He hla hi a va han ropui tak em!! A phuahtu Lalruatfela Pachuau hi a lo ril in a ropui hi ka ti, a satu Liandingpui’in nalh leh lungkuai raia a han sa lehnghal te hian, mittui a ko mai dawn thin alawm le!
I hnung zui tur hian Lalpa
Ka theihnate a tlem thin si a
Mite ngaiha beidawnna lo thlen chang hianin
Channa emaw ka lo ti a
Mahse i remruat hi ringtute tan
Chaklo tan chakna a lo ni
Ka Lalpa remruat dan hi
A makin hriatthiam a har lua e
Mite ngaiha vanduaina tinreng lo thleng hi
Kei misual ber tan malsawmna
Beidawnna leh lungngaihna tawh changni lo thleng mahse
Ka Lalpa remruatna danah chuan
A hmel mawi min hmuhtirtu
I tlawmlai hmel hmu turin
Chapona in ka lo zawng thin che a
Mahse khawvel finna leh sanna zawngte hian e
I hmel mawi an hliah si thin a
Ka lungkham thin sanna leh hmingthanna te
Ka kawng daltu mai a lo ni si
I hnena ka dil malsawmna
Khawvela ro thil zawngte hi
Nei thei ila khawvelah Nang ka ngai lo’ng che
I hming lam ka tum ngai lo’ng e
Beidawnna, manganna, retheihna te
Min tichaktu a lo ni e
A ni tak a, keini ang piangphung finna emaw sum leh pai pawh a rualpawl lo, inthlahrung taka nitin kan ei khawp in chaw min pe ang che ti ve ngam tawk tawk pawh nghei lo a min siamtu Lalpa i va han ropui tak em! mahse Lalpa i tan hian tihtheih hi ka va nei tlem tak si em!! chutih lai kar in harsatna chhumpui tena min nuai chang te hian he mihring lungngai thin leh vui thin hian vuina tur a lo zawng leh zawk thin.
I remruat dan hi kei mimawl tan hian hriatthiam hi ava han har thin tak em! Ka duhnate hi I hnenah thawchham lek lekin ka chham zantin a, mahse ka dil ang hian a thleng leh thin si lo!! Ka dill oh zawk harsatna te min pe leh si thin a. Vanduaina leh harsatna tawk zing bik riau te hian ka inhria a, chu mai ni lo in mite vanneihna ka hmuh te hian I hnena ka vuina titam tu an lo nileh thin si!! Aw mihring tlaktlai lo tak chu ka va han ni tak em!!
I huat ber chapona lah hian min kiansan zai reng a rel bik silo! A khualaia a chawrche ber leh neih reng nei lo ni mah ila mahni tawk a chapo ar leh inchhuang ru tak ka ni reng si!! Mite angin khawvel finna, hriselna, sum leh pai te hian min thuam phei la chuan nangnghilh zai ka rel ngei ang!! Mahse Lalpa nang chuan chu chu hre rengin I hnen ata ka pen bo loh nan heng retheihna, manganna leh harsatna tinreng te hi ka hmaah ilo dah thin a ni zawk si.
Mahse Lalpa harsatna, beidawnna te hian nangmah min auh tam tirin, nang lo chu belh tur leh ka lungngaihna han thlenna tur ka neihloh chian zia an ti lang fo thin. Nang chu ka inhumhimna, engkim ka thlen theihna awmchhun i ni reng si!! heng harsatna te hian min tuam vel lo la chuan i hnena ka tawngtai zatve pawh hi ka tawngtai ka ring lo asin!! Ni e Lalpa heihi I hnena ka tawngtaina ni reng fo se “Nangmah hnaiha awm reng hi”.
____________________________
Image Src: bispomacedo.com.br
Article by: Appy Lalhriatpuii Yareli
( ~¿§?~ )
November 2nd, 2012 at 8:45 am
.
Report this comment
November 2nd, 2012 at 8:48 am
A hmel mawina lai chauh thlir thiam nih hi a NUN a hahdam.
Hla phuah thiamte hi an ngaihsanawm thlawt mai! Kan rilru a kan suangtuah, kan sawi chhuah thiam loh hi, kim leh mawi tak leh mi hneh tak mai hian nalh em em hian an rawn dah chhuak thiam bîk a.
Paws tu pawn a rawn chhunzawm nalh hrim hrim e.
Report this comment
November 2nd, 2012 at 9:03 am
Lalruatfela Pachuau hi ka ngaisang ngawt mai, post tha tak a ni, he hla hi chu a tha thlawt alawm…
Report this comment
November 2nd, 2012 at 9:13 am
Post tha tak a ni e..
