Pathian hi engkim hrevek a kan ring hi Bible zirtirna a ni em?
Hrevek mai pawh ni lo, thil la thlenglo, kan la tihtur zawng zawngte pawh a hrelawk vek in kan ring em? Bible ah engtinnge a inziah? Pathian hian thil la thlenglo hi hrelawk vek ni ta se, Setana a siam dawn khan Setana hi a lak ah a hel dawn tih a hre lawk vek tihna a ni em? Hre lawk ni se, engatinge a siam tho si? Setana’n sual kawng a zawh hi pawi a ti ang em? Pawi ti ni ta se, a hre lawk a nih chuan engatinge a hnu a pawi a tih leh na tur chu a siam si? Zawhna hlir,zawhna hlir a inchherchhuan chho tup tup mai asin. Chhanna kan neilo a, ‘chutiang ngaihtuah tur kan nilo’ kan ti ta mai thin. Til ropui tak nih hmel si, Pathian pawi sawina a ni thei zawk ang em?
Hmm…..kristiante chuan Bible a engkim siamtu Pathian chu engkim tithei, engkim hrevek, thil lo la thleng lo te pawh hrevek, kan ngaihtuahna te pawh hrevek, chumai ni lovin, kan la ngaihtuah loh te pawh hre lawk vek ang in kan inzirtir a maw? A nihleh kan duhthlanna te hi a hrelawk vek tihna a ni em? Hrelawk vek ni se, kan duhthlanna hi a lem a va ang dawn ta ve? Duh kan thlang e kan tih pawh hi kan thlan hma a a hriatlawk si chuan engetinge min hrem si? Kan pianhma in chu chu a hrelawk a nih phei chuan boral tur a kan pian chu a phal tihna em ni? Misual tur pawh a hrelawk em? A hrelawk a nih a, chu chu a dang silo a nih chuan amah zawk chu a diklo tihna a ni zawk dan asin.
Heng ngaihtuahna te hi i nei ve ngai em? I neihlo anih chuan i ngaihtuah ngamlo tihna a ni em? Ngaihtuah ringawt pawh i hlau em ni? Thlarau diktak neitu ah chuan hlauhna reng reng a awm tawh lo tih ziak a ni si a? Thil diklo chu in hmuthiam tan tawh mai em le???
Sap tawng a ALMIGHTY leh OMNICIENT, Pathian Engkimtithei leh Engkimhrevek tih hi tawng bul ah chuan El Shaddai (heb.) tih a ni a, chu chu Greek Septuagint ah Pantakratos(Gk.) ti a lehlin a ni a, chumi hnu ah Latin Vulgate ah Omnipotens(Latin) ti a lehlin a ni bawk. A bul ret kan en dawn chuan Hebrew hi i lo chik dawn teh ang le.
He pathian hming El Shaddai lo lanna hmasa ber chu Gen 17:1 a Abrahama hnen ah khan a ni. El chu Hebrai tawng a pathian sawina lamtawi, an hmanlar dan fo a ni a, a tluan chuan Eliohe a ni a, a chakna leh ropuina an uar duh in plural hmang in an sawi leh daih a, chu chu Eliohim tih a ni leh bawk. Pathian dik pawh, pathian lem te pawh, mihring zing a ropui an tih Mosia te leh roreltute zawng zawng pawh kha he thumal Eliohim hian an ko vek bawk.
Shaddai tih erawh an sawi dan chi hrang a awm ta a. Sawidan pakhat ah chuan tichhetu(destroyer) tihna a ni e an ti a, mahse chu chu thenkhat in Pathian mizia nen a inmillo an ti bawk. Mahse Isaia 13;6 ah chuan chutiang chuan a chuang ngei bawk si. A dang leh ah chuan TLANG sawina atanga lokal ni in an ngai leh bawk. Rabbinic theory ah erawh chuan sufficient tihna a ni ber an ti leh bawk.Chu chua Psalm 8:5 nen pawh a inrem thlap bawk. A aia chik zawk a en chuan nu in a fa hnute tui a a chawm sawina(breast feeding) atanga lo chhuak ni a ngaih a ni.Chu chu Paula’n 1 Kor 3:1-2 a naute hnutetui a sawi nen khan a inrem leh thei bawk.
