misual.com a va reh ve.
A reh em a visitorte an beidawn lutuk loh nan post thar ka siam mai mai dawn.
Uisa hi sa tui a ni em? Uisa ei duhte hian tui an ti tak tak em? Heti khawpa kan hlut hi chu a tui titen tui an ti viau turah ka ngai a. Vawksa, arsa, bawngsa, etc tui kan tih ang hian tui an ti ang em?
Ka ei thei lo chu ka ti lo. Ka riltam viau a ngai ang. Mahse duhthlan tur awm ta se uisa ai chuan vawksa leh bawngsa, sangha pawh ka thlang zawk ang. A eite ka ten tihna ni lovin, mahni duh zawng/ei than a nih vang hrim hrim ani ang chu.
Ran ngaina tak chu niin ka in hria. Ran chunga kutthlakte hi ka hmu thei lo. A bikin, vawk talh tur phei chu ka lainat lutuk. Vawk phei chu engtiklai maha exercise la ngai lo, bawm chhunga mu reng, ei huna ei leh tawp an ni a. Talh turin an kai chhuak a, an chau lutuk hi an chilphuan a tla zawih zawih mai a ni. Mahse an dinhmun hre lovin an pawngpaw vuak vak vak a, an kal duh loh vang emaw an ti ni ngei tur a ni. Mahni han inchan i la kan pawisa deuh thin mahna. Vuak tuar an duh lo, kal ve mai kha an duh a mahse an taksain a tlin si lo a ni. Hei tal hi min lo vei pui ve teh u.
Ran ngaina ni mah i la ran zawng zawng ka ngaina leh tlat lo. Ka tawn chinah chuan ui leh sakawr hi ka duh ber an ni. Zawhte phei hi chu ka ngaina lo tak zet. An chapo hmel te ka tia. Chaw petu pawh an hriat ka ring lo. Ui anga rinawmna an neih hmel loh ka ti. Mahse ka rindan mai mai a nia.
Uite kan lei/neih veleh a kan hriat tur chu, Rilru natna kan lei tih hi. Ran ngaina tak tak tan chuan. A rei berah kum 15 vel an dam a, an lo tar a, an lo chau a, hmangaihtu tan chuan tawrh har tak a ni. An vanglaia min tih hlim zawh pauh leh an ngaih a na ting mai si a.Ui thih vanga tap te kan lo nuihzat thin a, tunah chuan ka rilru a bingbilet chiang khawp mai. Mihringte kan in-ang vek lova, midang thiltih-ah hian ngaihdan tha lo lam phei chu siam miah loh tur ka ti ta.
Ka uite pawh driver pawlawh lutukin an chil-hlum mai chu!!!! Ka awmlaia thleng chu ni se kha driver kha a fimkhur deuh tawh ka ring. Road tax pawh pe lo te a lo ti vel a. Road tax a pek vangin nunna hlu tak kha a zah lo tur niin a ngai ni awm tak a ni. A taksa che thei si lo, a mit la meng fiah si, a rilru pawh a la fim ang. A nat tur zia leh ka rilru mangan zia kha a inang vel ang. A rum ngal ngal thin a, a hnu-ah chuan vetty doctor khan beisei tur a awm lo a tih vangin a tana tih theih awmchhun tiin doctor chuan min chiu sak a (Euthanasia an tiin ka hria). Muangchangin a muhil tan a, a chahthlak hma chiah khan min en a, ka pawm vawng vawng a, thei leh thei lo hian min liak a. A muhil hlen ta a ni.
Aw le, duh tawk phawt ang. Misual.com ah thil thar hmuh tur a awm lo lutuk ang e tiin thu ho lam tak ka thawh ve mai mai a ni e. Kei misual hian.
December 5th, 2012 at 5:12 pm
He post zet chu(h), ka thlawp kher mai…
Nia, ranvulh zingah rau rau, ui hi an fingin an rinawm. Kan hriat tawh fo angin, as faithful as a dog an tih fo te hi a dik tlat thin.
Zawhte erawh, an dangdai; an inenkawl fai thei a, an luhlul bawk. Mahse, exotic breeds (persian cats) te hi chu an danglam khawp mai, mihring an ngaina..
Mizorama ran kan talh dan erawh kan khawsak changkan tawh dan nena tehkhin chuan a la hmanlai hle. Thlak thuai a nih ka beisei..
