Christmas chungchang bih chiang deuh ang aw.
Tunlai khawvelah thuruk hi a awm thei tak tak ta meuh lo mai. Sap hovin ‘Transparency’ an lo tih ang hi ani ta deuh vek mai. Special Report-ah pawh Christmas(Krismas) lo pian chhuah dan chungchang Post ani a, sir khat atang ringawta thlir chuan, mi tam tak a tihnual thei dawn tlatin ka hria a, Chiang zawkin I han bihchiang dawn teh ang:-
A hun : Kan Bible a Isua Pian chungchang ziak tute hian, a piankum tak an ziak lem lo va, chuvangin rinthu mai lo chuan, ani leh kum dik tak hriat fuh a har tawh hle mai. Amaherawhchu, a pian laia Lal 2 hming langte Rome Lal Caesar Augustus (27 BC – 14 AD) leh King Herod The Great (37 BC – 4 BC) te atanga han chhutin, a pian kum dik tak hi BC 4 hnu lam ani theiin a lang lo. Heroda Ropuia hi Nausen a suat hnu lawk khan a thi ta thuai a, A fapa Herod Archelaus an a thlak a, Heroda a thi tih an hriat avangin Josefate Aigupta rama raltlan pawh kha, Judai ramah rawn kir leh an tum a, amaherawhchu, a fapa Arkelausa(Herod Archelas) a Lal tih an hriatin Galili-a Nazareth khuaah an awm ta anih kha.
Tin, a ni(date) chungchangah phei chuan, ngaihdan a saisa lehzual; The De Pascha Computers’ Document chuan March ni 28 anih an ring a, Bishop Clement-a khan November ni 18 anih a ring a, Fitzmyer phei chuan BC 3 na September ni 11 anih a ring nghe nghe a ni. Fitzmeyer rindan hi pawmpuitu an tam hman hle laiin, Heroda liana thih hun nen a inmil lo deuhva hriat ani leh ta deuh a, BC 4 na hi an ring ta deuh ber a ni.
Krismas hman anih tan dan chu le: Isua pian atanga kum 300 vel zet chhung chu Krismas hi hman ani lem lo va, Tin, Kristiante dinhmun a hlauhawm em avangin hman ngam pawh ani vak lo ang. Krismas hman hmasak ber kum chu AD 336 a ni a, a hnu deuhah Pope Julius-I an Official-in hman chhunzawm tur tih a puang ta a ni.
Engati nge December ni 25 hi hman a lo nih?:
1. Chhui dan pakhatah chuan Vantirhkoh Gabriel-an Mari a rawn biak ni kha March ni 25 ni a hriat a ni a, Chumi atanga chhuta thla 9 na December ni 25 hi an rinzawn a ni.
2. Juda ho kha Babulon a rei tak an Sal tan chhung khan, Kut an hmang thei thin lova, hrehawm an ti em em thin a, Tichuan an saltanna atanga an han zalen tak khan, Jerusalem ngeiah zalen taka YHWH an biak leh theihna hmasa ber chu “Eng Kut”(Hanukkah) an tih hi a ni a, chu chu anmahni thla Kislev ni 25 naah hman tan ani thin a, Chumi Kislev leh December hi a in ang a, Tichuan, Chumi Kut an hman tanna ni chu, Isua Krista Piancham atan an lo thlan phah a ni.
3. Rome Emperor Augustine-an Kristiante dodal lova, Rome Empire a an Official Sakhua ang hiala a lo puan khan, Rome ho khan thawk leh khata, Kristian (Juda) Culture-a inleh thut kha an khawr hle mai a, an rilru lama Piantharna tak tak nei silo khan, Emperor thu zawm a Kristian Sakhua serh leh sang te zawm a lo ngai ta a, an khawr em em a, harsa an ti em em a ni. Harsa an tih chhan zualkai ber leh thlah harsa an tih ber chu, an Kut pakhat SATURNALIA an tih chu a ni.