Chutichuan, Shaddai chu tlang emaw, tichhetu emaw, intodelh, nu hnute tui pe tih atanga lokal a ni. Engpawh chu ni se, Abrahama a kohchhuah dawn khan he hming hian a inpuang ta tlat mai a, Abrahama hnen ah khan a rintlakzia leh a mamawh chu nu in a fa hnute tui nen a a chawm ang in a rintlak zia tur a sawina a ni ber mai. Engkimtithei leh engkim hrevek ang a kum 4000 lian hnu a kan lo ngai hi chu Abrahama Pathian hmelhriatdan nen chuan a inang tawh lo nasa a nih chu. Chutiang bawk in Isaka te, Jokoba te, Mosia te khan pathian kha engkimtithei leh engkimhrevek ang in an ngai ngailo reng reng vek bawk. A pumpui ah pawh Classical Judaism hian an biak pathian YHWH ti a Mosia hnen a rawn inlar kha engkimtithei leh engkimhrevek ang ah vawite khat mah an sawi ngailo tawp. Kanaan ram an luah hnu deuh ah phei kha chuan YHWH kha indona pathian bik ni in an hria a, lo te an han neih tak ah khan an pathian chu chulam chu hrelo leh malsawm pawh malsawm theilo tur in an ngai ta a, milem pathian, buh leh bal a malsawm thei tur zawk a an ngaih Baal pathian an biaksan ta mai a nih kha.
Chutichuan kan biak Pathian hi Bible tobul, Hebrew text ah vawikhatmah engkimtithei leh engkimhrevek tih a ni miahlo tawp a nih chu. Chutiang chuan ngaih pawh an ngai ngailo bawk a ni e. Pathian dik awmchhun, engkim siamtu a ni tih chu an hria, mahse engkimtithei leh hrevek ang a ngaih hi chu an bo chhoh hnu ah, an rabbi ten an zeldin chho zel a, chutah tang he ngaihdan hi lo piangchho ta chauh chu a ni. | Tullo mai pawh nilo, pawi ta em em mai chu, kan biak Pathian hi Enkimtithei leh Engkimhrevek, hrelawk vek ang a kan zirtir tak hian, mihring kan rawn fingchho ta a,rational deuh in thil kan nngaihtuah ta a, chutah chiah chuan zawhna, kum sangtam an lo zawh ngaihloh zawhna a rawn piang ta zawih zawih mai a, engkimtithei leh engkim hrevek Pathian a nih chuan tuarna, thihna, sualna te zawng zawng ah hian Setana ai mahin Pathian hi a hmingchhe ta fo mai a, chumi kalzel ah chuan kristianna te leh sakhuana te huatna a rawn hring ta daih mai a, a tawpkhawk ah chuan Atheism a rawn chhuak ta hial mai a ni.
He Pathian rindan diklo, a mah ngau ngau a ropui zet hi vawn hi enge a tulna? I inngaihtuah ngai em?
I naupan lai chuan i pa chu khawvel a pachak ber emaw i ti thin a, mahse i lo puitlin hnu ah chuan i pa chu pachakber a lo ni lo tih i hre ta a, i thinhrik ta em ni? I pa atana i duh ta lo em ni? I pa atan a tling ta lovin i hre ta em ni? Pathian hi min siamtu a ni a, engkim hi a ma siam anni. Amah tan a siam kanni bawk. Min chhandamtu a ni bawk. Amah chuah hi pathian dik, pathian a biaktlak a ni bawk. Chhandamna kan chantheih nan a fapa min pek chu rin mai a tawk bawk, tu lak ah pawh, eng hun ah pawh, khawi hmun ah pawh kan tan a ban hi a sei tawk a, a rintlak a, ngaihthatlohna tur engmah a awmlo bawk. Chumi piah a kan dawizep em vang emaw ni a Pathian hi a nature Bible a inziaklo tawp ang a va rin hi a thatna ka hrelo mai a ni lo, a pawizia hi ka hria. A dik tak in Pathian chu be mai ang u, Bible kalh a kei ni lo ngaih ropui chawp leh lo sawi ropui chawp hi a mamawh lo ve.
Ref : https://www.abarim-publications.com/Meaning/Shaddai.html
Similar Posts:
- Sunday Pual (ti ve teh ang).
- Tawngtaina…awmze nei lo…(chhunzawmna..phur leh thut pek a lawm maw le)
- Bible hi aw….
- Presbyterian Kohhran Beihrual thupui September 15, 2011
- Pathian Chungchang
November 2nd, 2012 at 12:38 am
Tui a let dawn khan YHWH chuan “mihirngte ka lo siam hi ka inchhir a ni” a ti a, a siam hma khan a inchhir dawn tih a hrelawk lo em ni? Chu chu Pathian omnicient sawi tur a ni ngai em ni?
