Four Days (too) Late…
Kristian, eng generation (chhuan) pawh hian khawvel tawp hun leh Isua hi an dam chhunga lo kal leh tur emaw an ti thin. A lo kal lehna thu sawilawkna chu Paula’n Thessalonika lehkhathawn a ziah-ah khan a ni a, Isua chu lo let leh vat turin a sawi a; “..4:15 Hei hi Lalpa thuin in hnenah kan sawi a ni. Keini Lalpa lo kal thlenga nunga lo la awm rengate hian muhil tawhte chu kan lehkhalh tawp lo vang, tih hi. Ringtu tu pawh zawt i la, an thih hma ngeia Isua lo kal an ring deuh fur ang. Chuvang chuan inring renga awm hi an thupui ber a ni. Mahse a tam zawk nun duh dan en hi chuan an ring pawh a ang lo hle. Isua’n ka lo let leh thuai dawn a tih kha kum 2000 kal ta vel khan a ni a, enge a awmzia ni ta ang?
Bible ziaktute khan eng tik chiah nge a lo kal leh hun tur an sawi le? A lo kal leh hun tur sawina hi chiang taka hriat theihna a awm a ni. A dik lo chiang bal bawk. Isua hunlaia a lo kal lehna ringtute khan an dam chhung ngei a lo kal leh turin an sawi a, chu chu kum sang bi hmasa khan a ni tawh. Marka thu ziak chang 13 na kan en chuan a lo kal leh dawnah ram leh ram, hnam leh hnam indonate a sawi a, lirnghingte leh Isua ni anga inchhalte, van atanga arsi tlate leh mihring fapa chhum zing atang ropui taka lo kal dan turte a ziak a. Chang 30 naah chuan; 13:30 “Tih tak meuhvin ka hrilh a che u, chung zawng zawng chu a thlen hma loh zawng tun lai chhuante hi an ral lo vang” a ti nghe nghe a ni. A dawt atan Mathaia thu ziak (Marka thu ziak la chhawng a ang hle) ah chuan khitiang deuh tho khi a sawi a, lirnghing, zawlnei der, ni a lo thim ang tihte leh van atangin arsi a tlak turte nen. Ropui takin, hnehna nen lo kal turin a inziak a ni. Chang 34-naah chuan; “ Tih tak meuhvin ka hrilh a che u, chung zawng zawng chu a thlen kim hma loh zawng tun lai chhuante hi an ral lo vang” tih hi a awm bawk a ni. A lo kal hun tur hi a inziak chiang fek fawk hle a ni.
Heng lo kal lehna hun an sawite hi thenkhat chuan an sawi nawi a. Pathian hun chhiar dan leh mihring hun chhiar dan a inang lo te an ti thin. Hei hi phatna leh a dik loh zia tilangtu tak chu a ni. Isua khan engvanginnge a zirtirte hnenah Pathian hun chhiar dan chu a sawi loh? “Tunlai” chhuante hi an ral lovang a ti miu si a, a chiang tawk viau a ni. Sawimam tumna dang leh chu, chhuan a tihte kha hun lo la awm tur a mite a sawina te an ti leh zel a. Tunge ring thei tawh ang? Sakhuana tetlai atanga atchilh lo chuan a dik loh zia an hmu ang.
Mathaia 24:4 “24:2 Ani erawh chuan an hnenah, ” 24:7 Hnam hrang leh hnam hrang an indo vang a, ram hrang leh ram hrang an indo vang a; hmun hrang hrangah tamte a tla ang a, lirte a nghing ang” a ti a. Heng a thu angte hi chu hmasang ata tawh kan hre zing mai. Chuvang chuan a lo kal lehna hi a dik loh zia a lang tlang reng a ni. Lo kal leh tur hi a awm lo ani. Chuvang chuan i hun hlu tak, i sum leh thate khan tanpui ngaite tanpui nan hmang la, thawhlawm, faith promise, missionary chawmna, sawma pakhat, buhfaitham…(a tam lutuk) tlang (direct) takin a mamawhte hnenah pe zawk rawh.
