Kan nau (nupui lam) ten nau an chhiat a zarah, ka hriat ngai loh ka hriat phah. An tawrh a na hle mai thung! An nau neih ni chu naktuk, November ni 15 hi a ni a, mahse, tukin khan a ngum leh pum a nat tak em vangin an buai rilru hle. Dâktawr koh mai tur em ni ang tia an inngaihtuah lai chuan, an nu thi chu a put ta vak mai a ni. Dâktawr emaw, 911 emaw pawh ko talo chuan damdawiin-ah an tlan-phei nghal a, mahse naute chu an chhan hmanta chuang lova, naute nu erawh vanneih thlak takin an chhan thei hram; tunah ICU-ah thisen khaisakin biak theih lo vin ala awm reng a ni.
Nimin, November 13,2012 khan dâktawrin a en a, a dik vek si a vang chuan, ka chian chak deuh riau mai a, dâktawr leh RN (registered nurse) te chu thil awmzia ka zawt ta hlawm a. An thil min hrilh hi thil awm zen zen lo anih hmel viau nangin, Mizo ten, ‘nau chunga thi‘ tih ang lampang sawi tur kan lo neih ve ṭhin avangin, inkaihhnawihna-te a neih takin, kan hriat zau na’n tiin, a dâktawr lo ber hian ka rawn ziak dawn a ni. Kan dâktawrte khan in rawn sawi belh turah ngai ila.
Engpawh nise, chutia nau piang mai tur a chhiat thutna chhan chu, “Placental abruption” an ti a. A awmzia tak chu, nau paitu chhul a nautein, boruak leh chakna a tan a mamawh dang a lakna leh a mamawh loh a paihna ber, “Placenta” chu a keh thut tihna a ni awm e.
Engvang a awm thei nge a nih? — Dâktawr sawi dan hmangin, a chhan ṭhenkhat chu sawi ngaihna an hre lo. A chhan tamber erawh chu:
* Mei zuk vang
*Drugs tih ṭhin vang
*Car accident neih vang emaw,
*An dul delh a an tluk vang emaw, an dul a thil an tauh sawkin a awm thei a ni. Kan nau-i hian a chung a ka ziah hi a neih loh vangin, ‘dâktawr-ten an hriat theih loh’ zingah an dah ve ta a ni!
Engtin nge placental abruption a awm dawn tih a hriat theih dan? —- Nau paitu a a hriat theih dan ṭhenkhat chu:
* Zahmawh aṭanga thi a chhuah-in
*Pum na
*Hnungzang na
*Contractions a neih-in. Tin, dâktawr sawi hmangin, “naute lungphu pawh a dik lovang (baby’s heart rate might also not be normal),” a ti a ni.
Zahmawh aṭanga thi a put/chhuak emaw, pum na tak nei anih chuan, dâktawr emaw, Registerd nurese emaw koh tur an awm chuan koh nghal vat tur a ni.
Dâktawr ten an hre lawk thei em? — Aw, a tlangpui thuin inrinhlelhna raipuar chuan a neih a, dâktawr a hrilh chuan ultrasound hmangin a en fiah theih niin an sawi. Kan nau-i hi nimin khan an endik thlap chung pawhin a awm tho mai, fimkhur a ngai hle awm e!
Tin,Placenta neih rei tawh dan emaw, a nasat dan a zirin(!), naute chu an neih tir chuk chuk thei a, naute chuan a thih phah thei bawkin, a nasat chuan naute leh anu nunna tan pawh a hlauhawm hle ani awm e.
Placanta awmlo tur hian, ruihhlo leh mei zuk loh a pawimawh zual hle tih an sawi uar hle bawk. A nei tawhte tan naute dang neih leh chu a tih chi vak tawh loh a nih hmel hle bawk.
Hriat thiam a awlsam nan:
Similar Posts:
- Mobile trick ho tê
- KA HRIAT THIAM LOH
- Mizo ṭawng ṭhenkhat
- Nau Tihthlak (Abortion) hi sual a ni em?
- Tui tla(?)
November 15th, 2012 at 9:41 am
I nau te chu an lainatawm hle mai..
Ka ti mai mai thin a. Natna hmuhchhuah/finfiahna hmanrua (diagnostic tools) kan nei tha tial tial a. An tangkai teh meuh mai. Mahse, mihring thiamna te’n tawpchin an neihzia a lang leh fo thin. Post tha tak a ni..
Report this comment
November 15th, 2012 at 9:42 am
Bengvarthlak hle mai.
Report this comment
November 15th, 2012 at 10:08 am
Naute leh a nu chu an va khawngaihthlak ve aw. I thil sawi ang deuh ‘placenta previa’ hi a hlauhawm ve tho bawk, in nau tawn ang tho khi anih hmel in ka hria. Nau hlam Mizo in kan tih placenta hi chhul aia pawn zawka a awm hian a hlauhawm hle a, dan pangngai ah chuan nu in nau a neia, naute a pian zawhah hlam kha a lo tla thin ani a, chutiang ni lova placenta zawk a awm hmasak chuan thiput a thih theihna chance a sang, operation a ngai ngei ngei, ka hriat ve dan chuan.
