By K.C.Thanga, Vaivakawn.
Mi tam takin Ngawi an hrethiam lo mai thei. Luipui dunga fura sangha lo lut, lui mawng lama haw thla leh tur lo man nan fur lai hian ramhnuaiah buk sa chawpin a duh a piangin hnang (hruihnang) an neih zat tur Ngawi-Pu in a ruat a. Kar khat tla buhfai te, mahni neih neih keng a, ramhnuai hnawng zet maiah changel hnah bukah riakin Ngawi dawh a ni a.
[N.B : Ngawidawh pic hi kan sawi nena in ang chiah lo chu Lachu-a post-ah hian en theih chuan a awm a.]
Ngawi chu : Lui dung remchang laiah, thing an kheng a (Ngar hem), mau tam tak leh dapin thing tan chhan chuan tui an khuap a, tui chu a tling mar put mai a. Lui kam lam hnaihah, tui luan luhna tur bik an hawng a, chu chu AVARPUI an ti. Ft 4 vel a zau, a bang ft. 5 emaw a sang an siam a, avarpui chu a mawng lam an ti er sang a a mawng an ping leh a.
Avarpui chu sei tak mai, ft. 100 dawn lai a sei (N.B:Hmun hrang hrangah a in ang kher lovang, lui dung a zir te pawh a ni ve bawk a) a ni. Chutah chuan tuikhuah tui chu a lut huau huau mai a, chuta sangha lut chu avarpui mawng lam er sangah chuan a tang a, an lo man ta thin a ni. Sangha lipui lama a kir leh loh nan adang an siam a.
Tlak dal : Avarpui sir lipui khuahna pal a sangha perh chhuak tur ven nan mau an rem thup mai a, chutah pawh chuan sangha tam tak a perh chhuak thin a, an man thin ni.
Mautuai chawhmeh : Kan Ngawi-Pu chuan tleirawl deuh deuh kha, chawhmeh, mautuai te, tumbu te vai turin min tir a, kan nitin hna a ni ve a. Thosi a tam si, mipui eitur ramhnuaia nitin zawn chu, a nuam hle na a, hna ve tak chu a ni.
Ngawi en : Ngawi siam zawh chuan, nitin ngawi en turin mi pahnih Ngawiah sangha a tla em en turin an kal thin a. Sangha a tlak tam chuan zualkoah pakhat a haw a, sangha a duh ber a khai haw thin.
Tlai tin hian Ngawi-Pu, Pu Mailuma te leikapuiah sangha an sem thin a. Ngawidawh ho khan an in sem thin.
Hmanlai chuan khawiah mah sangha zawrh aa awm ngai lova, lendeng thiam te’n an ei thei hram a, Ngawidawh ve lo chu an dawng deuh thin. Sangha Ngawia a tlak tam hle chuan vantlang pawh sangha phur turin an pun a, an sem tlang dial thin.
[Source : MUP Tlangau August 2012]
Similar Posts:
- In hmuh duh ve tak in
- Zu zuar veng min ti maw, vannei ka inti asin
- Tawn Hriat
- Thil Hote
- Mautuai khawrh chungchang!
September 6th, 2012 at 9:38 pm
Ngaihnawm e
Report this comment
September 6th, 2012 at 10:07 pm
A chiang tha viau e. Kan naupanlai khan ka pa te khan ngawi an dawh thin a, Thaichhawninu te kha an rawn zawn haw thin a, ngawipu inah chan darhin an insem a, kan hlimpui ve thin hle. Tunlaiah chuan, ngawidawh an awm ngai ta hle mai.
Report this comment
September 6th, 2012 at 10:10 pm
Hetiang, Mizo ten kan lo chin thin hi thangtharte mai bakah upa lam pawhin kan hriat fo a tan a tha hlein ka hria. Good post
Report this comment
September 6th, 2012 at 10:34 pm
Va ṭha tak êm
Report this comment
September 6th, 2012 at 10:41 pm
Khawtlangin Ngawi pui an dawh hi chu ka la hmu ve chiah lo na a, khawilai emaw a pawl/thian zahovin an dawh hi chu ka hmu ve tawh. A ziaktuin ‘Ngawi har’ a tih khi ‘Ngar’ kan ti thin. Khawmhma tuai hi an duh bik kher thin, thing chang tha tak tak aiin Lui tui chhungah chuan hem bur a awl zawk..
Kan naupan lai hian college leh sikul te hian sangha tlang vuak hi an la nei fo mai, Hemi blog a mi pawh hi hmuhnawm tham tak a ni…. https://burgerstud2005.blogspot.....el-ve.html
Report this comment
September 6th, 2012 at 10:52 pm
Kei pawn ka hre pha. luipui kama awm ho chuan kan hriat fur ka ring. Explosive leh poison hmanga sanga tih hlum an chin hma lam kha ani. Ngawi hi tunlai mite hriat thiam dan chuan, mihring tiat sangha pawh man thei anni.
