Kum 1990 chho bawr velah khan Vai nena buaina neuh neuh kan tawk zing hle a, kan buai apiang mai khan kawng a ping a, thil man a to a ei tur kan tlachham nghal zel kha a ni mai a. Kum 20 bawr vel a liam ta, kan la ngai reng a, buaina awm se kan nghei nghal dawn tih a la lang reng. Dem tur an awm a nih chuan a kara sawrkar-na chelhtu zawng kha an ni mai ang chu.
Tuirial Hydel Project zo thei chuang lovin Serlui Hydel Project nen hma an la dun a, a pakhat mah chhawr tur la awm chuang si lo; Serluite hi khuap li pung lo hian Mizoram chawbel-ah hman tum zawk se kan hlawk zawk ang. Mizoram lui zawng zawng deuh thaw hi a kam tuak thlai chin nana tha tak a awm meuh lo, tiau vut leh lungin a bawh khat deuh vek a ni mai a. Serlui/Builum erawh chu Buh leh thlai chin nana tha fahran mai, leilet zau tak siam theihna a ni a, a luikam tuak hi leilet atan chei ila mizoram chawm thei hial tur a ni.
Hautak em emin Builum khua an sawnsak a, Compensate atan nuaih tam a luangral a, chhawr tur ber kawlphetha lah Bulb pakhat eng pawh kan la hmu si lo, lo hmu teh reng pawh ni ila vai ram kawng a pin tikah eng utin ei tur kan nei lo leh emaw a ni ang a. Tih tak takna kan tlachham ber mai hi a pawi vawng vawng. Lal taka awm a, Motor-a Guard-ho nena Traffic chep em em kara chak deuha tlan tum hi Minister hna ber emaw kan ti tawh mai ang tih a hlauhawm e.
NLUP hi a tha, eizawnna ngelnghet siam nana tha tak a ni. Vawk, Ar, Bawng, leh Ran dang dang vulh hi a tha, mahse a chaw lai ber kha a awm loh chuan vai ram kawng pin leh hunah sa kha chawah kan ring dawn si lo. Dawr te, Small industry leh huan thlaite hi ngah ul mah ila, chaw-ah kan him si loh chuan a fel lo a ni Buh lah hi kan kalsan mai mai dawn si lo, kan ram enin tuna Lo kan neih dan phungah chuan ram pum ei khawp thar chu vana rah ang a ni la ni si, thingtlang Lo nei pawhin an ti peih tak tak tawh lo, tin 2 hmun an neih chuan zau viauah an ngai tawh a..ni NREGS inhlawhna a awm chinah phei chuan thlawhhma hi a sawng te tial tial a ni ringawt.
Sawrkar hian Buh leh balah hian kan intodelh tak tak thei dawn lo tih a hre ngei ang a, engah nge chuti chunga a invenna dang an ngaihtuah sawk sawk loh tih hi ngaihtuah tham tak a ni. India ram ang, buaina hrang hrang chhuah rup theihna hmunah hian a him lo ber mai nih reng hi kham a hun tawh. Kan unaute awmna Burma ramte khi chaw lakluhna atan chuan an tha khawp ang, Silcharah pawh kan lalut ang a, Burma atang pawhin la lut deuh deuh ila…State khat CM hian a tum chuan ram dang nena indawrtawn hi a ti thei khawp mai, CM dangte pawh hian an chipuite awmna ram hi an ngaihven em em a ni, Kawl phai buh ei tur zawnga tan kan lak chuan thang pahnih kan kam dawn tihna a ni ang a, kan phang lo vang.
Mizo Lo neih dan phung hi kan helh tial tial a, a tha e..mahse Lo neitute hian zirtirna an mamawh takzet a ni. Agriculture lama kan mithiamte lah Fan hnuaia eizawn tum an tam lutuk a, tlangram lo neih dan tur tha zawk model-te hi an siam em? Mipuiin kum za chuang an lo zawh tawh kawng thlaksak hi thil namai a ni lo, a thlakna turah an chian a ngai..Shifting cultivation that loh zia ringawt hi an ngaithla tam tawh lutuk a, a thlak dan hrilh keuh keuh lamah kan ramtang lo deuh bawk a ni.