Naute chu tihngaihna a awm tawh lova, a nu erawh chu lo dam vat vat teh se.
Report this comment
November 15th, 2012 at 10:11 am
Ram changkang ah te chu ti’ang chu,
a thleng ve tho a ni maw?
In nau te chuan, i rawn sawi hun
ai-a hma hret khan dam dawi lo pan
hman hlauh se la, khi ti’ang chhiat na an tawn ang khi, an tawng kher
ang em aw? an va lai nat awm em!!
Report this comment
November 15th, 2012 at 10:31 am
A va pawi ve…
Report this comment
November 15th, 2012 at 10:49 am
A pawi hle mai.. Fa te hi duh a pai a, duh a tha tak a hrin mai mai theih ani si lo a. Pai thei em em in pai loh an duh a an ti tla lawi bawk si a. An khawngaihthlak hle mai ..
Report this comment
November 15th, 2012 at 11:51 am
A van zia lo ve aw, a hma ni a en a tha vek si, chutia han awm thut mai pawh chu a mak ve hle mai
Report this comment
November 15th, 2012 at 12:02 pm
Ava khawngaihthlak ve aw. Bengvarthlak.
Report this comment
November 15th, 2012 at 12:22 pm
Bengvar thlak hle mai
Report this comment
November 15th, 2012 at 12:27 pm
Placental Abruption (Abruptio placentae) hi chu hetiang hi a ni fo mai. Damdawiin hnaiha awma enkawl vat chuan naute pawh chhan theih tawk chu an awm chawk a, a tlangpui thu erawh chuan naute mai ni lovin a nu tan pawh thil hlauhawm tak a ni.
Naupai laia thi put reng reng hi rang thei ang bera doctor/damdawiin pan nghal vat a tha.
Vawi khat Placental abruption neih hi nau pai leh hunah a awm leh dawn tihna a ni chuang lova, amaherawhchu mi naran aiin a let 10 velin Abruptio placentae neihna risk an nei sang bik an ti. Hlauhthawn em em tur a ni chuang lo va, fimkhur nan hman erawh a tha e.
Report this comment
November 15th, 2012 at 12:52 pm
APH (antepartum haemorrhage) kan tih hi naupai, kar 20 chin tling tawh a thiput ho hi an ni a. A chhan langsar zual te chu – i)placenta praevia- 35% ( Naute hlam kha chhul chunglam ni lo, a hnuailam zawkah a awm, lower segment of uterus), ii) Apruptio placentae ( Naute hlam kha a hun hma in chhul bang, a awmna a tang khan a rawn tla hrang- premature separation of placenta..tuna Ku HV-a rawn sawi ang hi) iii) unexplained- 25% ( a chhan hriat loh) iv) local causes 5% – polyps, local trauma, cervical cancer etc..
Heng zawng zawng zingah hian Obstetrical emergencies bik hi chu Placenta praevia leh Apruptio Placentae hi ani awm e.
Ti chuan naupai tur nupa tana thu rawn chu : Naipai tih in rinhlelh veleh doctor rawn a tha. Period hnuhnung ber a tanga chhiar tana kar 6-8 inkar ah hian Ultrsound tih tur ani. Hemi hun chhung hian nauneih hun tur te, naute insiam tan chu chhul chhungah anih tur angin a awm em tih en tur ani. Tin kar 14 – 20 in kar ( thla 4-5) bawr vel) ah ultrasound tih leh tur. Hetah hian naute chu piangsual sa ani dawn em tih scan tawh tur ani. Tin placenta previa a awm em tih tih pawh a en theih nghal. Kar 28-32 inkar ah hian ultrasound vawikhat tih leh tur..Naute chu a thangtha em tih te liqour ( naute chenna tui)volume a tha em tih leh placenta awmdan kha en leh tur. Tin neih dawn hnaih kar 38-40 inkar ah vawikhat tih leh a tha..A chung chiaha kan sawi ho en leh turin..
Hetianga serial ultrasound tih thlap thlap hi chuan APH a vanga nu leh naute thihna hi a tam zawk chu ven theih ani. Detail a han sawi vak dawn chuan a sei lutuk. A tlangpuiin kan rawn phuah khawm vel anih hi. Ka phur tak viau leh post hran in ANC- Antenatal checkup chungchang hi ka la rawn post dawn nia.
Report this comment
November 15th, 2012 at 1:10 pm
Post leh comment a bengvarthlak khawp mai. Nu nau pai lai hi chu, ‘hläng chunga chuang ang” an lo ti thin a, Doc-a te sawi ang khi ngaihpawimawh a tha khawp mai.