Comment chuan “rinna” hmanga hnialna telh loh hram ni se. Finfiahna atan rinna a tawk lo.
Similar Posts:
- Chhandamna Thu
- Last Generation hi tute nge?
- Investment basic: Hriat thiam loh ka nei
- Greek Hmangaihna Chi hrang
- Ho mai mai
December 9th, 2012 at 5:05 pm
Ngawiteh Pu Religionram,
Thil hi i hresual thei lulai lutuk em mai a. ‘Isuan “..thihna hmu lo in zingah hian an awm ang..” a tih hian a zirtirte leh mihring zingah khan Isua lo kal thlenga dam tur an awm a tihna mai a ni a” i tih ve ngawt hi i bo lutuk.
Bible tawngbul hmangin kan hrilh mai teh ang che. “Coming in his kingdom’ tih hi maw, ‘erchomenon en tee basileia autou’ a ni a. Chhinchhiah tur chu erchomenon [coming] leh basileia [kingdom] hi a ni ang.
Erchomenon hi verb a nia, coming, appear, enter, go, set, adt.. tihna a ni nuaih mai. Basileia hi kingdom tihna leh rorel tihna a ni bawk a, root word lamah chuan basileus a ni leh a, king or a sovereign [through a notion of a foundation of power] tihna a ni.
Tichuan Lal Isua hian i ngaihdan anga ‘khawvela a lo kal thlenga nungdam tur an awm thu’ a sawina lam a ni lova, Lal anga ropuina leh thiltihtheihna nasa taka [basileia/kingdom] inthuama a lo lang [Erchomenon/appear] an hmuh hma lo chuan thi lo tur an awm a tihna a ni e.
“before they see the Son of Man coming/appear on earth OR return to earth” ti lova “before they see the Son of Man coming/appear in his kingdom” a tihna chhan chu i hrethiam deuh em aw..?
Zirtirte pathum khan chu chu an hmu a, Petera khan Isua thih hnuah a puang chhuak chauh a ni.
Report this comment
December 9th, 2012 at 5:23 pm
Thil pakhat – Kristiante leh pawl hrang hrang hi dik lohna i hriat chuan sawi la, a pawi ka ti lem lo kei chu.. thudik a nih chuan. Mahse Bible leh Pathian erawh hi chu sawichhe tawh lo la thain ka ring. A chhan chu Pathian hi a nihna zawng zawng hi tuma’n kan hre pha lo va, lo sawichhiat chi a ni lo. Bible pawh hi i hre lo lulai lutuka, inla critic vak duh tawh suh. Thil hriatthiam loh sawichhiat vak vak hi mahni mawng hlimna mai mai a ni e.
Report this comment
December 9th, 2012 at 8:01 pm
Hahaha Religionrama#25 chu va ho ang reng ve,science base ah pawh i hmang chuanglo a ang riau mai……..enge i dinhmun tak hriat a har,a rem2 ah i in sawn kual kawi vel mai2 ni in a lang tlat.
