Zirtawpni Chibai 
Zirtawpni a ni bawk a, hlim hle mai ang hmiang. Ka Zak Chem Chem! tihah khan ka chetchhiatna awm chhun ka sawi zo vek tawhin ka hria. Chetthat ringawta hun hmang thin ka nih vang nge ni, chetchhiatna han ziah tur mai ka hre si lova. Ka thian te chetchhiatna tlemte hi ka’n sawi mai te’ng. Chawngkhum dan tlang huat loh kan ti ang a. In duh leh in thiante chetchhiatna in sawi ve ang a, a sawi duh lo erawh kan sawi luih tir chuang lovang. 
Ka thianpa’n kan Headmaster a vau
Thingtlang khuaah chuan, thlasik a’n nih hian sava hrang hrang te’n thing rah leh par – ngambawm, chawmzil, partlan, hmawng, hnah/rahhlun, ladt., an tlan nasa thin hle a. Hunawl kan neih chuan sava veh nan kan hmang mai thin. Kan zirtirtu te ngei pawh sava veh hrat pawl an ni ve tho a.
Tuk khat chu kan thianpa pakhat hian ngambawm par tlan sava a chang a. A sava perhtur a tin vang vang lai chuan, chhak lam atangin tu tih hriat loh hian a rawn perh khalh thin a. Chutiang hlir chuan vawi thum vel sava an hnawhdarsak takah chuan ka thianpa a insum zo ta lo. Tunge I nih, rawn ti leh vaih teh, ka rawn perh tawh ang che tiin.
A chhak kan headmaster lah chu, a rukin a nui char char bawk a. A ngai te bawkin sava chu a hnawhdarhsak thin a. Ka thianpa thinrim chuan, insual inpeih tawkin, saihlum rawn kalna lam chu a pan chho va. A tum loh deuhin kan headmaster a hmu thut mai chu(h), sawi tur a van a sin. Kan zirtirtu pa pawh a intimitak thei bik lo, a nui nasa ve khawp mai. 
Warden a barakhaih
BVSc& AH kan zirlaiin, kan u pakhat pawh, girls’ hostel-ah bialnu a nei a. Tlai thim hma hian a va rim mai thin a. Tlai khat chu, unau hmel hai vel a ni tawh ang tihin, a nula rim zo chuan kan hostel a rawn pan a. Kalkawngah chuan kan hostel warden, hostel tlawha rawn kal mek chu a hmaah a kal a.
Kan thianpa phawk ve tak mai chuan, kan warden (assamese) chu kan cook (Bihari) emaw a ti a. A hnunglam atangin a veh then then a, Are Bhaiaa tiin a hnunglam atangin a va kuah chawt a. Kan warden pawh a phu ve nasa a ni awm e. A’n en chiang chu, kan hostel warden, Anatomy department-a asst. professor lek chu lo niin! Rang takin a kut a la sawn a, Good evening sir a ti leh vel. A zahthlak, awm dan tur hriat a har khawp mai a ti..
Similar Posts:
- Ka Zak Chem Chem!
- Hostel leh kei!
- Boys’ Hostel, PUC-a kan awm lai
- Sava Eng Mawi
- Mizo Tlangval Kanpur-ah!
November 16th, 2012 at 6:20 pm
Comment tan ang aw
Report this comment
November 16th, 2012 at 6:30 pm
chhiar chiah ila
Report this comment
November 16th, 2012 at 6:37 pm
tren tren
Report this comment
November 16th, 2012 at 6:57 pm
Haha, an va che chhe thuai thuai ve le..
Report this comment
November 16th, 2012 at 7:36 pm
Report this comment
November 16th, 2012 at 8:42 pm
Hahaha…i va ziak thiam thin tak
Report this comment
November 16th, 2012 at 10:03 pm
ngambawm i tih khi keinin NGANBAWM kan tih hi a ni a ngem aw…kung sang thei deuh kha
Report this comment
November 16th, 2012 at 10:15 pm
Chhechhawnga te vai dawr hahaha.
Report this comment
November 16th, 2012 at 10:24 pm
@ ninja… Kan vengah khan lam pawlh mai mai thinin ka hria. Aw, thikung lian leh sang tak a ni…
Chawmzil kungah hian sawi (hmawng hnai chhun/ur khang) kan kam thin a. Kei chuan ka kam tam lo nangin, a tifuh deuh chuan nikhatah sava 40-50 deuhthaw an awk thei nia! Mahse, tun ang dinhmuna ka ngaihtuah let leh hi chuan, lung tileng viau mah se, sava that ang zawnga thangkam/ sava veh te kha chuan ka lung a tileng thei ta lo…
Nunhlui erawh ngaih a na thin teh e.. 
Report this comment
November 16th, 2012 at 10:25 pm
Tum khat chu hostel a kan awm laiin kan thianpa 1 nen cigarette leh kuhva te lei turin kan chhuak ru a, hostel a kan let leh chuan toilet ah kan lut nghal a. Kan thianpa 1,jumper var ha,lukhum khum hi kan toilet thlang zunin ah chuan a lo zung ve mek a. Ka thianpa chuan kan thil leisa chu kan thianpa lo zung mek hnenah chuan ” Zawnga, kha” a ti a,a pe a. Karei, kan thianpa emaw kan tih kha,kan principal chu lo ni in. Jumper var a lo ha ve bawk si a,kan lo hai palh chu ni in! Kar 1 chhung full uniform kan ha a,truck trip 1 thing kan thiar bawk. Mahse, thing hi chu a rukin kan thianten min thiar pui. Khatia zing kar atanga form kan ha kha kan junior ho khan atir lampangah kha chuan kan hak chhan kha an lo la hre ve si lo a. ” Nga tinge form in hak reng a, eng nge in tih dawn?” an ti a, Science Seminar ah paper kan present dawn kan ti ve tawp a,a hnu a min han hre chiang chu min nuih zat tha vak ngam si lo khan an nuih chu a za viau in ka hria! A dang pawh ka la sawi belh mai thei a ni.
