Ahmasain a thupui hi in lo ei lo deuh maithei a, kei YMA-liana pawh hian CYMA chet dan hi kum 3/4 liam ta atang khan ka lo ip pui chawih chawih tawh thin a; ka up bet tang tang a, tunhnaia thli thleng neuh neuhah hi chuan ka sawichhuak lo thei tawh lo. Awm ang lo pawh in ti deuh maithei a, CYMA hruaitu thenkhat tawngkam nia an sawi hi a zahpuiawm em tawh a, tuma hlin ngam loh nghawngah ka rawn phih awk leh chat dawn a, engpawh ni sela, hengte hi insiamthat duh vanga sawi ka ni tih lo hre phawt mai teh u.
CYMA hruaitu tawngkam nia sawi hi pahnih khat lek anih lai kha chuan, “Ekhai, thenkhat hian an lo ngaikawi satliah ve mai anih dawn hi ” ka ti rilru mai a. Tunah a hun leh hmun nena chiang tak taka sawi thlap thlap theih tur khawpa chianga Mizoram vuak darh vek duh awm zia zanga tawngkam mei nei leh an ring an rawlh lohna tura CYMA ring inrawlh hi a tam ta riau mai. I han chhui zui teh ang.
Autonomous District Council Direct Funding chungchanga YLA leh MTP(?) leh Chakma Association ho puhna ang chiah a, CYMA hian ADC Direct Funding hi a lo dodal ve ringawt anih chuan a tih loh tawp tur a ti a ni ngei ang. ADC hnathawh phung leh sum kal dan pawh hre mumal lo, ADC chungchanga NGO thuneihna leh Central leh State sawrkar thuneihna inthlauhziate, ADC a sum luhkhawm dan leh State danga an tihdan pawh hre lo khawpa mawl te hian CYMA hi an hruai anih ngawt loh chuan anni lo khap ngawt hian hmundanga kan Mizoram mawng bal lutuk min hlim khum sak mai mai zia hi hrethiam se a lawmawm khawpin ka ring.
Engnge Direct Funding CYMA in a lo dodal hian pawi a thlen?? Sum harsat vang mai a ni hleinem, Mizo hnam kan nih anga kan insuihkhawmna vawchhe vek thei anih vang a ni. Minority thinlung pu sa Lai leh Mara te hi nau zawk ena kan en thiam a pawimawh a, fa u ber hian naute chhang them ken hi kan awh tlat chuan kan puitlin hun a huphurhawm khawp ang le, a thleng chho tan mek a.
Tin, pawi thui tak a thlen theih bawk chu Chakma chungchang nen hian a lo ni leh a. Kan Zohnahthlak unaute leh Chakma te hi tunah CYMA dodal turin kan nawrlui mek tih i hrethiam ang u. Chakma hovin he opportunity hi remchang taka rawn lain, ADC chungchang khelpui ni siin, heng kan Zohnahthlak unaute hi min ep turin an hmin mek tih hi mi ningkhawng hre phak chuan kan hriat a pawimawh.
CYMA chet dan tam tak hi a YMA lo ta em em a ni. YMA hruaitu leh Val upa te chu an tlawmngaihna leh khawtlang tana an inpekna avanga hruaitu dinhmun luah an ni tlangpui a, CYMA erawh hman kum deuha Campaign an lo awm hial te kha a YMA lovin a Mizo kalphung lo deuh lam chu a ni e.
Tin, CYMA hi NGO a ni a, sawrkar kalphung leh policy ah hian inrawlh ve turin chanvo leh dikna pakhatmah a nei lo tih hi hria sela a tha khawpin a rinawm. ADC chungchang lo khel ve phet tumte phei chu a zahthlak lam deuh chu a ni e. Hman deuh khan Bru Baptist Council din lo turin CYMA atanga hmalakna a awm deuh an ti em kha???