Report this comment
December 5th, 2012 at 5:34 pm
Uakk
Report this comment
December 5th, 2012 at 5:41 pm
I uite thi chu ka tuarpui che, mittui a ti tla lawm le, kan rabbit khawilai, aw voikhat mah chhuah thei lo pawh an thih chuan kan nufa in kan tap nasa, Ui phei chu an hmangaih awm em asin.
mawlh2 e.p
Ni e, ran zawng2 te hian duat tu an mamawh.
Post ka
Report this comment
December 5th, 2012 at 6:12 pm
Post tha tak ani
keipawh uite leh zawhte hi ka ngaina khawp mai, an tet lai atanga vulh dun phei chuan an in ngeih phian nia..
Report this comment
December 5th, 2012 at 9:21 pm
Rawn comment tu zawng2 chungah ka lawm e. Tunah pawh kan thianten an uite an vulh theih leh si loh vangin min pe a, tuilum ip-ah ka mut tir a, a mu dawr dawr mai. Nakin hun chu ka huphurh a, vulh pawh ka duh tawh lo mahse ka hnar thei thlawt lo a ni e. Engpawh ni se, kan hun hman dun chhung hi chu hlim thei ang bera hmanpui kan tum leh phawt a niang chu te ka tia.
Ka uite cc pawh ka tap dawn tlat a ka ziak thui ta lo a ni.
Report this comment
December 6th, 2012 at 11:18 pm
Post chu ka support thuai thuai hle mai…bawngsa hi ka ei ngai tawhlo..vawikhat christmas zaikhawmnaah thingpui kan lum ṭumin bawng talh tur an thlun hi ka hmu fuh a, a bu a bu mai a, a mitmeng atang khan talh tur a ni tih a inhre ve emaw ni tih mai tur a nia,ka khawngaih lutuk a, chuta chin chu bawngsa hi ka ei leh tawhlo reng reng…vawk erawh chu a sa bak hi ka hmu tam lo ve hrim hrim a, a zia deuh
Ui chu…Dr.mahmingan a hria ang
Report this comment
December 7th, 2012 at 2:02 am
Mr Mister-a hi ka best friend thar
Nia, mahni ui vulh lai, chhungkaw member anga kan ngaih an han thih hi chuan awww…tawrh hi a har a ni. Kan ui thitawh ho thlalak ka en te hian ka mittui a la tla ziah tho.
Vawk talh tur i sawi hi a dik lutuk. Ka lo ngaihtuah ngai miah lova. Vawkin a khung reng, vawilehkhata thui deuh han kaltir chu an lo hah ve dawn hle mai. An tui te a hal nasa ngawt ang. Awii…
Report this comment
December 7th, 2012 at 8:58 am
Mr Mister, i lo thlir kim thiam ber mai. I sawi dik lutuk. Hmana kan broiler pawh 6kgs a nih thleng kan vulh a, Mas dawnah an talh a, bucket ah an dah bungbu tut mai a, a chawei lai te ka mitthla a ka lainat, a sa ka ei thei miahlo.
Eng ran pawh hi a vulhtu tan chuan kan lo vulh rei tawh phei chuan lainatawm tak an ni vek mai.
Report this comment
December 7th, 2012 at 9:37 am
Jacka Pi’n a sawi ta bawk a…
A nih dan tur takah chuan, ran (eng pawh) kan talhin, ran dang hmuh lai emaw, an na tuar an hriat phak/theih loha talh tur a ni a. Mizoramah erawh kan zawm lo chiang hle.
Kum 2008-a Slaughter House an hawn tak te kha Aizawl hian eng angin nge an hman tangkai ka hre lem lo va. Tunah hi chuan, duhna lai laiah vawk an khawng thlu a, ui an tuk chawr chawrh a, bawng an chek khur dawr dawr a…
BVCS&AH kan zirlaiin, tuithiang veng satalhnaah kan kal a. Bawng pakhat chu an chek thi lawk thei si lo, vawi 20 deuh thaw a tukkhuma an han chek mai chu(h), ka luak a chhuak vekin ka hria, a lainatawm lutuk.. 
Sawi tel leh hram ang. Uisa ei ka dem lo va, ei suh u ka ti thei lo. Chutih rualin, mi ui vulh lai leh duatlai, lo talhsak duh an la awm hi a pawi ka ti, a sualthlak tak zet…
Report this comment
December 7th, 2012 at 9:48 am
blackmagicwoman,
I ti lawmawm hle mai. Ka phu loh tawngkam thlum ka dawng nual a, tak tak phei chu ni se zanriah einachang pawh ka hre tawp pek lovang.