Report this comment
December 9th, 2012 at 9:47 pm
I ngaihdan chu a va mak ve
Report this comment
December 9th, 2012 at 9:59 pm
Postupa, min chhang lo mai rawh, i thusawi dan atangin Pathian thu (theology) hi i zir hauh lo tih ka hre thei ta mai e. “Bible hre chiang apiangin an awih lo ani. Mahse tetlai atanga ringtu chuan an pawngpaw pawm zel” i tih hi, rinthu-a i sawi a ni. Intellectual & scholar level-ah engtin nge Bible chhunga thu-te hi an chai tih reng reng i hre pha lo. Bible scholar zingah pawh evangelical scholar-ten an sawifiah tawh chin pawm thei lo chu boral tur pawla mi bak an ni ngai lo. Khawilam atanga Bible ngaihdan mak sak pui pui kha i lo tuipui a, i lo buai mai mai zawk a ni tih a chiang e. Inpuang lo mai rawh. I sawi zawng pawhin i nihna a lang chiang em mai
Report this comment
December 9th, 2012 at 11:29 pm
Mizo atheist ho ve hi zawng bible hre bel kilh-kelh tak an awm hmel loh. He site ah leh fb lama an thu post/comment te ka chhiar ve fova,
An bible thu hriat zawng leh an chhiar duhzawng te atang hian bible dikhlel theih dan tur hi a veh hian an veh a… Bible a thu inkalh ni thei tur awm ang bung leh chang hi an ngaihven leh an hriat nuam tih zawng tak ania. A solution (thu inkalh a awmloh zia leh a dik zia) bible a awm leh thlap tho si akha an hre pha tawh bawk silova… A ngaihna a awmlo!
Bible chhiar tam tak tak leh bible thu hre tak tak hovin “bible hi a diklo, a thu a inkalh nuaih mai, bible hi dawt..adt adt” an tih pawh ka hre ngailo
Report this comment
December 10th, 2012 at 5:37 am
Post tupa, kristiante hi tumah hlau suh. #50 Kut kanthlak miah lovang che. Crusader hun lai ani tawh lova, kohhran siam that hun lai ang kha ani tawh hlei nem! Muslim emaw min tia mi Kristiante hi ?
Hria i intihna tak hian i hriat loh zia a tar lan si avangin i khawngaihthlak em mai. Kan lo tawngtai pui ang che. I mit tih var a a awm theih nan.
Report this comment
December 10th, 2012 at 9:25 pm
Art-a hi a….Isua thusawi “In zingah hian thihna hmu lo..” in awm ang a tih kha mihring a sawina maw? Mihring a sawina a ni lo. A zirtirte hnena thih hmaa a lo kal leh tur thu a hrilhna a ni e.
A sawi angin a lo kal ta si lova, chuvang chuan an zinga mi ni lovin mihring hrim hrim hmuh turin ka lo kal ang a tihna in ti kual mai mai a lawm….Phatna, phatna, phatna.
I thiante bulah kum 20 hnu-ah ka lo let leh dawn a, in zinga mi mitthi in awm hmain kan inhmu leh ang ti ta la? Mihring hrim hrim i tihna a ni ang maw?
I intih hriat dan hi chu atchhilh leh pawngpaw rinna atangin a ni a, awmze nei a ni tawh lo. Sakhuana hi chuan a va sal hneh che em em em em em em……. Go, jump out the window little Santa Claus believing kid!!!
Report this comment
December 10th, 2012 at 9:32 pm
Min lo tawngtai pui reng reng suh u Hotunu-pasal. In nu i tlukpui hunah le….No offence meant.
Ka tawngtai ngai si lova, tawngtai pui ni lovin tawngtai sak te kha min lo tum riau riau ang e. Kan thenawm pitar leh pathian hnena tawngtai hi a in-ang reng nia……
Bible sawifiah chawp ngai, sawifiahna pawh in-ang thei lo ring tlattu tawngtaina chuan ENGMAH, ENGMAH awmzia a nei ngai lo. A nei emaw kan ti anih chuan ngaihbelna a ni. Dikna kan duh tak tak a nih chuan kan fiah tur a ni. Kan fiah ngam lo a nih lek phei chuan sakhuana khurah chhuak tawh lo turin kan tang ta tih bak sawi tur a awm lo.
Report this comment
December 10th, 2012 at 9:40 pm
Kristian intite leh Muslim tam zawkte hi ka hlau ber. An pathian hi chu hlauh ngaihna an awm lova (thawnthu tunge hlau ngai?) Pathian tan chuan an fapa/fanu pawh that duh deuh fur an tam dawn ropui si.
Sual leh thil thalo pawh Pathian tih anga an rin tlat chuan ringtu tha fiahna te an ti ang a min sawisa zek duh dawn si a….
