm siakah te, lam tang inngah siakah te, an inel ngat ngat hnuin, a tawpah chuan, hmarchhak Communistpa chuan a tlin ta ngang lova, tlawm zawk chan changin, a ram awp tam tak sahheka awmin Independent an puang ta chur chur mai a ni.
Chutia, a el pui ber USSR alo tualdawih tak siah chuan, anni pafa chu an va vawklal len ta mai awm ve? E, la ni mai lo ve, Ismaela thlahte hian thapui thawha inbeihah cho phak lo hle mahse, Rawlralin an tibuai reng a, miin a thihchilh ngam tlat chuan, kawng hi a lo awm ve zel bawk si a. Chumai ani nem, Kan Unau thenkhatten, ‘Khawchhak Lunglum tur’ an tih hi niawm takin, Khawchhakpa Communist China chu an lo lian chak ve leh hle mai. Sum leh pai lamah an thang uak uak a, Sum an neih na na na chuan, Ralthuam lamah a mak a maka tam Sum an hmang thei a, a mihring tama tam ta na na na chu, Khawvela sipai ngah ber an lo ni bawk a. Sum leh pai leh Ralthuam lamah chang nilovin, Hollywood lam te thlengin an run a, Bruce Lee, Jackie Chan leh Jet Lee te chu Hollywood-ah pawh langsar tak an ni.
Mongolian thlah tan Aryan ho te chu infiamna lamah elphak rual annih hmelloh tehlul nen, tunah zet chuan, USA tan meuh pawh an lo huphurhawm ta hle mai. Infiamna kawng tinreng tih theihloh leh thiamloh reng an neilo mai! USA meuh pawh hian,a midum kawl ho, ‘Thluak aia tihrawl ngah’ hmel zawk tak takte zarah, mualpho lutuk lovin a la el phak hram hram chu a ni e.
Kan Great Britain ve hi, Kawng tinrengah hian an ‘tar’ ta niin a lang tlat mai a, infiamna leh ralthuam lam chu sawiloha lumah lo ngai ta I la, anmahni tawng ngei music industry leh Rock band neih thatah te thleng hian, an chuai ta em ni le? An han vawrh chhuahho reng reng hi, Queen guitarist Brian may te, Led Zeppellin Guiterist Jimmy page te, Elton John putara te anni tlat mai. Hmanni a Olympic opening ceremony-ah pawh khan, tudang nilovin, hranghlui 1960-70 vela lar, Beatles a an bassist leh zaitu ni bawk Sir Paul mc cartney putara te an rawn vawrhchhuah leh kha.
Hei, Closing Ceremony pawh a lo hun dawn ta reng mai a, hetah pawh hian, tudang nilovin, hranghlui bawk, Pink Floyd ho an rawn vawrhchhuah leh dawn tak kha. An hla Hit, “Wish you were here” kha an rawn thlawh leh dawn a ni awm e. Tih tak rau rauvah chuan, Another Brick in the Wall leh ‘Time’ te kha han zut chiau leh law law sela tha tur….Music lam thleng hian an vanglai a pel ta a ang viau mai.
Similar Posts:
- London 2012 Men’s Football Qtr Finals
- Sap ram khu eng ram nge?
- London 2012 Men’s Football Schedules
- CBZ Xtreme Aizawl-ah
- United Nations Organisation a thawk duh tan hun tha..!!
August 12th, 2012 at 4:01 pm
Hmasa ber!
Report this comment
August 12th, 2012 at 4:09 pm
Ram sumrel hnathawh vek a ni e. Tin hnam duham ber tih theih an ni a, an awpramte an ram fäi këlh hman vek tih theih a ni.
An hneh lehzual theih nan kristianna an han puangdarh ngei a, mizote chu min bumthlu chiang kher mai. Vai leh hnampui dang chu an bum thei hlawl lo, phakar chhuah satteh mah sé.
An ram hi ropui tawh lutukin lang lo mah sé, Amerikaram leh Chainaramin a hliahkhuh vang deuh mai mai a ni. A la turu lutuk reng.
Dikna hi varpawh ve mai ngam ula chu ka ti khawp mai.
A engapawhchunisé,
Mangṭha u le…
Report this comment
August 12th, 2012 at 5:01 pm
ngaihnawm phian chu a.. ti vel thiam khawp mai..
