Kan chhuang em che(hla lam bawk aw)

November 2nd, 2012 3:31 pm by thinawrha

Chhawl ang thliah hnu I vul lai nite,
Chunnu kan ngai bang nem le.
Chhingmittui nen kan chhui I sulhnu,
Puan ang chulzai rello nang ngaih hi.

Thunawn:
Nghilhni I awm dawnlo chun nunnem!
Thinlai tui ang dam diai Lunghnemi.
Kan chhuang em che aw min hmangaihtu,
Muangte’n chawl nang che I Lal hnenah.

I par min dawn a I hrai lengte,
Muangte’n kan leng I zar luai an.
Awi maw! Hnuh uai a chang zo ta si,
Kan dawn lai Zarluai I fam ta maw!

Piallei dai an I zal ta si maw,
Kan lawina run riang zo ta.
I hrai lengte kan hrilh a hai lua,
Chunnem, kan la tiam lul lo asin.

PS: An Nu, khupbiha dam in mual a liamsan hnu-a amah hriatreng nana min phuah tir ve ani e.(anmahni chu sawilo mai ila).

13 Responses to “Kan chhuang em che(hla lam bawk aw)”

1
evergreen Says:
November 2nd, 2012 at 3:36 pm
A nalh e..rawn ti zel rawh Thinawrh!
Thinawrh! tih hi kan naupan laia ka nu min hau dan..haha
2
zualbonez Says:
November 2nd, 2012 at 3:36 pm
1st commenter an la awm nange
3
evergreen Says:
November 2nd, 2012 at 4:29 pm
^
4
Awmtea Khiangte Says:
November 2nd, 2012 at 4:57 pm
A nalh phian mai

Kan chhuang em che aw Thinawrh
5
Sihtea Says:
November 2nd, 2012 at 7:28 pm
A nalh khawp mai. Pu Thinawrha
chu i lo ril hle mai. Hla dang pawh rawn phuah zel teh khai.
6
thinawrha Says:
November 2nd, 2012 at 9:14 pm
in van ti lawmawm hlawm ve awwww aaaa…tak tak emaw kan ti anga ninawm khawpin kan phuah tlut tlut ang tih pawh hlauhawm mai dawn lawm…thnx guys
7
sheldon Says:
November 2nd, 2012 at 9:30 pm
Phuah thiam hle mai. Kei hla tlar khat pawh la phuah ve chhin lo hian thiam ka ti teh mai che. Rawn ti zel teh.
8
Puii Says:
November 2nd, 2012 at 10:57 pm
i va phuah thiam ve, a solfain lo dah tel la mawle…
9
thinawrha Says:
November 2nd, 2012 at 11:38 pm
@puii, ka lawm e.. ‘RAW’ deuh chuan a solfa hi ka dah ve tawh a, ka rawn post tello a ni… ka phuahsaka te lamhnai zinga pakhatin studio ah a record ve tawh nghe nghe a ni awm e
10
lushai_er Says:
November 3rd, 2012 at 12:39 am
“Muangte’n kan leng I zar luai an.”

A ulh mah mah lo maw………..? Luai hmanna chi em ni aw ???

‘Aw nunna thing i zar hnuai-ah’ te an ti thin zawk a….!

A dang pawh a la awm nual mai…!
11
thinawrha Says:
November 3rd, 2012 at 1:08 am
@lushai_er, Pa, fate rinchhan tlakloh nei, Nu hmangaihna leh dawhtheihna in a enkawlna avanga mi hlawhtling lo ni ta tan chuan a HNUAIAH ngawt ni lo-in..a ZAR-a hmangaihna thlum tak dawna…chu zar luai in a enkawlna muanpui chu a sual em em dawn em ni le?
‘Puan ang chulzai rello’ tih lai pawh hi hlathu-a kan hman dan tlanglawn lehling chiah a ni e,.. ‘puan ang chul mai thin’ zawk chul ve theilo sawilan tumnan, a leha lingin ka han hmang lui a ni!
12
Dr John Says:
November 3rd, 2012 at 2:28 pm
13
kiddo Says:
November 4th, 2012 at 11:24 am