Awle, a hmasain ka thu ziah tur hi a kohhran zawng leh sawrkar ang zawngte, hmingthatna tarmit atang ngawta in lo thlir chuan kan buai pherh leh erh dawn tih a langchiang reng mai a, chuvangin tarmit hran hran bunin, beng sik vawt vawtin i ngaihtuah ho teh ang.
“Prostitution is the oldest profession” te pawh an lo tih hial khawpin nawhchizawrh hi a lo hlui tawhin, mihring awmkhawmnaah hian a lo awm rei tawh a. Khapbeh hi tum eng ang mah ila, mihring kan nih a, Mipa kap bawr a zat zek zek chhung leh, hmeichhiain a kap bawr thiltihtheihna a hriat chhung hi chu nawhchizawrh hi a awm reng ang.
Tunah pawh hian nawhchizuar han kawh fak fak tur hi tam lem lo mahse, a class hran hranin, a man to dan thlengin kan hre thlip thlep hlawm tho mai. Nawhchizawrhna hmunah chak deuh changin va kal dawn ila, chutiang hmun a awm chuang lo, chumi anih avang erawh chuan nawhchizuar kan hmu dawn lo tihna a ni hauh thung lawi si lo. An tam em em lawi si, intodelh tak chu kan ni thung lawi si.
Engvangin nge nawhchi pawh chu ualau takin kan zawrh tak mai ang le??? A hnuaia point ho hi lo zirchiang ta ila.
1. Hri tha lo darh zel tur ven nan : Hmun pakhatah Nawhchizawrhna hmun kan siam chuan nawhchizuar atanga kan kaichhawn natna tam tak, AIDS/HIV, STD, adt hi a tamzawk chu kan veng thei ang. Heng hmuna nawhchizuar te hi an hriselna sawrkarin hunbi neiin endik sela, enkawl ta sela, tin damdawi leh invenna chi pawh sem sak ta sela. Thingtlang lama heti taka natna tha lo a lo darh ta te pawh hi hetianga kan tih chuan a reh phah deuh a rinawm lo maw??
2. Sawrkar-ah sum a lut ang : Hei hi mak in ti deuh maithei. Amaherawhchu, sawrkar hian hetiang hmuna sumdawng ho atang hian chhiah la ta sela, chumi hmang chuan a hmun tihfai te, a thawkte hriselna enkawlna atan te hmang leh ta sela. Private-a an inzawrh a, an hriselna ngaihsak lek lova an sum hmuh ang ang an chen ngawt ai chuan anmahni tan leh vantlang hriselna tan pawh a tha ngei ang.
3. A hmang duhtute tan pawh sum senso a lo tlem ang : Hmun pakhata an awm mai chuan, nawhchizuar zawng kual tura taxi hman man leh, driver hnena commission pek te a lo ngai lovang a, lo thlawna sum liam tam tak kha a lo save ve dawn mial mai.
4. Khawtlang hmel a lo mawi zawk ang : Mak chu kan ti deuh maithei a, amaherawhchu, hmun kilkhawr leh biru deuh laia an lo bung ngawng ngawng te a lo zia deuh ngeiin a rinawm. Inzuarte tan, ahranpaa hotel book emaw a ngai lovang a, sum senso a lo tlem phah dawn a ni. Nawhchizawrhna hmuna lo zuar lova, hmundanga lo tilui te pawh an tim phah ang a, kan hmuntin mai pawh naupang tuallenna tlak khawpin a lo thianghlim leh thei ang.
5. Khawtlang nun a titha zawk ang. : Nupui fanau nei chung reng si a, nawhchizuar dawr zuk zuk thin ho tan hmun a lo chep sawt em em dawn a ni. Tuna kan dinhmunah chuan hetiang mipa hi an la tam mai si. Nupui fanaute’n an hriat miah loh a hetianga che duh hi an tam em em a, a vanduai zual chu an chhungkuaa natna tha lo thlen phah te pawh an awm ta hial mai..!!!
Kan nula awm tha duh lo leh awm herh deuhte pawh an chep deuh sawtin a rinawm. Dan ang lova inzuar an lo awm aniha, hriatchhuah anih chuan dan ang thlapa hremna a lo awm dawn a. CHumi chuan, tam takin nula leh tleirawl zinga inzawrh duhna rilru pawh a tidai thei deuh ngeiin a rinawm.
Heng hi tlemte, ka han thaichhuah theih mai chu ni sela. A dang pawh tam tak a la awm ang. A tul anih chuan comment lamah te pawh kan thai zawm ang a.
Similar Posts:
- Mumbai nawhchizawrhna a in hnamhnawih a puh Court thutlukna
- Pawisa hman dan leh kan rilru
- Hriselna lam hawi post hi awm ve se
- Mizo tawnga Android Application thar Play store ah
- Natna hi sual a ni em?