Saturnalia awmzia chu “Hneh theih loh ni fapa piancham” (Dies Natalis Solis Invicti) tihna a ni a, December ni 21 leh 22 hian a in tan a ni. Chumi awmzia chu, December ni 21 leh 22 hi kumkhat chhunga ni rei loh ber anni a, hemi hnu lam hi chuan, Thimna a kiang a, ENNA in ro a rel tan an ti a ni.
Tichuan, Rome mite harsatna chi hrang hrang leh an Culture thlak a Juda Culture-a in adjust harsa an tih zia te an hrethiam a, Augustine-a te chuan, Kristianna chu Juda Culture ang khera kalpui lova, Rome Culture mila kalpui a tha dawnin an lo hre ta a. A tirah chuan he Rome ho Kut Soturnalia hi ei leh in lam leh Hurna lam nen a inkungkaih tlat a, chuvanga thlah mai harsa ti em em an ni reng a, Constantine-a te chuan, a tir atanga Strict nghal lutuk lova, an Culture chu han pawmsak phawt a, Kristian an nih ngheh hnu a, zawi zawia siam that theih an inbeisei a ni.
Amaherawhchu, Kristianho khan, kha Soturnalia kha Kristian hming emaw, Kristian thil engemaw nena inkungkaihna a neih si loh chuan, awmzia a nei hian an hrelo em em mai si a, Tichuan, December ni 25 chu Isua Krista Piancham angin an lo pawm a, an lo lawm ta a ni.
A tirah chuan, Christmas chu Rome Culture khawvel tak nen chuan a kalkawp deuh niak niak mai a, a dam khawchhuak (survive) lo teuh hle a ni. Nimahsela, Saint Augustine-an Kum zabi 6 naah khan England lamah a zuk chhunzawm ta a, a lo thianghlim deuh hret hret a, Mahse, King James Bible alo chhuah khan, a biblical lo a hriatna alo awm thar leh deuh a, Puritans ho leh Massachusets ho phei chuan an hnawl hmiah a ni. Amaherawhchu, Bible Version thar dang alo chhuak zel a, Tin, a hman dan a lo thianghlim ta tial tial bawk a, Rome ho meuh pawhin an hmandan hluite kalsan tial tialin a hnam pumin Kristian an lo nih phah ta a, Tichuan, Europe ram hrang hrangah leh khawvel pum puiah alo darh zau ta zel a ni.
A tlang kawmna: Missiologist ho chuan, Kristianna hi a hrilhtu Missionary-te khan, anmahni Culture ang emaw, Juda Culture ang khera zawm tir an tum chuan, a chak lova, an khawr a, Ramdang sakhua anga ngaihna an lo nei a, Kristianna kha a thang thei thin lo niin an hria a, tunlaiah phei chuan, a theih chin chinah an va thawhna mite Culture mil thei ang bera thanlen tir, (an va thawhna leilung ngeia to tir) an tum tlat tawh a ni. Kristian hmasate hi an lo fing viau mai a, Rome mite Kha an hneh chuan, Khawvel hneh tluk anni dawn tih hriain, Rome Culture mil thlap maia an lo her rem kha an fing viau a ni. Kristianna pawh kar lovah Khawvela Sakhaw zuitu ngah ber alo nita a ni.