Hmanah Agriculture Office pakhatah chuan, “I lo vah kha hal lovin dah tawih la, hal aiin a tha zawk” tih a intar a, pa pakhat chuan a en vang vang a, “hemi chhung hian enge kan ei ang” a ti a, a dik fu mai. NLUP hian chu chu rawn phuhru se, lo neih dan phung tha zawk a thu maia inzirtir lovin kan mithiam office hnuaia thu thup mai ho hi Field-ah a tak taka zirtir turin tihluihnain feh chhuahtir se a thain a rinawm.
Tunah hian Mizoram chu Gateway to South East Asia ni tura buatsaih chhoh mek niin chanchinthar lamah kan hmu a, a tha em em a, chutih rual chuan kan inring ngam tak tak tawh lo lai hi a pawi ber mai chu a ni. Kan Politician-te hi an sual han tih bawng bawng tur an awm miah lo va, hmasawnna tak tak an thawk chhuak tlem thin lutuk hi an fel tia kan sawi theih lohna pawh a ni. Thil te tham lutukah hian an lawr zing lutuk a, ram hnuk khawih thilah an vir vel lo bawk atin ni.
Similar Posts:
- Khawvela President hausa ber
- MNF Sorkar leh dawn!!
- Tial Tial
- Pawisa chhia thleng duh tan!
- Traffic jam hi!
a tha khawp mai
August 20th, 2012 at 9:37 pm
Ṭha turah ngaiin chhiar dawn i1a…
Report this comment
August 20th, 2012 at 9:38 pm
Hmanah Agriculture Office pakhatah chuan, “I lo vah kha hal lovin dah tawih la, hal aiin a tha zawk” tih a intar a,
ha ha ha, office chhunga tar hrim hrim khi; a thawk nep awm.
Report this comment
August 20th, 2012 at 9:43 pm
A dik khawp mai; kan chaw ber buh kham khawp kan la thar lo tlat; thar tumna hmalâkna a la awm miah lo zui a…
Mahsé kawlphetha an buaipui hi chu ṭha ka ti ve êm êm thung… hei vànga buh ngaihtuah nachang an hre lo ni-a a lang ta mai erawh hi chu pawi tak a ni. Ngaihtuah kim deuh hlek sé a ṭha khawp mai.
Helam hi ziak ut ut teh u, a theiho khân… Mahsé helama hma la theitu tùr kan hotute lah chuan an chhiar vè ngai mang (àwm) si lo va…! Mahsé mipuite ṭhangharh nan a ṭha ve hrim hrim…
College kal chin zawng tal hi ṭhangharh sé Mizoramah hian, zia tak a awm deuhvin ka ring. College kalho hlei hlei hi inthlan dawn ruaiṭheh buai nuam ti-ah an ṭang lehnghâl em maw ni?
Report this comment
August 20th, 2012 at 9:53 pm
Report this comment
August 20th, 2012 at 9:53 pm
Post thahnemngai tak ani e!! I thuziak khi a dik vek mai. Kan ramah hian engtikah tak khua var ang maw?? Thenkhatin hman sen loh pawisa an neih laiin keini’n kan nghei lo chauh a.. Han sawi han sawi ila, a tawpna chu Corruption ani mai. Heihi kan tibo theilo anih chuan kan hma lam hun a thim mup.
Report this comment
August 20th, 2012 at 10:06 pm
hman deuh khan eng sorkar-ah emaw ni, kan laina hnai tak hi a minister ve luah mai a, Fiamthu deuh a a sawi hi ka hrereng thin..”saint sammoo, nangni kan laichin te ai hi chuan khaw te takte unit president pawh kan ngaipawimawh zawk… nang chuan vote khat chauh i nei a.. unit president chuan a thlek pui dual thei tlat….”
kan ram hruaitu te hi hetiang rilru pu vek hi an ni tlats… ngaihna awm lo..