Heng ka thu rawn ziahte hi mit ngeia Lawngtlai thalai leh chhim lam thalai thuziak ka chhiar, CYMA chungchanga an lungawilohna leh Mizoramah hian leng ve lo tan nia an inngaih thu an chhakchhuah fo tak avanga rilru na taka ka ziah a ni. Fa u berin naute zawk kan vuak darh zel zawngin kan bulhnai maiah Chinghne koham takin kan ro chanai min chhuhsak tumin min veh reng tih hi hrereng fo ila, kan naute tunah hian a buzawlah kan mawl luat avangin a chawm thau mek a, anni hi kan chhanchhuah lova kan eizawhtir mai zawngin, a huamhauhin keini pawh hi min eizo vat dawn tih i hre tlang hram hram ang u.
Similar Posts:
- Mizoram a Autonomous District Council lo pian dan… (Chakma ten Zofate min pawngsual e!)
- Mikhual châm rei – Chakma te hi!
- Bukna Chu Maimitchhing Chungin Khai Sela Mawle….(Whistle Blower- Part 17)
- MNF LEH CHAKMA POLITICS; TU NGE A KAIKUANG CHHUI A NGAI E !!!
- Politics leh zirlai pawl.
November 25th, 2012 at 11:32 pm
Post thar a awm ta hram e! Chh1ar teh ang.
Report this comment
November 26th, 2012 at 12:40 am
Hot raw pip
Report this comment
November 26th, 2012 at 1:05 am
Chamtatrawta, hman hmanah alawm keini chuan kan thliar hran tawh. Central YMA note, MTV, SRS te dictatorship lai daih tawh khan. Khatih laia sorkar kha a dawihzep khanglang khawp a, Police DG ai mahin CYMA president khan law and order lamah thu a nei emaw tih mai tur anih kha.
CYMA inthlan dan hi mi tam takin an sawisel tawh a, CYMA hi awm miah lo sela YMA hi a hming tha fe zawk ang.
Report this comment
November 26th, 2012 at 1:11 am
james Bond, CYMA thu khel dik loh lutuk avanga YLA, YMA, MTP te thawhhona chhe mai tur hi a uihawm thlawt ka ti a, YLA lamah pawh tan lo la sauh sauh teh. Chakma ho lah hian chance lo lak an tum phet a, ADC lam ang zawngin Chakma ho khan YLA leh MTP an rawn kherh thlu ang che u tih hi a hlauhawm tehmai ania.
CYMA hi thil tul tak a ni lem lo reng a ni. Vengtinah YMA a awm chuan a tawk khawpin ka hria; VCP leh Municipal Council hovin hna tamzawk an thawk thei a, CYMA a lo awm ve leh kher hian a tihnawksak mai mai. Khawpui mi bak CYMA hruaitu an awm khat ve angreng si, a mawl tawk leka changkang, a bai dai baw tawk leka tawngkam harh hruaitu an awm avang hian kan buai chho mek zel zawng anih hi.
Report this comment
November 26th, 2012 at 1:22 am
Teh tlat chuan trawta, an vau che anilo maw, tharum zawnga an che anih chua an dik biklo ang. Ka gang te ka rawn tir dawn mi le. hehe
Report this comment
November 26th, 2012 at 1:50 am
Tunlai a CYMA hmalak dan hi chu an mizo unau Lai leh Mara te hmasawn ve zel tur hi an huphurh(Itsik) a ni ber in ka hria kei chuan..
Tin Direct funding chungchang hi hrechiang tawk hle turah ka ngai hlawm a. Mahse engah nge an duh loh chu le?? Tuna ADC te sum hmuh dan hi Mizoram budget pakhatmah a ei lova, Central atangin mizoram sorkar kaltlangin sum an hmu a ni mai a, chu chu mizoram sorkar kaltlang a hmuh ai chuan central atanga direct a hmuh kha ADC tan chuan a tha fe zawk a ni.ADC te tan a that zawkna chhan leh an duh em em na chhan pakhat chu, Mizoram ah eng party pawh sorkar se, next inthlan hun hre ran in ADC te ah an party an sorkar loh chuan kha ADC kha sum lam ah an hrek a, an chanvo central atanga lokal kha an hren beh sak tlat thin ani. Hei vang hian ADC te hian direct funding hi an duh ta a ni.Hemi kan phal loh tlatna chhan nia lang chu ADC te chunga thuneihna zorkar in a neih thin kha Direct funding a nih chuan a nei thei dawn ta lova, a duh hun hun ah sum a release in a hren sak thei dawn tawh lova, chu thuneihna duhna len em em vang a ni thei a ni.