Amaherawhchu, Kha tactic kha hman sual erawhchu a hlauhawm viau mai, Keini Mizo Kristian thalaite pawh hi I thangharh ila, Pathian fapa keimahni mihringte anga alo pianna kan lawmnaah hian, Kan hmanlai Kutni vangthla leh Chawngchen zana an awm dan thin anga hman chhunzawm kan tum anih chuan a fuh hauh lovang; Hmanlai Rome mi(ringlo mite) anga huau huau leh HURNA nena chawhpawlha Setana lawm zawng siam nana hmang lovin, Pathian Chawimawiin, Kan thinlungah Isua Krista hi PIANTIR tum ta theuh I la, Setana leh Thlarau sualho chu kan va han ti DAW-HA dawn em. Setana leh Thlarau sualho hi pawngpaw hlauh tur anni lova, zuam sual tur pawh anni hek lo. Christmas hi Kristiante hian kan thlauhthla thei tawh hauh loving, amaherawhchu, a hman danah kan fimkhur deuh deuh a, “Pathian lawm zawng eng nge ni ang?” tih mahni leh mahni inzawt chunga kan hman a pawimawh khawp mai. Mizo Website hrang hrang leh Fb Group thenkhat ten miharsate tanpui nana an neih ang tawk tawk an thawhkhawm te, Concert leh Carol an siam a, miharsate an tanpuite hi a va Christmas tak em. Kumin Krismas pawh hi Setana lawm zawnga hmang mai lovin, kan vela tanpui ngai leh miharsate tanpui nan hman theuh tum teh ang u. Kan Lalpa Isua Krista hi theihnghilh lovin, he a puala hunpuiah hian Kan thinlungah Isua Krista hi lo piang thar lehin lo Lal ber rawh se. Amen.
Similar Posts:
- Kraws
- Chanchin Ṭha (Gospel) ziaktu te.
- I Phatsan thin em ? (Pathian Ni pual)
- Lazydog’s “KRISTIAN RAM ANI SI A”
- Lal Isua Zui Tan Tawrh Tur A Awm!
December 16th, 2012 at 2:14 pm
Para tawp tlar 2na a, I thangharh ila tih ka chhiar thlen hma chuan a ngaihnawm ka ti hle mai a, ka’n chhiar thlen chiah chuan ka chhiar chhuak lo law law tep a ni e. Mizo tawng diklo tawp a ni e.
Chuan a bengvar thlak hle mai. Gud post
Report this comment
December 16th, 2012 at 2:17 pm
Ri loh deuh in First ah ka’n sawisel zauh chu le………
Report this comment
December 16th, 2012 at 2:52 pm
Ngaihnawm bon top.
Report this comment
December 16th, 2012 at 4:00 pm
Special Report post ah sawn a chiang viau mai. Keichu ka xmas hi support tawh lo, a nghawngah hian a thalo atam zawk tlat chhan hi ngaihtuah chian a ngai.
Report this comment
December 16th, 2012 at 4:11 pm
PKfanai chuan a ziak ngaihnawm hle mai. Chhiar a nuamin a bangvar thlak ani.
Mahse tute chiahin nge March 25, ah Vantirkoh Gabriela’n Nula thianghlim Mary a rawn bia, tih an hriat theih? Calendar bangah an tar hmel si lo. Chu bakah Isua pian zan kha thlasik lai anih ka ring lo riau. September 11 (2001 hma daihin) nia an rin khi a awm deuh berin ka hria.
Report this comment
December 16th, 2012 at 4:22 pm
Theological College a thil zir leh chhui zawng zawng hi, Mipui vantlang hmaa puanzar vek hi a tul ber lo hian ka hre thin a. Amaherawhchu, tunlai khawvelah miten Internet atangin an duh duh an google chhuak zung zung a, an tanna support turin an duh lai lai leh an duh chin chin an lachhuak a, an Post zung zung tawh mai si a, Ka sawi duh loh lam sawi a ngaih ve phah ta anih hi.
Report this comment
December 16th, 2012 at 4:24 pm
“Missiological Approach/Perspective on the Origin of Christmas” a tih ve theih mai ang chu. Thlirna tarmit azir zir hian kan thil hmuh inang reng pawh hi a danglam daih thei thin a.
Report this comment
December 16th, 2012 at 8:19 pm
AD 381 ah Mari Biakna a lo intan a, Easter serhnate, Tawngtai thi(Rosary) hman te, Tammuz hming bul T aiah Kross ngainatna te leh Tammuz piancham December 25 Krismas atana hmante a lo ni ta zel a. Bible thu kalh vek chung siin Kristian an inti ve thova, mihring inzirtirna a bum thlukin kan awm zota a ni.