Report this comment
August 20th, 2012 at 10:11 pm
A tha khawp mai. Engtikah nge hruaitu tha kan neih ve ang aw!!
Report this comment
August 20th, 2012 at 10:33 pm
Kan politician-te hian vision chu an nei, mahse a tha tawk thin lo a ni. Mizopa tan chuan buh hi buh a ni reng dawn. Atta, maida kan rin san thut dawn lo. Buh neih a ngai, neih loh chu chhuanchham nihna a ni. ‘vai ram kawng a pin tikah eng utin ei tur kan nei lo leh emaw a ni ang’, tih khi thudik a ni.
Ei leh bara kan intodelh theihna tur nia an hriat hi kan tangkaipui lo tam tawh hle mai. Garden colony, Jhum control, MIP, NLUP, adang pawh ala awm ta ve ang.
Rawtna fumfe ka’n siam ang e: Kan intodelh theihna tura a ngaihna hria chuan, party office tinah ziakin sem se, tuna an vision tawngchham tak tak avangin lo zak ve det teh se.
Report this comment
August 20th, 2012 at 10:34 pm
Report this comment
August 20th, 2012 at 10:46 pm
Report this comment
August 20th, 2012 at 10:51 pm
Kan pute ho in politics a an entawn ber lah hi vaiho an nia, a buaithlak a nih hi. Mizoram hi chu siamṭhat theih tawh loh deuhthaw a ni.
Report this comment
August 20th, 2012 at 10:52 pm
Mizoram leilung ka ngaihtuah hian leh kan rama kan hnalak dan en hian Buh leh balah kan intodelh ngai dawn lo..Thudik a nih ka ring hmiah. Chuvang chuan eizawnna hrang hrang kan dap kual a, a tha e. Mahse buh kan ei reng dawn avangin buh kan neih a tul a, vairam kawng a pin veleha buai khuk chiam kan tawh tawh loh nan, Burma kawlphai buh i chawlut ang u.
Bangladesh buh pawh a pawi chuang hlei nem, ramri depah Kudam lian deuh siam ila, vai buai hlau reng renga awm ai chuan kan hmalakna turah sawrkar chu a huaisen ve mai tur a lawm. Tum loh a nih avanga theih loh a ni mai.
A ram mi hi chuan buh kher thar tum lo ila, kum khata tum hnih thar theite thar lei thei tura sum pei dan kan hriat phawt chuan…ka ti a ni.
Report this comment
August 20th, 2012 at 10:54 pm
Ram vei tak tak hi chu in lo tam e
Report this comment
August 20th, 2012 at 11:00 pm
upno…kawlphetha ka sawi dan khi hriat sual palh a awl dawn tlat.
Selui power tlemte pe chhuak tur, compensation tam tak nena khuah a, hman mai theih lohva a awm ai hi chuan caltivate ila a tha zawk ang. Tin, Hydel project hi kan sawi chamchi a, a pamtul ngei zel bawk a. Hmun dangah hlawhtling taka khuahna tur kan nei lo a ni lo..chhengchhe zawk leh thlai chinna atana tlak loh zawk…Tuirial-te khi ti hlawhtling phawt se..”Jack of all trade but master of none”(kerkawdema) kan ni hawt e.
Report this comment
August 20th, 2012 at 11:40 pm
Post bengvar thlak leh puitling tha tak a ni e. Burma lam atanga buhfai leh gas chawk luh ka support khawp mai.
Report this comment
August 21st, 2012 at 12:08 am
Good post.
Report this comment
August 21st, 2012 at 1:25 am
dik khawp mai..