Thuneihna chungchang ah chuan Direct Funding ah chuan thuneihna a sang zawk ngei maia, mahse mizoram sorkar hnuai a dept. te hi an (An area chhung a mi) kuta lut vek tur a ngaih hi a diklo bawk. Mizoram sorkar hian dept. enkawlna tur sum (Mizoram Budget atangin) a pe thei dawn lo a nih chuan a dept. te lo laksak ve ringawt kha ADC te hian an duh teuh lo mai, Tunah pawh dept. thenkhat enkawl lai te chu ADC te kuta lut turin Mizoram Gazette ah pawh chhuah a ni tawh a, mahse a enkawlna tur sum mizoram in a pe tel thei silova, ADC te hian an la duh bik awzawng lo a nih hi..Chuvangin ADC te chunga thuneih a, an hna thawh chhan ber sum duh hun hun a hren sak thei nih kha sorkar hnathawk tan chuan a nuam dawn em a sin…. Council CEM VIP light chhi thei ngat khan khawi lai Officer emaw ka pu ka pu an ti kha a dawngsawng tu tan chuan nuam tak a ni ngei anga, han hloh daih mai tur chu a ui awm dawn em asin..
Report this comment
November 26th, 2012 at 2:20 am
Central YMA ka duh loh deuhna pahum dang:
1. CYMA a office bearer zawgn zawng hi Aizawl khua vek anni a, khaw dang ami an tel ngai lo reng reng. Chuvang chuan “Central YMA” tih aiin “Aizawl YMA” ti tlak leh anni.
2. Sorkar hian dan tha lo zet mai an nei. CYMA leh Officer ho meeting an huaihawt thin a, tah chuan IAS Officer senior Commissioner/Secretary level (basic pay Rs 70,000 vel) leh junior tak tak staff, Superintendent (basic pay Rs 8000) ai pawha hniam dawhkan pakhatah inzawl tlang an zia zangin an thu tlang anga, officer senior tan chuan insult turu tak a tling thei. Nalh lo tak ani.
3. Shiv Sena anga ethnic based policy hi hlauhawm tak ani.
Report this comment
November 26th, 2012 at 4:54 am
ka hul e. tah hi chuan
Report this comment
November 26th, 2012 at 7:17 am
Tukchhuah nuam phawt mai u. Post erawh nakina chhiar ah.
Report this comment
November 26th, 2012 at 7:41 am
Vanglainiah emaw Special Report ah emaw ziah tur em ni aw? Ka lo ti rauh rauh a, mahse, CYMA ang thoa ‘kuang lo nawr’ nih ka hlau deuh a, ka la insum tang tang rih a ni. Zofate min hui khawm ber tur leh pawl huapzo ber tur hian, tun dinhmunah chuan zofate min vawdarh mek tlat mai hi a pawi lutukin ka hria. MZP thalai sahawk rual pawh an tluk dawn tlat lo mai. Kei pawh hi, YMA ruh rum rut mai, an sawichhiat chang pawha meikawha tan tlat thin leh, YMA hi Zofa zawng zawngte tan ‘Daingul phaw’ ni tura duhtu ka ni. Pawl zahawm tak leh hnamdangte pawhin an zuam loh leh an hlauh, ni reng thei sela ka duh khawp mai. Dik tak chuan, Pathian tan englai pawhin ka nun ka hlan phal ang tho hian, mizoram leh zohnahthlakte him nana bei tur hian, ka nunna hi ka thap phal reng tho. Amaherawhchu, ‘Wrong cause’ leh khawvel pawhin an condemn tur nilovin, khawvel pawhin ‘Patriotic actions/sacrifice a an pawm theih ani tur a ni. Thutlukna leh thusawi ä pui pui hmanga thalai thisen lum fuìhpawrh a, khawvela zofate hmai tihbalh theihna ang chi ringawt erawh hi chu ka thlawp lo mai nilovin, a tul chuan ka do dal hreh hauh lo mai.