September 25th, 2012 at 5:07 pm
hmasa ber e
September 25th, 2012 at 5:18 pm
A va rapthlak em!
September 25th, 2012 at 5:21 pm
i chem i tât rei ve ta bawka, a va ât tha hlaih hlaih ve le, ka tawn hriat ngahloh na lam tak ni mahse ngaihtuah erawh i ti thui fu mai!! i ziak tha e thianpa
September 25th, 2012 at 5:25 pm
In register duh an vang awm,,,
September 25th, 2012 at 5:27 pm
Nawhchi hi a tui viau em ni a?!
I ziak thain, point fell takin i sawifiah a; a chiang e. Mahse, a bultan hi a har hmel khawp thung mai.
A hnial duh te’n han hnial phawt che se la, ka lo chhiar thla leh hmauh hmauh mai te’ng…
CTR Vs. CTV…
September 25th, 2012 at 5:29 pm
A thupui ka en a, ctra post a nih ka’n ring deuh nghal ngawt a, ka van sual tak
A ruka inzuar duh ho chu an tlem phah chuang lovang.
September 25th, 2012 at 5:33 pm
A ualau a luhchilh ngam tak tak an vang pharh maithei a ni. Mizo zia chu a lang a ‘engemaw awm ang tak’, a ruk a che chi kan nih hmel.
September 25th, 2012 at 6:17 pm
Discount i beisei em ni @Chemtatrawta
September 25th, 2012 at 6:25 pm
Mihring kan la tlem mah mahin ka hria, inhre vek tham lek kan la nia a lang a paua inzuar ngam chu an la awm vakin a rinawm loh.
September 25th, 2012 at 6:30 pm
Ka support e. Mizorama Kristianna an practice dan ka duh loh em em mai chu ‘crime’ aia ‘sin’ an haw hlur hi ani.
Nawhchizawrh ringawt hi IPC danin crime ani lo tawp a, an in zawrh (solicit) chauh in crime ani, tih an hriat phawt a ngai. Sorkar sum eirute an kohhhrana an welcome hut hut laiin sorkar dan bawh chhe miah lo, nawhchizuar an khei vak vak a. Kan rama phakarna (hypocricy) hai lan law law nan red light district neih chu ka duh, power supply kan neih chuan.
Tunlai Zonet Fakselna lama an debate huai huai “sawma pakhat” pekna chungchangah pawh an kal fuh lo. Isua ngeiin, “I neih zawng zawng hralh la, pachhiate hnenah pe rawh” ti na na chungin, “kohhranah pek tur” zuk han ti tlat a! Kohhran te hi an pachhe lo teh mai ania
September 25th, 2012 at 6:34 pm
Tunlai chu thiante ho hetah hian an va kal fo mai a, ka la kal ve ang
https://www.google.co.in/url?sa.....XUawpSNKrQ
September 25th, 2012 at 6:55 pm
A dik viau na in, comment thenkhat ang khian mizo te hi zawng kan la tlem ema, ual au taka inzuar duh chu mi anglo leh chiang zan lo te bak an awm ka ringlo
A ruka inzuar an la tam zawk fe thovin a rinawm!
September 25th, 2012 at 7:01 pm
haha #11 ulawng, khi hmun khi ka college luhna thin bul lawk ami anih khi
vawikhat chu kan kal ve a, mahse tumah kan dawr lo, fang ve chhin reng reng ang ti in thiante nen zankhat chu kan tlawh ve zuai 
September 25th, 2012 at 7:03 pm
#11 an chhe bawk hmel hlawm mang e aw… hairehai
September 25th, 2012 at 7:06 pm
Hahah, #14 a to chin chu an zia lutuk a sin, AN TI
September 25th, 2012 at 7:09 pm
@Pu Hv, an tam hrim2 a, hmeichhia zawng2 zinga a chhe ber atanga chhelo ber thlengin an awm emaw tih mai tur ani
September 25th, 2012 at 7:20 pm
#15 hairehai ..han sawi zel teh u
September 25th, 2012 at 7:21 pm
A duh tan hmuh awlsam deuh hian engkim mai hi awm thup sela a fuh phian hian ka ring. A ti duh lo na na na tan buaina awm chuang dawn silova, a duh tan a awlsam phah awm bawk sia, a duh chuan an ti reng tho bawk nen.
