Tun tum chu thlasik rim nam lam post ve thung teh ang. Thlasik laia kan hman lar em em mai Meihawl rawh dan chungchang hi i zir ho teh ang aw. Rawh ve duh te tan tanpuitu, rawh ve duh lemlo tan pawh Engtiang chiah in nge meihawl hi rawh a nih thin tih kan hriat theih nan aw. Tin, meihawl rawh dan hi chi hrang hrang a awm ve a. Tuna ka sawi tur hi chu kan tleirawl chhuah hlima thianho a kan rawh thin dan a ni a. Khang hunlai khan meihawl tui thlawr kha kan ching hle a, litter 5 kha Rs.50 te in kan hralh ve thin.
Khaile, meihawl rawh tur chuan heng bungrua te hi i mamawh:
1. Chem hriam tak
2. Bawngtuthlawh leh suahdur
3. Buara/Sai ip
4. A halna tur
A pawimawh hmasa ber chu thing a ni. A tlangpui thu in thing tuah atana kan hman theih chi ho hi chu a rawh theih vek a. Thil erawh hi chu a hming ang chiah hi a ni mai a, a thil vek thin avangin a hlawk lo. Then, fah, khiang, sunhlu, thingsia te hi kan rawh tlangpui thin. Bag 10 vel daih tur khawp hi a ram a zir in ni khat vel thing kan kit tlangpui thin. I thing kih sa chu hlam chen vel lek in tan tawi leh la, meihawl khur a rem a awlsam phah in rem tam a awl bik thin.
Thing i kih zawh chuan i meihawl khur tur chu lai phawt la. Hmun zawl lutuk aiin tlem a hmun awih deuh thlan a tha. I thing kih tam dan azir in a khur tur hi i ti lian in i ti te mai dawn nia. A khur chhuat hi tlem a slope deuh a tih tur a ni a, a zawl lutuk hi a kang tha duhlo thin. Tin, a khur hi a lu lam a arh anga, a mawng lam a zuih tur a ni a. A mawng zuih hi feet khat vel a zau a nih chuan a tawk viau, mei chhem kai na tur a nih avangin a zim poh leh mei a kai rual dawn a ni mai. Tin, a lu lamah hian a meikhu chhuahna tur siam tur a ni a. A sir lam ah kaw 2 kan siam tlangpui thin. A khur len dan a zir in kan siam zau in kan siam zim mai thin. Thenkhat chuan a lai takah kaw 1 chauh te pawh an siam thin.
A khur i laih zawh tawh chuan i thing kih sa ho chu khur bul ah i pu khawm anga. Hei hi meihawl khur chhunga rem tawh tur a nih dawn avangin thing lian leh a te deuh dah hran a tha. A chhan chu thing te hi rem hmasak, a mawng lama dah hian a kan kai awlsam bik vang a ni. Nakin a thlan chawp leh ai chuan a put khawm huna dah hran nghal mai hi a awlsam thin. Thing i thiar khawm zawh tawh chuan a khur ah chuan felfai tak, indek thap a rem tur a ni a. A in dek lo lai leh awng deuh lai a awm chuan a kan that theihloh thin avangin tlema thing in si lo a awm chuan thing tuai in i hnawh phui vek dawn nia. Tin, thing te lam hi a kan kai hma avangin a mawng lamah leh a hmur, mei chhem tanna tur lamah i rem dawn nia. Thing te lam chu a chhuat phah ah i hmang phawt anga, i rem thlap hnu ah a lian lam chu a chung lamah i rem chho zel dawn nia.
Uluk taka thing i rem zawh chuan a thing hal kai i hmabak ta a. A mawng lam atanga hal tur a ni a, a fawh kai atan thing ro tha tam tak i chhep anga, i hal dawn nia.
Hemi hma hian thenkhat chuan a khur hi an chhin fel thin a. Hal hnu a chhin pawh a theih tho. I chhin dawn chuan thing hnah hring i lakhawm teuh anga, chu chuan i thing rem chu phui takin i chhin phawt dawn nia.
Chumi chung ah chuan i lei laihna vung kha meikhu chhuak thei miahlo tur khawpa chhah in i vur dawn nia. Chhilh phui vek tur a ni lova, a mei khuchhuah na kha chhin phui tel loh tur a ni.