An rin lehkhabu lah sawimam phet an tum tlat hi maw.
I surrender. I quit. I submit.
Report this comment
December 10th, 2012 at 9:49 pm
Religionrama,
‘mihring [dang] a sawina’ tih thu ka sawi loh khi, chhiar nawn rawh. A zirtirte hnena a sawi a ni tih ka pha reng reng lo e.
Thil hi i chhiar liam puat puatin ngaihdan i duh duh danin i siam mai thin a ni maw..?
“Tichuan Lal Isua hian i ngaihdan anga ‘khawvela a lo kal thlenga nungdam tur an awm thu’ a sawina lam a ni lova, Lal anga ropuina leh thiltihtheihna nasa taka [basileia/kingdom] inthuama a lo lang [Erchomenon/appear] an hmuh hma lo chuan thi lo tur an awm a tihna a ni e… Zirtirte pathum [Johana, Jakoba leh Petera] khan chu chu an hmu a, Petera khan Isua thih hnuah a puang chhuak chauh a ni” ..ka tih khi.
Tin, Lal Isua khan, ‘ka lo let ang an thih hmain” a ti awzawng lo e. “Before they see the son of man coming/appear in his kingdom” tih hi e, “before they see the son of man returning to his kingdom” tihna a ni lo tih hre lo khawpin em ni saptawng pawh i thiam loh le aw..? Ni lo pui kha ni emaw i tih tlat chuan buai lohnaah i buai fo dawn.
Rinthu a ni lo a thu inziak awmsa a ni zawk. Thu inziak i chhiar thiam lova, i buai a nih kha
Report this comment
December 10th, 2012 at 10:06 pm
Mi thil sawi loh pui sawi tir hi, internet phena inla atheist, mahni nihna ang pawha a taka lang chhuak ngam lo, mahni identity pawh sawi ngam lo, Kristian leh Muslim hlauh vanga mahni thurin pawh a taka tran ngam lo te hian engtin nge intih ve aw?? Keini chuan mi DAWHEH leh DAWIZEP kan tia
Report this comment
December 10th, 2012 at 11:45 pm
@58 Religionrama,
Isua khan khawiah maw “in zinga mi mitthi in awm hmain kan inhmu leh ang” a tih a???
“Mihring Fapa a rama lo kal an hmuh hma loh chuan, thihna tem tawp lo tur an awm” tih hi ‘ka lo let leh hma chu thi lo tur an awm’ tihna emaw ‘in thih hmain kan inhmu leh ang’ tihna emaw i tia lo?? Hahahaha.. i bo chhah muai muai hle mai maw.. Pu Rammawia tih dan takah ‘i vai kawngbo au’ ve vak vak ringawt mai a ni maw
59 Religionrama,
“Bible sawifiah chawp ngai” te chu in ti ve khanglang a.. mithiam ten Greek tawng nena a awmzia an hrilhfiah hrep chung che paw’n i bo tual tual a ni a, i tan Bible hi hriatfiah chi a ni love. Sawi sawi ve duh lo mai teh. Isua hming ringawt pawh hian awmzia a nei a, sawifiah ngai a ni a sin. Bible hi Pathian atanga hriatfiahna dawna hrilhfiah a nih loh chuan hriatthiam theih a ni lo tih hi example tha tak i ni e. I man lo haih haih em mai.
‘Tupawh Lalpa hming lam apiang chhandamin an awm ang’ tih te hi nangmah anga vai kawngbo auva ring deuh deuh a, ‘Lalpa, Lalpa’ tih luah luah tur tihna emaw i ti ngei ang tiraw?? Lal Isua khan ‘Lalpa Lalpa min ti nazawng chu van ram an lut lovang’ a ti leh bawk sia.. ‘Bible hi a inkalh’ i ti leh ngawt pek ang maw!!.. Nia, sawifiah loh chuan a ngaihna i hre lo reng ang. Bible vek hian hmun dangah, ‘Lalpa hming lam apiang chuan sual an kalsan tur a ni’ a ti leh a. Chuan, chhandamna chang tura Lalpa hming lam chuan sual kalsan a kawk tihna a nih tak chu. Bible hi chang tawi te te lak keuh keuh a, ngaihdan siam chi a ni lo a nia aw.