Forest lam te pawh hian ram rem ţha lai hi chu nei lo se, ram ri hrulah te leh ram rem vak lo ah deuh chauh ram nei ve tawh se
sawhthing rate thrat kum ah control lo in a rate chhiat kum ah control zawk ta se
agriculture a subsidy a te hi hei ai hian tlawm leh deuh thei se..(brush cutter singkhat leh sang thum vel a subsidy a an pek ang hi- khawchhakmi sumdawng te’n chutiang zat chuan an pe thei a ni awm e) supplier in a lakna hmun hriat ni hek lo le
Report this comment
August 21st, 2012 at 3:27 am
Mizo lo neih dan hi kei pawh hian ka helh tak zet. Arunachal tribal ho takngial pawhin kum 100 chuang an thlah zelte terrace an inchhawm tir thei a nia. Hmun sawn ngai tawh lo, tlang pang a leilet ṭha tak nei kumtin an ni mai asin.
Hnam thatchhia kan ni chu ka ti ngam chiah lo nangin, kan taimakna hian a tlin ṭhin lo niin ka hria. Sawrkar tanpuina a kan innghat ta lutuk pawh hi a ni awm e. Ba ṭen ṭun sawrkar ṭanpuina lo dil hi zahthlak a lak tumna neih a hun viau a ni. Kan politics khelh dan pawh hi tih danglam a ngai ani maithei.
Report this comment
August 21st, 2012 at 3:50 am
Hnam Sakhua lam hawi a ni em aw..kan bih dek dek chhin..
I thlirna a dik ka ti, kan Ram hi chu kan intodelh lo ve eee lawm..
i post tha em mai, hei lo in rawh
lo
Report this comment
August 21st, 2012 at 3:58 am
#19 hei pawh
kerh kerh 
Report this comment
August 21st, 2012 at 8:56 am
Ka post duhzawng tak a ni e.
Report this comment
August 21st, 2012 at 9:19 am
pawngvin…ni ngawt mai forest reserved area zau lutuk hi a pawi.
land reform kan mamawh tih hi ka sawi zing tawh hle…anniho vangin Teak an ching sup sup a…a lo va tha lo em…hralh dawna permit lak ngai…thawnchhuah theih loh tluk ni bawk si. truck-a thawn chhuah hlawk map lo…eastern railway kan chang ve thei si lo. meghalaya coal khuan an hauh vek a…quarter khatah pawh tum khat lo chang ve mahila centrala phurhna tur permit awm thei si lo…feet hnih vela tan vek a ngai dawn lehnghal.
ram chhubgah ram tibua bawk si..boruak tha pe mang si lo…tuah atana tlak mang si lo khaw lum siamtu a ni pakhat.
sawhthing hiiiii…a to tuma contractor daha tlawma lei luih tira a tlawm tuma hmalak tum lo …mnf khan an uar zual. hnam dang gorkhali in hmun lsc thei tura hmalaksaktute kha an ni.
kan politician ho chu aizawl tlanga inpuhtawn leih leih hi nuam an ti ber mai.
Report this comment
August 21st, 2012 at 9:26 am
Ava tha chiang em! kan vei a inang hle mai
Report this comment
August 21st, 2012 at 9:54 am
A vei thuah chuan kan politiciante tluka vei leh a ngaihna hria an awm dawn em ni… Han sawi dek dek ila keini ai aiin an lo tui a, CM pakhat an sawi ang deuhin eng pawl pawh hian hmuin bia sela anmahni aiin a tui zawk zel an tih kha. A buaithlak ta chu tu sorkar pawh hian ram aia party an hmangaih zawk zel vang hi a ni deuh ber mai e.
Post tha tak chu a ni ngei e.
Report this comment
August 21st, 2012 at 11:40 am
Report this comment
August 21st, 2012 at 2:26 pm
Han ti ve ila.. pu Vakul hi kan sorkar hunah Agriculture Ministerah kan la dah ang chu….
hetiang a ram tana thahnem ngai hi kan nei nual zel.. thlaphan awm loh ve,tun generation hi a ral hunah ..
