Mizo Poetry

October 4th, 2012 9:00 pm by VL Hminga

Hei le in advertise na lam ni lo sela. Mizo Poetry blog thar collection 450 chuang awm mekna hmun chu a tlawh theih a. Hetah hian thalai lam kutchhuak a tam zawk an nih avangin chhiar pawh an nuam a. Tin mithiam tak tak Pu C Vanhmingtea, Ma-i Fanai, Pu Thuamtea Khawlhrilng te kutchhuak thahnem tak a awm bawk a ni. Mizo Poetry ah hian poetry kan hnam tan a a pawimawhna te sawitel thin anih avangin a hlu hle in ka hria. Lo chhiar ve chhin teh aw.

ZANLALFANU

Nipui hun nuam a lo ral a,
Fûr khua zawngte pawh liamin,
Vangpui paw’n mual a liam ta a;
Mual mawia pholêng lo vul te leh,
Sikni lo her te nen hian,
Kumpui sûlah hlei te’n dang mah se,
Rual zawng thinlai a dang ve si lo;
Kei zawng ka thlir ‘zanlalfanu’.
Hmana hawihkawm rualduhte nen,
Hlim zai vawra kan awih tawh hnu;
Thlehnêm chawia laikhum belhsan mai chu,
Lunglenga chhawl ang uai tan zawng,
A har mang e, lunglên a tho leh si.

Zal mah ila laikhum sangah,
Hnu tiang tinkim dâwn lai bang si lo;
Nun hlui ka au ral ral kei zawng,
Zo virthlilêng kara liam tawh hnu kha.
Siktui em lo ni ka bianga luang dem hi,
Lunglên luaithli lo ni ka nûl leh ṭhin.

Ka dâwn thui zel ṭhin e kei zawng,
Thlanga maurua lo tuai thar tur;
Rual tea ṭuah vau parfung chawi tur te,
Dâwntuai ṭha leng lo vul tur nen,
Lung a leng, lung a leng e,
Kan nun hlui zawngten maw;
Hnu tiang min chhawn tawh si.
Lunglên mittui nen ka thlir ‘zanlalfanu’.

By Ma-i Fanai

https://mizopoetry.blogspot.in/

10 Responses to “Mizo Poetry”

1
Eve Says:
October 4th, 2012 at 9:13 pm
First ve tlat !! Ve khiah a…

inadvertise pawh a pawi vak lo ve… a la lar lo em a… lo ti ve thuai teh ang…
Report this comment
2
xotea Says:
October 4th, 2012 at 9:40 pm
Ka lut khat lutuk a, lungte pawh a leng rum rum a lawm le. Engtizia emaw ni tunlai chu ka lut hlei thei tlat thin lova. A tha viau dawn e.
Report this comment
3
VaiVa Says:
October 4th, 2012 at 10:29 pm
Ka tel ve chak mang e
Report this comment
4
PKfanai Says:
October 4th, 2012 at 10:37 pm
Mizo tawng leh Poetry lam hmasawnna tur atang thil tha leh tangkai tak anih ka ring. Pu Muantea te, Charice te, RZA te, Sammoo te ho khan va contri. ve thin ula ava tha awm ve. I hla rawn chhawp chhuah pawh a class hmel viau mai. U ma-i kha fel ve deuh mai a nia.
Report this comment
5
vakul Says:
October 4th, 2012 at 10:39 pm
charicei hi a phuah thiam ngawt mai..Thuamtea khawlhring hi Sabereka khuangkaih vanglai khan a thu leh hla hi ka duh thei viau. luh ve fo tur a nih hi.
Report this comment
6
TuaiSialA Says:
October 4th, 2012 at 11:50 pm
In ti tha hle mai. In thahnemngaihna a fakawm e.
Report this comment
7
Amah Charice_mizo Says:
October 5th, 2012 at 12:23 am
Van phuah nalh hnap hnap ve, tlukloh rim a nam tlat, keini te ve zawng hman chang chang phur chang changin kan han phuah ve hluaia, kan ti zui leh peih tak tak thinlo, tuichilha, luhchilh tak taktute hi an hlu, ka fak che u
Report this comment
8
Dr John Says:
October 5th, 2012 at 8:31 am

Report this comment
9
keimah Says:
October 5th, 2012 at 9:54 am
Hman zen zawna han luh ve thauh thauh a va chakawm ve! That hmel khawp mai. Mizo hnam ro tling khawpin han thang duang zel teh u!
Report this comment
10
Awmtea Khiangte Says:
October 5th, 2012 at 10:07 am
A van tha em ve leh… Lo tlawh ve thin ang e
Report this comment