Lungduh inthenna ram

September 25th, 2012 8:00 pm by Chhuaklinga

(He hla hi hmanni chu naupang ho zirtir ka tum a, ka lo thiam chhuak tawh mang hauh lo mai a. Kan google ngial a, ka hmu mai bawk si lo. Song book hlui tawh tak atangin ka hre kim thei ta. A mamawh tana zawn chhuah tur a awm nan leh he hla lo lunglenpui ve tawh thin tute zawng zawng tan ka rawn vawm bei ve leh thawr mai.)

Lungduh inthenna ram khawvel hmun zauvah hian,

Hlim leh lawmin leng thin mah ila;

Thenna tur ni kawlah a lo chhuak leh si thin,

Rualduh thenna biahthu ‘Damtakin’

Tih reng a bang thei lo.

(chorus)

Damtakin aw zamual chu liam ang che

Chung Pathian ven zelin kal ta la,

Min thehnghilh suh la englaipawhin

Kan tawntainaah kan nghilh law’ng che,

Lenna tlang dang mahse,

Damtakin kan intawh leh hma zawng.

Damlai khawvel hi zawng thenna tur hmun reng a,

Chung Pathian ruat reng a lo ni e;

Mahse aw he lei hmun ai pawh a nuam zawk chu,

Thenna reng awm lohna khawpui hlun,

Ram chu kan hmachhuan e.

Tunah thinlai nain lo inthen mah ila,

Chung Pathian in min veng tawn rawh se;

Nakinah then lohna khawpui kan thlen hunin,

Lungngaia in then hnute lawmin,

Intawh leh kan beisei.

tren tren

10 Responses to “Lungduh inthenna ram”

1
ulawng Says:
September 25th, 2012 at 8:11 pm
CHHIAR I LA……
2
Chhuaklinga Says:
September 25th, 2012 at 8:28 pm
Kum tawp farewell function tawp lam, sa chhum rim leh thlasik rim nam rum rum tawh karah kan han sa dup dup mai thin kha a nia. Nuam ve thin teh e. Tlem a nau ve leh chhawng deuh chuan hre lo pawh kan awm maithei. Inthlahrung ru takin ka rawn post ve leh mai.
3
saint sammoo Says:
September 25th, 2012 at 9:37 pm
kei chu ka thiam chhuak ah..
4
Dr John Says:
September 25th, 2012 at 10:23 pm
A Music Video rawn Post tel la ka va ti em!
5
Mx Says:
September 25th, 2012 at 11:45 pm
6
Mx Says:
September 25th, 2012 at 11:46 pm
ka han zai nghal law law dawn mawn’le tren tren
7
Chhuaklinga Says:
September 26th, 2012 at 6:05 am
Recent comment-ah ka tlar thla ta dul mai. Tho tawh rawh u. Hei thingpui, a tho tlai chuan in chang lovang.
8
PKfanai Says:
September 26th, 2012 at 7:18 am
Middle sîkul kan kal laiin Farewel naah kan sa nasa thin. High sikul ah kha chuan tleirawl kan hre deuh tawh a, kan venga hmeithai pitar pakhat chhawnchhaih hlawh tak Pi Laipawngi hmingin kan kai lek ta a, ‘Min theihnghilh suh la eng lai pawngi’ kan ti thin(Chim awm mai mai)
9
Awmtea Khiangte Says:
September 26th, 2012 at 10:47 am
He hla hi a van tha tak em! A sak pawh a nuam
Pu Rokunga phuah em ni kha?
10
Chhuaklinga Says:
September 26th, 2012 at 12:16 pm
Awmtea Khiangte, aw, Pu Rokunga phuah a ni a, kan zosap Pu Mena te haw tur thlah na’na a phuah a ni awm e.