mi(sual).com

1) …… kan pipute atang tawhin mo hian a nu leh pa lam ama thua a tlawh fo hian mawi lo leh zahthlak, a nu leh pate tan pawh zahthlak a ni a, nupa inkar tha lo lantirna hiala sawi a ni thin a. Mizo hnamdang pasal nei tam takte hi an pasalte Matrimonial society an ni ngawt te anih loh chuan an chhungkua zawng zawng Mizo society ah an awm vek hi a dik angem le?

2) ….. zu zuar leh ruihtheih thil ti te, uirete  chu an fate thlengin kan endawng em em thin a, amaherawhchu, Isua’n Bible a uire a tih ah hian tupawh ngaihmelh chaka hmeichhe thlir tihah hian kan bang bik angem le? Sum ngainat hi sual tinreng bul a ni a ti a, mite hriat lohva mirethei sum tam tak eiru a, kohhrana eiruk sum tam tak chhunluh avanga a sir zawnga Pulpit melh pha te hian inthlahrunna tur an nei angem le??

3) …… min hmangaihtute chauh kan hmangaiha, kan chunga tha te chungah chauh that kan chhuah hian kan that bik vakna a awm hauh lo mai. Chungte chu misual ber ber pawhin an ti thin tlat. Hmelma te hmangaih a, tiduhdahtu tana kan tawngtai hi kan zui Pathian min phut dan a ni miau mai si a. Zu ngawlvei leh ruihhlo ngai, i tana hlawkna awm pawha i hriat lem loh i tanpui kha Pathianin hmana misual ber, nang leh kei, tenawm leh anchhedawng tawh hnu chhanchhuah nana a thil neih hlu ber, a neihchhun fapa mal a  pek khan a lo ti daih tawh asin…

4) …… mite tanpuina kan peka, LPS youth icon ah te entute hne em em khawpa kan puanzar tir te, tanpui ngaite tanpuina atana kan sum thawh kan tlangaupuite, Kohhran thawhlawm thawhdan mi zawng zawng hnena kan tlangzarpuite, kohhran mipui zawng zawng hmuh laia ip thawl deuha thlak leh ip puar lawiha thlakte an insulpel nuk nuk hi Bible zirtirna nen a inkalh deuh lo maw? “In thiltha tihte mi hmuh atan, mihring mithmuha ti lo turin fimkhur rawh u; chutilochuan in Pa vana mi hnenah chuan lawmman in nei lovang” tiin a lo ziak diam mai si a. Hei vang hi em ni, van lawmman ngaihtuah lek lohva khawvel ropuina hi kohhran pawh hian a zawn fo thin le???

5) …… Mizo zu local cheng 100 vela ruih theih a awm a, a siamtute leh an siam dan pawh kan hmuh reng laia,  zu sen phut, vaiho takngial pawhin hnathawk/labourer ho in tlaka pawh an ngaih loh “Sakawr zu” cheng 150 vela ruih theih tawk tur hi kan hmuh taih em em le?? Mizoramah zu chhe in avanga thi puk puk sawi tur a awm loh laia, thenawm state ah nikhatah mi 250 te zu avanga an thih puk pukna hmuna an tihdan awt a, mahni awmna hmuna dan sit ngawih ngawihna rilru hi a mak i ti ve tho em?

6) …… mi rethei leh chanhaite, TNT naupangte tanpuina tih angreng vela sumkhawn, lucky ticket leh concert tam zawk hian an sum hmuhte hi an hrawkah an chhung liam chawk asin. Midang bum satliah mai pawh duhtawk tawh lova, hnuchham leh riangvai, chanhaite hmaikawra hmanga mahni tanghma hai ngam kan awm ta sup mai te hi eng kan ti ta nge ni le???

7) ….. public forum ah pawh mahni ngaihdan leh thudik pawh tan ngam lova, auchhuahpui ngam lova a hniak tam lam apiang zui leh inhmelhriat leh inkawmngeih case avanga thu tha tak tak pawh up bo mai mai hian hmaichhanah hian a Chhandamtu chu sawi loh, thudik a martar pui ngam i ring em??

Similar Posts:

• Kan awm angem?
• Nungcha vs Mirethei
• Aizawl Thunder-te an che
• Mizoram hnar kaitu atan Mi Huaisen kan mamawh! Tunge ni ang?
• I ni ve em?

Recent Posts:

• NANG NEN NGEI HIAN
• June 2017, Mizo(ram) diary
• MIZORAM POLITICS A PARTY TE INCHIRHTHEHNA TAWP THEI LO: KAWNG CHHIA “MNF hovin anmahni mawng an hlim”
• Dawihzep
• CALL GIRL AN TI!

This entry was posted on Wednesday, December 12th, 2012 at 8:34 pm and is filed under Opinion. You can follow any responses to this entry through the RSS 2.0 feed. You can leave a response, or trackback from your own site.