He hla hi chu, hringnuna chauh chang neih laiin sak/ngaihthlak a hlu bikin ka hria. Ka ziaklang tawh, he hla kan ngaithlak fuh zan kha ka la theihnghilh thei lo. Ka thianpa nen, hostel-ah kan ngaithla a. Vawi 10 chuang kan ngaihthlak hnu pawh khan (tape recorder-a ngaihthla kan nih avangin, rewind zel a ngai a) vawikhat leh chiah kan tia, kan play leh thin; kan ngaithla kham meuh lo a ni..
Report this comment
November 2nd, 2012 at 10:00 am
Amen
Report this comment
November 2nd, 2012 at 10:29 am
He hla hi chu aw, a tlar tin mai khi a tha zawk tih tur vek ani.. Lalruatfela Pachuau hian Pathian hi a van hmu fiah thiamin a va’n tlang-au-chhuahpui thiam bik em!
Article ziaktu Appy Lalhriatpuii Yareli, kan khaw nula chhuan taw-lawl, hehe..Well done…Appy
Han ngaithla sak ilaaa..
Report this comment
November 2nd, 2012 at 10:42 am
He hla Liandingpuii sak kha a video ka nei ve hlauh mai a, ka duhin ka ngaithla nasa thin khawp mai.
Report this comment
November 2nd, 2012 at 10:53 am
Harsatna leh manganna tawpkhawk ah, tumah an awm tawh lo naah hian Lalpa hi chu min tanpui turin a lo awm reng thrin. Halleluiah.
Ka ngaithla nasa thin khawp mai keipawn. Kan biak inah amah Lalruatfela ngei hian a sa a, rilru a va han hneh tak e aw…
Report this comment
November 2nd, 2012 at 11:26 am
@ evergreen… In khua a ni lo, kan khua (Bangalore) nula zawk asin, mei mei..
Report this comment
November 2nd, 2012 at 12:03 pm
Report this comment
November 2nd, 2012 at 1:08 pm
Post-tupa, he hla hi keipawhin ka duh kawp mai
Report this comment
November 2nd, 2012 at 1:28 pm
Kei pawh he hla hi ka duh thin khawp mai,a chang tawp ber phei khi chu a dik thlawt zual,Amah Ruatfela tak pawh hian a sa nalh ka tia
Report this comment
November 2nd, 2012 at 1:55 pm
Report this comment
November 2nd, 2012 at 2:11 pm
mahni in han tawn ve chhiah hian mite’n Pathian an lo hmuh thuk zia hi a hriat theihna chu, hla tha deuh sak tur hi a lo om reng zel mai a. Thihna hlimkawr ruamah phei hi chuan Isua chauhlo chuan min kalpui thei dawn si lo a, khawvel Ropuina ai chuan Isua neih ka duh zawk lo ti te hi chu an fing ber a ni. Khawvel thil hi chu engmah lo mai alo ni si a.
Report this comment
November 2nd, 2012 at 3:54 pm
He hla hi chu ka testimony hi a ni ringot ka ngaithla ning thei hlol lo ni e..
Evergreen & Dr Mahminga Sailo ka tran top che u hehe.. (Y):-D
Report this comment
November 2nd, 2012 at 4:06 pm
@ Appy… evegreen hi alawm, Bangalore-ah a awm ve tawp si lo va..
(insawitheihna pawh ni lovin.. 
)
Amah kan hnaih theihna tura kohhran min pe te, fak hla zak tur hla phuahthiam min pe te, sawi sen a ni lo. Pathian hian fak a phu reng a ni…
Report this comment
November 2nd, 2012 at 5:44 pm
@Appy, Mate..keini paw’n kan tan tawp che..hehe
Rawn post ve zel rawh.. a ngaihnawm i thu ziak
Mahminga hi hriatthiam chin i lo nei dawn ia..ehem!
Report this comment
November 2nd, 2012 at 6:45 pm
Enton tur kan nei che u a lomom khop mai..@ evergreen & Mahminga..
E tak a hmanni sunday kha chu mahminga hian khuang a vaw thiam bok a, kan zai tui nia aw hehe
Report this comment
November 2nd, 2012 at 11:09 pm
@ Appy… Min lo hmu elo?
Pathian ni hmasa inkhawm kha chu a nuam khawp mai.. 
Report this comment
November 3rd, 2012 at 12:34 am
Hla ropui tak a ni.
Report this comment
November 3rd, 2012 at 2:25 pm
Report this comment