I thing hal chuan thing hring chu a kan kai a, a ling a sen huam hnu ah chuan a meikhuchhuah i siam ah khan meikhu a lo chhuak vat vat tawh ang. A in ur kai thei ngei a i hriat hnu ah a hmalam i mei chhemna chu i chhin dawn nia. A hnuai a thlalak ami ang hian thing tuai kham chungah hnahthel i phah anga, chumi chung ah chuan phui takin lei vung i dah leh ang.
Hemi i tih zawh tawh chuan a lo kang pawp emaw, lei chhilh belh tur in emaw nikhat ah vawi khat vel i meihawl khur chu i tlawh anga. A kan zawh chin apiang kha lei a lo tla khuar zel anga. A tawp a tlak thlen hunah a vaiin i chhilh phui vek dawn nia. Hei hi a chhan chu meiling kha i chhin phui khan an thi vek anga, sa lutuk lovin meihawl i thur thei ang. I thur hunah a lu lam atangin i thur tan dawn nia.
Similar Posts:
- Anthur Um siam dan
- Earth Line ka siam ve, engnge a an ang aw!
- Fiamthu (in refresh nan)
- Mawng chhuichianna
- Pi leh pute damdawi hman ṭhin, US lamah an hmang!
December 10th, 2012 at 10:20 pm
ai nghal ila ni mai lawm..
Report this comment
December 10th, 2012 at 10:43 pm
Hm… tha hle mai. Meihawl an rawh dan chiah hi ka lo la hre ve lova..
Bengvar thlak hle mai
Report this comment
December 10th, 2012 at 10:51 pm
mi meihawl rawhsa lo inruksak case te hi a awm hial lo maw? post a ori lehpek e.
Report this comment
December 10th, 2012 at 11:06 pm
Va bengvar thlak ve. Rawh ve nghal ang.
Hmanah ka rawh ve tawh ka thiam lo khawp mai. Rawh leh dawn ila i ka thiam tawh khawp ang le.
Report this comment
December 10th, 2012 at 11:06 pm
Sangpuipa chu tawk peihawm loh eee! Haha..
Report this comment
December 11th, 2012 at 12:05 am
Khawnge ni ka’n contri ve ange.
https://www.youtube.com/watch?v=JdbHZRJWoAQ
Meihawl rawh pah a misual a post siam thei sawi chu awih em em tur.
Report this comment
December 11th, 2012 at 12:13 am
Ka post chu edit ka tum a, a lo chhuak daih tawh a nih hi.
Lamji, meihawl rawh pahin post ka siam tawh tak maw kha? 
Report this comment
December 11th, 2012 at 1:16 am
Sangpuiipa hi a chang leh ram kang a veng a, a chang leh thing a hal thul..
Report this comment
December 11th, 2012 at 6:29 am
Tha hle mai, mahse peihawm lo e
Report this comment
December 11th, 2012 at 8:19 am
A lem nen thlap, post tangkai leh tha tak anih hi. Thelret puan pawl lo lang ve khi enge a hman tangkaina? Tin thing khi a hring nge a ro?. Leia khuh/chhilh leh vek chuan, tih hlum palh a hlauhawm awm e. Good post
Report this comment
December 11th, 2012 at 8:44 am
@Pu Pk, thelret puan khi chu fur lai a nih avangin a chung ah silpaulin kan zar a, chumi kan thleh that chu a nia. A tangkaina chu ruahsur in a khur a tihhuh loh na tur a ni ber mai. Chuan thing hi a hring leh a ro a hman theih ve ve a. A hring hi a tha bik a, a ro nen chuan inthlau tak a ni. Lei a chhilh hi a hnuai ah hnahthel kan phah khian a veng a, a thi mai ngai lem lo.
Report this comment
December 11th, 2012 at 8:54 am
Lungleng ram mitthlaah a lang vawng vawng mai alawm mawle. Mit a tlai e, a lunglen thlak bawk
Report this comment
December 11th, 2012 at 9:04 am
ehe ku HV, i lo rawh ve thin elo?
Report this comment
December 11th, 2012 at 9:13 am
Sangpuiipa #13 rawh lo ve, ka pui ve zeuh zeuh tawh mai chauh a ni.
Report this comment
December 11th, 2012 at 9:27 am
Ekhaia! a va hahthlak ve! pheww!
Report this comment
December 11th, 2012 at 10:07 am
Meihawl rawh hi scientific deuh a nia,i thing sawì ho hi a tha hlawm khawp mai,meihawl atana thing tha k hriat ve chu thingkhawilu, thingri leh thingkha tih vel a ni.fahthing tak hi chu Aizawl ram velah hian hmuh tur a awm velo…a pic nen thlap a i rawn post hi i fakawm khawp in ka hria, Good post
Report this comment
December 11th, 2012 at 10:48 am
Thingtlanga awm e ti lo vin, meihawl rawh dan hi ka thiam miah lo nia. Tin, kan vengah khan thuk mei lum kan ai mai loh chu, meihawl hi kan hmang tehchiam lo..