Report this comment
November 2nd, 2012 at 12:40 am
chhang ve phawt rawh lemz matre.. chuan ka chhunzawm dawn nia
Report this comment
November 2nd, 2012 at 12:43 am
ka chhanna che chu ka post pumpui khi a nih khi, El Shaddai hi omnicient ti a kan translate hi a diklo ka ti a nih khi.
Report this comment
November 2nd, 2012 at 12:45 am
phakar tiah tiah ve.. keipawh ka chhanna lehna che chu ka comment zawng zawng khi ni rawh se.
ka zawhna pakhat zawk i la chhang lo..
Report this comment
November 2nd, 2012 at 12:46 am
I comment zz ah hian i nui deuh zel mai a, a tak a chuan i thlan a tla but but awm si a, hetiang hi hypocricy chikhat, ramhuai tereuhte chikhat, satire an ti emaw ni kha a ni em kha aw?
Report this comment
November 2nd, 2012 at 12:49 am
nangang kan ni ve lem lo e
thinrim suh matre.. nang lo pawh hi heretic dang an tam a, an hmingchhe ve fo tho a nia.. eekekkeke
Report this comment
November 2nd, 2012 at 12:50 am
Engkimtithei tih khi chu ka pawm mai alawm, a theihna hi kan la hmu tak tak lo a, keini lo question rual a nilo. Thil reng reng, a tlukpui rual thildang an awmve a nih loh chuan infinite power hi a thei/a theilo tih ah keini conclusion lo siam ve rual a ni lo. ka topic atanga zuanchhuah chu i chak maw? hehehe
Report this comment
November 2nd, 2012 at 12:53 am
ka thinrim lo, ka then reng mai zawk a ni, ka corner dawn che tih i hrelawk a, talpitna i zawng ruai hi ka rawn mitthla mai che a ni e, i dinhmun hi a chau riau a nia aw. Missile ka la ngah rapthlak mai si a.
Report this comment
November 2nd, 2012 at 12:54 am
Setana ah lutchho tawh teh ang,a bulthum atangin aw –
Setana kha a hel dawn tih kha YHWH hian a hrelawk em?
Report this comment
November 2nd, 2012 at 12:58 am
Engkimtitheia i pawm chuan a tha a lawm.. engkim a tih theih chuan engkim a hrelawk thei ang tih pawh pawm law law la… i buai lo mai ang.
Bible-a inziak lo tawp leh Bible kalh chu eng ber maw ni ta a..? topic atang chuan Zuang chhuak chak lo ve.. nuam alawm le
Report this comment
November 2nd, 2012 at 1:01 am
Engkim a tih theih chuan engkim a hrelawk thei ngei anga, engkim a hriat lawk theih chuan Setana pawh kha a hel dawn tih chu hriat ngei awm tak tiraw..!! i remkhawm thiam na nge nangma reasoning mai mai pawh..? huhuhu
Report this comment
November 2nd, 2012 at 1:05 am
Engkim tithei tih khi a tlukpui atanga relativity ah chiah chiang thei chi a ni a, chu chu an awm siloh avangin pawm ve mai loh chu mihringin option a neilo ka tih khi. Khawvel ah bel pakhat chiah awm se,chu bel chu a tle ngei a tlelo tih hi tehfung a awm theilo ka tihna a ni e. Khaikhin pui tur a neilo.
Report this comment
November 2nd, 2012 at 1:10 am
Setana a hel dawn tih a hrelawk a, chu chu a venglo anih chuan sual bul hi ‘in the eye of the law’ ah chuan amah Pathian chu a ni ta tlat asin,Puithiam Elia case atangin teh teh, a fate an sual tih a hria a, a hunlai in action a la lo a, chu chu pathian in a haw lutuk.
Omnicient doctrine in Pathian a chawimawilo a, a hmai a tibal zawk tih chu i hrethiam tan tawh mai em?
Report this comment
November 2nd, 2012 at 1:11 am
Ka mut san tawh mai teh ang che u, a ngaihnawm ka ti viau a, mahse ka mit a thip tawh riau. Naktukah ka chhiar zawm tawh mai teh ang Lalpa’n rem a tih chuan.