Report this comment
November 26th, 2012 at 10:13 am
Report this comment
November 26th, 2012 at 11:32 am
Report this comment
November 26th, 2012 at 11:35 am
Post tha e. Comment pawh a puitling hlawm khawp mai.
Report this comment
November 26th, 2012 at 12:31 pm
Kan CYMA hruaitute hi thlak vat an ngai. Thunei ber emaw ka nih an inti a nih hi. Chimlam ADC teruhte development hmuhchhun lo it ve hi a zahthlak lutuk.ADC pakhat kum khat budget hian Mizoram a Department pakhat sumfai hman zat pawh a phak lo a nih si lai a lo it ve tlat. An insawifiahnaah`- –
District hawn tharte pawh duh ang a sawrkarin a enkawl theihloh laia etc. etc. An mawl ka ti deuh- District hawn thar leh Autonomous District Council awmzia pawh hi an hre hrang lo. Tin, NGO inrawlhna tur a ni lo hrim2. Tuna an PRESS RELEASE – ho te avang hian chan tha chang zawk chu an la awm ngei ang. I lo thlir zel teh ang.`
Report this comment
November 26th, 2012 at 2:18 pm
ADC kalphung pawh hrelo CYMA hruaitu chu bang tlak anih chu, zahpuiawm lutuk emai.
Report this comment
November 26th, 2012 at 3:15 pm
7
James Bond Says:
November 26th, 2012 at 2:20 am
Central YMA ka duh loh deuhna pahum dang:
………
2. Sorkar hian dan tha lo zet mai an nei. CYMA leh Officer ho meeting an huaihawt thin a, tah chuan IAS Officer senior Commissioner/Secretary level (basic pay Rs 70,000 vel) leh junior tak tak staff, Superintendent (basic pay Rs 8000) ai pawha hniam dawhkan pakhatah inzawl tlang an zia zangin an thu tlang anga, officer senior tan chuan insult turu tak a tling thei. Nalh lo tak ani…….
– Enge nalh loh na? a democratic leh inclusive viau zawk lo maw? basic pay 70000 IAS ho chu I Pathian ngaih ringawt mai a
Report this comment
November 26th, 2012 at 3:22 pm
Tunlai chu YMA vuakna hlir mai kan hmu thin a. Tunhma kha chuan YMA hi ka tan in a thlavang ka hauh viau thin. Mahse tunhnai ah hian thil engemaw te te awm avangin ka rilru put hmang a danglam ta. CYMA hi thiat ila, branch ang hian ding tawp tawh zawk ila a tha in kahria. Kan luhchilh thuk telh telh a, a trawp ka ti telh telh mai.
Report this comment
November 26th, 2012 at 3:27 pm
YMA(central) hruaitu leh member ni tur hian kum 40 hi maximum-kumah dah theih ni se a tha ang!putar pui2 in YMA kaihruai an tum reng pawh hi a dik lo!Thlanlaihna ah pawh kal ngai lo,mithi lumenna ah pawh kal peih tawh lo,an fe vek tawh hnuah zahawmna leh intihropuina khelin hruaitu nih an in chuh mai2 a ni!
Report this comment
November 26th, 2012 at 3:29 pm
@ Sangpuiipa… I ngaihdan khi ka thlawp e.
# 18…
Tin, khawmpui lian an nei fo te hi a tul ber em aw? ka ti ve mai mai (ka la kal ngailoh vang te pawh a ni mahna..
)
Report this comment
November 26th, 2012 at 3:31 pm
@ma-a, pawlitik khelh nan an duh mawle.;(
Report this comment
November 26th, 2012 at 3:34 pm
Pu Mahming, branch ang hian kal ila, CYMA hi thiat ila, tunhma YMA hmel dik tak kha kan hmu leh thei in ka ring tlat.
Report this comment
November 26th, 2012 at 4:45 pm
@Sangpuiipa #21, ka thlawp che kei pawh!
