Paws 300 tal vawm luh ngei ka tum ve si a, thutak/ hlatak pai lo mah se, thu leh hla erawh a awm ve e.
Hmanni chu khawchhe hnuaiah, Bawngsa dawrah ka tlan lut e ka tia — Satel kawih thal ang zeta chiangin mi zingah ka thal vah mai a nih kha. Rang taka thawh leh nghal mai tuma ka inhai fat fat hnuah, (hnung lamah min uaitu ka lo paipawn rit bawk si nen… 
) ka zak hman teh asin aw…! Tichuan, himpialin in chu ka thleng ta a. Mi dum kawng lai hotupa ang maiin thuthlengah thluang zuarin ka thu(awn) hnawk a, ke phut hlerh hlerh phahin kuhva ka thial sawk sawk a, thenawmte ngaihthat loh tham khawpin zial ka pak khu luih luih bawk a.
Tawkfangah, pindan atanga nu ber lo chhuak chu — “ka pheikhawk hi phelh la, kawmthlang kawrah thlawh thla nghal rawh!” tiin thu ka’n pe hmiah a. Kar khat pawh ka la bun loh, man to taka ka lei chutia ka ti ta mai chu mak ti taka min en chung chuan a phelh sawk sawk a, va te thla na an sawi ang maia zawi hian zak kau che chein a zuk thlawh thla ta a. (ka thupek ni miau hek!) “hmanni lawkah showroom zawng zawng en chhuak veka duh taka i lei, man to bawk si…” a rawn ti lut bui bui a.
“Hman leh tun a inang lo —
Hmanah chuan khawnglung an run a, tunah chuan khawnglungin min run tawh!
Hmanah chuan palian zaidam min ti thin a, tunah chuan (keini ang)palian hang/dum deuh phei chu hlauhawm enin min en a, min trih tawh.
Hmanah chuan mumang nei lo khawpin kan mutui thin a, tunah chuan mang mak tak tak kan nei thin.
Hmanah chuan kawr te tui lian/ sabereka khuangkaih tih velin mi a lak te kha kan zawng hmu mai thin a, tunah chuan rampumin ni eng emaw zat kan zawn pawhin hmuh tur an awm tawh lo.”
tiin ka chhang nek a, palian hang/dum deuh ka lo ni kher bawk nen ka meng sen rum bawk a, min hlau teh asin aw…!
Thiani,
Ka thiantha ber te zinga mi i ni.
I hming pawha ko phal lo chein,
A mi nazawngin “thianpa/thiannu” tia an inkoh ang mai mai pawha ko phal lo chein —
Ka thinlung chhungril ber atangin “thiani” ka ti thin che a nih kha.
Chuan e…
Thu zep leh sawi hreh nei miah lova nui dun bawk bawwwk thin kha —
Kum kalta atang khan ka lairilah hian “thil eng emaw” inmun a awm thin a,
Zepnak emaw, ka ngai veng veng thin che!
A mak lutuk! Ka hmuh che hian ka lai ta tlat nia…
I hmaah chuan nih ang anga lang mai thin kha —
Lan nalh loh ka hlau ta riau nia…
Ka hmangaih che em ni le?
Mahse, kan inthianthatna a chah dawn ai chuan e,
Damchhungin ka “thiani” zel mai nang che.
Chu chu ka tan a hlu zawk si a!
tiin HLA ka phuah chho ta a. Mi(sual)ho, thla thar chibai ka hlan a che u! Masi a hnai tual tual, rilruin Mi(sual) Charity lam a hawi leh tan ta! Damna chu chunglam thu mah nise, han hauh phawt ila, kan ti-ho leh dial dial ang chu… In kawmen-te avangin ka ka lawm e. 
((ka edit dawn lo — zaninah lo chhuah r’u…) 
August 31st, 2012 at 7:10 pm
I edit hma chu kan chhuah dawn lo
August 31st, 2012 at 7:22 pm
han phuh chhuah mai tur hi in va han hre bik tak e aw….
thuziak zangkhai tak a ni e..