Report this comment
August 12th, 2012 at 6:14 pm
I chaw chhum leh chawhmeh bawlhlo vel chu.. tui hle mai a, ei tur dang han buatsaih leh la a tha ang
Report this comment
August 12th, 2012 at 6:49 pm
Indoupui II hunlaia Hitler-a Germany leh Churchill-a Great Britain vansanga an han innuai tak tak (dogfight-aerial combat) chanchin vel kha i rawn sawi tel dawn emaw ka tia, British ho huaisen zia kha! Hitler-a chak vanglai ni mahse a duh angin a run thei hauh lo nia, tlawm pazawrin a zawr hnep zawk mawle.
British mi te hi khawvel hnamah chuan hnam chapo, huaisen, tumruh leh ngaihsanawm ber pawl an ni awm e, Queen Victoria hunlai kha an par vul lai hun ber a ni bawk. Titanic lawng a pil dawna Captain Smith-a’n mipate zam lo tura a fuihna “Be British” tih tawngkam tawite hian an attitude chu a hrilhfiah chiang hle awm e.
Politics leh Economics lama an hlawhtlinna chu thuhran ni sela literature-a an sanna mawlh hi a ni ropui chu. Shakespearean Era atanga tun thlenga khawvel an thu leh hla hmanga an dap hneh zia hi a mak ngawt mai. Tunah chuan American English hi a larin miin an uar tawh zawka, British English ngaihsanna pawh a tlahniam ta deuh niin a lang.
Closing ceremony ah chuan Adele te, Leona te zai tir sela mawle, an awm hliah hliah alawm, Pu Pka sawi ang khian an zaithiam chhuak tharte hi an nep hlawm tlata, American Singers/Band ho an tluk lo lutuk X- Factor leh Britain’s Got Talent en thin chuan in hria ang. Mahse an chuai chu ka la ti phal chuang lo…huiz
Report this comment
August 12th, 2012 at 7:00 pm
‘Time’ te hi ka bengah chuan an la chuai lo khawp mai, ka tar ve ta a niang e.
Ngaihnawm khawp mai
Report this comment
August 12th, 2012 at 7:42 pm
A ngaihnawm e, mahse “USA meuh pawh hian,a midum kawl ho, ‘Thluak aia tihrawl ngah’ hmel zawk tak takte zarah, mualpho lutuk lovin a la el phak hram hram chu a ni e,” tih a “el phak hram hram” lai tak khi ka lo helh deuh reuh pek a
https://i45.tinypic.com/iz3twm.png
Tun ka ṭawng lo haw lo sela, hmanlai gladiator ang khan ‘anni ho’ hi chu infiam sela, midang (!) hian hmuhnawm a tan lo thlir mai mai ila a tawk viauin ka hria. An taksa hi infiam na’n a chak ṭha a, an hleitling deuh bawk a, ennawm a tan hian…
Report this comment
August 12th, 2012 at 8:20 pm
Pu Hv, Olympic hnuhnung berah khan China khan Gold an la tam ber a, tuntumah pawh hian an lead rei khawp mai. Britain pawh a thlengtu na na na chu Home advantage an nei a, an la ve nual mai. Basketball final ka en mek a, NBA player ho chu Spain hovin an chhaìh thei viau mai a.
Report this comment
August 12th, 2012 at 8:45 pm
Charice, English-ho chu an huaisen teh na a, 11 world war ah kha chuan, an tang zo lo tep a sin. An P.M. Churchil-a huaisen-luhlul vang leh an diplomacy thiamna khan hnehna a chantir ta anih kha (USA leh USSR te kha indonaah a hnuk lut thei tlat a).
Report this comment
August 12th, 2012 at 8:56 pm
Ni e Pu Churchill-a a pawimawh khawp mai, tin USA indonaa an tel ve chhan pakhat kha chu England chhan turin a ni ber mai, ancestry thuhmun nei na na na chu American ho khan English ho kha an khawngaih tlata, tanpui an duh vang a ni. Britain in indona ralthuam US hnen atanga a leina man tam tak pawh US in a ngaidam a ni lawm ni khah? Pearl Harbour bombing kha chu immediate factor mai chauh ania.
Report this comment
August 12th, 2012 at 9:06 pm
Nia, i sawi dik chiah mai. Fapa na na na chuan, Pa te a kaw tawpa an tan tawh kha chuan, an uipui tuilian thlir mai mai thei ta lo a ni ber mai. Tin, an media te an chak bawk a, Diplomacy lamah hìan an sang hrim hrim.