Report this comment
November 26th, 2012 at 4:47 pm
Branch YMA hian thutawp nei sela, khawtlanga mi inhmang leh mi tlawmngaite hian min enkawl sela hma kan sawnin tuna CYMA mawl tak takin Zoram mipuite zahna kawna min kalpui te hi kan pumpelh ka ring tlat.
Report this comment
November 26th, 2012 at 6:12 pm
#16 (zualbonez).
CYMA hotute hi sorkar hnathawk nilo se chuan pawi miah love. Mahse sorkar hnathawk, conduct rules dan kalha NGO tana office hun bawhchhia leh sorkar officer senior dawhkan khata thut luih tir chu a dik thei lo. Heng senior officer ho hian an duty zawm thei sela chuan CYMA office bearers ho suspend nual tur zawk asin. NGO a an thawh vanga office hun an bawhchhiat theih bikna dan a awm lo.
Report this comment
November 26th, 2012 at 7:13 pm
Tun tum chu sawi theih avang leh khawp mai tum dang ang bawkin. YMA hian a kuang lo a nawr ta em ni? tih tur thu phuhchhuah zauh zauh leh a taka tih an tih niawm lo tak a awm ta fo mai. Ram hla taka awm te tan chuan tan loh theih loh chin a awm a. Amaherawhchu, hetiang zel a kan kal dawn anih chuan kan la in vaw te dawn khawp mai. Tum hnih branch inthlanna ah ka tel ve tawh a, section inthlan vawikhat ka kal tawh bawk a. Sawi chhuah ka chak loh thin em em mai chu member sang fe awmna ah khan hruaitu thlang turin mi 100 pawh zuk kal mumal lo teh reng a. Khang mi te khan min kaihruai a, a member a te hi kan chiang bawk si lo va, a hahthlak lam deuh chu a ni.
Kan sawrkar heti hi a ni bawk si a, sawi loh tur kan sawi ang tih a hlauhawm thin khawp mai.
Report this comment
November 26th, 2012 at 7:41 pm
Central YMA mai ni lo Aizawl khawpui chhunga Branch/Section hruaitu tam tak saw chuan mipui mimir saw Khau ang lekin an hmu a, tam tak tan chuan Sakei ang mai a hlauhawm an ni reng a…YMA hi pawl hlauhawm leh tihbaiawmah an siam mek a ni.
Report this comment
November 26th, 2012 at 8:04 pm
Amen.
Report this comment
November 26th, 2012 at 8:09 pm
Halleluiah. CYMA hi Sub hqtr lam hian an copy mek a. Group ah a kai chho leh anga, a tawp ah branch ah. YMA pawl ropui tichhe tu chu a pawl chhung ami member te bawk kan ni e.
Report this comment
November 26th, 2012 at 8:33 pm
CYMA Office khi a zahawmna pakhatmah hmuh tur a awm ta lo.
Thlan tlin pawh ni lo, hna mumal thawk lo, nileng zankhuaa in dospati tura hunawl nei thei, mawl tak tak leh bal tak tak, mi chunga leng emaw in ti ho, thuneihna inpe chawp leh lalber emaw in ti ho hlir an awm thin vang hian kei chuan ka ngainep ta.
Mi fel leh tha mipui thlan ho hmuh tur an awm si lova, ak zat 2 hnuai lam hlir an thu thup ringawt mai a. CYMA Office pui ber hmel chu an tibal hle ani.
Hruaitute en nawn leh insiamthat nasa takin a ngai a ni.
Kan veng YMA bik lo hi chu ka hmu YMA tak tak thei tawh lo.
Report this comment
November 26th, 2012 at 8:44 pm
CYMA hi an khap fuh hlei thei ta meuh lo a ni awm e
Report this comment
November 26th, 2012 at 9:00 pm
YMA motto :
1. Hunawl hman that- CYMA hruaitute chu nilengin an in dospati chuan hunawl an hman tha lo nge, midang an va tibuai lova an hmang tha?
2. Kristian nun dan tha ngaihsan. – Mahni kuang lo nawrte hi a Kristian lova, mahni unau( Lai, Mara) itsik phei chu a Kristian lo lehzual a, nawhchizuar leh misualte hrema kutthlak phei chu Kristian nundan tha nen inpersan tak a ni tawh em?