Post tha leh hmuhnawm tak a ni
Thing erawh a uiawm mang e.. 
Report this comment
December 11th, 2012 at 11:19 am
Tuna ka ziah ho hi chu a tlangpui zawr zawr ania. Tha tak leh thiam taka rawh tur chuan a chhilh dan te, a khuchhuah atanga ven dan te leh thil tesep tam tak a la awm bawk.
Report this comment
December 11th, 2012 at 11:35 am
E he… meihawl rawh ka vawi khat hmuhna. A bengvarthlak mang e
Report this comment
December 11th, 2012 at 11:40 am
Mahse, thing tuai heti zat han hal ral chu ka ui mang e
Report this comment
December 11th, 2012 at 9:21 pm
A ngaihnawm e,hmanah ziak ve ka tum a,meihawl rawh dan vel hi;firsthand experience ka nei si lo va,mi zawh chawp a ngaih a vangin ka pamtul leh daih!
Report this comment
December 11th, 2012 at 10:52 pm
Thlasik lai hian heater aiin meihawl ai hi a lum nuam zawk daih nia mawle, hman deuh khan meihawl hi engtin nge an rawh ang aw ka lo ti ve mai mai thin. Meihawl lei fuh loh chuan a hing thei lutuk, an zunkhum thin ni ngei tur a ni. Ngaihnawm ka ti phian mai, vawi khat na3 chu tel ve a chak awm khawp mai.
Report this comment
December 12th, 2012 at 10:43 am
A ngaihnawm hle mai.
Meihawl hi ka rawh ve chiam tawh, a kan that loh leh ngeiawm, a kan that lutuk leh ngeiawm bawk, hui. A bag kan chhawpnaah ka la phur vam hum hum zui, thlan a tla tha duh rap.
Tin, tunah tak hian meihawl vam tha tak ka ai der der. 
Report this comment
December 12th, 2012 at 10:52 am
Pakhat leh chiah, vawikhat kan meihawl rawh tur thing kan rem zingah fu tlawn kan lo ti tel palh a, kan han thur chu kha fuhawl tluk a meihawl chang/char kha ka la hre lo, chem zang lama kan han khawn te hian a ri val val mai a, a tliak mai hauh lo nia mawle.
tren tren
Report this comment
December 12th, 2012 at 8:35 pm
@ku Chhuakling, a kang tha leh thalo kar a hla ngawt mai tiraw? A kan nat lutuk kha a tha bawk silo, a kan nat loh a tha bawk silo. A tawk te a adjust thiam a ngai ve tlat. Fu hi ka la rawh tel miahlo a, tih ve chhin tur a nih chu. Sunhlu te pawh hi duap zet anga lang hi a chang tha duh phian nia.
Report this comment
December 13th, 2012 at 8:21 pm
Report this comment
December 16th, 2012 at 2:14 am
ka lung a lo leng ve deuh ringawt, ram hnuai lam hian ka lung hi a tileng ber nia mawle, experience erawh ka nei miahlo thung. Hman ah chhingchhip ah Japanese ho in an Teknik a rawh an zirtir lai ka hmu ve tawh, tah chuan thing tha an hmang phal miahlo, mau bugn tawi te te leh thing tum bung, eng atan mah a hman tlak tawh chuangloh ho chiah an hmang a, a tha em em tho mai nia.
Chuan ni engtia rei nge rawh ngai i sawi tello, kar khat vel em ni?
Report this comment
December 16th, 2012 at 2:15 am
A rawhna tui chu eng atan nge a thatna, damdawi em ni aw?
Report this comment
December 16th, 2012 at 2:19 am
Hei ai chuan tunlai chu bati siamdan leh Lead/acid battery siamdan ka tuipui zawk mawle, ka google vak vak mai a ni. Bati ah chuan khuaibu (wax) hi a vang awm si a,tha ve deuh, awm mai si in hre miah lo maw?
Report this comment
December 16th, 2012 at 8:42 am
29@zoho, kan naupan zual lai kha chuan krismas lai hian bawng thau hmangin kan siam thin. Khaini leh siai burah kan dahkhang a lachhum kan chiah a, a alh ve tung tung thin kha maw.
tren tren
Report this comment