Mangust ule.
tren tren
Report this comment
November 2nd, 2012 at 1:13 am
Pathian chuan Setana chu engtin nge veng se i tih han sawi law law phawt teh. Nang rilru chakah
Juda khan a phat dawn tih a hre reng a, khap ahnekin i tihtur ti rawh a ti a, Isua pawh kha i dem ang maw??
Pathian rorel dan i hriat phak lohzia i hrethiam tan tawh mai em?
Report this comment
November 2nd, 2012 at 1:20 am
A sual dawn tih a hrelawk a nih chuan a siamlo mai thei alawm, siam pawh ni se, a chapo pui tur in wisdom ah leh beauty ah perfect in a siamlo mai tur alawm, power leh office sang tak pawh a pelo mai thei alawm, Setana helna avanga universe a buaina lo awm tur hi Pathian hian a hrelawk a nih chuan hrelawk chung a a tih si chuan chumi avanga tawrhna hi a hrelawk vek bawk a nih chuan hmmm……ka Pathian hi min an sawichhiat in sawi tur ka hre dawn tlatlo. Nang engtinnge i tih tak ang le?
Report this comment
November 2nd, 2012 at 1:26 am
Kei chuan chung avang chuan ka sawichhe lo phawt mai a. Nang chuan chutiang ang chuan pawm la chu i sawichhe ngei dawn a ni ang maw..?
Setana kha siam lo ngawt se Pathian hmangaihna Krista thihna leh thawhlehnaa puanchhuah hi kan hre dawn lo tihna a ni a, kei chu Setana hi a sual viau naa tangkai ka ti tlat mai
Tangkaina hi a nei ve tlat nia mawle.. heng vangte pawh a nimahna a sual kha Pathianin a phal.
Report this comment
November 2nd, 2012 at 1:28 am
heng vang hian OMNIGOD concept lo chhuahna bulthum, EL SHADDAI hi ka en ta a, SHADDAI hi OMNI sawina a lo ni reng reng lo tih ka rawn sawi ta a ni e,a rim zeuh pawh a namlo e.
Ka Pathian ka TAN ZIA chu i hrethiam tawh mai em, ka ngaidan leh pawmdan leh khawvel lo inzirtir dan ropui tak tak te thiat in, ka rawn mualpho pui ta zawk a nih hi, in haw dawn tih hi ka hresa vek bawk.
Report this comment
November 2nd, 2012 at 1:33 am
comment 117 chu leh….Anton Levey’s Satanism, Luciferians, Mystic Kaballism ho ngaihdan a ni e, khi ngaihdan khi Setana lawmzawng tak a ni asin. Hman ah khitiang khian ka ngaihtuah tawh, Setana min rawn bei nghal mai asin.
Report this comment
November 2nd, 2012 at 1:35 am
Mahni inhriat dan lam ai hi chuan chunglam min hriatdan hi a pawimawh chu a ni. Mahni tawkah Pathian hi kan tan theuh.. Pathian tan dan dik ber chu Isua Krista zirtirna nunpui mai hi a ni. Muslim te pawh hian an pathian chu tan fia fia deuh an nia..an tan em em avangin an dik chuang hauh lo.
Report this comment
November 2nd, 2012 at 1:37 am
Setana nen hi chuan in inhnim hnai sa ve reng reng alawm
Report this comment
November 2nd, 2012 at 1:43 am
umm .. mu dawn teh ang.. Biblical taka thil discuss pui theih loh hi chu ka chu e kha peih vak lo e.
“a khawngaihna ropuizia fak turin ama lungduha lawmzawng angin Isua Krista zarah ama tan faa siam tura min lo ruat lawk tawh avangin. Chu khawngaihna chu Duhtakaah chuan athlawnin min pe a; a thisen avangin amahah chuan kan tlanna kan nei a ni – a khawngaihna ngahzia ang zela kan bawhchhiatnate ngaihdamna chu”
Report this comment
November 2nd, 2012 at 1:49 am
Kan duhtawk dawn em ni? Point i nei tawhlo e, In justify-na platform min siamsak a ka lawm khawp mai,ka men ta hrep che a, a zialo deuh. ka tawngkam feikibar deuh deuh te kha chu i potential rawn phawrhchhuak la ka duh vang in ka nek lui mai mai che a nih kha……
He post ah hian Pathian hi ka sawichhe reng reng lo a, a hmingchhiatna point lianber zing a pakhat, Atheist ten pathian an demna lian em em mai hi a tobul ah ka chhuipui che u a ni e.