Report this comment
November 26th, 2012 at 9:13 pm
#31 trawta… 3 na i sawi tellova…
Report this comment
November 26th, 2012 at 9:34 pm
Au rin na hmang meuh va, an u nau te hnawt chhuak tur a, an in hawr khawm mup mup a tang khan, YMA hi Pathian hian a hawi san hret hret a ang ka ti.
Tun ah pawh an u nau dang te
hma sawn ve na tur, dan beh sak
an tum leh pek ni in in rawn sawi
leh zel bawk si a. Zo hnah thlak
te min phuar khawm a hnek in,
min vaw darh tu an ang ber in
ka hria. Tiau chhak lam a tang hian, a him chin a tang in ka lo en dik dawn che u ni’a. Aw YMA
i kawng zawhlai kha chhut ngun rawh.
Report this comment
November 26th, 2012 at 9:44 pm
YMA leh CYMA i thliar hrang hram hram ang aw. CYMA hi eng chiah nge maw anih le??? Hna zawng zawng thawk turin khawtlang tinah YMA tha tak tak a awm theuh a, YMA inlungrual leh pheikhairual taka an thawh ho theihna tur a ni ti ngawt ila CYMA hruaitute lah Aizawl pa hman tak tak an ni fur si.
Mizo khawtlang nun siamthat tum rengtu ti ngawt ila, sawrkar kalphungah lo inrawlh ve sek a tum bawk si.
Mi harsate tanpuitu ti ila, mi rethei zu zuar ngaimawh em em a, rei tak tak jail tantirtu, chutianga retheite chanai a vaibelchhe tela eiru a, Delhi, Dubai vela flat nei khawpa miliante eiruk chiang taka chhuichhuahte laka hma la leh ngam si lo…
CYMA hi engnge maw anih chiah le???
Report this comment
November 26th, 2012 at 11:42 pm
Democracy is for everyone… Not only for the major tribe in mizoram… Not even for only the Hindus in India, but for all of us… Democracy demands, even the minorities should have their own rights… This is what we have in India.
Report this comment
November 26th, 2012 at 11:46 pm
Infact, Citizens and aliens do not have the same right. While the Fundamental rights under the Right to Life may be applicable to aliens, Right to Employment cannot cover aliens or illegal migrants.
Report this comment
November 26th, 2012 at 11:48 pm
Bang rawh u se
Report this comment
November 27th, 2012 at 12:34 am
ram leh hnan humhalh an tum dan hi a makin ava rapthlak em!
yma member rilru thianghlim leh tlawmngai tak2te hi inlak-lulin nan leh sawrkar nawr nan min hmang tawh suh se.
Report this comment
November 27th, 2012 at 1:01 am
A tha khawp mai. Ka chhiar duh lem loa ka rinloh lam daih a ni a. My real Chemtea is striking back again…
Commnent tam ve tawh lo mai ang.
Report this comment
November 27th, 2012 at 1:39 am
An va central hlawm ve.
Report this comment
November 27th, 2012 at 11:09 am
Post tha khawp mai! Hun rei tak atanga ka rilrua lo awm ve thin a ni a ka support e. Tun ang renga kan kal cuan CYMA hi Politics kailawnah kan hmang nasa telh telh dawn ni in a lang a ni.
Report this comment
November 27th, 2012 at 11:13 am
Tunlai ADC (Direct Funding etc.) chungchang hi Cenral YMA thurel emaw ti kan tam maia, heihi a dik hlel deuh. Central YMA chuan Aizawl khawpui Branch aiawh 2 threuh leh, thingtlang lam Branch aiawh te, Group leh Sub-Headquarter aiawhte ko khawmin Central Coordination Committee (CCC) an nei a, chuta an thurel zâwk chu a ni tih hria ila.