September 25th, 2012 at 7:27 pm
#18 a dik maithei
September 25th, 2012 at 7:43 pm
Nihawichi tia kan chhiar chu. Burma thil an khap ta emo ka ti hman alom
September 25th, 2012 at 8:00 pm
A that hmel viau mai. Amaherawhchu, harsatna awm thei tur nia lang te:- 1) khawi YMA leh NGO mah hian, an veng chhunga awmah an duh lo vang. 2) Tu nu leh pa mah hian an fa te an phal sak lo vang. 3) A hmuna awmchilh duh mi pangai deuh chin chu an vang ngawt ang, 4) mi pangai rui lo hai lo chu an kal fo ngam lo vang, 5) Hnam dang bal leh tawp tak tak mistiri, bawng pu, PWD labour, sipai, vai sumdawng tih vel kha a dawr peih ber te an ni ang a, kan en thei lo vang, 6) State dang leh Myanmar, Nepal tih vel atang tein inzuar tur an rawn tleh lut hum hum ang a, kan ngai thei lo vang. Chuvangin, kan kal dan ngai hi a tawk rih mai lawm ni?
September 25th, 2012 at 8:15 pm
@#21 hian he post ka chhiar zawh atanga ka ngaihtuahna zawng zawng a rawn paih thla leh vek. A dik ka ti lutuk.
Post tupa in lo haw lo se, ngaihdan tha deuh deuh leh advance tak tak nei mi i niin ka hria (i thil post reng reng ah). Mahse #21 in a sawi ang deuh hian kan society hrim hrim atan hian thil tha ber ani ang em? I ngaihtuahna leh thil tha tak tak i rawn sawi lan te khi anih dan tur angin kan society ah hian a kal miah lo thei ve tho a ni.
A belh nan tlem, vai ho (han ti ta mai ila) hi conservative kan ti em em a, anihna takah chuan Mizo society aia conservative hi he khawvel ah hian an tam bik lo mai thei a ni.
September 25th, 2012 at 8:51 pm
Nia, chawhmeh ang deuh hian lei dawn lemloh pawn han threh kual vel mai mai te hi theih se!
September 25th, 2012 at 8:55 pm
Tunah hi chuan kan la zo lo deuh ang.. mahse, ngaihtuahna sen erawh a ngai khawp mai..
Aizawl KS kum 20 miin ka senior tawh a tih chuan kum tling lo inzuar hi an tam tih a hriat.. mipa inzuar (nu leh nuthlawi hovin an koh thin ang hi) mi 20 vel zuk awm a..
September 25th, 2012 at 9:00 pm
foreplay leh thil dang awm miah lo, sari hlim tawp – cheng 20 man ang chi te kha wm ve se..haha..
September 25th, 2012 at 9:15 pm
mipa inzuar te kan lo awm tawh maw??
September 25th, 2012 at 9:30 pm
#26 Gigolo
https://www.youtube.com/watch?v=PeXjBWN8LO8
September 25th, 2012 at 10:06 pm
haha #11 ulawng #13 Mx, hei hi lo chhiar ve rawh u
2005 a ka ziah 
Chp 39. Sonargachi
September 25th, 2012 at 10:51 pm
Trawt…foregin direct investment te pawh propose law2 la middlemen (taxi drivers) ho tih reh deuh nan..
Gigolo business pawh hi a hlawk fu ang a
September 25th, 2012 at 10:59 pm
September 25th, 2012 at 11:38 pm
hahah, #28 Sandman
Ka ngaihtuah mai2 a, an tam ropui mai sia, rate inang ro ro ah pawh khan hmel ziaawm ve deuh tepawh an awm ve nual sia, khatia kawngsira lo dingtlar put ho, chhe ve tak2 ho kha nilenga ding thlawn, ti duhtu hmu zo lo an tam awm ka ti
September 26th, 2012 at 3:36 am
Chemtatrawta hi chu pa fing tak i ni… (hre tláng tho mah ila ka’n sawi nawn mai mai a ni e).
Hei hi ka thlawp khawp mai. Zawrh rûk hrek hrek ai chuan eizawnna atana zawrhtir law law hi a rinawm zâwk.
Puithuna âtthlâk mit aṭanga thil thlir hi sim a ṭha khawp mai. Zu hi chu khap mah ila, nawhchi zawrh hi chu thlah zalen ngei ngei turah ka ngai. Zu khap ka thlawp tihna ni lovin… zu khapna pawh hi hlih tur ka ti kei chuan.
Mahsé mak ve deuh mai chu Europe ram ṭhenkhat, Mizoten hurna a zalen kan tih êm êmna ram, entirnan, ferênram angah te hian, nawhchizawrh hi an khap ve teh tlat zuk nia! Puithuna âtthlâk mit aṭanga khawvêl räu ruaia hmu pawl an la tam ve vang a ni ber ang. Bâkah minungiatna hian hmun a luah zau ve ta deuh te pawh a ni ang e. Hêngho hi kan entawn tur a ni lo.