Babulon mite chuan Tammuz hming bul ‘T’ an ngainain Kross ngainatna lo chhuahna tobul a ni. (Tammuz chu Rom mite chuan ‘Mitthra’ an ti a, Dec 25 hi a piancham an lawm thin ni chu a ni.) Keini ve thung chuan Christmas anga kan hman hi a ni tihna a ni tih hi ka hriat ve dan leh ka chhiar ve dan chu a ni e.
Report this comment
December 16th, 2012 at 8:27 pm
Luka 2:1-2, ah hian Lal Isua Pian Kum & thla & ni te hriat theih dan pakhat (clue/eye opener) a awm a, “Suria rama Kurinia Ram Awptu a nih laia hming ziak hmasa ber chu a ni” tiin. Mahse, Qurinius-a leh zel pawh hi a chanchin a chiang hlei thei lova, thu a saisa nuaih mai a. Ka Lehkhabu “Bible Chronology”-ah pawh ka ziak lang nghe nghe a ni.
Ka Laptop leh kan Office WiFi zanin chu a chiang lova, ka thu chhut tawh sa a bo zel, Remchangah ka la tuihnih leh zawk ang e.
Report this comment
December 16th, 2012 at 8:47 pm
I rawn sawifiaha, a lawmawm e. A rukin ka lo buai zeuh zeuh thin a.
Report this comment
December 16th, 2012 at 9:35 pm
Lal Isua ka tana a lo piang hi ka lawm lo tihna ni loin Christmas lawm bung bung mai hi a ho ka ti ta hle a ni
Report this comment
December 16th, 2012 at 9:52 pm
Dr.John, Herod the Great thih kha, BC 4 anih chuan, Isua pian chu BC 5 chu a rinawm khawpin ka hria. Tunlai thangthar ho an fingin an dilchhut tawh si a, thil chhuia han insawrbing vak hi kan hna nen a inrem ve vak silova, nangni Academic line lama kala, a vawrtawp thlengte hian chhui chhuah ngei han tum teh u. Quinius leh Augustus te hunlaia Census kha chhui chhuah/chian a ngai niberin a lang.
Report this comment
December 16th, 2012 at 9:57 pm
Dr. john nia, i chhui chhuah i in ring ve em? nge chhui chhuah tum ringawt zawk.
Report this comment
December 16th, 2012 at 10:37 pm
Thil hriat chian loh chuan, thil reng reng hi a buai thlak
a nih hi.
Report this comment
December 17th, 2012 at 12:24 am
# Emperor hi Constantine-a a ni zawk lo maw aw, article tha tak a ni e.
Lal Isua pian ni hi a diktak hi hriattheih a ni lo a, December ni 25 pawh hi a nih a rinawm chuang loh a ni. Amaherawh chu Lal Isua piancham kan lawm a kan hlim hian Pathian pawh a lawm in a hlim ve ngeiin ka ring, a chhan chu ringtute hlim a kan lawm hi tisa thil tak pawhin Pathian kan ti lawm thin a ni. Hei hi Krista ruai tak tak chu a ni.
Puritan ho Calvin-a zirtirna pawm ho khan kum zabi 16-na lai vel khan Krismas leh Good Friday an serh ngai lova, material thil tam lutuk vang a ni deuh ber mai. England leh Scotland a Puritan Government din lai kum 20 chhung chu krismas hmang lovin an awm a ni.
Chrismass hi thenkhat chuan X-mas tiin an ziak mai thin a, hei hi lo ngai khawlo tak tak kan awm thin, hei hi a dik chiah lo a ni. Greek tawng a Xi o X( Chi) hi Christos or Christus lamtawi atan hman a ni thin a, entirnan Roman symbol pawh XP ( ChR) anih kha. Chuvangin lo helh vak tur a awm hran lo, tawng bul deuh zawk a ni e….
Report this comment
December 17th, 2012 at 5:58 am
Christmas hi kristiante tan chuan hun pawimawh ber pakhat a ni a, kumkhat chhungin vawi khat chiah a thleng thei a. Keini kristian te chuan vawi khat tal chu kan lawm dawn tho tho a. Eng ni pawh hi Christmas ni atan ruat ta se, a pawi hleinem. December ni 25 an lo ruat te hi, a vawt viau na a, a fuh riau asin.