Report this comment
November 16th, 2012 at 10:42 pm
Ka u te hostel (Serkawn hostel) ah pawh, Mizo tawnga tawng apiang room arrest an nei thin a. An thianpa pakhat kha, Mizo tawnga a tawng avangin room arrest-in ni khat a chhuak thei lo va. A chhuah tuk chuan, Warder a bulhnaiah a awm lo emaw tiin Yes, Mizo tawngin ka tawng thei ta a ti ngawt a. Warden-in a lo hrechiang lutuk si. Peih lo tawkin an khungna room a pan leh tuih tuih…
Report this comment
November 17th, 2012 at 12:45 am
I sawina engah… Kan thenawmpa huan kal pawh chhak lam hla tawk atang tlangval dang hawklak deuh khan lung alo vawm thla thin ani awm e,a rawn vawm fuh leh tep thin hi alo nia. A han au lang lang a,’Tunge lung rawn vawm khaaaa?’ A chhak hla tawk atang,’Keimaaah’. Thenawmpa- ‘Ka lo man chat asin’.
Tum khat kan high school kal laiin chhas thar ka nei ve ngei a,kan inhmuh hmasak ber tur tlaiah ka thianpa,a cuz hnenah school chhak biakin kawta min lo nghah tur thu a rawn sawi a. School ban chuan hmanhmawh tawkin min lo nghah rei tawh hlau em em in ka chho hlawp hlawp a,tumah ka hmu silo ka haw tlang ta daih a. Zanah min rawn phone,’ Ngatinge I kal tlang daih a,ka bulah I rawn hawi vual vual a’ a rawn ti…ka lo la hre tha mang lo chu niin,a hun lai kha chuan zahthlak ve duh khawp asin.
Report this comment
November 17th, 2012 at 12:51 am
Kan thianpa u pawh damdawi kha a ti nasa ve thin a,a nula rim tur rui hmasa kha a lenna tur te vawk in bulah alo chatthla, coat te nen a ri ve zah tawh sia in tih mark that tum lutuk khan,vawkin a coat alo ei bun sak! Len hmasak ber zanah coat a bilh lut tak!
Report this comment
November 17th, 2012 at 12:55 am
Ka best buddy pawh hi annu nen an inneih hma in,a chhun leng amah chauhvin an living room ah thu in tv alo en a,an nu thiannu lo lut khan a rawn barakhai. A phu nasa lutuk a vawih tawt ani awm e. ‘A thinrim thlak sia a zahthlak bawk sia’ a tih chu!
Report this comment
November 17th, 2012 at 1:06 am
Nikum winter ka haw tum in zan khat chu kan thenawm nula nen thil tul ah veng danga kal a ngai a,scooty in kan in phur chhuak a. Ka hmanhmawh lutuk kha dawr kawt ah amah la chuang vung khan scooty atang chuan cigarette lei turin ka chhuk san daih anih kha,amah kha a hnungah alo thu vung sia,a zak si nuih za bawk si kha kan hlim ta phian a. A seat hnunga a khalhtu awm lova thut chu an langsar duh larh larh khawp mai.
Report this comment
November 17th, 2012 at 1:16 am
Ka pawt char char dawn in zing thawh ah in rawn khi thaw mai dawn nia.
Kan thianpa pawh kha a toihte kha an sitting room ah alo kherawlai a,anu bazar rawn haw in a rawn phawk! a thinrim lutuk room ah a lut tlang nghal,’Kan zo teuh tawh sia a kal tlang ta daih bawk sia ka ti zo tho e’ a tih chu..hmanhmawh vak lo aniang.
Report this comment
November 17th, 2012 at 1:18 am
Lamji, Chakma ho hi guitar rawn perh pui ve mai mai teh.
Report this comment
November 17th, 2012 at 1:35 am
HAHAHA! Ka chhiar thuak thuak a, sawi tur pawh ka hre ve lo. An pu te bulah an rawn pangchang ve a an duh angin kan lo duat peih si lo ni maiah ka ngai.
Report this comment
November 17th, 2012 at 1:39 am
Kher Kher-a pawh hian an insawn tur mipa hlang awmna hnawk zet kha an lo la chhuahsan silo,an in rawn luah tur te Gurkha chhas pahnih in an inthiar chhuak kawm kar a thil an lak vel ner nang nang a an lo nghah thu te pawh kha rawn sawi ve se.
Report this comment
November 17th, 2012 at 7:56 am
Sawi tur ka van tlat mai
Report this comment
November 17th, 2012 at 8:32 am
# 12, 13, 14, 15, 16…
I thianpa nula rim chu(h), Vety. Doctor emaw a inti thut a ni maw??!
Awmtea hia chu, City Bus chungchang sawi loh chuan, a kha a chih tlat zel..
Report this comment
November 17th, 2012 at 2:09 pm
Zirtawpni chibai u le
Report this comment
November 17th, 2012 at 4:02 pm
@ ulawng.. Good morning in the evening..
Report this comment
November 18th, 2012 at 6:30 am
A zahthlak duh awm chem chem ..
Report this comment
November 18th, 2012 at 4:16 pm
Report this comment
November 21st, 2012 at 10:03 pm
Report this comment