Readers te hnen a ka chah duh chu CHAK zawk, CHAKLO zawk lam kan tumber a nilo a nia, Pathian thu hi debate na atna hman chi ah ka ngai lo a, HOT discussion neih chu a thiang thung. Thil hi kum sangtam an lo pawm tawh avang hian dik ta bik ah pawm ngawt vek suh u, chik rawh u, thil hi namliam puat ngawt suh u, Pathian hi a dik felfai vek a,a rintlak, min siamtu a ni,min chhandamtu a ni, a bak a MULTI-OMNI concept te hi chu original text atanga an lehlin chhuahna ah a nihna ni chiahlo deuh a a rawn zikchhuah vang a ni zawk e. Pathian potential hi kan hrephaklo a, kan hriatphakloh ah chuan claim siam vak vak hi a himlo fo thin, kan defend zawhloh tur ah chuan silent ngam hi mifing hna a ni e.
Report this comment
November 2nd, 2012 at 1:56 am
I injustify paw’n ka lo hre lem hleinem (atleast Biblically). I point hi Bible hmangin i defend hlawl lo bawk.
“Pathian chu kan rilru aiin a ropui zawk a, ENGKIM A HRE SI A”
“Pathian thuchhuak reng rengin tihtheih loh a nei lovang”
“Kei Alpha leh Omega ka ni,” Lalpa Pathian, awm meka leh awm tawha leh lo la awm tura, Engkimtitheia chuan a ti a ni.
Pathian hi engkimtithei leh engkim hria anih i la ringhlel fo em..? engkimtithei a nih zia hi Bible-ah a inziak lo i la ti cheu dawn em..? Lo inzawt rawh.
Report this comment
November 2nd, 2012 at 1:57 am
Enge ni Biblical tak a discuss i tih chu le? Bung leh chang refer thlap thlap hi em ni Biblical em em chu? Nang in i rote-memory i uar a, keiin concept ka uar thung, nangin bible chang i by-heart hnem a, a concept erawh i man lo nasa em em thung.
Bible bu 66 a an zialtet nachhan hi ka rawn X-RAY sak leh ang che, Constantine-a Romanic conspiracy hi engchen a rei nge maw i inbum tir dawn le aw?
Report this comment
November 2nd, 2012 at 2:03 am
Bung leh chang ka refer thlap thlap lem loh khi en rawh. A concept hi a support tu a awm tur a ni.. Khaw nge i ref verse te ??
Pathian hi engkimtithei leh engkim hria a ni lo tih concept chu han support teh .. i thei lo a pehhel dan i zawng char char lo em ni.. i trick hi kan hai hleinem
klik klok 
Report this comment
November 2nd, 2012 at 2:05 am
RELATIVITY hi a hun ah i manlo leh khut zel……Sadraka ten Nebukadnezzar-a kha “AW LALBER” an tih khan a relativity chu Babylonian Empire a nih kha, zu zuar in “Lala hi chu a lo fel ber mai” a tih pawh in a relativity chu a customer te zing a a ba ngailo ber tihna a ni leh mai bawk. hehehe……….
“Pathian chu kan rilru aiin a ropui zawk a, ENGKIM A HRE SI A” >>>>in relation to human sawina aw.
“Pathian thuchhuak reng rengin tihtheih loh a nei lovang”
>>>> in relation chu human sawina aw.
“Kei Alpha leh Omega ka ni,” Lalpa Pathian, awm meka leh awm tawha leh lo la awm tura, Engkimtitheia chuan a ti a ni.
>>>> hei pawh in relation to human. Olahm(heb) leh Aion(Gk) pawh kan la chai a ngaih hmel deuh e. ALPHA
Report this comment
November 2nd, 2012 at 2:09 am
ohohoho .. in relation to human khan Pathian omniscience chungchangah thil mi zawt zuk zuk a ni lawm ni..?
Anih leh in relation to man lo chuan engkim a hre lo, engkim a tithei lo i tihna maw?? chu pawh chu i support leh thei chuang lovang tiraw
?