Han ngaihtuah chian chuan hma chu kan sawn ve zel chu anih hi.. Hmana Silchar lam thlai thar chauh ring thin khan Mizoram thlai thar kan ei tam ve ta em mai….
Kuthnathawktu tam tak hian lei rem an rap tan tawh a, a nuai tel la lut an awm ve nual tawh ania….
Aizawl khawpui ber chauh kan ngaihtuah zel a, thingtlang lama kan mite hi an thawkrim thin teh asin… mahse kawngpui tha hi kan la nei tam lova, thlai thar hralh an harsat rih deuhin ka hria.
Hma chu kan sawn ve zel chu anih hi…Tun hmaa mahni ina internet nei ngai lo pawhin kan kutah kan lek larh larh thei ta mai…
Pu vakul,beidawng lutuk suh aw…
Report this comment
August 21st, 2012 at 3:08 pm
Post tha e
Khawvel hi a kal zel dan en hian a tawp ah chuan ´food´ah hian kan buai dawn a. Tunah pawh kan buai tawh a. Develop countries hoin food production lam an ngaihthah a, a chhan chu tlawmte a an import theih vang ani. Tichuan third world ho chu khawvel chawmtu kan la ni thuai mai dawn ani.
Mahse Industrial estate leh a kaaihhnawih tam tak hian agricultural land a luahlan zel chuan…engtinnge ni ta ang?
A scientifically a kan ram ei leh bar a intodelh dan tur hi ngaihtuah tak tak a hun tawh a. Hei hi anih loh chuan mahni state thawh chhuah, Industry emaw kan export atanga a kan eitur leina tur kan neih hi angai! Intodelh hi kan tum em em tur ani ziri thrawh mai ani! Anih loh chuan kan la nuamsa lo ngawt ang!
Report this comment
August 21st, 2012 at 3:30 pm
Puii, beidawng lah lo ve, amaherawhchu thingtlang an thawkrim tih erawh khi chu a dik mang tawh lo; zepnak emaw, sakawrhmuituai thlang lam khuah hian han thawk bawrh bawrh khua ka hre tawh lo va, khawchhak lam khi an thawkrim thin a, mahse a hma an ang tawh bik lo. chhim lam pawh an ni tho. sum leng vak awm ve nual si, chung hmanga chhungkaw khamkhawp han neih ve mai “nei hlei lo, nghei hlei lo” hian kan kal tan a ni ber.
lrpa, sawi khi a dik lutuk…agricultural stage > industrial stage. agri. hmun kha industry-ah a chang mek zel a; ka vision hi thil pahnih a ni a.
1) shifting cultivation paiha terrace/ any better means hman. chutiang tura field-a kut hnathawktute zirtir.
2) kan puitlin nghal dawn lo reng reng, chumi chhung chuan state dang atang Buhfai/chaw kan import a la tul reng. Assam atang chauhva lakluh hi a secure tawh lo va, Burma lam atanga chawk luh bawk hian kan huai deuh ang.
3) shifting cultivation thlaka hma thar la tur chuan sawrkar hian khaw pahnih thum model ni turin buatsaih hmasa rawh se. A hlawk zawk tih hriatnaah hian mipui chu an thle buk mai dawn. A that zawkna hmuh tur an la nei lo hi an rilru a la buai ve a ni. Kharif(monsoon) leh rabi(winter) crop kalphung hi Mizoramah a theih tih a chiang bang a, hengte hi zirtir an tul a nia aw……………..
4) kan ei tur na na na chu kan ram khian min zo khawp mai a, dik tak chuan leilet nei khi an tam a lawm, mahse leilet nei zingah khian mahnia thawk chu tlem te an ni..vai ramah pawh a ni tho va.Mahse vai ramah chuan a thawktute kha anmahni hnam an la ni tal a;
Report this comment