Report this comment
August 12th, 2012 at 10:37 pm
Second world war-ah khan USA kha tel ve duh lo a ni a, A hnu a a tel ve na chhan pakhat chu; Hitler-a leh a pawl te khan Juda(Isrealite) pawisawi lo an that nasa lutuk kha USA ngeng a chhun na hle a. Tichuan Hitler-a leh a sangawi zawpuite bei turin 11 wolrd war ah a tel ve ta a ni kha.
Report this comment
August 13th, 2012 at 12:37 am
British chungchang sawi apiangin an thatna chauh ni loin an duhamna te, an fin phakarzia te hi ka hmu ker zel!
Sap_mizo te ang hi chuan ngaisangin an thatna lai chiah hmu thin mah se PKfanai sawi ang hian Putar, a vanglai hun khaw lo taka hmang thin a ni e 
Report this comment
August 13th, 2012 at 12:38 am
British chungchang sawi apiangin an thatna chauh ni loin an duhamna te, an fin phakarzia te hi ka hmu ker zel!
Sap_mizo te ang hi chuan ngaisangin an thatna lai chiah hmu thin mah se PKfanai sawi ang hian Putar, a vanglai hun khaw lo taka hmang thin mai a ni e 
Report this comment
August 13th, 2012 at 1:01 am
haha kawhtereng leh, an thatlohna lai hi chu sawi ngai loha lumah zawk ka daha, sawi dawn chuan History bu engemawzat a daih ang chu mawle. Mahse a Mizo ( A Indian ang phei chuan sawilo mai ang) anga kan Christian culture, lifestyle leh literature a kan hmasawnna tam tak hi British legacy a ni tih chu phatrual a ni lo, chanchintha min hrilh tute hi midum an ni emaw sap an ni emaw mi eng an ni emaw, ka ngaihsan dan a ngai reng. Ka lawm e.
Report this comment
August 13th, 2012 at 3:12 am
Closing ceremony chu concert ani ber e. George michael, Annie Lennox te bakah John Lennon imagine video pawh an play hram. Wish you are here pawh ka rin ai mahin Pink floyd chuan an rawn thlawh fuh tlat mai.
Report this comment
August 13th, 2012 at 4:53 am
Tndopui lai khan, America kha sumdawnna lamah ala buai hle. Churchilla’n a zu pun khan America President Roosevelt khan,”I thenawm in kang ta se, i thelhpui thuai loh chuan, i in a la rawn kankai hun a la thleng thei” tiin, parliament a hmin a nih kha maw…..Atom bomb pawh a lo nei diam tawh a nih kha le. America a han inrawlh ve meuh chuan….
Report this comment
August 13th, 2012 at 7:12 am
17
Report this comment
August 13th, 2012 at 8:32 am
Rock leh punk music innovators dik tak an niin ka hria. Tin,tunlai ah pawh hian ngaithla ila,musically a belhchian an la dawl hlawm hle. Mahse ka ngaihthlak duh ho hi chu US midum sal ho rimawi vek an niin ka hria.
Tin, US a celeb tam tak kan hriat te hi British origin an lo ni leh zel bawk a. Piers Morgan khan a show ah a chhuiin a kawm vak tawh kha mawle.
A neitu mah nise British English leh Australian English hi an accent hi ka ten tlat mawle,a gay ka ti…hlei hlawi a.
Report this comment
August 13th, 2012 at 1:09 pm
Report this comment
August 13th, 2012 at 5:08 pm
Nizan khan ka enchhuak ta lo va, vawiinah highlight ka en leh a(a tawp lam), The Who hovin a tawp an khar vel maw le. See me, feel me. leh My generation in an khar ngei kha. 1980 hnulama piang tan chuan a ho awm? Keini ho tan erawh, kan tleirawllai min hriatchhuah tir tu an chang si. Kan lo putar ta a nia nge?
Report this comment
August 13th, 2012 at 6:39 pm
Tun tum PU Pka semon chu a va dangai ve hehe!! Team USA chu an lawmpui awm e.
#7 a Pu HV comment khi!! Black ho hian Music ah leh Sports ah hi chuan US hi an ti hausa ka ti ve tlat.
Report this comment
August 13th, 2012 at 7:12 pm
mamboiihi,
Report this comment