Report this comment
November 2nd, 2012 at 2:14 am
A hahthlak ve det, Pathian hi engkim tithei leh engkim hria tih root word chu heb. El Shaddai a ni a, chutah chuan engkim tithei leh engkim hria tih concept hi a inbilh tello ka ti a, post meuh ka rawn siam a, khawnge chu chu, khawnge, khawnge i ti hu hu ringawt mai……..El Shaddai ah greek an vai a, chumi hnu ah English an vai belhchhah a, chumi hnu ah mizo kan vai zual sauh a, kan vaih hnu a a bulthum letthleng mang silovin, Bible ah engkim hria, engkimtithei tih hei a inziak ching i ti vel mai mai a ni, engkimtithei leh engkimhria tih thumal khian i thluak a tibuai a nih kha, Let X be engkimtithei, let Y be engkim hria ti ila, i harh deuh mahna….chuan XY value chu hebrew Shaddai ah kan en ang a, X leh Y tlukpui chu Pathian rintlak, a thilsiamte nu in a fa hnute tui a a chawm zo ang chiah a chawm zo, rintlak a ni tihna a ni tih kan va chawk chhuak tawh mai dawn a nih chu, hei chu Ignatia te lam chanpual ni teh se, anni equation an thiam alawm.
Report this comment
November 2nd, 2012 at 2:15 am
Ka insum thei lo tlat zan a rei tawh a niang.. thil pakhat kha.. Setana’n Evi mawng a englo tih vel kha emni i concept man fuh dan chu ??
Bible rinchhan tur hre der silova huai tak tak huk dum dum hi sim teh .. hihihi .. Evi hian a ngei ve che chuan ka ring alawm.. lolzzzzzzzzzzzzzzz
Report this comment
November 2nd, 2012 at 2:16 am
Ih e.. a root word loah khan, NT concept alawm. I thu sawi reng reng Biblical support han demand hian phawrh tur hi i van thei ve ngawt mai tiraw..?? hahah
tui deuhin mu rawh.. ka mu e
Report this comment
November 2nd, 2012 at 2:18 am
Nilo, in relation to human ah chiah sawi theih kan nei a, chumi piahlam, in relation to human lo ah chuan min relate lo miau si a, equate chhuah ngaihna mihringin a neilo ka ti a ni e. Kan claim buru lutuk a, kan buaina loh tur ah mihringte hi kan buai zo vek ka ti a nih chu, medieval syndrome.
Report this comment
November 2nd, 2012 at 2:23 am
Ih e, NT concept ah thudik zawng suh, Constantine an a khawih chingpen tawh ka tih chu…..he conspiracy hi i la hmelhriatloh a ni maw, Roman in Judaism phumbo a, anti-Semetic Christianity a din duh avanga Torah diklo taka LAW ang a a interprete a, chu chu grace nen a a inchaltauh tir dan hi, Petera epsitle paih a, Paula epsitle a dah tlur nachhan.
Semetic 12 apostol, Juda pachalte an thih zawh hun nghak a, pagan Greek, Roman leh Alexandria Coptic philosophy kohhran a inject vak tu hi kan hai lo e.
Report this comment
November 2nd, 2012 at 2:31 am
I comment ka lo hmu kimlo, Khi aia tenawm khi ka la rawn theh leh ang che, serpent seed tak tak a ni tawh ang aw….Kaina line kan chhui ang a, Hama nu ka chhui ang a, Cusha,Semiramis,Nimroda kan chhui ang…….gnt.
Report this comment
November 2nd, 2012 at 7:25 am
Ok a tha e .. chuan nangni Semetic Christianity inti, Jehova Witness thurin 80% pawmtute chu in pawl zawm ve duhten an hriat atana pawimawh in thurin chu ‘tiang deuh hi tihna a ni maw (a dik lo leh belh ngai chu lo sawizawm ve ta la, tihsual a awm chuan ngaihdam ka dil nghal e):
1. Thuthlung Hlui chauh hi rinna leh thiltih tehna dik lo thei lo a ni a, Thuthlung Thar hi chu Constantine khan a tihchingpen tawh avangin Pathian thutak hriatna’n a tlak loh.
2. Mihring suala a tluk dan chu hetiang hi a ni: Evi chu rulin ngamthlemin a mawngah a pawl a, chu inpawlna atang chuan Evi taksaah natna hrik tihbaiawm tak, rilru ngaihtuahna tichhe vek thei a lut a, Evi chuan a pasal kai chhawngin mi zawng zawng Eden natna chuan a fan chhuak ta vek a.
3. Pathian hi engkimtithei leh engkim hria a ni ngei tih mihringte hian kan hre thei lo; Bible hian a sawi leh sawi loh kan hre chiang lova, lo sawi pawh nise rin tak tak tur a ni lo, Bible hi tihchingpen tawh a nih avangin.