“Thununna thu chunga thununna thu chherchuan a, thununna thu chunga thununna chherchhuan a; dan chunga dan chherchhuan a, dan chunga dan chherchhuan a; hetah tlem te, sawtah tlem te tih hlir a ni si a” tihte kha i lo chhiar ve lo a ni maw?
I hrethiam lo ang tiraw hei pawh.. “thupekte chu a hawrawp mal malin, a tlar te tein, min zirtir a tum hi” tihna a nia maw, nang anga tlem tlem chhiar liam puat puat a, helai hi a chuti khati lo tih ve ngawt chi a ni lo. Bible thuziak hi i man hlawl lova, hrethiam niawm tak khan rawn iak rawn iak ve lo mai ta che
Report this comment
December 11th, 2012 at 12:50 am
Donald
“HETA DINGHO a thente hi” tih inziak na-na-na khata zinga tel ve hauh lo mihring dang a tihna ka tih tlatna tur hi a awm lo @religionrama. Bible i chhiar thiam lova, a awmzia i hre lo mai pawh nilovin, ka thusawi pawh a ni lo zawngin i ngaikawi lui tlat zel mai maw… Kawite. Bible i ngaikawi hi i hriat tlem vang chu ni bawk mahse, i kawi ve hrim hrim a nih hi. Mahse a vanneihthlak hlauh e.. ziakin a la awm vek a, a chhiar nawn leh theih hlauh hi.
Report this comment
December 11th, 2012 at 1:14 am
Post thupui te reng reng hi, a intuha lo ee… lolzzz
4 days late hla kha ilo hre ve a, inlak ril tum zetin Isua lokal lehna thu nena hmehbel tumin kum 2000 deuhthaw liam tawh kha ni 4 leka tlaiah i chhuah ve tawp mai a!! weehehee
Ni 4-a Isua a tlaina chhan te pawh kha i hre der awm si lova leh.
Report this comment
December 11th, 2012 at 11:12 am
Art-a,
Mangtha le. Chhan tlak i ni tawh lo. A pawi mahse meidil ah chuan i tla dawn lo tih hria la (Vanramah pawh i kai dawn chuang lova). Thil awmze nei pawh i chhiar sual zel.
Report this comment
December 11th, 2012 at 11:13 am
Chemtatrawta,
Vawikhat thuawih loh vanga chhuan zz hremna lek hi dik i ti tihna a mi? Chu pawh chatuan a tan? I fate, i hmangaih em em ten i thu an awih lo tawh em? (Fa nei tawh turah ka dah chhin che a. Dik loh chuan min hrethiam la o). Pathian a nih vangin chatuan hremna Eden huan thil avanga intan leh amah kan rin loh vanga kan tuar hi rorelna dik i ti em? Eng ang sualna hian nge ni khat pawh meidila tlakna nghen? Lehlamah a thlemtu kha sual chhuahna, thil ti thei tak a ni a, an ni chhia leh tha hriatna pawh la hre lo a bum kha tu mawh nge i tih? Adama te thiam lohna nge Pathianin a ngaihthah vang nge thlemtu zawk nge thlem an ni dawn tih hre reng chunga kalsantu kha? He thu hi mihring phuah, hmanlai huna pa inti fing ve tak phuahchawp a ni thei tho tih i dawn chhin tawh em? Han ngaihtuah vang vang teh.
Tunah chuan Adama kha mihring intanna a nih loh hmel ta ropui si a anih chuan thuawihlohna (sualna pawh ka ti thei lo) kha a awm lo tihna a ni a, Isua tlanna pawh kan mamawh ta lo a ni.