Puitling lemchan chan tam êm êmna ram Zermanram (RI{=Ram Insuihkhâwmte=United States=US=USA} tih lohvah chuan puitling lemchan a chhuah tam ber) angah te meuh pawh hian nawhchizawrh hi dan phal ni mah sé, zêp ngái thil a la ni ve teh tlat nia! Nawhchizuar nih hi tumahin an uanpui ngam lo, mai ni lovin, a zuarte paw’n thup hräm hräm an tum… khawtlangin a hmu sakhi, a hmu nawhchizuar (
) deuh roh.
Tin, han sawi ta zël ila, Mizote hi ka hnam hriat tawh zawng zawngah chuan inpawl nasa ve pawl tak (ka chenpui tawh hnam zingah chuan inpawlna ilo a la hluar ber; hnam ka la chenpui tam lo) kan ni a, hemi kan chhuah zalen law law ngam lo hi chu mahni nih loh ang puia lan tum kan nihzia a lang chiang hi ka ti ṭhin. Infawh te hi mi hmuh lohva ti nasa viau si hian Europe hnamho (entirnan zermanho) anga khawlaia infawh lan ve ngàwn ngâwn àwm… kan la serh ve deuh tlat zuk nia! Mai mai tak kai! Tuar zo lo va mi hmuha infâwp ta ngawng ngawng chu an sawi ka hre ve tawh. Hmuh erawh ka la hmu lo. Hmasâwn kan ngai a ni
Mahsé Zermanho entawn vek erawh ka sawimawi lëm lo. An rorel khawl inhmuhkhâwmna hmunpui Reichstag bul hnai deuhva saruaka inhmuhkhâwmna “páwl” tam lutuk ang chite hi… anmahni paw’n rampawnmiho hmuh an la hlau ve tho ni chuan an sawi nia…! Mahsé thil hriat làr a ni lawi bawk si… Khualzin kaihhruaina ka chhiar pakhatah chuan chiang deuhvin an sawi kuau nia… ha ha ha…
Thu dang alaiah chuan:
Chemtatrawta ka ̣ṭan lohna awm chhun chu puithuna âtthlâk kuaikelek deuh deuh a vuan hnem lutuk (ni-a ka hria?) hi a ni
Tlipna:
Mizote hian hnam dang an “hur” kan ti ve fo hi chu a mak khawp mai, keimahni hi kan hur ber tih theih tur a ni zâwk sia…
Kohhran hian ahming chuan hna a thawk ve a, phuar azáwngin, tihrêm erawh chu lawr lawr lawr… khawtlanga hurna tihrêm tum chu lei aṭanga vut nuaibo tum ang chauh a ni bawk si…
September 26th, 2012 at 5:14 am
State lagislature lamin phal mahse Govt. Of …. lamin an remti teuh lo mai. Hehehe
September 26th, 2012 at 10:55 am
Nawhchi zawrh te em em kan phalrai ten le… Kan hnam nunin a la zo teuh lo mai
September 26th, 2012 at 12:39 pm
Tisa leh Tisa in nawh na hmun siam chu, kan la tlin rih lovang.
Mah ni nih loh dan ang a lan hi, kan ze ngheh na lai ber a ni si a.
A rem chang lai lai a, an lo in daptawraw theih tho te chuan a tha tho a lawm.
Chu ti ang hmun chu lo awm teh reng pawh ni se, a dawr tu ten kawh te bel e maw pawh fan e maw an hman duh chuan si loh chuan,
nat na hrik an pai haw thovang chu. Zu an khap hma khan zan ah Taxi
ka khalh thin a, heng nawhchizual leh an mah ni dawr tu te khaw sak duh dan mak sak pui pui pawh, i rin ai in ka hre viau mai thei a ni’a.
Nawhchizuarin, a mah dawr tu pa hnena Condom hmang tura a tih lawmlawm
pawhin an mahni dawrtu te hian, zu han duh tlat hlawm lova maw le.
Mo tor khalh lai lai in a hnung lamah an lo bung kut kut thul, a va han chhang chhiat theih ngai em..!!! khang hun lai tak kha chu.
September 26th, 2012 at 3:35 pm
September 26th, 2012 at 3:45 pm
Kei hmui thianghlim pu mi hian sawi tur ka van ani.
September 26th, 2012 at 4:11 pm
Hriatthiam a har mang e. Thu har deuh deuh, tha tak si hi a chhawk thlu leh rum thin, chemtatrawta hian…
@ sihtea… I taxi khalh lai a nghing dawt dawt thin dawn a ni maw?
Chhawhchhi kan hi den tam poh leh a ban tial tial. Nawhchi erawh ka hriat loh thil tak a ni…
September 26th, 2012 at 4:34 pm
Sawi thiam a har, a tha vek eee, ti leh tawl mai ang. hmm
September 27th, 2012 at 2:03 am
Ks = nawhchizuar, mipa inzuar ho hi “nawhna zuar” nge “sawhna zuar”.