4. Pathian fapa hming chu Yahushua a ni a, a hming dik tak anga lam lote chu chhandam an ni ve lovang.
5. Yahushua hi Pathian tak tak a ni lova, pathian te (minor god) a ni. Pathian thilsiam zinga mi ve mai a ni bawk; Pathian tak chu pakhat chauh a awm si a.
6. Judate ni serh leh kut nite chu hman ve zel tur a ni.
7. Pawl hming chu Zohova Witness tih a ni ang.
8. Ringtu hi chi hnih awm; Vana Pathian hnena cheng kumkhua tur leh he leia cheng kumkhua turte.
9. Rorelna niah chuan mifelte chu chatuan nunnaah an lut ang a, misualte erawh chu meidila chatuana hrem tur ni lovin, piang lo ang maia tihboral an ni ang (annihilate).
10. Zohova zirtirna chauh hi zirtirna dik awmchhun leh pawm tlak awmchhun a ni.
Report this comment
November 2nd, 2012 at 7:44 am
A ngaihnawm hle mai. Tihian ka lo inrawlh ve lawk teh ang, engmah hriatna leh thiamna chu ka nei ve hauh lo a, hnial emaw zawh zui tlak erawh ka ni hauh law, ka lo man ve dan chu.
Fapa tha tak mai i nei a, a duh zawng leh mamawh engkim mai chu i pe a, engmah harsatna awmzia leh hreawmna awmzia reng hre lovin i enkawl a. Nupui te i neih sak a, hlimna hlir a hmaah i chhawp sak a. Amaherawh chu i fapa chuan i hmangaihna chu a hrethiam pha hauh lo mai, a chhan chu i hmangaih avanga nawmsakna tinreng i pek te chu hreawm awmzia a hriat tlat loh avangin a tur ve rengah a ngai hmiah mai a ni.
Engtin nge i hmangaihna chu i hriatthiam tir theih tak ang le? A hmasa berah chuan i fa chuan hreawm awmzia a hriat a ngai, tin, chu a hreawm tawrh chu chutimai a tihreh chi a ni tur a ni lo. A titawp theitu chu nangmah a pa chauh i ni tur a ni, chu pawh chu power ni lovin tawrhna a ni ngei bawk tur a ni. Engkimtitheia a lo ngaih a pa meuh pawhin a hreawm tawrhna tihreh nan nun meuh hlan a, a tawrh ai i tawrh meuh chuan i fapa chuan i hmangaih em em a ni tih chu a hai thei tawh hauh lovang.
“Keini’n vanduainaah kan ruat a hmangaihna lantir tu, lawmna’n a siam ta zawk a”
Setana nen lam chunga roreltu chu kan Pathian hi a ni tih hi ka pawm thlap.
Hetah hian kan Pathian hi a inpuang chiang viauin ka hria.
Isaia
45:5, 6 Kei hi LALPA chu ka ni, a dang rêng rêng an awm lo; keimah lo chu Pathian rêng rêng an awm lo: keimah lo chu a dang rêng rêng an awm lo tih ni chhuahna lam atang leh thlang lam atanga an hriat theihna tûrin, mi hre ngai lo mah la, i tai ka hrensak ang che: kei hi lalpa chu ka ni, a dang rêng rêng an awm lo.
45:7 Eng ka siam thin a, thim pawh ka siam thin a ni; remna ka siam thin a, sualna pawh ka siam thin a ni; kei hi LALPA, chung thil zawng zawng ti thintu chu ka ni,” tiin.
tren tren
Report this comment
November 2nd, 2012 at 8:14 am
@136 good point
Lal Davida pawh khan tihian a lo sawi tak a sin –
“Tihhreawma ka awm hma khan ka vâk bo thin a; Tunah erawh chuan i thu ka zawm ta… I thuruatte chu ka zir theih nana Tihhreawma ka lo awm kha ka tan a tha a ni.. Aw LALPA, i rorêlte chu a fel tih leh, Nang chuan rinawm takin a ni, mi tihhreawm ni tih ka hria.”
Report this comment
November 2nd, 2012 at 11:32 am
Pathian thu hre hleah I in ngai a, I hriat loh zia hi I ron ti lang chiang ta.
I ngaihdan I ron ziah hmasak zawk hma daih pawh khan ka Lalpa, kan Pa Pathian chuan he post I ziah leh post tur hi a hria asin.
I ron post leh tur pawh a hria asin.