A ni leh thla an chhut chhuah dan lam hi chu ka engto vak lem lo.
Report this comment
December 17th, 2012 at 6:10 am
Caribou
Fb lamah Christmas hmang ve lo ho an tangrualin an pawr riau a, keini lam hi kan ngawi deuh thuap mai a. V.l.Hminga 
Report this comment
December 17th, 2012 at 6:17 am
An duh loh leh hmang lo se a ni mai alawm. Chutia pawr vak a ngai hleinem. Keini a duh leh thlahlel ngawih ngawih ho hian hlim takin Krismas kan lo hmang anga a ni mai alawm.
Report this comment
December 17th, 2012 at 6:54 am
Special Report ah Post an siam a, an inti pauchang riau a, He post hmang hian a chhanletna ka siam a. Hetiang hunah hian kan berampute hi ka duh aiin an ngawi thei tlat thin a, tlawm hi an ang riau thin a(Fb a/c nei an tam tho si a).
Report this comment
December 17th, 2012 at 8:16 am
Good post
Report this comment
December 17th, 2012 at 8:25 am
Tukchhuah nuam vek u le
Post BVT 
Report this comment
December 17th, 2012 at 9:57 am
Hriatzau hi a hluin a tangkai, chutih rualin hriat tam lutuk pawh hian min tibuai ve thin em le?
Caribou sawi ang khian, hre reng chunga lawm duh lo chuan, lawm lo mai se; a duhin tangkai leh hlawk takin lawm ila. Kan thinlungah hian Isua Krista hi nitin paingtharin hmun zau zawk luah zel se a tha maiin ka hria…
Report this comment
December 17th, 2012 at 11:01 am
Ka khek khal char char a, duhthusam leh kher mai. Setana huatzawng ngei anih dawn hi.
Report this comment
December 17th, 2012 at 7:01 pm
Pk@17……keimah ka lo inngaaihbel deuh mai asin..
ka rawn telve a chin ah khan i pilbo ta hmiah si a, i tlanchhia a ni chiang mai…. akekeke.. (:fiamthu:)
Gabriela’n Mari a tlawh kha Dec 25 hi a ang a, Yahshua pianni diktak hi Tishri 10, Yom Kippur a ang ber mai, chu ni chiah chiah chu a lokal lehna ni a nih lehzel hmel bawk, a kum pawh 2016 a nih hmel bawk. YHWH’s Feastdays te hi tih na mai mai an lo ni lo tawp mai, Yahshua Map an lo ni reng alawm mawle.
A ni leh darkar leh Pa chauhlo chuan a hrelo tih kha chu a dan deuh hmel e. Khawvel tawp leh Second Coming hi thil thuhmun anni lo tlat.
Report this comment
December 17th, 2012 at 7:36 pm
^Unaupa hi thil i chhui dawn peih si a, i hnu pawr rawn chhui a ngai fo ang tih a hlauhawm, duh loh thleng thleng a sawi ve te a ngai dawn a, misual member hlun i nihna leh i thahnem ngaihna hi a zahawm ka tia, fb lamah hi chuan ka avoid deuh che a ni.
Report this comment
December 20th, 2012 at 10:12 pm
PK a tha khawp mai,
” 3. Rome Emperor Augustine-an Kristiante dodal lova, Rome Empire a an Official Sakhua ang hiala a lo puan khan,…” tih khi ka confuse deuh …Emperor Augustine a ni chiah em aw…
” Constantine was the first emperor to *accept* Christianity but he did *not* make it the official religion of the Roman Empire. Constantine did put a stop to Christian persecution, returned Christian property from pagans and reduced support for pagan religion.
On February 27 380 Theodosius I “… declared “Catholic Christianity” the only legitimate imperial religion, ending state support for the traditional Roman religion.”
This was over 40 years after Constantine had died…. ”
….ti hawi zawng hian ka lo hre thawi ve a..
KRISMAS CHIBAI U
Report this comment