Engtinnge rul tawng thei awm i rin theih? Sakhaw dang thil ni ta se i awih lo hle ang. I awih tho a nih chuan rul tawng thei aia awihawm zawk an ngah si a, chu chu i tawmpui tihna a ni ang.
Thu dik, thil dik hriat tum hram hram ang u. Hmangaihtu Pathian, thikthu-chhia, chatuan hremna awm tirtu hi tak tak a ni dawn a mi? Rinna chauh a ni. Rinna-ah pawh pawngpaw rinna. A tak hmuh theih loh anih chuan fiah theih loh, fiah tlak loh, awm lo, thu ringawt ani thei tih i dawn tawh ngai em?
I pian leh seilenna hun leh hmun vanga Kristian i ni thei em/thei lo em tih hi inzawt chhin teh. Mizoram ngeiah pawh chhim lam saw Baptist an tam bik a, engvang nge? Arab ram lamah Muslim an tam a, Europe leh N. America lamah CHristian, Asia-China, Tibet lamah Buddhist. Ngaihtuah vang vang teh le.
Kan thu inhmu lo mahse ka tawngkam pawh a lo na thin ang, huat thuah la lo hram ang che aw. A tawp berah chuan; Ka thute i chhiar thin a, chumai bakah comment fahrah tete ni lovin tha tak tak i pek thin avangin ka lawm ani.
Report this comment
December 11th, 2012 at 11:15 am
Arthurlalramchhana,
Ni e. Bulb mai maiah pawh fiahna kan ngiat a, chatuan nunna leh hremna thu hla-ah phei chuan kan phut chu a sang tur a ni. Mahse a sang lo. Pathian nung chuan kan lawm tawka fiahna chu tih a harsat lo hle ang. Engkim ti thei leh hretu a ni si a.
Ringtute chuan an rin a dik bik vang ni lovin, an thinlunga an pian tirh ata tuh ngheh tlat a nih vangin mihring tan pawha dik lo pawh Pathian tih anih chuan an pawngpaw awih vek zel. A pek chhia leh tha hriatna pawh an hmang ngam leh si lova.
Pathian hian bulb a thlak chu sawi loh, a awm em tih pawh a tichiang thei lo ani e.
Tin, lawm leh tah hunah engmah ti ngai lo, ti thei miah lo hi kan mamawh lova, engmah kan phut ngai lo bawk. Chantawka lungawi hi a tawk kan ti a, awmze nei lovin kan phun bul bul ngai lo. Rinna hi dikna ni se chu ka ring daih tawh ang. A nih loh zia lanna chu ringtute nun hi en i la, a lang chiang e mai.
Report this comment
December 11th, 2012 at 11:17 am
Donal-ugly duckling,
India ram kil kara lo nung ve mai mai tereuhte khan engkim siamtu i tih Pathian hriat ni a i inrin nen chuan atheist chu kan inang lo hle reng a ni.
Intih changkanna chu ni se kan pawngpaw tih leh huk ngei ang. Lemchan leh intih changkan hi Mizo thiam thil pakhatna a ni.
Pathian/Engkim Siamtu a awm lo ni lovin, i biak Bible Pathian hi a awm lo tih bak chu sawi zui tur a awm lo. I rin Bible thu atanga Pathian kan hriat hi a awm ngei ti tur chuan chhan leh vang mumal a la awm lo a ni. Nanga rinna leh ngaihbel thu kha lak thutak tlak ani der dawn si lova sakhuanaa rui reng ve lote tan chuan.
Report this comment
December 11th, 2012 at 11:25 am
Art-a,
Dawt ka sawi lova, i Bible zawk kha a ni e.
Kristiante hian an duh hun hunah min aukhuma, an thurin dik kan tih lohte min fah lui a. Chutiang kara kan sawi chhiatna tereuhte pawh an ngai thei leh der si lo hian ‘hypocrite’ lian tak an nihna a ti lang reng.