He CCC meeting-ah hian kan veng/khaw aiawh pawh an tel vek a, meeting huaihawt tu hi Central YMA a nih avangin sawi chhiat leh selna zawng zawng chu Central YMA hian a tuar ta mai zawk a ni. Tin, Branch malin kan tih theih lem loh thil hrang hrang, Central YMA tih awm chi tak thil hi a awm thin avangin YMA phuar khawmtu atan Central YMA a awm hi thil tihmakmawh a ni a, a ding zel bawk dawn tih a post tupa hian a hriat tawh hnu mah ni sela, lo hre thar leh mai mai teh se. (Pil leh nghal daih)…
Report this comment
November 27th, 2012 at 11:26 am
Amaria, kan veng branch YMA representative an awm nge awm lo ka han zawt ange aw?? Direct funding hi ho te, sawrkar department 2/1 nena tangruala hmalak a ni tih i hrethiam pha lo anih dawn hi. Treasury sum che vel leh ADC sum lakchhuah bawr vela drama i hre lo deuh a ang e.
Report this comment
November 27th, 2012 at 12:24 pm
CYMA office-a hunawl hmang tha ho ka hmuh hian kei chatuana YMA tlat pawh ka tim thin a nia hnamdang phei chuan an hmu nikhua lo ngawt ang.
Mifel leh thlantlin zinga pakhat tal, mumal taka biak theih leh hawihhawmna nei awm ve reng thei se ka ti. Vai pakhat leh Mizo tleirawl an rawn hruai a, thil ruk chungchang niin ka hria. Engmah sawi hmain an vaw hrep lai ka hmuh atang phei kha chuan tim tak ka ni. Kutthlak lo khan tih dan a awm ngei ang, kutthlak a ngai anih chuan ak zat 2 hnuailam lek phei chu inrawlh lovin authority lama report mai awm ka ti.
Thuneihna zz nei emaw an in ti ni ngei tur a ni. Kei ang rilru dawih tan phei chuan awm rei chi a ni lo. Misual ni mahse ka lainat lo thei lo. Kuang lo nawr hi a pawi a, hna mumal thawh tur nei lo leh zirsang lovin an nawr phei chuan a pawi thui zual ang. Hna mumal thawk lo hi chu tuma chhawr duh loh, chhawr tlak loh leh thawk tha peih lo an ni tlangpui a, kan hnam ro YMA pisa puia duty tur lek phei chuan an tling lo em a ni.
Hruaitute khan endik thei u la a tha hle ang. Vatin!!!
Report this comment
November 27th, 2012 at 12:47 pm
Direct funding chu personally in ka mamawh ve khawp mai..xmas hnai tawh bawk si
Report this comment
November 27th, 2012 at 1:05 pm
Ka ngaihdan pangai ah ka la ding e.
Report this comment
November 27th, 2012 at 3:33 pm
Total Prohibition vang ni maw in va YMA lo sup sup ve !!!
Direct funding lam hi chu kei sawi thui tur ka nei vak lo, ka hre tlem em bawk lah tak a helam hi chu …. amaherawhchu kan ti teh ang, hnam inpumkhatna (mizo angin) siam that hi chu kan mamawh ngawt chuan ka hria, tiang ngaihdan lo chhuak chho hian min ti darh zo thei dawn hian ka hre tlat, tian a kal a kal anga, nakin deuhah hnam tlahlang deuh awm khawmin tiang deuh hi an rawn move chho leh ngei ang, hmar lam te pawh an rawn che na chho tawlh tawlhin ka ring, hnam hming lo hian autonomous district council hi kal se a tha ber in kei ka hria.
Report this comment
November 27th, 2012 at 7:29 pm
YMA kalphung hi siamthat a ngai a nih hi.Tuna kan kal ang lo deuh in chibing kan tih ho- Lai,Mara,Hmar,Paite,Bawm,Pang,Ranglong etc te pawn CYMA ah representative nei thei u sela,CYMA OB ah eng emaw tal rotation in chelh ve theitur in siam hlawm ila hei ai hian YMA ah an tui zawk ang a,neitu chan pawh an chang ve ang a,kan inpum khat zawk bawk ang.
Report this comment
November 27th, 2012 at 9:11 pm
CYMA hi chu Political Party angin ding tawh law2 se a tha zawkin ka ring.
. Tlawmngai Pawl nih hi Kawra hmangin Politics an khel tel nghal zel sia. . MIZO mizo-na a bo mek e. . . 
Report this comment