Kan Pathian thuin Bang lova tawngtai turin min ti a(I Thessalonika 5:17), Lal Isua pawhin a hminga Pa hnena dil thin turin a zirtirte a fuih mawlh mawlh a, tawngtai dan tur nen lam a zirtir a ni(Matthaia 6:5-15, 7:7-11). Amaherawhchu, tawngtai nazawng hi kan dil ang tak chhanna kan hmu lem si lo!!! Engvang nge ni ang le? A chhanna I han zawng teh ang. Awmze neilo tawngtaina hi a lo awm reng em ni dawn le?
- 1. Thinlunga Sual tih awn reng kan nih chuan min ngaithla lo vang. (Sam66:18)
2. Thinlunga Pathian dang nei reng chunga tawngtai kan nih chuan, min ngaithla lo vang. (Ezekiela 14:13)
3. Pathian dan ngainep leh zawm lotu tawngtaina chu awmze neilo a ni (Thufingte 28:9)
4. Min chhan ring tak tak lo chung chunga a hminga tawngtai ve mai mai hi tawngtaina awmzia tak tak neilo a ni(Jakoba 1:6-7, Matthaia 21:22)
5. Kan dil chhan leh kan thil dil kha Pathian mithmuh leh ngaiha thil diklo leh tha lo tawp a nih chuan, kan tawngtaina khan awmzia a nei tak tak lo vang. (Jakoba 4:3)
6. Pathian laka rilru hel rut lat kan nih chuan, kan tawngtainain awmzia tak tak a nei bik lo vang. (Deuteronomy 1:43,45)
7. Thil dil kawnga kan inthurual lohvin, kan tawngtainain awmzia a neilo thei.(Matthaia 18:19)
8. Amah nena kan inzawm that loh chuan, kan tawngtainain awmzia a neilo thei. (Johana 15:7)
9. A duh dan dah Lal leh a thuhnuaia intulut chunga tawngtai loh avang ani thei. (I Johana 5:14)
10. In phahhnuaina leh Tlawmna nun nena tawngtai tur anih laiin, Chapo thar maia kan tawngtai chuan, awmze neilo tawngtaina a ni thei bawk. (II Chronicles 7:14,15)
A dang pawh ala awm teuh nain, tihian duhtawk ta mai I la.
Chelsea leh Manchester United an inkhel a, Chelsea fan Kristian Piangthar tha tak leh Manchestyer United Fan Piangthar tha takte kha, an Club tan v eve an chak theih nan tawngtai ve ve ta se, Pathian tan pawh chhan thiam har deuh mai tur a sin. League anih loh phei chuan Penalty tala a chak zawk neih ngei ngei kha a ngai dawn a. Chutiang hunah chuan, Piangthar dik tak chuan, dil awm leh awm loh a hrethiam tur a ni a, Pathian Rorelnaah a hmin-dam thlap thei tur a ni bawk.
Tun tum US Inthlanpuiah te khan Billy Graham te lai lai khan Obama Policy duhlovin Romney tan khan lo tawngtai ve ta se. Obama kha Pathian Program pawimawh taka a ki pawimawh tak ‘a Lal ngei ngei ngai’ lo nit a si se, Billy Graham-a te ang meuh tawngtaina pawh kha Pathian chuan a ‘Over-rule” dawn a ni. Nimahsela, Billy Graham-a te ang meuh chuan, engtia tawngtai tur nge a hre khawp ang. “Nimahsela, keia thu nilovin, nangma thu thu ni zawk rawh se”(Matthaia 26:39), a ti thei ngei ang.
Tin, Khawvel kalphung ve pangai hi a awm a, khawvel thil te reuh te te angah te, a lehlam tana ‘Tuarna’ ni thei angah te hian, Pathian hi kan duh angin a inrawlh vek si se hi rin tur a ni lo. Tawngtaina Pathian chhan duh zawng tak mai chu, mahni tuarna leh channa pawh pawisa lova, midangte hamthat nan leh Amah Pathian an lo hnaih theih nana tawngtai hi a ni. Tawngtaina Chapo, Mahni hmasial leh dil inkawkalh nuai ang te, Pathianin he khawvela alo kal leh hmaa he khawvel awmdan phung tur leh mihring nih phung tura a ruat kalh tlat zawnga dil te hian awmzia an nei mawh khawp ang.
Amaherawhchu, Pathian ropui nan te, mahni leh midang ten Pathian an lo hnaih phah theih na tur atan te, mi dangte lo dam lehna tur leh hamthatna tur atana, mahniin tuar leh thih hial pawh pawisaolo khawpa Pathian kan kar erawh chuan, a chang chuan, kan tana tha em em lem lo tur thlengin Pathian hi a kar chet ve theih tho a ni.
