Ka paws 130-na a rawn chhuah khân ka rilruin “A bâk chu insûm ve deuh tawh ila a ṭha ang. Midangte ken nachâng hriat hi mi hawihhâwm hna a ni ngai e” tiin ka ngaihtuah neuh neuh a. Mahse, nizân chu he thu hian rûlhlût ang maiin min ei ngut ngut a, min ei chhiat hma ngeiin ka rawn phawrh leh ta nge nge a ni e. Kei, Eden bawhchhiatna hrik pai, ka nu chhûl aṭang rênga sual saa hrin, pian tirh aṭanga mi lawilo leh hnaisailo, lu chhîp aṭanga ke lêr thlenga pân chhia-ina a bawm khah; finna tlânsan, thiamna hawisan leh hriatna bihrûksan hian in mi hriatthiamna ka rawn ngên nawn leh a ni e. Paws za leh sawmthum leh pakhatna!
Hmangaihna hi hriatthiam phâk rual a ni lo,
‘Hmangaihna’ erawh chuan min hrethiam ṭhin.
Midangte hmangaih dân ka thiam ne-maw,
Min hmangaihtu hmangaihna erawh ka hai si lo.
Hmangaihna hi mit delin hre ṭhin mah ila,
Min hmuh hmaih ngai si lo.
Mihring chuan mitin kan hmu a,
‘Hmangaihna’ erawh chuan thinlungin.
Mihringte chuan hmangaihna hi mak kan ti a,
‘Hmangaihna’ erawh chuan min zirtîr ṭhin.
Hmangaihna avangin mittui a luang a,
‘Hmangaina’ erawhin a hru hul ṭhin.
Hmangaihna avangin miin a nunna a chhat a,
‘Hmangaihna’ erawh chuan nunna a ngaihlu ṭhin.
Hmangaihna avangin kan tuar a,
‘Hmangaihna’ erawh chuan kan hrehawm a phal si lo.
Hmangaihna avangin kan ṭap a,
Hmangaihna erawh chuan hlimna thlen a tum ṭhin.
Hmangaihna avangin kan nui a,
‘Hmangaihna’ chu a lâm ṭhin.
Hmangaihna hi kan zawng a,
‘Hmangaihna’ erawh chuan min kalsan ngai si lo.
Similar Posts:
- Tu hmangaihna nge thuk ber ang?
- HMANGAIHNA::Duh duh sawi theih
- Aw hmangaihna khawvel entu!
- Ka hmangaih ka fawp
- Hmangaihna mak
October 19th, 2012 at 4:25 pm
Aw hmangaihna
Report this comment
October 19th, 2012 at 4:28 pm
” Thil awm hlei lo hi nalh deuh deuh hian in han phuah kual vel thin a ni si a” han ti mai ila aw
Report this comment
October 19th, 2012 at 4:38 pm
Hmangaihna hi a lo ropui ber mai
Report this comment
October 19th, 2012 at 4:46 pm
Awmte, a va nalh ve..
Hmangaihna hi hrilhfiah thiam awm se, a ho ngawt ang..
Pathian hi chhui chhuak thiam awm se , a ho ngawt ang…
Report this comment
October 19th, 2012 at 4:55 pm
Hmangaihna hi in ti teh fo va… hmangaihna ngah ngah hi an buai leh sia… Tin, rawn sawi hnum nalh tha thlarh thlarh bawk a kan zawt keuh teh ang “Hmangaihna hi engzat nge awm?” tih te mai hi
Report this comment
October 19th, 2012 at 5:07 pm
@VaiVa, hmangaihna hi PAKHAT chauh a awm ka ring
Report this comment
October 19th, 2012 at 5:09 pm
@VaiVa: Pangai (5) a awm.
1. Epithumia
2. Eros
3. Storge
4. Phileo
5. Agape
Report this comment
October 19th, 2012 at 5:11 pm
Hmangaihna in hmangaihna a ngen! Hmangaihna hi kan ti teh fo a…buaina thlen tu mai mawle. Khawngaihna leh lainatna hi a hlu viau zawk lo maw? Hmangaihna hming a thil sual thleng fo te hi…
Report this comment
October 19th, 2012 at 5:14 pm
@Alejendro, heng hi hmangaihna vek chu a ni, mahse, ka ngaihdan chuan hmangaihna chu pakhat chauh a ni. I sawi takte khi belh khawmin hmangaihna a lo chhuak a. A nih loh pawhin a peng te pawh ti ila a dik awm e. Mihring ni tur chuan taksa, rilru leh thlarau neih a ngai angin
Report this comment
October 19th, 2012 at 5:21 pm
Agapaeic love gives and it gives, to the exclusion of everything…a ropui ber lo maw?
Report this comment
October 19th, 2012 at 5:49 pm
@Alejendro, chuti a nih chuan kawng nga chauh in thil/ mihring hi a hmangaih/ inhmangaih theih tihna em ni?
Report this comment
October 19th, 2012 at 5:58 pm
Pu Vaiva..i nula umna lama Hmangaihna Salah ilo la tang reng ni maw
Tuipui ah ‘sangha nula’ zawng tawh mai rawh, Mumbai rengruangah lah i hmu zo si lo.. 
Report this comment
October 19th, 2012 at 6:03 pm
Pathian chu hmangaihna a ni kan tih hian hmangaihna peng hrang hrang hi amahah a awm vek a ni tihna a ni. Mihring te erawh hmangaihna inti ngam kan awm loh hi. Chuvangin hmangaihna chu pakhat chauh a ni a, peng tam tak erawh a nei
Report this comment
October 19th, 2012 at 9:10 pm
Tha lutuk. Post 55 ka nei ve chauh va, ka chawlhsan ta daih. Pending ah khian K’u Kawlhawk post ka hmu a, ka chhiar chak tawh lutuk. Post ve leh zeuh zeuh tawh te’ng.
Report this comment
October 19th, 2012 at 11:22 pm
Report this comment
October 20th, 2012 at 5:31 pm
Report this comment