Lalpa kan Pathian chuan Engkim a hria in, ati thei chiangkuang teh mai.
I sim loh chuan, sim lova I thih dan tur pawh a hria.
Piangthar nia inchhal chungin heng ringtu chaklo te rinna ti derthawng leh kal sual theihna leh tam tak kal sualna te hi I thehdarh zel a maw? Sim la bang roh unaupa.
Pathian ring in ti siin Ama huat zawng leh dodal zawingin ziak in hna thawk mah ta che.
Setan’ thlarau I chang ani.
Van ram luh I duh chuan Lalpa chu zawng la, a duh zawng nen, a Thlarau thianghlim chu I la chang ngei ang.
Hmanlai’a Nostradamus te, Chinese englo te pawh (an hming ka ziak lo mai ang) an hun hnu, thih hnu a thil thleng tur te an hrilh lok theih si chuan,
Lalpa Pathian chung ho siamtu leh nangmah leh thil tinreng, Engkim siamtu chuan Engkim, kal tawh leh thil thleng mek te leh hun lo la thleng tur te chu a hre lovang em ni?
Hre lutuk.
Lalpan ala khawngaih che angin, khawngaih zel che roh se.
Mahse, I lum leh lum la I vawh leh vawt rawh. Pathian I tlanbo san zia pha suh.
Lalpaah chuan, I sim loh chuan nangmah ai pon Atheist ho hma khua a var zawk e.
Lum si lo vawt si lote chu A chhak chhuak don si a, achhan chu chung chu beramno puan sin chhung lama sihal tihte an nih avangin.
I thiltihte hi Lalpa mit hmuh in sual lian tak ani si a.
Report this comment
November 2nd, 2012 at 3:44 pm
Lawrkhawm miril meuh in min rawn khak chuan ka lo tisual nasa hle a ni ang e…;)
Ka duhtawk ang e, post thupui tawngbul atanga chhui ve ni chuang mang silo, post paihthlakna point pakhatmah nei si lo,post nen a inzawmna nei der bawk silo, bauh ve vak vak ringawt mai, indeusawhna game chu in kut ah ka dah e.
Report this comment
November 2nd, 2012 at 5:43 pm
SHS ka tan ber che
Report this comment
November 2nd, 2012 at 6:56 pm
Ka lo chhiara, ava han tha tak em he pot zet chu. John Stot sawi ka hriat chu “Bible hi Pathian thu a nih rual rual hian, Mihring thu pawh a ni” tih hi.
Noah Webster’s New International Dictionary of the English Language chuan tihian a sawi a, “(a.) Unlimited in might; omnipotent; all-powerfull; irresistible,(b.) Great; extreme; terrible.”. John Jay College a Psychology Assistant Professor, Harriet Lutzky ngaihdan chuan “infertility” lam sawina a ni a ti thung a. International Standard Bible Encyclopedia pawn “alo chhuahna bul tak hi a chianglo” a ti mai bawk.
Rome 9:29 a “ALMIGHTY” tiin NIV, conservative bible lar chuan a sawi a. KJV ve thung chuan “Sabaoth” a tia. Aramaic bible ve thung erah chuan “THE LORD JEHOVAH of Hosts” tiin a let leh thung a. Apostolic Bible polygot pawn “the Lord
of Hosts” tih tho hi a leh dan a nia. Matthew Hendre Whole Bible commentary pawn “Elshaddai” chu “Seed” lam sawi nan a hmang bawk. Tin, Matthew Hendre Whole Commentary vek hian Number 24:4 a “SHADDAI, Heb. sad-day” chu “Lord Host(Armies) leh God’s Power” amng zawng thoin an letling bawk.
Hetiang deuh hian Scofield pawn “El-shaddai” chu “Hnutetui/malsawmna/chakna petu” ti ang zawngin a sawi a(Gen 49:25 Job 3:12 Ps 22:9 Song 1:13 4:5 Song 7:3,7,8 8:1,8,10 Isa 28:9 Ezek 16:7). Matthew Hendrew commentary nena enmilh pawn “Almighty” tih ang zawng hi chuan an hrilhfiah vak ngailo a. An pawmdan em em pawh a nih hmel berlo bawk.
Gen 17:1 a alo lan hmasak ber pawh hian El-Shaddai chu “chakna petu/hnutetui/engkim nei” ang zawng hi Mithiam te pawm dan ber chu a nih hmel e…
Report this comment