Pathian hian ka tawngtaina tlinglo tak, abik takin midangte tana ka tawngtaina hi mak tak takin a chhang tawh thin. Rul chuk te pawh an lo dam tawh a, damlo an chala ka kut nghata ka tawngtai reng reng hi chawp leh chilh anih em loh pawhin, tun thlengin hlawhchham ta ka la hre lo. Amaherawhchu, Leilung dana Pathianin chawl tawh tura a tih ngheh tawh ang te chu ka la tawngtai hun a awm ang tih chu ka hria, chutiang hun alo thlen hunah pawh, “I thu ni se” tiin lawmthu sawi theih tho tur a ni. Tin, Damlo ka tawngtai thin ho hi, keimahah min tur tu a awm thin a, tawngtai loh chuan ngaih that lohna mak tak ka nei thin bawk.
“Kan sualte thupha kan chawi chuan, kan Sualte ngaidam tur leh kan fel lohna zawng zawng tlengfai turin amah chu a rinawmin a fel a ni” (I Johana 1:9)
“Engkimah tawngtai leh dilin, lawmthu hril tel zelin, in duhnate chu Pathian hnenah hriattirin awm zawk rawh se, Tichuan Pathian thlamuanna, rilru reng renga hriat sen loh khan, in thinlung leh in ngaihtuahnate chu Krista Isuaah chuan a vensak ang che u” (Philippi 4:6-7)
Similar Posts:
- Awmze nei lo TAWNGTAINA
- Tawngtaina…awmze nei lo…(chhunzawmna)
- TAWNGTAINA
- Tawngtaina…awmze nei lo…(chhunzawmna..phur leh thut pek a lawm maw le)
- Tawngtaina
(Y)
November 11th, 2012 at 9:42 am
A tha hle mai a.
Tawngtaina thiltihtheihzia RINGTU ka ni hi ka lawmna ber a ni hial ang le.
Report this comment
November 11th, 2012 at 9:44 am
Awmze nei a tawngtai hi kan bat ani.
Report this comment
November 11th, 2012 at 10:30 am
I sawifiah thiam khawp mai..Tawngtai awmzia hre tur chuan mi puitling tak,.thil hriatthiam na nei, dawhthei,.Thlarau thianghlim in a chenchilh mi nih a ngai ve tlat..tih hi ka ngaihdan a ni.ngaihdan tulum deuh.,mahni tawk a tha in ti ve tlat..tan chuan hriatthiam harsa deuh tur ani ve tlat bawk.
Report this comment
November 11th, 2012 at 11:04 am
Tha hle mai
Report this comment
November 11th, 2012 at 11:05 am
A tha leh pek kher mai…..
Report this comment
November 11th, 2012 at 11:14 am
Post tha tak a ni e. Ka chhungte tan emaw ka thiante chhungte tan pawh ka tawngtai zing tawh hle a, mahse Arsenal chak tur a tan chuan vawikhatmah ka la tawngtai ngai lo. Kan Pathian hnena dil awm leh awmlo kan hriat a ngai i tih hi a dik lutuk.
Basketball kan khelh thin lai pawn kan coach hi Elias-a, Muslim a nia, kan inkhelh hma chiah hian min tawngtai tir ziah, a sawi ka la hriat reng chu, “Mosolman te, Christian te, Hindu te in ni fur a, in Pathian hnenah theuh tawngtai u la, chuan kan chak ngei na tur chu dil reng reng suh u, a tha thei ang bera in khelh theihna tur dil zawk rawh u” a tia, tun thleng hian competition zawng zawngah chuan a sawi hi ka la hre reng. CAT exam ka pek pawh kha, ka tling theihna tur ka dil lo, a tha thei ang bera ka lo ziah theihna zawk a ni ka dil chu, achhanchu ka tling ka dil chuan, midang lo dil ve tho kha a tling thei ta dawnlo a sin. Post tha lutuk a ni tih kan rawn sawi leh e.
Report this comment
November 11th, 2012 at 12:51 pm
A tha khawp mai.. Tawngtai hian tih tak zetin chhan tlakin kan tawngtai thin tur a ni reng a ni.. Dilna awmze nei lo tam tak a awm thei reng a, dil tur dik tak kan hriat a pawimawh.. Kan mamawh tak kan tana tha tur leh A chhantu tur tan pawh chhan chakawm ni thei se.. Solomon-a anga mamawh tak leh Pathian tilawm thei tur hi thlang thiamin dil thin ila chuan min chhang ngei ang tih ka sawi ngam zan e..
Report this comment
November 11th, 2012 at 1:13 pm
Keipawh nizan khan, Man u khan goal 2 an phurh lai pawh khan, an chakna turin ka tawngtai chuang lo. A.Villa ho kha chak pawh nise ka lawmpui tho ang.@Sandman. A tlai lam leh deuh ruih tawh a, tlai lam peg(fun te) te hi dil ta ngawt i la, min pek ka ring lem lo khawp mai. Kan chhaih kawlh lek fang duh hmel.
Report this comment
November 11th, 2012 at 3:21 pm
Post tha hle mai..
Patan_star post chhanletna pawh a ang a lawm mawle..