Report this comment
December 11th, 2012 at 11:27 am
Hahahahha, religionrama chu Bible thuziak a hresuala, Kristiante zirtirna a man lo a, comment tute thu sawi a hrethiam lo mai pawh a ni tawh lo.. comment-na tur post pawh zu hriat pawlh vek a
Mi buai tak chu i ni e.
Ih maww.. atheism hi tuman inlak changkan nan pawh tlakah a ngai lo a ni zawk e (nangni uihum tia lek ho tih loh).
Thil zawng zawng hi hresual vek mahla, commentna tur post tal hi chu hriat tum ve teh aw .. akekeke
Report this comment
December 11th, 2012 at 11:29 am
Bible thu hi tinge sawifiah chawp a ngaih zel le? An sawifiah dan lah a inang thei der si lova. Kohhran hrang hrang an awm ta nuai mai hi chuan Bible chiangkuan loh zia a tilang reng. A thenin mitin hriatthiam theih ani an tih laiin a then chuan i hre thiam lo an ti a. Sawi vak tur a awm lo. A ringtute hi an chiangkuang lo “Halleluiah” a ni e.
Pathian leh Bible pakhat ring vek, dik in ti vek, mahse….
Report this comment
December 11th, 2012 at 11:38 am
Art-a,
Mangtha le. Internet phen atang chuan ti thei lo i la ka ngaihdan hi ka auchhuahpui ngam lovang. Chuti khawp chuan a sin ringtute hi in lo hlauhawm. Dawihzep min ti a nih ka ring. I ti dik chiang khawp mai. Kan ram angah chuan keini thih hnua damna ringlo tan phei chuan he kan nunna neihchhun hi a hlu em a, nangni lo hmuhsit rawn tur leh tihnat turin kan phal bik hlei nem.
Report this comment
December 11th, 2012 at 12:21 pm
mangtha le Religionrama,
A taka sawi ngam si lo hminglem hmanga sawi ngam si.. nuih in tiza em mai a. Kristiante hian atheist in nih avang hian an tihhlum che u ring suu.. in paranoid ltk. Mi nuihzat in hlau erawh a awm viau mai.. in nuihzatthlak lahtak em mai a
Report this comment
December 13th, 2012 at 11:59 pm
Art-a
Rinna thu hla hi sawi a pawina ka hre lo. Mahni ngaihdan a ni a, sakhuana a nih vanga inkhap hi kan zalenna in laksak tumna a ni. I sakhua lo ziahna ni se i in la Pathian pasaltha miah lovang.Bible pawh nasa takin min chhiar khum a, midang tan harsatna a siam em tih ngaihtuah lek lovin, engvanginnge bengchheng pawh ni lo, a duh lo tan chhiar loh mai theih a kan post hi khap kan tum bik ang?
A taka ka sawi chuan ka nun hi a chhe zawngin ringtu inti ho zinga mite hian in siam ngei ang. UPC tak ngial pawh kan ramah hi chuan hmuhhniam chinna a awm hi hai rual a ni lo.
I duh leh i Pathian chu lo chhan la, lo veng la, lo bia la mahse i rinna tawmpui lo zawng anih vangin dik lovah ngai suh. Pathian ven ngai leh chhan ngai chu…..nep awm hle mai!!!
Report this comment
December 14th, 2012 at 12:06 am
Art-a,
Kristiante zingah hian nangmah ang hi an awm nual ang. Nangmah ang ka tih chu fanatic leh blind believers ho, Islam Jihadis ang deuh. Fuihpawrhtu awm chuan engpawh ti hreh lo leh Pathian tan a nih chuan ti a nunna hial la duh mai tur khawpa sakhuana khura lut kut kut hi in lo awm leh zauh thin a ni.
Report this comment
December 14th, 2012 at 11:10 pm
Thawn sual a ni thei em aw???
Report this comment