Fur laia dawh chi ani. Ka pate chuan thal lai (dry season) chuan lung an dawh thin. Chumi awmzia chu luiah lung an rem khawm a, kar khat vel hnu ah len (fishing net) in an khuh a, zawi zawin lung kha an la chhuak a, a tawpah sangha an man khawm thin. Thal laia sangha chu an tui zawk duh khawp mai.
(Ngawi size ka sawi na chhan hi Mizoram video pakhat ka hmuh ah toy size (feet 3 vel) an tilang a, khatiang kha ani lo reng reng)
Report this comment
September 6th, 2012 at 11:00 pm
#5 Ruata : Nia ‘Ngar hem’ tih tur a ni. A ziaktupa phei khi chuan a ziak tel lova, ka belh a nia. Sawi lo la ka hre miah lovang. Tin, ‘Ngawi Thlam’ tih te pawh a awm kha maw le; thlam a bang nei lovin sang deuh takin an sa thin tih te kha kan zir thin kha ania.
Pawl engzat zirlaiah nge Ngawidawh hi a awm kha aw…? Hei aia chiang lehzual hian a in ziak tlat a ni. Ngawidawh an tihna chhan pawh hi ngawi rengin hna an thawk mawp mawp thin a, fiamthu thawh a nuih a thiang lo tih te kha kan zir thin lo maw ?
Sangha-tlang-vuak erawh hi chuan an ri chel chul thin tih te pawh zirlaiah a awm thin kha. Ka la tel lo ve ve a, mahse thian ho sangha vuak leh Ngawi lian lo “Lachu a pic’ ang chi khi chu an dawh ka hmu ve tawh.
Report this comment
September 6th, 2012 at 11:11 pm
kan lui hmuh ve chhun chu Vai lui leh sakhi sih .. tih vel kha a nia..ngawi chu lachua pic. khi ka hmuh vawikhatna..
a nuam dawn hle mai a..
Report this comment
September 6th, 2012 at 11:25 pm
Ka nghahhlelh em em a ni tlat. Ka nghak chhuak fuh e…
Ngawia tla sangha sa chu ka ei ve nasa hman, mahse ngawi tak erawh ka hmu lo.
Ngawia sangha a tlak tam deuha, sangha phur tura nula leh tlangval ko khawma tlangau a au te, inrin ni tlaia sangha lian tak tak an rawn zawn haw ngoh ngoh te kha aw.., a va’n ngaihawm tak em!
Report this comment
September 6th, 2012 at 11:31 pm
A pic a mi khi chu a lui a te deuh em a, Ngawi varpui khi a te deuh a, Dap sei tak a hmawr er chhuak vun in an siam thin…….A chhungah sangha lian pawh lo tla sela Chema sah awih a ni lova, talhtum/thingfaka vuak hlum tur, Thaichhawni nu hi a tal mawh khawp a, a tal vek vek chuan a mei hem a na lutuk, mau a hem phel phawk phawk thei.
Sangha hian lui chinchang hi an hre hneh khawp mai a, To ruah surah tui lian but but mah se luiteah sangha an kai tak tak ngai lo, nikir khawchen chinah hian sangha hi luiteah an kai chauh thin a, an kai chho lam hi convoy angin an kal ve a, Suar leh Tuikhawhthla te pawh paltlang chho zel an nih avang hian sangha kai lam tawn fuh chuan Lenin han deng ila awlsam te te hian a man teuh theih……Thal tui kam tur hi an hre leh em em bawk a, Tui kam hma tak tak hian nghapui chin chu Luipui lamah an haw thla leh a, chutiang haw thla lam chu Ngawi dawh hun tha tak a ni bawk, Chhim lamah sawn Tuichang leh Mat velah te sawn heng hunah hian Len an lo zar thin a, sangha tawlh vanglai chuan a awk hnem thei hle thin.
‘Nghahring Dawi’ chanchin rawn ziak ve leh thei awm sela a that hi maw le…
Report this comment
September 6th, 2012 at 11:49 pm
#10, @Ruata : Ngahring dawi chu eng tihna nge aw….! Ka vawikhat hriatna a ni tlat mai ! Tuiruang luiah khi chuan ‘Awt’ mihring leng hi an chiah ka hmu fo ! Nangman rawn post la anih chu maw le.
@PKF : Kan u-a-ma hman a rual velin ka hria, Ngawi dawh leh Sangha tlang vuak hi Middle School nge High School-ah kan zir thin kha aw…?