Report this comment
November 11th, 2012 at 4:52 pm
Report this comment
November 11th, 2012 at 5:32 pm
I va rawn sawi fiah thiam em ve aw.
Report this comment
November 11th, 2012 at 6:15 pm
Tha lutuk
Report this comment
November 11th, 2012 at 6:19 pm
Kei chu hmanah(2005) khan Manchester United inkhelh lai khan ka tang lutuka rilru tawngtaina ka lo nei peka ka inthiam lo khawp maia mahse an chak ta hrama
Report this comment
November 11th, 2012 at 11:12 pm
Tin, tiin han tan ve ngawt ila, kan tawngtai pawn kan duhdan kher kherin min chhang lemlo, kan tana tha tur leh kan hriatthiam phakbak in min chhang fo a, ringtute chuan chu chhanna chu engtikah emaw kan hrethiam ve chauh fo bawk.
Ka pa hnenah Rs.10/- ka dil a, ka mizia a en in chutiang zat zat pawisa mahni thu a la hmang thiam tur ka ni lo tih a hria a, chuvangin Rs.2/- min pe ta a.
Report this comment
November 12th, 2012 at 6:15 am
Kan Mizoram Kristian te’n an hrat tak a ni ngei ang. Hnam Sakhuaah chuan kan tawngtaina chu a dila dil a ni lo; a tak taka tih hi a ni. Entirnan – Inkhelhnaah pawh ni rawh se chak kan duh chuan tha taka training kha kan tawngtaina a ni. Lehkha zirnaah [pawh ni rawh se, Exam hmaa theihtawpa kan zir kha kan tawngtaina a ni. Pathian chuan Mahni in tanpui peih mi chauh a tanpui thin.
Report this comment
November 12th, 2012 at 9:22 am
^midang tanpui ngaite tanpuitute hlei hlei hi a tanpui nasa thin.
Report this comment
November 12th, 2012 at 9:52 am
A van tha chiang em!
Report this comment
November 12th, 2012 at 9:54 am
Mahni intanpui peihlo tan chuan midangte tanpui a harsa khawp ang le @ 16 PKfanai
Report this comment
November 12th, 2012 at 9:58 am
Tawngtaina tak chu tha taka kan nun leh tha taka thil kan tih zawk hi a ni. Tawngka leh rilru suangtuahnaa Pathian laka kan beisei leh kan duh/mamawh kan thlente hi; duhthusam thamral leh mai thin a lo ni e.
Report this comment
November 12th, 2012 at 10:13 am
Report this comment
November 12th, 2012 at 10:17 am
Mihring hian tìh theih chin kan nei a. Tin, Pathian tanpuina leh venhimna tello chuan, kan thawhrimna zawng zawng pawh zankhat thil thuah meivapah a chang thei a, a zu-va vek thei a, misualin an ru bo thei a, document pawimawh kan tibo vek thei. Chhiat vek theihna a tam lutuk. Lalpan khawpui a ven loh chuan, ralvengtu chu a meng rim thlawn mai thei, natna tihdam rual lohvin min tlak buak thei, ram tui lei lovin kan chesual thei. Chuvangin kan thil ruahman leh tih hlawhtlin tuma theihtawp chhuah a mahni leh mahni kan in puih naah chuan Pathian kan sawm thin tur ani a, a venhimna kan dil thin tur a ni.
Report this comment
November 12th, 2012 at 10:23 am
“Mi, mahni leh mahni intanpuiin kawng tin rengah hlawhtlinna changin hausa thur thur mahsela, fa nei thei lovin hrisel lo em em mai se, a taksa leh a thlarau nun chanin boral ta si sela, a tan enge sawtna awmin, engnge hlawkna leh hlep a neìh ang?”,
Report this comment
November 12th, 2012 at 1:12 pm
Tawngtaina awmze nei lo te a lo awm ngai ni maw? kei ka tawn leh dinhmun ve atang chuan engtik lai pawh a mi chelh ding theitu chu Pathian hnena tawngtaina hi ni tlat thung…….
Report this comment
November 12th, 2012 at 1:35 pm
^Nia, bible hian Pathianin an dilna ang anga a tihhlawhtlin sak duh loh chi tawngtaina hi a sawi nual mai a, kan han tar chhuah nual khi. Kan thinlunga ngaihdam theih miah loh nei reng chung si a, a ngaihdamna dil te hi, min ngaihdam bik loh tur thu tehkhin thu nen lam a sawi a sawi mai a ni.
Report this comment
November 12th, 2012 at 1:50 pm
Tha thin hle mai…
Report this comment
November 12th, 2012 at 2:29 pm
Ni viau maithei, midang demna nei ran chunga tawngtaina chu a chhang mawh khawpin ka ring lo ti ve ngot teh ang ti ve ngot teh ang Pathian thu lampang hi chu sawi ngam chi vak pawh ni in ka hre lo kei fel lohna hi inhriat a awl duh khawp…..
Report this comment
November 12th, 2012 at 2:41 pm
Report this comment