August 31st, 2012 at 7:23 pm
ka chhiar dawn…
August 31st, 2012 at 7:31 pm
Va ngaihnawm ve! Nia, charity ka rilru ah a rawn lang ve fo mai tunlai chu.. Masi dawn chauha ti chung lo hian, September atang hian bawm hung nghal ila, Masi dawn chuan pawisa in daih loh a na duh si te ka lo ti ve nuah nuah e.
August 31st, 2012 at 7:46 pm
Post khat in ka la khum hram hram che a nih hi….i post te hian thutak/ hlatak a pai tam ber zawk e…
August 31st, 2012 at 7:48 pm
i pheikhawk chu kan awmna lamah a nal dawn loh tehreng nen min rawn thawn ta che.
kan awmna lamah palian hang an tammmmm mai.
August 31st, 2012 at 7:52 pm
Nia, kawlhawk hi tluk loh rim a nam veng veng. Thu leh hla ruah thamloh, zangkhai tak si hi a phuhchhuak zung zung mai. Post chhiar nuam tak ani, a dik ru riau bawk.
August 31st, 2012 at 7:56 pm
ninja leh muantea nen kan MI mek. Paws pawh ka la chhiar hman lau
August 31st, 2012 at 7:57 pm
i hlaphuah chu i nupui tan a ni dawn emaw ka tia, hehe hman leh tun a inanglo tih khi i thlawh fuh tawp, post pawh chu i van siam hnem tawh ve le! post siam lamah chuan ka pu i ni, here’s a toast to you..
August 31st, 2012 at 8:30 pm
paws palian tak a nih hi
August 31st, 2012 at 8:31 pm
Hnung lamah ‘rawksai’ I ak lian awm sia, I’n thal thawh leh tum vel chu Ninja Turtle I ang fu lo’ng maw?
Chhiar a hahdam, I pheikhawk chu ka’n zawng teh ang. 
August 31st, 2012 at 8:51 pm
Thenkhat chu an tawlhthlu mai mai te hi thu thar chhar chhuah nan an hmang a, keini ve zawng ke van vawr tukhum hmai lei si chawrh mawngkaw hmar arsi kawk vawh paw’n tlu ila, “aw ah siiii!” tih bak phuhchhuah tur kan hre thei chuang si lo.
Kawlhawk lah hi a thawka phitah charity ti reng mai! midang tanpui duhna rilru a put lah hi a sim duh der lo mai a, kan ti leh poh a ni ang chu. Hman aia hlawkin aw niang!
Zanin Ku shaia qtr-a kan MI zet chu khuai baby nen kan va puar tak em!
August 31st, 2012 at 8:52 pm
Tlak ṭha thei phian zel a ni, hairehai
August 31st, 2012 at 8:53 pm
A title khi “paws 126” tiin ka lo submit pek a, tlai khawhnuah ka harh, thianpa sandman ka au chul a, ani’n “paws 226” tiin min lo thlak sak nghal a, ka lawm takzet a ni. KA LAWM E, SANDMAN!!!
August 31st, 2012 at 8:53 pm
ka hul
August 31st, 2012 at 9:02 pm
U Kawl, Fb in a ei zo ta che maw kan tia, mahse hei nangmah tak tak kha zuk ni che a!
August 31st, 2012 at 9:20 pm
FB lam ah pawh mahni ze ngai te te..
post tupa pawh a che na thei khups mai..
August 31st, 2012 at 9:27 pm
Dawt pawh i sawi thiam ngawt ang :-). Chhiar a nuam khawp mai.
August 31st, 2012 at 9:29 pm
..⇧.. & ..⇧⇧.. hahaaa
August 31st, 2012 at 9:43 pm
a tu’n min sel lo se… ehhhh
August 31st, 2012 at 9:44 pm
i lung Satel, lunghlu e chhuak tur i vil reng mi, reh ve.. @chhana lah chang bo hmak bawk
August 31st, 2012 at 9:44 pm
misual dawt kawm hi a va’n tha tawh — kawmen kilik nawn a ngai tawh lauuu… yayyyyy
August 31st, 2012 at 9:56 pm
Thu hi chu i van thiam tak em aw….!