Report this comment
September 6th, 2012 at 11:53 pm
Ruata #10 Mat luiin Chhimtuipui a rawn finna saw a va han te lulai tak em, lui ang chiah pawhin a lo luang lut tawh lo a niber e a! Ti daih ila, Chhimtuipuiah sawn kumthar, kumtir lamah sangha an fuan zawk tlat nia mawle. Lungmak an tih kiangah sawn buk 100+ te sain nghafuan veng an awm luih luih zel. Zu zuar leh KS thlengin an awm mawle
Report this comment
September 6th, 2012 at 11:57 pm
Nghahring dawi chu khawchhak lamhovin thal laia an sangha man ve dan a nia. Pawi em, emping arh leih lawih hian nulaten lung thlang lamah hian an dawh a, tlangvalten lung chu an lo kar buk ta thin a(sangha tlan chhia hian lui mawng lam an pan chawk a)….. Thal laia nula leh tlangval te thlakhleh pakhat a ni ve awm e, an tih dan kimchang sawi tur erawh ka hre tam bik lo tlat.
@HV, hahaha………tawn hriat lah hi i ngah bawk sia, sangha fuan khalh chu a fuan duh lo, a let leh hloh zel an tia sin
…………..Sangha fuan(nghalim) chu lui mawng lamah a fuan tlai thin a.
Report this comment
September 7th, 2012 at 12:04 am
Bei ngaihnawm thei ve, tel ve chakom rum2 mai lom.
Tunlai kan banner chuan awm ngahna a hre vak lo ni maw
Report this comment
September 7th, 2012 at 12:06 am
Ruata #13 a fuan laiin ṭum khat aia tam ka awm ve tawh a lawm…Chhimtuipui fang velin
Pualthaw(h) suar rawn finthla tu luite ho kha vuak kan tum a. Chumi chu Fungkah lam a ṭanga rawn luang thla zawk kha a ni nghe nghe. Kan kalpui ṭhenkhat, Khangpaw emaw, rû hrim hrim zawng a chhuakte chuan khawilam Khanghu emaw an rawn hawn nghek mai a, a nuihzatthlak duh khawp mai. An zingah lah chuan a upa ber dawttu ala awm ve zui
Report this comment
September 7th, 2012 at 12:19 am
Misual.com hminga sangha tlangvuak rawt mai chi nih hi a!!
@HV, Nghalim fuan chu vawi khat ka rut ve tawh, Mahal system lai a ni sia kan ta kha a ni mai a, kan sawm bik te tih loh chu midang rawn tel hek lo, zanah leng len hun velah Luite an rawn kai mai chu(h) a phut hian an phu mur mur thei. Fuan sum leh Buk inkarah zanrei tak thleng sangha hring kan han thiar ngauh ngauh mai chu zo thuai thuai se tih rum rum a awl zawk..
………. Rep nghal a ngai si, mei alh si lo, mit si lova zankhua mai a vil reng a ngai a, a nawm rualin hahthlak ngei mai.
Report this comment
September 7th, 2012 at 6:44 am
Lushai_er, Middle sikul(pawl 6) ah a ni mai thei e. Ka chiang chiah bik tawh lo. High school a ‘Pi pu Lenlai’ ah zawk ani mai thei bawk.
Report this comment
September 7th, 2012 at 8:47 am
La tel ve lo mah ila, lunglenthlak ve riau!
Report this comment
September 7th, 2012 at 9:13 am
Bengvarthlak e.
Report this comment
September 7th, 2012 at 11:08 am
Ngawi dawhnaah ka la tel ve miah lo, chak ve e
Report this comment
September 7th, 2012 at 2:25 pm
A nuam ang chu
Report this comment
September 8th, 2012 at 12:23 am
Ngawi chu : Lui dung remchang laiah, thing an kheng a (Ngar hem), mau tam tak leh dapin thing tan chhan chuan tui an khuap a, tui chu a tling mar put mai a. Lui kam lam hnaihah, tui luan luhna tur bik an hawng a, chu chu AVARPUI an ti. Ft 4 vel a zau, a bang ft. 5 emaw a sang an siam a, avarpui chu a mawng lam an ti er sang a a mawng an ping leh a.
Kan naupanlaia ngawi dawh ka hmuh ve dan —
Lui dung remchang/ zim laiah thing emaw, mau-bul emaw an kheng fur a, tui luang thei si (khuap ni lovin…) sangha tlang thei si lo awm velin mau tah nen an dang a. a laiah hremhmun kawng ang zeta nuam leh zalenin tui luan ham²na an hawng a, chu tui luan ham² na chu mau tah — khawr kual hmangin an dawl a, chu² “ngawi” kan tih tak chu a ni. A tui dawn lam/ a lu lam a arh a, a mawng lam chu zuih zelin, a tawpah pate (sangha tlak khawmna) a inchhawng/ inhung vah.
Report this comment