All the single ladies……here is your single guy!!!
Come & get me ‘coz I got nowhere to go.
Why?
Nobody wants me.
Why?
See above answer.
Report this comment
December 7th, 2012 at 9:52 am
Dr Mahminga Sailo,
Ran lampang doctor i nih phei chuan a hre chiang ber i nih ka ring a, heng cruelty to animals an tih ang treatment ho hi People for Ethical Treatment of Animals (PETA) ang hian din ve i la kan Danpui hian min huamna leh kan thil tum ang hi venna a awm em?
Report this comment
December 7th, 2012 at 9:58 am
@ Mr. Mister… Aizawlah khan PETA branch(?) chu an ding tlatin ka hria, ka chiang lo. Mahse, hmalak tak tak a la har em a ni, sawrkarin a tihtur a ti lo ve bawk thin si a. Ka sawi lan zuaih, Slaughter House pawh khi a tha, chutih rualin, a tangkai tur anga hman a ni lo va, an hluihlawn palh mai ang tih pawh a hlauhawm..
Hmasawnna tur hi a tam teh e…
Report this comment
December 7th, 2012 at 10:41 am
Hmeichhiain, “Hmangaihna awmzia ka hre lo” emaw “Hmangaih neih ka duh tawh lo” tìh emaw an sawi chuan, awmze ril leh thuk tak a nei thin a, a phenah thawnthu ngaihnawm leh lungchhiat thlak tak a awm thin. Keipawh, “Ui hi tih tak zetin ka vulh duh tawh lo va, mihring ang tlukin ka hmangaihna ka pe leh tawh ngai lo vang”. Kan naupan laia kan ui var zaidam em em mai, kan unau zinga naupang ber ang chiaha kan enkawl, tlangval hovin an lei a, an talh a, a hnuah a luruh tuihawk luankawrah ka zuk hmu chu, kha ui luruh roah khan kan ui var thianghlim lutuk leh zaidam tawpkhawk Cole-a kha ka zuk hmu a, ka tahpui tep a ni. Tunah pawh hian kum 30 liam tawh ami kha nimina thil thleng ang chiahin ka mitthlaah a la cham a, ka hnuk a la ulh thei deuh. “Ui hi ka vulhin mihring ang chiahin ka hmangaih leh tawh ngai lo vang”
Report this comment
December 7th, 2012 at 11:01 am
# 13..
Nitina chenpuia, an harsatna te hriatpui ve hnu phei hi chuan a dan hi a dang riau thin.
Post graduation ka tih laia, putar berh ve tak pakhat, a ui vulhin natna khirh tak a tawrh avangin, chiu hlum (euthenize) turin a lo kal a. Damdawi ka’n chiu lut a, ui hnuk a’n chah chiah chuan, putar chu tih tak meuha insumin a tap ta a. A ui luak leh kawthalo avanga cher, rimchhe tak chu a kuah ngawih ngawih a. Ka mitthlaah a cham reng thin..
Report this comment
December 7th, 2012 at 12:24 pm
Hmana kan uipui kan chiu hlum tir tak pawh kha, keimah chu ka kal ngam lo a, ka ni te nupain an hruai a, amah kha nauchhiat, chau tawh lutuk hrim hrim a nia, ka ni pasal, pa ramvachal ve tak mai hian, “Damdawi an han chiu lut a, mi a rawn en ṭawk ṭawk mai kha chu ka nu thi tur ka dawm hlum aiin ka lung a chhe zawk a, patling hi ka insum theilo a ni” a ti tawp
Report this comment
December 7th, 2012 at 10:05 pm
Sa chak tina tak ho hi, an mahni sa chak tak leh ei naawm ti tak a liak hliau hliau tu tawng chhin se tih rilruk chang ka nei tep thin. He post chu a va tha kher em ve le e.
Report this comment
December 7th, 2012 at 11:08 pm
I’m almost moved to tears. I don’t understand why people hurt animals or never consider their welfare.
I read somewhere that animals feel terror on seeing their kinds being slaughtered.
Dr Mahminga Sailo may be able to provide more info on animal behaviours. And I saw on Discovery that plants exude some kind of reaction when their leaves are being plucked.
Report this comment