Report this comment
November 15th, 2012 at 1:51 pm
He post chu a tha khop mai, abengvar thlak. Nia naupai hi Mediacl Science te a san tawh a vang hian kan la zam mai mai a, mahse fimkhur, doctor rawn that, lo tul zia hi..
Report this comment
November 15th, 2012 at 4:20 pm
Comment a bengvarthlak hlawm hle mai.
Report this comment
November 15th, 2012 at 4:42 pm
# 11…
Report this comment
November 15th, 2012 at 4:49 pm
Doc chu Gynea lam niang a, i hre emai. Kan bengvar leh ta sawt mai. Tharum ngah leh chak zawk mipa te hian nau pai zawk u la tha tur!!
Report this comment
November 15th, 2012 at 4:58 pm
sheldon#16 mipa chu kan zuau viauin ka ring tlat, Sandman leh Chemtatrawta te ngat phei chu
Report this comment
November 15th, 2012 at 5:04 pm
#17
He post leh comment ho hian nau pai hi a lo ropui in a lo namai lo tih a tilang zual hle mai
Report this comment
November 15th, 2012 at 5:13 pm
A va pawi ve a…comment lam erawh a bengvarthlak e.
Report this comment
November 15th, 2012 at 5:48 pm
Pu Hv, i sawi dik ngawt ang, sandman leh chemtatrawta chu an tuar zuau hian ka ring
Mipa hi tharum ngah zawk kan tih rual in in tuar hi a chhel lo zawk fe in ka hria hmeichhia aiin. In damloh te hian in rum ang dur dur a
Report this comment
November 15th, 2012 at 5:55 pm
@ sheldon.. Dik chiah. Mipa hian nau pai ve ta ila, kan titla nasa ngawtin kan ring… Hmmm., peih tawh mai mai lo kan ti chhen mai thei a ni..
Report this comment
November 15th, 2012 at 6:04 pm
sheldon #20 ‘rum dur dur’ lai tak khi hairehai
Report this comment
November 15th, 2012 at 6:28 pm
A va pawi ve aww
.. Post tha leh bengvarthlak tak a ni bawk e 
Report this comment
November 15th, 2012 at 6:49 pm
A hrin a hun teuh tawh tehlul nen a va uiawm lehzual ve aw!
Nau pai leh hrin, leh a kaihhnawih hi thil namen lo tak a ni. Tluang taka paia hrin pawhin mi pangngai tling lo an lo piang palh ang tih te hi a la hlauhawm em em bawk a.
Hetiang thil, nulat tlangval laia kan ngaihtuah ngai lem loh hi nu leh pa niha han paltlang chiah hian a hriatchian theih khawp mai.
Report this comment
November 16th, 2012 at 5:48 pm
Hmeichhe nau vei hi khawvela thil na ber angin an sawi ngawta, ka awih lo reng reng. A aia na zawk ka hria. Hmeichhe nau vei tawh chuan pai nawn leh an la zuam ziah. Mipa tila pet sak tawh reng reng pet nawn leh zuam ka la hre lo. Chuvangin tila in pet sak hi a na zawk anih ka ring. lolzz OT em lo ang chu maw
Report this comment
November 16th, 2012 at 5:54 pm
doc_lib leeee(h)..
Sichangneii pasal (Tlumtea pa) kha pa tuarfei/chhel tak a niin ka hria, a tilmu pahnih a chhukeh ngam a niaa(h)..
Report this comment
November 16th, 2012 at 6:19 pm
He post ah chuan Doc_lib comment a hit thei viau mai a.
Juda mipaho tawngtaina ka tawmpui ve deuh ber chu, “Aw Lalpa, hmeichhiaa min lo siam lo hi Lawmthu ka hrilh a che” tih hi ani awm e. Mahse, khawvel hi an va tinuamin an va tifamkim si em.
Report this comment
November 17th, 2012 at 12:05 am
doc_lib #25
He video hi en la, i thu sawi khi i inhnukdawk leh duh maithei a ni
hairehai 
https://www.youtube.com/watch?v.....re=related
Report this comment
August 27th, 2015 at 12:49 am
小泻邪褔邪褌褜 斜械褋锌谢邪褌薪芯 mac pro makeup store Discount Price and High Quality! 3A1CO 584 鈥?芦 小泻邪褔邪褌褜 Java 袠谐褉褘 薪邪 褌械谢械褎芯薪. 袣邪褉褌懈薪泻懈, 褌械泻褋褌褘 褋屑褋, 褉懈薪谐褌芯薪褘, 褌械屑褘 薪邪 屑芯斜懈谢褜薪褘泄 褌械谢械褎芯薪.
Project Executors 鈥? mac blankety lipstick Last Minute 5LO0A 886 mac makeup foundation sale To Be Highly Praised And Appreciated By The Consuming Public D6BSV 281 Saskatoon Cricket Club mac makeup sallingmac makeup brush set Handsome Appearance LTNES 3…
Report this comment