August 31st, 2012 at 10:02 pm
August 31st, 2012 at 10:09 pm
Tuaite, i zarah thu ka thiam chho ve dawn a ni mahna…
darhken, opps…! drake, ka han lei daoh tawh — nuaih za 2-in… lolz
August 31st, 2012 at 10:10 pm
Post i va’n lo ngah tawh em em ve le. Han ziak belh zel teh.
August 31st, 2012 at 10:21 pm
cari, 300 tal chu thu-sepsel te² hmangin kan tum ve ang chu!…?
August 31st, 2012 at 10:33 pm
Ti zel rawh, i thuziak tha tak tak, i rawn post thin te kha, ka lo tuipui ve em em thin a, khang te kha misual.com hlutna tizualtu an ni fo thin. Thu tha tak tak i rawn ziak belh zel ka beisei tlat a nia aw.
August 31st, 2012 at 10:34 pm
Awke
August 31st, 2012 at 10:38 pm
ninja nen tang kawpin kan tum a niang chu lolz
August 31st, 2012 at 11:01 pm
tang fan fan
August 31st, 2012 at 11:04 pm
Nia, i paws hi chu a AWKE ruih tawh zel mai a! a nuai tel hi a lang nghal uai zel!
September 1st, 2012 at 12:47 am
kawmen nambar 33
September 1st, 2012 at 1:07 am
Pu kawlhawk nge nge, bei tha thei khawp mai. Tluk loh rim i la nam tluang zel e.
September 1st, 2012 at 7:31 am
14
kawlhawk # Post 99 in ka lo pha lo zawk che a nih zawk khi…
Tluk loh rim i nam e…
I post hian min ti hlim in chhiar a nawm bakah, ngaihtuah zui tur a chhawp tel ziah bawk…
Post 500 tal tlin tum teh 
September 1st, 2012 at 7:52 am
Hawk,post i lo va ngah tawh ve, han ti zel rawh. I target te pawh khi san la, 500 tal han ti la! I thu leh hla hi chuan ngaihtuahna ril tak a pai a, a chhiartute a ti hlim bawk a, han tang fan fan teh
September 1st, 2012 at 10:08 am
Paws 126 na tia ka han chhìar khan, a mak ka ti deuh reng maiah. (Kan paws neih a in zat reng dawn si a). Tin, 226 tih alo nih leh tak hnu khan, Pu duhlova kha ka rin aiin a lo paws tam leh a. Mahse…a lo ni zawk si a. Ngaihnawm e.
September 1st, 2012 at 10:45 am
Chhiar a nuam
Kan misual siniar-te’n TR(ṭ) in han hmang hi chu sawisel ngam si lo hian ka ip deuh
, (min trih tawh).
September 1st, 2012 at 11:06 am
Van tha reuh em!
I hnung hla takah kan rawn zui ve det det che a nih hi a
September 1st, 2012 at 11:42 am
Thianpa Kawlhawka hi zawng pheikhawk bun thiam loh zawk bun chung pawhin a thu leh hla hi a ril pha hrim hrim tho. Misual-dawt-kawm hi chi i tihausa ve chiang khawp mai! Dam reng rawh!
September 2nd, 2012 at 10:20 am
Sande sikul thulh meuhin ka’n chhiar chu le, a ngaihnawmin chhiar a nuam hle mai.
tren tren
September 2nd, 2012 at 12:30 pm
Thiam thin e…kei pawh a heading ang deuh khian post ka lo tum deuh mek a
September 3rd, 2012 at 7:52 pm
Chhiar a nuam phian zel mai…Thangzuala Sailung hla min ti hre chhuak…’ hmana mi ten tunah min sel…tuna mite hman mite’n kan sel…thangthar kanla sel ve dawn nia..’ tih ni ta in ka hria…
